Morgunblaðið - 27.09.2003, Blaðsíða 49
FRÉTTIR
MORGUNBLAÐIÐ LAUGARDAGUR 27. SEPTEMBER 2003 49
AUGLÝSINGADEILD
netfang: augl@mbl.is eða sími 569 1111
mbl.isFRÉTTIR
Barrtré og námur í Garðyrkju-
skólanum Miðvikudaginn 8. októ-
ber stendur Garðyrkjuskóli rík-
isins, Reykjum í Ölfusi, fyrir
námskeiði er nefnist „Viðhald og
umhirða barrtrjáa og námur og
efnistaka“. Námskeiðið er haldið í
tengslum við haustfund Samtaka
garðyrkju- og umhverfisstjóra
(SAMGUS), sem haldinn verður í
Þorlákshöfn 9. og 10. október.
Fyrir hádegi munu fjórir sérfræð-
ingar fjallar um allt það helsta sem
snertir umhirðu og viðhald barr-
trjáa og eftir hádegi verða þrjú er-
indi um námur, efnistöku og frá-
gang. Námskeiðið stendur frá kl. 9
– 16 og endar á vettvangsferð í
námuna í Ingólfsfjalli. Skráning og
nánari upplýsingar fást á skrif-
stofu skólans eða á heimasíðu
hans, www. reykir.is
Á NÆSTUNNI
Færeyska sjómannaheimilið
Vetrarstarfið er að fara í gang á
Færeyska sjómannaheimilinu. Al-
mennar samkomur verða á sunnu-
dögum kl. 16. Þar verða sungnir
færeyskir sálmar og eftir hugvekju
og bænir er boðið uppá kaffi og með-
læti. Allir eru velkomnir.
Á MORGUN
Í DAG OG á morgun verður Aust-
urríkismaðurinn Aditya Nowotny
með tvö námskeið sem bæði fjalla
um gildi hugleiðslunnar í persónu-
þroska, aukinni sköpunargáfu og
meiri lífshamingju. Fyrra nám-
skeiðið er í dag frá kl. 16 til 22 og
ber yfirskriftina „Sjö leyndardóm-
ar hugleiðslunnar“. Hið seinna er á
morgun milli 13 og 16.30 með sjálf-
stæðu framhaldi frá 17 til 22. Það
námskeið ber yfirskriftina „Leið
kærleikans“. Aditya Nowotny er
fyrrverandi poppari frá Austurríki
sem hefur undanfarin 15 ár haldið
námskeið um allan heim í hug-
leiðslu og persónuþroska en þetta
er fyrsta námskeiðið sem hann
heldur hér á landi. Kaffihúsið
Garðurinn og Heilsubúðin: Góð
heilsa gulli betri bjóða upp á þessi
námskeið og að þeim loknum verð-
ur boðið upp á tveggja vikna
ókeypis framhald. Námskeiðin eru
á ensku og þau fara fram í Tón-
skóla Sigursveins, Hraunbergi 2
(við hliðina á Gerðubergi). Aðgang-
ur er ókeypis og öllum heimill að-
gangur.
Námskeið
í hugleiðslu
LÖGREGLAN í Reykjavík lýsir eft-
ir vitnum að árekstri á gatnamótum
Grensásvegar og Bústaðavegar 24.
september um kl. 15.50. Þar rákust á
græn Nissan fólksbifreið og rauð
Honda fólksbifreið. Umferð um
þessi gatnamót er stýrt með umferð-
arljósum. Ekki er fullljóst hver staða
umferðarljósanna var þegar árekst-
urinn varð. Því eru þeir sem geta
gefið frekari upplýsingar beðnir að
snúa sér til umferðardeildar lögregl-
unnar í Reykjavík.
Lýst eftir
vitnum
NÝSTOFNAÐ Félag eldri borgara í Mosfellsbæ hefur gefið þjónustu-
miðstöð aldraðra í Mosfellsbæ rafknúinn snyrtistól.
Félagið stóð fyrir söfnun í sumar og afhenti stólinn á föstudag en meiri
hluti gefenda var eldri borgarar í Mosfellsbæ.
Valgerður Magnúsdóttir, forstöðumaður þjónustumiðstöðvar aldraðra í
Mosfellsbæ, segir að nýi stóllinn sé mjög lipur og í alla staði mjög þægileg-
ur og komi í góðar þarfir þar sem gamli stóllinn hafi ekki hentað þjónust-
unni og fyrir vikið hafi margir þurft að leita annað vegna þjónustu snyrti-
fræðings eða fótsnyrtis.
Pétur Hjálmsson er formaður Félags aldraðra í Mosfellsbæ en Jón Vig-
fússon var söfnunarstjóri.
Gáfu rafknúinn snyrtistól
Morgunblaðið/Jim Smart
Rangur tónleikatími
Þau leiðu mistök urðu í blaðinu í
gær að röng tímasetning var gefin
upp á tónleikum Sigrúnar Hjálm-
týsdóttur, Gunnars Guðbjörnssonar,
Kristins Sigmundssonar og Jónasar
Ingimundarsonar sem haldnir verða
í Miðgarði í Skagafirði sunnudags-
kvöldið 28. september. Sagt var að
tónleikarnir væru kl. 20, hið rétta er
að þeir hefjast kl. 16. Hlutaðeig-
endur eru beðnir velvirðingar á
þessu. Tónleikar hópsins annað
kvöld verða í Siglufjarðarkirkju kl.
20:30, mánudagskvöldið 29. septem-
ber í Salnum kl. 20, þriðjudags-
kvöldið 30. september í Fjölbrauta-
skóla Suðurlands kl. 20:30 og
fimmtudagskvöldið 2. október í
Reykholtskirkju kl. 20:30.
LEIÐRÉTT
STJÓRN BSRB hefur samþykkt
ályktun þar sem þess er krafist að
verktakafyrirtæki sem vinna við stór-
iðjuframkvæmdir á Austurlandi virði
í hvívetna kjarasamninga og lög og
reglur sem gilda á íslenskum vinnu-
markaði. „Stjórnvöldum ber skylda
til að grípa í taumana ef brotið er á
launafólki eða ekki sinnt kröfum sem
almennt eru gerðar hér á landi um að-
búnað á vinnustað.
Þótt sjónir manna nú beinist að til-
teknum fyrirtækjum á þetta að sjálf-
sögðu við öll fyrirtæki innlend sem
erlend.“
Í ályktuninni segir að sérstakt
áhyggjuefni sé hvernig komið sé fram
við erlenda starfsmenn í launa- og
réttindamálum. BSRB styður ein-
dregið kröfur stéttarfélaga um að
verktakafyrirtæki leggi öll spil á
borðið hvað þessa starfsmenn varðar
og að eftirlitsstofnanir taki á málum
af fullri einurð og festu í góðri sam-
vinnu við íslenska verkalýðshreyf-
ingu.
Hótanir um niðurskurð
á LSH valda óöryggi
Stjórn BSRB segir einnig í ályktun
að stöðugar hótanir stjórnarnefndar
Landspítala – háskólasjúkrahúss um
niðurskurð og brottrekstur starfs-
fólks valdi óöryggi og vanlíðan og
grafi þannig undan starfsemi stofn-
unarinnar. „Sú spurning gerist áleitin
að verið sé að búa í haginn fyrir
einkavæðingu innan sjúkrahússins.
Kerfisbreytingar af því tagi reynast
hins vegar kostnaðarsamar þegar
upp er staðið og eru eftirtektarverðar
yfirlýsingar heilbrigðisráðherra um
að yfirleitt hverfi kostnaður ekki við
slíkar breytingar heldur flytjist ann-
að. Undir þetta vill stjórn BSRB taka
og hvetur jafnframt til þess að um
fjármál sjúkrastofnana verði rætt af
raunsæi og yfirvegun en ekki haft í
hótunum við starfsfólk eins og stjórn-
arnefnd Landspítala – háskólasjúkra-
húss hefur gert.“
Ályktun BSRB um framkvæmdir á Austurlandi
Samningar og reglur verði virtar
♦ ♦ ♦
♦ ♦ ♦
GAGNASAFN
MORGUNBLAÐSINS
mbl.is