Morgunblaðið - 27.09.2003, Blaðsíða 41

MINNINGAR
MORGUNBLAÐIÐ LAUGARDAGUR 27. SEPTEMBER 2003 41
✝ Andri Snær Óð-insson fæddist í
Reykjavík 3. maí
2003. Hann lést á
heimili sínu 20. sept-
ember síðastliðinn.
Foreldrar hans eru
Hulda Sæland Árna-
dóttir, f. 19.3. 1966,
og Óðinn Kristjáns-
son, f. 27.11. 1961.
Systkini Andra Snæs
eru Sveinbjörn Krist-
inn, f. 2.12. 1984,
unnusta Guðlaug
Hartmannsdóttir, f.
13.6. 1985, Aníta, f.
8.2. 1987, Árni, f. 3.8. 1994, Sigríð-
ur Sæland, f. 11.3. 1998, og Breki
Þór, f. 3.5. 2003. Foreldrar Óðins
voru Kristján Georgsson, f. 13.11.
1928, d. 12.4. 1977,
og Helga Björns-
dóttir, f. 2.4. 1931, d.
17.2. 1994. Systkini
Óðins eru, Georg
Þór, d. 11.11. 2001,
Björn, Guðfinna Sig-
ríður, Margrét
Grímlaug, Drífa,
Mjöll og Þór. For-
eldrar Huldu eru
Árni Sverrir Erl-
ingsson, f. 3.7. 1935,
og Sigríður Sæland
Eiríksdóttir, f. 27.5.
1944. Systir Huldu
er Rannveig Sæland
Árnadóttir.
Úför Andra Snæs fer fram frá
Landakirkju í Vestmannaeyjum í
dag og hefst athöfnin klukkan 11.
Vertu yfir og allt um kring
með eilífri blessun þinni.
Sitji Guðs englar saman í hring
sænginni yfir minni.
(Sig. Jónsson)
Elsku besti litli frændi. Nú hefur
þú kvatt þetta líf og mikið svaka-
lega er sárt og erfitt að takast á við
þá staðreynd.
Þú varst svo fullur af lífi og gleði,
vildir alltaf vera í fanginu á
mömmu þinni eða pabba þínum en
við fengum nú líka að hafa þig.
Það þurfti bara að tala við þig
eða pota í þig og þá kom brosið
góða sem yljaði okkur um hjartað
og mun gera áfram.
Þú og tvíburabróðir þinn, hann
Breki Þór, voruð búnir að uppgötva
hvor annan svo vel og gaman var
að horfa á ykkur spjalla saman.
Elsku Andri Snær, þín góða ævi
varð ekki löng en uppfull af gleði
og ánægju fyrir þig, foreldra þína,
systkini og aðra við hvert afrek og
dugnað hjá þér og við eigum góðar
minningar um þig, ég tala ekki um
litlu höndina þína sem alltaf vildi
halda í mömmu sína eða pabba
sinn.
Amma þín kallaði ykkur bræður
„demantana“ sína.
Góður guð, ég ætla að vona að þú
haldir vel utan um systur mína,
mág minn, börnin þeirra, mömmu,
pabba og aðra aðstandendur, þau
þurfa svo sannarlega á þér að
halda.
Ég kveð þig nú í þetta sinn,
elsku engillinn minn.
Blessuð sé minning þín.
Rannveig frænka og fjölskylda.
Elsku hjartans litli frændi okkar
Andri Snær, nú ertu horfinn frá
okkur og við munum sakna þín sárt
því það er aldrei réttlætanlegt að
taka ung börn sem eiga framtíðina
fyrir sér en við vonum að afi, amma
og Goggi frændi hafi tekið vel á
móti þér.
Það var svo gaman þegar
mamma og pabbi þinn sögðu okkur
að þau ættu von á tvíburum. Þá
vorum við fjölskyldan búin að af-
sanna þá kenningu að tvíburar
gætu ekki átt tvíbura en pabbi
minn var tvíburi, en systir hans dó
í fæðingu. Síðan eignast foreldrar
mínir átta börn og þar af tvenna
tvíbura, fyrst fæddist Goggi,
Bjössi, Finna, Magga og tvíburarn-
ir Mjöll og Drífa, síðan seinni tví-
burarnir Óðinn og Þór. Við Böddi
komum mjög oft við hjá ykkur til
að fylgjast með kúlunni stækka og
gátum varla beðið eftir að þið
fæddust, því við eigum sjálf tvíbura
og vissum alveg hvað var í vænd-
um. En loksins var biðin á enda og
fæðingin gekk svo vel í Reykjavík,
en upp komu veikindi hjá mömmu
þinni eftir fæðinguna. Þegar þið
voruð komin á Selfoss til ömmu og
afa þá var hún flutt til Reykjavíkur
mikið lasin. Þá vorum við hrædd
um að hún mundi kveðja en sem
betur fer lagaðist það og þið komuð
öll heil heilsu til Vestmannaeyja.
Það er búið að vera svo gaman
að fylgjast með þér og Breka Þór
bróður þínum, gefa ykkur pela,
hlusta á hjalið og sjá fyrsta brosið.
Það er svo stutt síðan þið voruð
skírðir í Stafkirkjunni í Vest-
mannaeyjum. Þá hittust allir glaðir
og kátir en við vitum aldrei hvenær
sorgin bankar upp á eins og raunin
varð.
Við sendum þér góðar kveðjur,
vonum að þér líði sem allra best,
elsku frændi, og þökkum þér stutt-
ar samverustundir.
Elsku Hulda, Óðinn, Svenni,
Gulla, Anita, Árni, Sirrý og Breki
Þór, megi guð og gæfa fylgja ykk-
ur.
Drífa, Björn og börn,
Vestmannaeyjum.
Það var mikil gleði í fjölskyld-
unni sl. vor þegar tvíburarnir
fæddust, þeir Andri Snær og Breki
Þór. Það var yndislegt að koma
upp á fæðingardeild og sjá þá ný-
fædda, tala nú ekki um þegar við
fengum að halda á þeim en þá
læddust fram nokkur gleðitár.
Við fylgdumst með og fórum til
Eyja eins oft og við gátum. Feng-
um að vera aukaforeldrar, rifja upp
hlutverkin, drifum okkur fram úr á
morgnana til að missa ekki af neinu
á meðan við vorum í heimsókn.
Við áttum líka frábæra daga
saman um verslunarmannahelgina
í Reykjavík. Lífið var yndislegt,
íbúðin iðaði af lífi, við fórum í Hús-
dýragarðinn og á ylströndina svo
að eitthvað sé nefnt. Óðinn og
Hulda eru þessir kraftmiklu for-
eldrar sem unna sér ekki hvíldar
fyrr en allir eru búnir að fá nægju
sína.
Það fá engin orð því lýst hvernig
okkur leið þegar við fengum svo
þær hræðilegu fréttir að Andri
Snær væri dáinn. Við sitjum eftir
hnípin og með sorg í hjarta, skilj-
um ekki af hverju lífið verður
skyndilega svona óréttlátt, svo
óréttlátt að enginn fær skilið.
Elsku Andri Snær, í huga okkar
geymum við mynd af þér, yndisleg-
um og fallegum dreng, sem við
fengum að sjá brosa svo blítt, feng-
um að halda á og faðma að okkur.
Með þessum fátæklegu orðum
kveðjum við þig. Megi Guð og engl-
arnir varðveita þig.
Elsku Óðinn, Hulda, Árni, Sirrí,
Breki Þór, Svenni, Aníta, Sirrí
amma og Árni afi. Við biðjum góð-
an Guð að styrkja ykkur í sorginni
og blessa ykkur öll.
Þór, Guðrún (Gulla) og börn.
Hann Andri Snær litli frændi,
sem ekki náði að verða fimm mán-
aða, var tekinn í burtu frá litla tví-
burabróður sínum Breka Þór og
okkur hinum.
Allir hlökkuðu til að geta fylgst
með ykkur vaxa og dafna, líkt og
við öll fylgdumst með hvernig þið
döfnuðuð í móðurkviði, sáum fyrstu
myndina.
Þegar þið fæddust vorum við svo
montin. Þið tveir og allir hinir tví-
burarnir í fjölskyldunni, saman
komnir þegar þið voruð skírðir svo
voða mannalegir og duglegir.
Þessi kveðja er sár, elsku vinur.
Nú ertu kominn til ömmu, afa og
Gogga frænda. Vonandi haldið þið
verndarhendi yfir okkur öllum og
sérstaklega litla Breka Þór.
Óðinn, Hulda, Svenni, Aníta,
Árni og Sirrí. Megi góður Guð
halda í hönd ykkar og styrkja ykk-
ur í sorginni.
Ó, Jesú bróðir besti
og barnavinur mesti,
æ, breið þú blessun þína
á barnæskuna mína.
(P. Jónsson)
Þín frænka
Margrét G. Kristjánsdóttir.
Rétt um það bil sem maður taldi
sig vera farinn að skilja lífið og til-
veruna og allt sem utan um hana
snýst, fer allt í uppnám við eina
símhringingu. Í símanum er
mamma og segir mér að annar af
litlu fallegu tvíburunum sem fædd-
ust Huldu frænku og Óðni fyrir ör-
fáum mánuðum sé dáinn. Sorg
þeirra sem eftir sitja er þung og
erfitt að sjá hvað almættinu gengur
til á svona stundum.
Án neinna útskýringa er endir
bundinn á þetta unga líf. Til hvers?
Hví er svo mikið lagt á eina litla
fjölskyldu? Kannski mun okkur
skiljast það síðar. Þangað til verð-
um við að trúa því að Andra hafi
verið ætlað annað og betra hlut-
skipti á öðrum stað.
Hugsanirnar sem fljúga í gegn-
um höfuðið eru margar. Mér verð-
ur hugsað til þess hvað ég var
heppinn að fá að hitta þessa fallegu
tvíbura nú í sumar. Við áttum sam-
an morgunstund með stoltum föður
og Díönu frænku.
Göngutúr niður í Bjarnabúð,
sama spöl og ég hef gengið með svo
mörgum sem mér þykir vænt um.
Einn stuttur göngutúr sem sá, er
stór stund þegar litið er til þess að
okkar fundum mun ekki bera sam-
an aftur á þessu tilverustigi.
Við sem eftir erum fáum þó að
njóta þess að horfa á spegilmynd-
ina, Breka litla, og ímynda okkur
hvernig Andri hefði vaxið og dafn-
að. Þann stutta tíma sem við ætt-
ingjarnir fengum að njóta samvista
við þessa svipfríðu drengi báða,
reyndist sumum okkar erfitt að
greina hvor væri hvor. Þegar ég sé
Breka næst mun ég halda upptekn-
um hætti. Fyrir mér verða þeir
alltaf tveir á ferð.
Elsku Hulda, Óðinn, Árni, Sirrý
og Breki Þór, megi sá sem öllu
ræður styðja ykkur í gegnum þessa
erfiðu tíma, vaka yfir ykkur og
vernda.
Hann leggur erfiðu verkefnin á
þá sem hann veit að munu valda
þeim.
Einar frændi.
Elsku litli frændi minn. Ég man
þegar ég frétti að þið væruð að
koma í heiminn, þú og bróðir þinn,
allt var svo spennandi.
Þegar þið komuð svo á sjúkra-
húsið á Selfossi fór ég og kíkti á
ykkur.
Þið voruð svo heilbrigðir, sætir
og fullkomnir strákar.
Ég vildi helst alltaf vera hjá ykk-
ur, fór alltaf beint eftir skóla uppá
sjúkrahús og var helst allan dag-
inn. Stundum var ég hrædd um að
fólkið væri orðið þreytt á mér, hvað
ég væri mikið þarna. Síðan fóruð
þið út á Birkjó til ömmu og afa.
Síðan kvöldið sem mamma veikt-
ist og var send suður vorum við
mamma og amma með ykkur alla
nóttina að hita þurrmjólk og hugsa
um ykkur, það var svo gaman.
Svo kom ég út í Eyjar til að sjá
ykkur og var hjá ykkur í rúmlega
viku.
Allt var svo gaman og allt lífið
framundan.
Síðan komuð þið á Selfoss nokkr-
um sinnum eftir það. Þá var maður
alltaf að koma og kíkja, stundum
fékk ég ykkur lánaða í gönguferðir,
á meðan mamma, pabbi, stóra syst-
ir og stóri bróðir fóru í sundlaug-
ina.
Ég bara naut þess að fá að hafa
ykkur, þið voruð svo yndislegir
tveir saman.
Allt svo frábært og þið döfnuðuð
svo vel.
Svo þegar mamma kemur til mín
á laugardagsmorgninum tilkynnir
hún mér að Andri Snær væri bara
farinn.
Hvernig getur svona hraust,
heilbrigt og fullkomið barn bara
farið eina nóttina og á svona rosa-
lega ósanngjarnan hátt og sem
enginn á skilið að upplifa og ganga
í gegnum.
Elsku Andri Snær, ég á eftir að
sakna þín sárt. Guð blessi minn-
ingu þína, ég mun ávallt hugsa til
þín, elsku litli frændi.
Elsku Hulda, Óðinn, Svenni,
Aníta, Árni, Sirrí og Breki Þór. Ég
votta ykkur alla mína samúð. Guð
hjálpi ykkur við þennan mikla
missi og styrki ykkur á svona erf-
iðum tíma.
Díana frænka.
Elsku litli Andri Snær, það er
sárt að vera að skrifa minningarorð
um þig og þurfa að kveðja þig
svona fljótt.
Við erum í þann mund að kynn-
ast og þá ert þú tekinn frá okkur.
Við áttum eftir að gera svo mikið
og margt saman, þú - Breki Þór og
Arnar Gauti. En nú verður þú með
okkur í englamynd.
Ég veit að amma Helga, afi
Kiddi og Goggi frændi munu taka
vel á móti þér og munu þau hjálpa
þér að takast á við nýja hlutverkið
þitt.
Elsku litli Andri Snær, litli sól-
argeislinn okkar, ég bið góðan Guð
að passa þig og vernda.
Elsku Hulda, Óðinn, Svenni,
Aníta, Árni, Sirrí, Breki Þór og
aðrir ættingjar ég bið góðan guð að
senda ykkur verndarengilinn sinn
og gefa ykkur styrk á þessum erf-
iðu tímum.
Ég vil enda þessi orð á minni
uppáhalds bæn:
Láttu nú ljósið þitt
loga við rúmið mitt.
Hafðu þar sess og sæti,
signaði Jesú mæti.
Far þú í friði.
Þín frænka
Jóhanna Kristín.
ANDRI SNÆR
ÓÐINSSON
MARÍA
MARGRÉT
SIGURÐ-
ARDÓTTIR
✝ María Margrét Sigurðardóttirkjólameistari fæddist á Hró-
arstöðum á Skaga í Húnavatns-
sýslu 23. júní 1912. Hún andaðist á
Heilsustofnuninni á Blönduósi 12.
september síðastliðinn og var út-
för hennar gerð frá Aðventkirkj-
unni í Reykjavík 23. september.
Ó, blessuð stund, er burtu þokan líður
sem blindar þessi dauðleg augu vor,
en æðri dagur, dýrðarskær og blíður,
með Drottins ljósi skín á öll vor spor.
Ó, blessuð stund, er hátt í himinsölum
minn hjartans vin ég aftur fæ að sjá
og við um okkar ævi saman tölum
sem eins og skuggi þá er liðin hjá.
(M. Joch.)
Með djúpri virðingu og þökk
kveðjum við Maríu Margréti Sig-
urðardóttur. Hafðu kæra þökk
fyrir allt og allt. Aðstandendum
vottum við samúð.
Sigurbjörg Björgvinsdóttir
og fjölskylda.
HINSTA KVEÐJA
Við þökkum auðsýnda samúð og hlýhug við
andlát og útför okkar ástkærru,
JÚLÍÖNU JÓNSDÓTTUR,
Aðalgötu 20,
Ólafsfirði.
Rakel S. Jónsdóttir, Indriði H. Þorláksson,
Jón Þór Björnsson, Hanna B. Axelsdóttir,
Stefán Björnsson, Pálína Steinarsdóttir,
Ermenga S. Björnsdóttir, Hákon Erlendsson,
Hörður Björnsson, Guðrún Gunnarsdóttir,
barnabörn og barnabarnabörn.
Okkar innilegustu þakkir til allra þeirra, sem
sýndu okkur samúð, vináttu og hlýhug vegna
andláts og útfarar elskulegrar móður okkar,
tengdamóður, ömmu, langömmu og langa-
langömmu,
MARGRÉTAR ELÍASDÓTTUR
frá Haugi,
Gaulverjabæjarhreppi.
Sérstakar þakkir færum við hjúkrunarfólki á Ljósheimum, Selfossi, fyrir
frábæra umönnun.
Guð blessi ykkur öll.
Hafsteinn Steindórsson, Lovísa Jónsdóttir,
Magnús Steindórsson, Þóra Ragnarsdóttir,
Ester Steindórsdóttir, Sigurgeir Jóhannsson,
Guðrún Steindórsdóttir,
Guðmundur Steindórsson, Svala Bjarnadóttir,
Sigurður Steindórsson, Rannveig Jónsdóttir,
Steindór Steindórsson, Ingibjörg Eggertsdóttir,
Gréta Steindórsdóttir, Tryggvi Marteinsson,
Gyða Steindórsdóttir, Gunnar Gunnarsson,
Steindór Kári Reynisson, Erna Magnúsdóttir,
barnabörn, barnabarnabörn
og barnabarnabarnabörn.