Morgunblaðið - 27.09.2003, Blaðsíða 22

AKUREYRI
22 LAUGARDAGUR 27. SEPTEMBER 2003 MORGUNBLAÐIÐ
Aukin ökuréttindi
Leigu-, vöru- og hópbifreiðar.
Námskeið til aukinna ökuréttinda hefst föstudaginn 3. okt.
Innritun og upplýsingar:
Hreiðar Gíslason s. 892 0228
Kristinn Örn Jónsson s. 892 9166
ÞAÐ var glatt á hjalla heima hjá Bjarka
Hreinssyni í Lyngholtinu á Akureyri, eitt
kvöldið í vikunni. Þar var hann ásamt þremur
vinum sínum, Steindóri Steindórssyni, Birgi
Péturssyni og Grétari Jónssyni, í sláturgerð og
voru þeir félagar, sem allir eru á þrítugsaldri,
að troða í vambir þegar ljósmyndari Morg-
unblaðsins kom í heimsókn. Þeim til aðstoðar
var vinkona þeirra, Hulda Jónsdóttir. Þetta er í
fyrsta skipti sem þeir félagar taka slátur. „Við
höfum séð þetta gert og það er alltaf hægt að
læra ef áhuginn er fyrir hendi.“ Alls tóku þeir
18 slátur, sem að þeirra sögn er stærsta pöntun
til þessa í Hrísalundi, þar sem slátursalan fer
fram.
„Að baki þessu liggja þjóðlegar kenndir og
við erum áhugamenn um gamlar íslenskar
hefðir. Í sumar suðum við rabarbarasultu, og
brugguðum landa og þá er hugmyndin að
skera út laufabrauð fyrir jólin,“ sagði Steindór.
Þeir tróðu í gervivambir, bæði blóðmör og
lifrapylsu og heftuðu þær saman. Uppskriftina
fundu þeir á Netinu, á lambakjot.is. „Við hefð-
um frekar viljað fá alvöruvambir til sauma
saman, enda er ég viss um að við erum fimir
með nálarnar. Þá stóð valið hjá okkur um
brytjaðan eða óbrytjaðan mör og að sjálfsögðu
tókum við hann óbrytjaðan.“
Þeir félagar hittu gamla konu í Bónusi, sem
var yfir sig hrifin af framtaki þeirra og hún
tók að sér að kenna þeim að setja í súr. „Hún
var ekkert smáánægð með okkur, sú gamla,“
sagði Steindór.
Glaðbeittir troða í vambir; Steindór Steindórsson, Bjarki Hreinsson, Birgir Pétursson og Grétar Jónsson.
Að baki liggja þjóðlegar kenndir
Fjórir ungir menn í umfangsmikilli sláturgerð
Morgunblaðið/Kristján
Mörinn settur út í nýja hræru.
VALDIMAR Bragason, bæjar-
stjóri í Dalvíkurbyggð, telur skyn-
samlegt að sameina öll sveitarfélög
við Eyjafjörð í eitt. Eins og fram
kom í Morgunblaðinu í gær segir
Stefanía Traustadóttir, bæjarstjóri
í Ólafsfirði, sterka stöðu Akureyrar
kalla fram ákveðnar spurningar
sem svör verði að fást við og Ólafs-
firðingar séu ekki tilbúnir að fara í
samningaviðræður sem hefðu það
eitt að markmiði að sameina Ak-
ureyri, Dalvíkurbyggð, Ólafsfjörð
og Siglufjörð.
Sameiningarmál sveitarfélaga
verða meðal annars til umræðu á
síðari degi aðalfundar Eyþings á
Ólafsfirði í dag.
Forráðamenn sveitarfélaganna
þriggja við utanverðan Eyjafjörð,
Dalvíkurbyggðar, Ólafsfjarðar og
Siglufjarðar funduðu á dögunum
og segir Guðmundur Guðlaugsson,
bæjarstjóri á Siglufirði, að á fund-
inum hafi menn ekki verið að ræða
hugsanlega sameiningu þessara
þriggja sveitarfélaga, heldur næstu
skref í sameiningarviðræðum.
Hann sagði að á fundinum hefði
komið fram vilji til að ræða málin
áfram og þá einnig með fulltrúum
Akureyrarbæjar. „Menn sjá fyrir
sér sameiningu á þessu svæði til-
tölulega fljótlega en hvernig hún
verður á eftir að koma í ljós.“
Vilja að Akureyringar
taki þátt
Valdimar Bragason, bæjarstjóri í
Dalvíkurbyggð, sagði að eftir að
Ólafsfirðingar slitu viðræðum með
þátttöku Akureyringa sl. vor hefðu
Dalvíkingar bókað að viðræðum við
Siglufjörð og Akureyri yrði haldið
áfram og þá án Ólafsfirðinga. Sú
hugmynd hefði ekki hugnast Sigl-
firðingum. Valdimar sagði að Dal-
víkingar væru ekki á því að ræða
sameiningu sveitarfélaganna
þriggja, heldur vilji þeir að Ak-
ureyringar taki einnig þátt í þeim
viðræðum. „Sjálfum fyndist mér
skynsamlegast að steypa saman
öllum sveitarfélögunum í firðin-
um,“ sagði Valdimar.
Stefanía sagði að sterk staða Ak-
ureyringar kallaði fram ákveðnar
spurningar sem að hennar mati
yrðu að fást vör við. Hún sagði að
það væri verið að stýra sveitar-
félögum landsins inn í sameining-
arviðræður, m.a. með því að refsa
þeim með Jöfnunarsjóði sveitarfé-
laga. „Það höfum við verið að upp-
lifa hér í Ólafsfirði í dag. Við erum
að fá mun minna úr sjóðnum nú en
nokkru sinni áður og munar þar
um 15 milljónum króna frá síðasta
ári.“
Skynsamlegast að
steypa öllum saman
Valdimar Bragason, bæjarstjóri í Dalvíkurbyggð, er viss
í sinni sök um sameiningu sveitarfélaga við Eyjafjörð
GUÐMUNDUR Tuliníus skipa-
verkfræðingur hefur verið ráðinn
framkvæmdastjóri Slippstöðv-
arinnar frá 1. október nk. Hann
tekur við stöðunni af Baldvini
Valdemarssyni. Guðmundur er
ekki ókunngur hjá Slippstöðinni
en hann var framkvæmdastjóri
fyrirtækisins á árunum 1993–
1995. „Ég hefði ekki ráðið mig til
starfans, nema af því að það
leggst þokkalega í mig. Þetta er
spennandi verkefni að takast á
við en ég veit að þetta er ekki
einfalt dæmi.“
Guðmundur hefur starfað í
Þýskalandi frá árinu 1983, fyrir
utan árin tvö í Slippstöðinni.
Hann var framkvæmdastjóri
Mecklenburger Hochseefischerei
í 5 ár, sem þá var í eigu Útgerð-
arfélags Akureyringa en annars
starfað sjálfstætt. „Þessa ráðn-
ingu nú bar nokkuð brátt að og
ég á því eftir að ganga frá ýms-
um málum erlendis áður en ég
kem til starfa.“
  
Guðmundur Tuliníus
aftur í Slippstöðina
Nökkvi fertugur | Siglingamenn
ætla að gera sér glaðan dag á morg-
un, sunnudag, í tilefni af því að
Nökkvi, félag siglingamanna, áður
Sjóferðafélag Akureyrar er 40 ára
um þessar mundir. Landsbankinn
ætlar að færa afmælisbarninu op-
timistbát en slíkir eru notaðir til að
kenna börnum og ungmennum und-
irstöðuatriði siglingaíþróttarinnar.
„Við eigum enga peninga og tökum
okkur bara til í stjórninni og bökum
allt sjálf,“ sagði Rúnar Þór Björns-
son, formaður Nökkva, en eiginkona
og nánustu ættingar hafa einnig ver-
ið virkjuð í þágu málstaðarins þann-
ig að öruggt er að bakkelsið sem
fram verður borið mun engan svíkja.
Afmælið verður í kaffiteríu
Íþróttahallarinnar og hefst kl. 15.30.
TVEIR menn sluppu ótrúlega vel en
með skrámur þó, eftir bílveltu norðan
við Dvergastein í Hörgárbyggð í vik-
unni. Hins vegar varð að aflífa annað
af tveimur hrossum, sjö vetra hryssu,
sem voru í hestakerru sem slitnaði
aftan úr bílnum og valt einnig. Sveinn
Ingi Kjartansson, hestamaður á Ak-
ureyri, var á leið í Hóla í Hjaltadal
með hrossin ásamt félaga sínum Agn-
ari Snorra Stefánssyni, þegar óhapp-
ið varð. Þar ætlaði hann að þreyta
próf frá reiðkennarabraut skólans á
hrossunum nk. þriðjudag. Hinn hest-
urinn meiddist einnig í óhappinu og
það er því ljóst að Sveinn Ingi mun
ekki ná að ljúka prófinu að þessu
sinni. Hann sagði í samtali við Morg-
unblaðið að það hefði bjargað þeim
félögum að hafa verið í bílbeltum.
Þetta er í annað sinn sem Sveinn
Ingi hefur þurft að hætta við prófið
en sl. vor heltist hestur sem hann ætl-
aði að nota í prófið. Hann hefur því
verið að þjálfa hrossin tvö í sumar.
„Þetta er erfitt próf og það þarf virki-
lega góð hross í það. Og ég taldi mig
standa vel að vígi með þessi hross.“
Hann sagði að það tæki í það minnsta
tvo mánuði að þjálfa upp nýjan hest
fyrir prófið. „Ég reyni hugsanlega
aftur næsta vor.“
Merin sem þurfti að aflífa var í eigu
Friðriks Kjartanssonar bróður
Sveins Inga og Sveins Jónssonar í
Kálfsskinni. Sveinn Ingi sagði að
merin hefði verið fylfull og hefði próf-
ið á Hólum átt að verða hennar síð-
asta verkefni í bili. Hann sagði að hún
hefði verið mjög góð og verðmæt og
hér væri því um mjög tilfinnanlegt
tjón að ræða. Vegna aðstöðuleysis á
Akureyri ætlaði Sveinn Ingi með
hrossin með fyrra fallinu að Hólum
og æfa sig í reiðhöllinni þar fyrir próf-
ið.
Aflífa þurfti hryssu eftir umferðarslys
Morgunblaðið/Anna Guðrún
Sveinn Ingi Kjartansson á hryssunni Nepju frá Kvíabekk, sem varð að aflífa
eftir umferðaróhapp í Hörgárbyggð í vikunni.
Á leið í próf á
Hólum með hrossin
Ögrandi verkefni | Félagar í
björgunarsveitinni Súlum á Akur-
eyri leita nú að nýjum og kraftmikl-
um félögum og í því skyni efna þeir
til kynningarfundar um starfsemina.
Hann verður haldinn í húsakynnum
sveitarinnar, Hjalteyrargötu 12,
næsta þriðjudag, 30. september, og
byrjar kl. 20. Leitað er að fólki, 17
ára og eldra, sem hefur áhuga á ögr-
andi verkefnum við erfiðar aðstæð-
ur, spennandi starfi sem miðar að því
að koma öðrum til hjálpar sem og
þeim sem hafa áhuga á ævintýrum í
góðum félagsskap.
Á NÆSTUNNI