Morgunblaðið - 28.09.2003, Blaðsíða 16

16 C SUNNUDAGUR 28. SEPTEMBER 2003 MORGUNBLAÐIÐ
FRÉTTIR
ÞEBA Björt Karlsdóttir hlaut
hæstu einkunn í öllum prófþáttum
sveinsprófs í símsmíði. Á myndinni
er Þeba með Sigurgeiri Ólafssyni
formanni Félags Símsmiða.
Haldin voru sveinspróf í raf-
iðngreinum í júní sl. og útskrif-
uðust alls að þessu sinni 42 svein-
ar.
Voru útskrifaðir 20 rafvirkjar,
einn rafveituvirki, 15 raf-
eindavirkjar og 6 símsmiðir.
Af þessu tilefni héldu Rafiðn-
aðarsamband Íslands, Samtök at-
vinnurekenda í raf- og tölvuiðnaði,
Rafiðnaðarskólinn og Fræðslu-
skrifstofa rafiðnaðarins hóf í hús-
næði Rafiðnaðarsambandsins að
Stórhöfða 31, laugardaginn 20.
september sl., þar sem raf-
iðnsveinum voru afhent sveinsbréf
sín og veittar voru viðurkenningar
fyrir góðan árangur á sveinsprófi.
Útskrift raf-
iðnaðarsveina
ÞAÐ hefur verið kalt á sjóbirtings-
slóðum og mikill vatnskuldi dregur
úr aflabrögðum. Síðasta holl í
Grenlæk var t.d. með aðeins sex
fiska, þrjá birtinga, tvær bleikjur
og einn staðbundinn urriða. Tökur
voru afar naumar alla dagana og
þannig hefur það verið síðustu viku
til tíu daga.
Svipaða sögu er að segja úr öðr-
um bergvatnsám á þessum slóðum,
veiðimenn sem voru t.d. við Tungu-
læk á fimmtudag settu í allnokkra
fiska, en náðu aðeins að landa
tveimur.
Grenlækur á uppleið
Annars virðist sem veiði í Gren-
læk sé á uppleið á nýjan leik eftir
nokkur ár í magurri kantinum. Á
hádegi föstudags voru komnir 526
fiskar í veiðibók, 340 urriðar og 186
bleikjur. Ekki er gott að átta sig á
skiptingu milli sjóbirtinga og stað-
bundinna urriða þar sem slíks er
ekki getið nema í um það bil helm-
ingi tilvika. Er þar skortur á góðri
skráningu, því reitir eru fyrir um-
rædda skráningu í veiðibók. En
miðað við það sem þó er skráð, virð-
ist sem um það bil helmingur urr-
iðaaflans sé sjógenginn og helming-
ur staðbundinn. Veiðst hafa upp í
13 punda sjóbirtingar og síðasti
stórfiskurinn veiddist á fimmtu-
daginn, 10 punda hængur á Heima-
sætu í veiðistaðnum Lómi. Stað-
bundnu urriðarnir ná ekki
jafngríðarlegri stærð, en eru al-
gengir á bilinu 1,5 til 3 pund og
slangur af 4 til 6 punda fiski. Bleikj-
urnar eru yfir höfuð afar vænar,
mest 2 til 4 punda og þó nokkrar 5
til 7 punda. Þær veiðast mest í júní
og júlí, en hverfa síðan að mestu úr
veiðinni síðsumars er veiðimenn
snúa sér í meiri mæli að sjóbirtingi.
Frábær vertíð í Minnivallalæk
Frábærri vertíð í Minnivallalæk
er senn lokið. Rúmlega 500 urriðar
hafa verið skráðir þar. Dregið hef-
ur nokkuð úr veiði í kuldanum að
undanförnu, enda lækurinn kaldur
í eðli sínu. Þó hefur kroppast upp
þegar reynt hefur verið, t.d. veidd-
ist fyrir fáum dögum 12 punda tröll
í Djúphyl á Black Ghost straum-
flugu, en það eru einkum straum-
flugur veiddar djúpt sem gefa fisk í
kuldanum. Þetta er þeim mun
merkilegri veiði, að framan af ver-
tíð var tiltölulega lítið veitt í ánni
vegna þess að veiðihúsið nýja var í
smíðum og enginn aðbúnaður fyrir
veiðimenn.
Tekur grannt í kuldanum
Sjóbirtingsveiðin gengur upp og ofan þessa dagana.
ERU
ÞEIR AÐ
FÁ’ANN?
OPIN kerfi í samstarfi við HP, tóku þátt í
LEGO-hátíð sem Reykjalundur, umboðsaðili
LEGO á Íslandi, stóð fyrir í Vetrargarðinum í
Smáralind, dagana 28. ágúst til 7. september s.l.
HP bauð gestum LEGOhátíðarinnar að taka
þátt í LEGO samkeppni, þar sem þátttakendur
kubbuðu listaverk eftir eigin höfði sem síðan
voru fest á pappír með stafrænni myndavél frá
HP og prentuð út á fjölnotaprentara frá HP.
Þessar myndir voru síðan hengdar upp á vegg í
Smáralindinni og 10 bestu LEGO-listaverkin
voru síðan valin.
Um 600 manns tóku þátt í LEGO-samkeppn-
inni. Verðlaunu hlutu: Hlín Hilmarsdóttir, fékk
fyrstu verðlaun sem var HP psc2110 fjölnota-
prentari og Aron Ágúst Jóhönnuson, stóran
BMW-Williams LEGO-formúlu1-bíl. Önnur til tí-
undu verðlaun fengu Vilhjálmur Ragnarsson,
Sandra og Sunna Júlíusdætur, Alma og Helga
Ólafsdætur, Árni Snær Jónsson, Daníel Bent Al-
exanderson, Arnar Freyr Heimisson, Anton Örn
Kristjánsson, Viktor Helgi, Ingólfur og Hákon.
Ekki náðist í þá Viktor Helga, Ingólf og Hákon
fyrir verðlaunaafhendinguna.
Ljósmynd/Jón Svavarsson
Fjölmargir tóku þátt í LEGO-hátíðinni sem Reykjalundur stóð fyrir. Á myndinni eru frá vinstri: Arnar Freyr Heimisson, Anton Örn Kristjánsson, Aron
Ágúst Jóhönnuson, Hlín Hilmarsdóttir, Daníel Bent Alexandersson. Aftari röð: Halldóra Matthíasdóttir Opnum kerfum, Vilhjálmur Ragnarsson, Sandra
Júlíusdóttir, Sunna Júlíusdóttir, Alma Ólafsdóttir, Helga Ólafsdóttir, Árni Snær Jónsson og Elfa Hannesdóttir Opnum kerfum.
Vinningar í LEGO-hátíðinni í Smáralind
ÁSTA Lilja Lárusdóttir, nemandi í
6M í Kópavogsskóla, datt í lukku-
pottinn á dögunum þegar hún hlaut
fyrstu verðlaun í skólaleik Penn-
ans-Eymundssonar. Ásta Lilja fékk
að bjóða öllum bekknum sínum að
sjá söngleikinn Grease í Borg-
arleikhúsinu sl. laugardag og á eft-
ir fóru þau öll út að borða á Hard
Rock.
Auk þessara verðlauna hlutu níu
aðrir nemendur, í skólum um land
allt, gjafabréf að upphæð 10 þús-
und krónur frá Pennanum-
Eymundssyni.
Krakkarnir í anddyri Borgarleikhússins á leiðinni á Grease. Ásta Lilja Lárusdóttir er fremst fyrir miðju.
Bauð bekknum í leikhús og mat
 JÓN Elvar Wallevik varði dokt-
orsritgerð sína við háskólann í Þránd-
heimi, (NTNU), 2. apríl sl. Heiti rit-
gerðarinnar er
«Rheology of
Particle Suspens-
ions: Fresh Con-
crete, Mortar and
Cement Paste
with Various Typ-
es of Lignosulfon-
ates». Verkefnið
var unnið við
Institutt for kon-
struksjonsteknikk, með Erik J. Selle-
vold prófessor sem aðalleiðbeinenda.
Meðleiðbeinendur voru Fridtjov Irg-
ens prófessor og Sverre Smeplass
verkfræðingur. Verkefnið var styrkt
af Borregaard LignoTech (www.-
borregaard.com) og Rannsóknasjóði
Noregs. Borregaard LignoTech er
framleiðandi ofangreindra þjálniefna
(þ.e. „Lignosulfonates“) .
Áhersla var lögð á að rannsaka
þjálni og þjálnistap á steinsteypu og
múr sem fall af mismunandi hitastigi.
Rannsókn á þjálni og þjálnistapi er
mikilvægur þáttur í að fyrirbyggja
steypuskemmdir á meðan steypt er í
mótin. Rannsóknir voru gerðar við 5,
23 og 38 gráður celsíus. Fyrsta hita-
stigið líkir eftir (mildum) vetrarskil-
yrðum við steypingu, annað líkir eftir
sumartíma og hið síðasta líkir eftir að-
stæðum Mið-Austurlanda. Það síðast-
nefnda þótti afar mikilvægt fyrir
Borregaard LignoTech, vegna mark-
aðslegra umsvifa þeirra í Mið-
Austurlöndum. Niðurstöður rann-
sóknanna eru tengdar við molekúl-
byggingu þjálniefnanna.
Í verkefninu voru rannsakaðir sér-
stakir þjálnieiginleikar sementsefju
(thixotropy). Þar voru mælinið-
urstöður tengdar niðurstöðum tölu-
legra reikninga. Í þessu var ákveðinni
japanskri tækni beitt við að reikna út
hlutfallslegan fjölda sementsagna sem
eru tengdar saman á meðan mæling
stendur yfir. Tilgangur þessar rann-
sóknar var að gera betri grein fyrir
virkni þjálniefnanna.
Jón Elvar Wallevik varði M.Sc. rit-
gerð sína í eðlisfræði við Háskóla Ís-
lands lok ársins 1997. Hann hefur nú
hafið störf hjá Rannsóknastofnun
byggingariðnaðarins. Þar hefur verið
komið á fót alþjóðlegri rannsókn-
arstofu í flotfræðum ferskrar steypu,
múrs og sementefju og er nefnd „The
IBRI Rheocenter“.
Doktor í
þjálni
steinsteypu
SENDINEFND frá fylkisþingi
Kaliforníu í Bandaríkjunum verður í
opinberri heimsókn á Íslandi í boði
Alþingis dagana 27. september til 3.
október.
Fylkisþingmennirnir munu hefja
heimsóknina á Akureyri, þar sem
þeir dvelja í tvo daga áður en þeir
halda til Reykjavíkur. Þeir munu
meðal annars kynna sér orkumál,
sjávarútvegsmál og almannavarnir.
Þingmennirnir verða við setning
Alþingis miðvikudaginn 1. október
og munu eiga fundi með fulltrúum
þingflokka og efnahags- og við-
skiptanefndar Alþingis. Þeir munu
jafnframt hitta Ólaf Ragnar Gríms-
son forseta Íslands, forsætisráð-
herra og Halldór Blöndal forseta Al-
þingis.
Setning Alþingis, 130. löggjafar-
þings, hefst 1. október 2003 kl. 13.30
með guðsþjónustu í Dómkirkjunni.
Að guðsþjónustu lokinni verður
gengið til þinghússins. Forseti Ís-
lands setur þingið og að því loknu
tekur aldursforseti þingsins við
fundarstjórn og stjórnar kjöri for-
seta Alþingis.
Í heimsókn
í boði Alþingis