Morgunblaðið - 27.09.2003, Blaðsíða 28
LISTIR
28 LAUGARDAGUR 27. SEPTEMBER 2003 MORGUNBLAÐIÐ
TÓNLEIKAR Sinfóníuhljóm-
sveitar Íslands sl. fimmtudag
voru að því leyti til sérstæðir, að
ungur píanóleikari, Víkingur
Heiðar Ólafsson, sem þegar hef-
ur vakið athygli fyrir frábæran
píanóleik, lék einleik í tveimur
píanókonsertum, þeim fyrri eftir
Jón Nordal og í seinni fyrsta pí-
anókonsertinum eftir Prokofiev.
Leikur Víkings í konsert Jóns
var frábær, þar sem saman fór
sterk tilfinning fyrir hinu við-
kvæma og yfirburðatækni hans í
hröðum og átaksmiklum köflum
verksins, svo að konsertinn fékk
alveg nýjan svip. Eftir þessa
áhrifamiklu útfærslu á konsert
Jóns, lék Víkingur fyrsta píanó-
konsertinn eftir Prokofiev og þar
var leikur Víkings hrein snilld,
mettaður óvenjulegri hryn-
skerpu, sterkri tilfinningu fyrir
blæbrigðum og yfirburða og
áreynslulausri leiktækni, sem
lýsti sér í ótrúlegu öryggi í út-
færslu átaksmestu kaflanna.
Tónleikarnir hófust á miklu
kraðakverki, sem nefnist Feria,
eftir Magnus Lindberg, þar sem
öllu ægir saman, eins og vera ber
í fríi eða sumarleyfi, líklega á
Ítalíu, því vitnað er í harmljóð
Ariönnu eftir Monteverdi. Loka-
verk tónleikanna var sinfónía nr.
3, eftir eistneska tónskáldið
Erkki-Sven Tüür, er var einnig
mikið kraðakverk. Kaflarnir
nefnast Contextus I og II og
fylgir með í efnisskrá, verklýsing
sem sannfærir hlustandann um
að hér sé ekki um að ræða tónlist
til að hlusta á, heldur aðferða-
fræðileg útfærsla á pappírsvinnu
tónskáldsins, sem ótrúlegt er að
venjulegur hlustandi greini. Báð-
um þessum kraðakverkum
stjórnaði Olari Elst af mikilli
röggsemi og í píanókonsertunum
eftir Jón Nordal og Prokofiev
mátti heyra, að Elst er slunginn
stjórnandi.
Það sem stendur eftir þessa
tónleika er frábær flutningur
Víkings Heiðars Ólafssonar á
listaverkum Jóns Nordals og
Prokofievs, sem var stórkostleg
upplifun og mikill listviðburður.
Mikill listviðburður
TÓNLIST
Háskólabíó
Flutt voru verk eftir Lindberg, Jón Nor-
dal, Prokofiev og Erkki-Sven Tüür. Ein-
leikari: Víkingur H. Ólafsson. Stjórn-
andi: Olari Elts. Fimmtudagurinn 25.
september 2003.
SINFÓNÍUTÓNLEIKAR
Morgunblaðið/Árni Sæberg
Víkingur Heiðar Ólafsson
Jón Ásgeirsson
AF því tilefni að töluverðar
mannabreytingar hafa orðið í sýn-
ingu Leikfélags Reykjavíkur á Pún-
tila og Matta þykir ástæða til að
minnast aftur á sýninguna í stuttu
máli.
Sýningin hefur haldið sér nokkuð
vel þrátt fyrir að sjö manns séu nú á
sviðinu sem ekki voru á frumsýningu,
þar af tveir – Gunnar Hansson og
Tatu Kantomaa – sem hljóðfæraleik-
arar. Ánægjulegast er hve vel Theo-
dór Júlíusson hefur haldist á meitl-
aðri og kraftmikilli túlkun sinni á
hlutverki Púntila óðalsbónda. Ef ein-
hver breyting hefur orðið þá er það
frekar í átt til enn meira öryggis og
dýptar en á frumsýningu. Hin ótrú-
legu hamskipti hans á sviðinu koma
alltaf jafnmikið á óvart.
Matti hefur nú í meðförum Bergs
Þórs Ingólfssonar tapað töluverðu af
lífsgleðinni sem einkenndi hann en
Bergur leikur nú af meiri festu og
innsæi og er verðugri mótleikari fyrir
hinn fyrirferðarmikla Púntila Theo-
dórs Júlíussonar.
Harpa Arnardóttir og Eggert Þor-
leifsson leika Evu, dóttur Púntila, og
Eino sendiráðsfulltrúann, unnusta
hennar. Þar sem Harpa og Eggert
hafa lagt mesta æskublómann að
baki verður staða kærustuparsins
nokkuð önnur í verkinu en þegar
Nína Dögg Filippusdóttir og Björn
Hlynur Haraldsson léku hið heit-
bundna par. Þau hafa ekki lengur líf-
ið fyrir sér og það ríður á að Eva
gangi út – og sem fyrst. Harpa fetar
að mestu leyti í fótspor Nínu hvað
karaktereinkenni varðar en ljær Evu
líka þennan líka stórkostlega húmor
og tímasetningu sem einkennir gam-
anleik Hörpu. Eggert Þorleifsson fer
mun fínlegar í sakirnar en Björn
Hlynur Haraldsson, hann er afslapp-
aður í hlutverkinu og oft bráðfynd-
inn.
Björn Ingi Hilmarsson leikur dóm-
arann og leiguliðann Súrkala. Hann
leysir fyrra hlutverkið mjög snöfur-
mannlega af hendi þó að vissulega sé
eftirsjá að krafti og fimi Gísla Arnar
Garðarssonar. Súrkala hans stendur
fyrir sínu þrátt fyrir að ógnin sem
fylgdi túlkun Gísla Arnar sé ekki
lengur fyrir hendi.
Ellert A. Ingimundarson leikur
prófastinn og kúadoktorinn fullkom-
lega ásættanlega í stað Vals Freys
Einarssonar nema hvað leikur hins
síðarnefnda var mun meitlaðri í hlut-
verkunum.
Ilmur Kristjánsdóttir leikur
mjaltastúlkuna og Finnu vinnukonu í
stað Arnbjargar Hlífar Valsdóttur.
Ilmur sannar enn einu sinni á stutt-
um ferli hvað hún hefur sterka sviðs-
nærveru. Þrátt fyrir nokkurt óöryggi
í upphafi sem mjaltastúlkan var inn-
lifun hennar í Finnu vinnukonu svo
sterk og ást hennar á Matta túlkuð
svo innilega að ekki verður bætt um
betur.
Nokkurt óöryggi einkenndi hópat-
riðin og þá sérstaklega kórsöng, sem
kannski kemur ekki á óvart þegar svo
mörgum leikurum hefur verið skipt
út. Hljómsveitin er betri en nokkru
sinni og þeim atriðum varðandi ljósa-
hönnunina sem virtist ábótavant á
frumsýningu virðist hafa verið kippt í
lag svo hvergi ber skugga á.
Hvergi ber skugga áLEIKLISTLeikfélag Reykjavíkur
Höfundur: Bertolt Brecht. Þýðandi: Þor-
steinn Þorsteinsson. Höfundur söng-
texta: Guðmundur Ólafsson. Höfundur
tónlistar: Matti Kallio. Leikstjóri: Guðjón
Pedersen. Hljóð: Ólafur Örn Thoroddsen.
Lýsing: Kári Gíslason. Búningar: Helga I.
Stefánsdóttir. Leikmynd: Vytautas
Narbutas. Leikarar: Bergur Þór Ingólfs-
son, Björn Ingi Hilmarsson, Eggert Þor-
leifsson, Ellert A. Ingimundarson, Guð-
mundur Ólafsson, Guðrún
Ásmundsdóttir, Gunnar Hansson, Harpa
Arnardóttir, Ilmur Kristjánsdóttir, Katla
Margrét Þorgeirsdóttir, Margrét Helga
Jóhannsdóttir, Marta Nordal, Tatu Kant-
omaa og Theodór Júlíusson. Fimmtudag-
ur 25. september.
PÚNTILA BÓNDI OG MATTI VINNUMAÐUR
Sveinn Haraldsson
JÓN Svavar Jósefsson, bassbariton, hefur lokið 8. stigi
í söng frá Tónlistarskóla Garðabæjar, undir leiðsögn
Snæbjargar Snæbjarnardóttur og hélt sína fyrstu tón-
leika í tónleikasalnum Ými, sl. þriðjudagskvöld. Þrátt
fyrir að Jón Svavar eigi enn eftir að vinna að rödd sinni,
er ljóst að þarna fer efnilegur söngvari, því tónleikarnir í
heild voru töluverður „performance“. Jóni er gefin góð
rödd, tónnæmi og sýndi auk þess töluverð tilþrif í túlkun,
sem komu hvað best fram í Rósinni, eftir Árna Thor-
steinsson, Mun það senn, eftir Victor Urbancic og Útlag-
anum, eftir Karl O. Runólfsson. Söngur Sarastros, O Isis
und Osiris schenket, úr öðrum þætti Töfraflautunnar,
eftir Mozart, þrjú ljóðalög eftir Schumann, Schubert og
Duparc, báru þess nokkur merki að enn sé ýmislegt
óunnið í mótun raddarinnar en sterk tilfinning fyrir leik-
rænum átökum gáfu söng hans töluverðan lit í Serenöðu
Mefistófelesar, Vous qui faites, úr fjórða þætti óperunn-
ar Faust, eftir Gounod. Jón náði nokkuð vel að draga
fram gamansemina í Non piu andrai, úr fyrsta þætti
Brúðkaupsins, eftir Mozart en best tókst honum upp í
upphafsaríu þriðja þáttar, Ella giammai m’amo, úr óp-
erunni Don Carlo, eftir Verdi, er gefur fyrirheit um góða
framtíð Jóns sem óperusöngvari. Jón Svavar Jósefsson
er efnilegur söngvari, sem enn á nokkur spöl ógenginn til
að fullgera um menntun sína og listræna ögun, þó ráða
megi í það, eftir frammistöðu hans á tónleikunum sl.
þriðjudag, að hann eigi brýnt erindi við sönggyðjuna.
Honum til halds og trausts var Agnes Löve píanóleikari
og átti hún stóran þátt í að gera þessa tónleika eftir-
minnilega, með sérlega vönduðum flutningi. Þar sem Jón
Svavar hefur tekið þá ákvörðun að hleypa heimdrag-
anum og halda utan til framhaldsnáms í sönglistum, er
óhætt að hvetja hann til dáða og óska honum góðs gengis.
Hvatning
TÓNLIST
Tónlistarhúsið Ýmir
Jón Svavar Jósefsson söng sína fyrstu tónleika við undirleik
Agnesar Löve. Þriðjudaginn 23. september, 2003.
EINSÖNGSTÓNLEIKAR
Morgunblaðið/Árni Sæberg
Jón Svavar Jósefsson: Fyrirheit um góða framtíð.
Jón Ásgeirsson
ÆFINGAR eru hafnar fyrir haust-
frumsýningu Íslenska dansflokks-
ins. Þar ber hæst nýtt verk eftir hol-
lenska danshöfundinn Lonneke van
Leth, The Match, eða Leikurinn,
frumsamið fyrir Íslenska dansflokk-
inn. Frumsýning verður fimmtudag-
inn 9. október.
The Match er fótboltaleikur. Svið-
ið er landsleikur milli Íslands og
Hollands. Lonneke leikur sér með
alla þætti fótboltans og dansins,
hreyfinguna, baráttuna, árásar-
girnina, karlmennskuna, kvenleik-
ann, sigurvímuna.
Lonneke van Leth er rísandi
stjarna meðal danshöfunda í Hol-
landi. Hún er aðeins 27 ára gömul en
hefur þegar hlotið verðskuldaða at-
hygli jafnt sem dansari og danshöf-
undur. Verk hennar þykja aðgengi-
leg, fjörug og full af húmor.
Verkefnið er samstarfsverkefni við
Holland Dance Festival í Den Haag í
Hollandi.
Auk þess sýnir ÍD verkin Partý
eftir Guðmund Helgason sem hlaut
áhorfendaverðlaun í dansleikhúsa-
samkeppni LR og ID síðasta vor og
Symbiosis eftir Itzik Galili.
Æfingar
hafnar á
Leiknum
Morgunblaðið/Kristinn
Frá æfingu Íslenska dansflokksins á verkinu Leiknum, The Match.
Frá múrverki
til glervinnslu
Í NÝJU galleríi, Brákarey, í Borg-
arnesi, verður í dag opnuð sýningin
Brot. Þar eru sýnd verk Davíðs
Þórðarsonar. Hann er 88 ára gamall
en hefur lagt stund á glervinnslu sl.
sex ár. Hana lærði Davíð af dóttur
sinni, Ólöfu, sem rekur glervinnu-
stofuna í Brákarsölum.
Davíð er múrari að mennt og
starfaði við það lengst af.
Sýningin er opin virka daga kl. 17–
20 og stendur til 7. október.
Í GALLERI Bellavista í Vord-
ingborg í Danmörku stendur
yfir málverkasýning Ingimars
Waage. Ingimar sýnir 30
landslagmálverk en landslag
hefur verið honum hugleikið
frá því hann hóf feril sinn.
Ingimar nam við Mynd-
listar- og handíðaskóla Íslands
1986–1990 og École Nationale
des Beaux-Arts í Lyon 1990–
1993. Hann hefur tekið þátt í
samsýningum bæði hér heima
og erlendis og haldið áður sex
einkasýningar; nú síðast í
Galleríi Skugga við Hverf-
isgötu í febrúar sl.
Verk Ingimars má skoða á
slóðinni: http://www.vaf-
urlogi.com/ingimarwaage.
Sýningin stendur til 5. októ-
ber.
Ingimar Waage sýnir í Danmörku
Hekla, olíumálverk eftir Ingimar Waage í Galleri Bellavista í Danmörku.
FÍM-sýning í
SÍM-húsinu
SÝNING á verkum tveggja fé-
lagsmanna FÍM, þeirra Braga Ás-
geirssonar og Guðrúnar Einarsdótt-
ur, verður opnuð í SÍM-húsinu,
Hafnarstræti kl. 16 í dag. Sýningin
er liður SÍM-hússins í því að kynna
félagsmenn FÍM: Sýningin stendur
til 15. október og verður opin virka
daga kl. 10–16.
♦ ♦ ♦
Dvöl í
gestaíbúð á
Klaustri
UMSÓKNARFRESTUR um
dvöl í gestaíbúð á Klaustri árið
2004 rennur út 17. október.
Klaustur er gestaíbúð fyrir
lista- og fræðimenn og hefur
verið rekin að Skriðuklaustri í
Fljótsdal frá aldarafmæli Gunn-
ars Gunnarssonar skálds 1989.
Góð aðsókn hefur verið að
íbúðinni, sérstaklega síðustu ár,
og margvísleg verkefni verið
unnin af skáldum, rithöfundum,
tónlistarfólki, málurum og
fræðimönnum af ýmsum þjóð-
ernum. Þeir sem ætla sér að
vinna að verkefnum er tengjast
Gunnari Gunnarssyni eða Aust-
urlandi hafa ákveðinn forgang
en öllum er heimilt að sækja um.
Frekari upplýsingar eru á
heimasíðu Gunnarsstofnunar,
www.skriduklaustur.is, eða hjá
Skúla B. Gunnarssyni, forstöðu-
manni Gunnarsstofnunar.