Morgunblaðið - 27.09.2003, Blaðsíða 4
FRÉTTIR
4 LAUGARDAGUR 27. SEPTEMBER 2003 MORGUNBLAÐIÐ
ÁRNI Magnússon félagsmálaráðherra sagði í
ávarpi sínu á ársfundi Vinnumálastofnunar í gær
að ef það reyndist satt að fyrirtæki á Kárahnjúka-
svæðinu greiddu ekki erlendum starfsmönnum sín-
um laun í samræmi við gildandi kjarasamninga,
væri það í sínum huga „ólíðandi framkoma með
öllu“. Brot gegn samningum eða lögum yrðu ekki
liðin. Með því væri verið að grafa undan gildandi
leikreglum á íslenskum vinnumarkaði. Hins vegar
yrði að gæta sanngirni í umræðunni, á meðan sekt
væri ekki sönnuð teldist hún ekki vera fyrir hendi.
Árni sagði að brot á samningum veikti sam-
keppnishæfni íslenskra fyrirtækja, auk þess sem
Íslendingar, sem þekktu rétt sinn, myndu lúta í
lægra haldi fyrir „ódýru“ innfluttu vinnuafli. Meg-
insjónarmið um velferð og lífskjör í velferðarsam-
félaginu væru í húfi ef leikreglur væru brotnar með
slíkum hætti. Það gengi ekki upp í hans huga. Á
sama tíma yrðu menn að vera sanngjarnir.
„Upphlaup eða ótímabærar og hástemmdar yf-
irlýsingar stjórnmálamanna í fjölmiðlum þjóna
ekki þeim tilgangi að leiða mál til lykta, sem ágrein-
ingur er um. Slíkt er eingöngu til þess fallið að
þyrla upp moldvirði og skapa óvissu. Ákveðnir að-
ilar ganga lengra í þessum efnum en aðrir, eins og
þeirra er von og vísa, því miður. Slík vinnubrögð
þykja mér klén. Það eru of miklir og víðtækir hags-
munir í húfi til þess að réttlætanlegt sé að þau séu
ástunduð,“ sagði Árni og minnti á að um stærstu
framkvæmd Íslandssögunnar væri að ræða. Hana
hefði borið brátt að þrátt fyrir langan undirbúning.
Löggjöfin til skoðunar
Félagsmálaráðherra sagði að á fyrstu skrefum
framkvæmda hefði verið bent á margt sem betur
mætti fara. Fyrirtækin hefðu í flestum tilvikum
brugðist við þeim ábendingum, s.s. varðandi að-
búnað starfsmanna. Ekki hefði hins vegar til þessa
verið sannað með óyggjandi hætti að fyrirtækin
brytu gegn kjarasamningum eða íslenskum lögum.
„Ég vil hins vegar taka það fram að fyrirtækin og
forsvarsmenn þeirra verða að mínu mati að taka
sér tak í samskiptum sínum á vinnumarkaði, bæði
við starfsmenn, verkalýðshreyfingu og eftir atvik-
um stjórnvöld og brot gegn samningum eða lögum,
sannist þau, verða ekki liðin,“ sagði Árni.
Ráðherra upplýsti ennfremur að hann hefði í
hyggju að láta fara fram skoðun á þeirri löggjöf
sem gilti um þessi mál hér á landi. Sambærileg lög-
gjöf ríkja á EES-svæðinu yrði höfð til hliðsjónar en
þau hefðu mörg hver glímt við „sambærileg vanda-
mál“.
Árni Magnússon á ársfundi Vinnumálastofnunar um Kárahnjúkavirkjun
Brot gegn samningum eða
lögum verða ekki liðin
Morgunblaðið/Ásdís
Árni Magnússon félagsmálaráðherra flytur
ávarp sitt, við hlið hans er Hrólfur Ölvisson,
stjórnarformaður Vinnumálastofnunar.
VINNUMÁLASTOFNUN hefur áfram til skoð-
unar þau gögn sem Impregilo skilaði inn á
fimmtudag um launakjör erlendra starfsmanna
við virkjunina. Gissur Pétursson, forstjóri
Vinnumálastofnunar, sagði að meðal þess sem
fram kæmi í gögnunum væri að rúmenskir og
tyrkneskir starfsmenn undirverktakans
Edilsider vildu ekki fá laun sín greidd inn á ís-
lenska bankareikninga, líkt og Impregilo hefur
heitið að gert verði.
Gissur sagði launaseðla sýna að þessir starfs-
menn undirverktakans hefðu um 220 þúsund
kr. í laun á mánuði að viðbættum orlofs-
greiðslum. Þetta væri fyrir tíu tíma vinnu á
dag, sex daga vikunnar. Í fljótu bragði virtust
þessi laun í samræmi við þær upplýsingar er
lágu frammi við útgáfu atvinnuleyfa fyrir
starfsmennina.
Áfram fundað milli
samráðsnefndar og Impregilo
Fulltrúar samráðsnefndar um virkj-
unarsamninginn við Kárahnjúka og fulltrúi
ítalska verktakafyrirtækisins Impregilo ræddu
saman á fundi í gær þar sem rætt var frekar
um yfirlýsingu verktakafyrirtækisins, sem hef-
ur heitið því að virða virkjunarsamninginn.
Niðurstaðan var sú að halda áfram að hittast
og hefur nýr fundur verið ráðgerður á mánu-
dag. Þá munu forystumenn ASÍ einnig eiga
fund eftir helgi með forstjóra Landsvirkjunar
um kjaramálin við Kárahnjúka.
Vilja ekki launin
inn á íslenska
bankareikninga
Á EYJÓLFSSTÖÐUM í Vatnsdal
hafa fundist bein af manni og
hesti, en þau fundust þegar verið
var að endurnýja gólf í kjallara
bæjarins. Að sögn Þórs Hjaltalín
minjavarðar á Norðurlandi vestra
er hér að öllum líkindum um þús-
und ára gamalt kuml að ræða.
Beinin sem fundust við upp-
gröftinn eru ótrúlega vel varð-
veitt en ljóst er að átt var við
kumlið árið 1913 þegar hafist var
handa við byggingu íbúðarhúss á
Eyjólfsstöðum. Staðsetning bein-
anna bendir til þess og auk þess
er til á Þjóðminjasafninu haus-
kúpa sem send var frá Eyjólfs-
stöðum um það leyti sem bærinn
var byggður. Aðspurður hver hafi
hér borið beinin kvaðst Þór lítið
geta sagt en ólíklegt væri að
kumlið væri frá Eyjólfsstöðum því
í elstu heimildum er Eyjólfsstaða
ekki getið en bæði Hvammur og
Hof í Vatnsdal koma við elstu sög-
ur. Þór taldi að flest bein væru
komin í leitirnar en menn myndu
halda eitthvað áfram til að leita af
sér allan grun.
Gott að leggja sig í eldhúsinu
Ingvar Steingrímson, sem bjó á
Eyjólfsstöðum í rúm 40 ár en
hætti búskap árið 1995, segist
aldrei hafa orðið var við forn-
manninn sem hvíldi í gólfinu rétt
framan við eldhúsið þó svo að allt-
af væri ókyrrð í gófinu. Taldi
Ingvar að asparræturnar væru
farnar teygja sig undir bæinn og
lét kyrrt liggja. Ingvar sagði að
þegar hann hafi lagt sig í eldhús-
inu eftir hádegismatinn þá hafi
hann aldrei sofið betur og bætti
því við að öllum sem búið hafa á
Eyjólfsstöðum hafi liðið vel þann-
ig að nærvera fornmannsins trufl-
aði í engu. Ingvar sagði að bærinn
héti eftir einhverjum Eyjólfi sem
enginn þekkti og spurður að því
hvort hér gæti verið kominn Eyj-
ólfur þessi, gat Ingvar í engu
svarað en ef svo er þá er Eyjólfur
að hressast.
Fornt kuml fannst í kjallara á Eyjólfsstöðum í Vatnsdal
Með 1000 ára kuml í eldhúsgólfinu
Blönduósi. Morgunblaðið.
Þór Hjaltalín, minjavörður á Sauðárkróki, hefur rannsakað kumlið á Eyjólfsstöðum, en beinin eru vel varðveitt.
Morgunblaðið/Jón Sigurðsson
FERSKAR afurðir hafa lagt fram
stjórnsýslukæru vegna skipunar Þór-
ólfs Gíslasonar í nefnd um vanda
sauðfjárbænda, en Þórólfur er for-
maður nefndarinnar. Landbúnaðar-
ráðherra skipaði í nefndina í upphafi
mánaðarins. Telja Ferskar afurðir
Þórólf óhæfan til setu í nefndinni þar
sem aðstæður séu nú þannig „að
óhlutdrægni hans megi draga í efa
með réttu, varðandi þau ráð sem hann
á nú að gefa ríkisstjórninni til lausnar
vanda sauðfjárbænda“.
Bent er á það að Þórólfur sé for-
svarsmaður sláturhúss og kjötvinnslu
sem tekið hafi við eitt hundrað þús-
und dilkum til slátrunar nú í haust
þótt fyrirtæki hans ráði ekki yfir
nema tiltölulega litlum hluta markað-
arins. Við þetta kjöt geti hann ekki
losnað nema ganga á hlut annarra
sláturleyfishafa. Fyrirtæki Þórólfs
þurfi því örugglega á sértækum að-
gerðum eða aðstoð að halda til að
koma kjötinu á markað svo það kom-
ist hjá stórtapi en af því leiði að veru-
leg hætta sé á að Þórólfur reyni með
tillögum sínum til ríkisstjórnar, að
koma höggi á aðra sláturleyfishafa,
sem standa í harðri samkeppni við
fyrirtæki hans. „Það skjóti því skökku
við að skipa Þórólf til nefndarinnar
við þessar aðstæður og sé beinlínis
ólögmætt,“ segir í kærunni.
Ásakanir um ítök í Kaupþingi
Búnaðarbanka
Þá segir einnig að stjórn Ferskra
afurða telji að Þórólfur eigi stóran
þátt í því á bak við tjöldin að gera
Ferskum afurðum erfitt fyrir og það
hafi hann getað vegna ítaka í Kaup-
þingi Búnaðarbanka. Staðan sé því
klárlega sú að fyrirtæki undir stjórn
Þórólfs standi í harðri og óvæginni
samkeppni við önnur fyrirtæki sem
keppi á sama kjötmarkaði með kinda-
kjöt og öllum brögðum sé beitt. Á það
er og bent að vandi sauðfjárbænda
snúist öðru fremur um markaðsmál
og ljóst sé að aðrir nefndarmenn eins
og Ari Teitsson, Drífa Hjartardóttir
og Jóhannes Sigfússon hafi litla þekk-
ingu þar á og því ljóst að Þórólfur hafi
undirtökin í nefndinni hvað varði ráð
sem ríkisstjórnin grípi væntanlega til.
Draga óhlut-
drægni for-
mannsins í efa
Stjórnsýslukæra vegna skipunar
nefndar um vanda sauðfjárbænda
Í TILKYNNINGU frá Flug-
leiðum til Kauphallar Íslands í
gær var greint frá því að Ís-
landsbanki hefði gert framvirk-
an samning við Baug Group um
sölu á 346.050.000 krónum að
nafnverði hlutafjár í félaginu,
sem kemur til greiðslu þann 30.
desember 2003. Þetta eru 15,0%
af heildarhlutafé Flugleiða.
Einnig var greint frá því í til-
kynningunni að Baugur Group
færi með atkvæðisrétt frá und-
irritun samningsins.
Skarphéðinn Skarphéðins-
son, framkvæmdastjóri hjá
Baugi Group, segir að þessi við-
skipti séu liður í kaupum Baugs
Group á rúmlega 21% hlut í
Flugleiðum fyrr í þessari viku.
Baugur Group keypti rúmlega
19% hlut í Flugleiðum af Gaumi
ehf. og Ovalla Trading og um
2% á markaði. Segir Skarphéð-
inn að samhliða þessum kaup-
um hafi Baugur Group selt 15%
af þeim rúmlega 21% hlut, sem
félagið keypti, til Íslandsbanka,
og gert um leið samning um að
kaupa þessi hlutabréf aftur af
bankanum þann 30. desember
næstkomandi. Á tímabilinu fari
Baugur Group með allan at-
kvæðisrétt sem umræddur 15%
hlutur veitir. Samningurinn við
Íslandsbanka sé því eingöngu
leið fyrir Baug til að fjármagna
kaup á 15% hlut í Flugleiðum.
Kaup Baugs Group
í Flugleiðum
Íslands-
banki
lánar til
kaupanna
LANDSBANKI Íslands hefur aukið
við hlut sinn í Eimskipafélagi Ís-
lands og átti á föstudag 10,19%
hlutafjár eða rúmlega 525 milljónir
hluta.
Að auki hefur bankinn gert fram-
virkan samning um kaup á 303,4
milljónum hluta og nemur eign
bankans eftir viðskiptin 828,4 millj-
ónum hluta eða 16,08% heildarhluta-
fjár. Ennfremur hefur Landsbank-
inn umboð til að fara með atkvæði
10,41% hlutafjár á hluthafafundi sem
haldinn verður 9. október nk.
Atkvæðisréttur
í Eimskipafélaginu
Landsbank-
inn með 26,5%