Morgunblaðið - 29.09.2003, Blaðsíða 25

MINNINGAR
MORGUNBLAÐIÐ MÁNUDAGUR 29. SEPTEMBER 2003 25
ATVINNU-
AUGLÝSINGAR
I
I
Lögfræðingur
Héraðsdómur Reykjavíkur óskar eftir því að
ráða lögfræðing til starfa vegna afleysinga frá
1. nóvember 2003 til 31. ágúst 2004. Um er að
ræða starf samkvæmt 17. gr. laga nr. 15/1998
um dómstóla (aðstoðarmaður dómara).
Laun eru samkvæmt kjarasamningi Stéttar-
félags lögfræðinga í ríkisþjónustu.
Umsóknir, ásamt upplýsingum um menntun
og fyrri störf, skulu sendar Barböru Björnsdótt-
ur, skrifstofustjóra í Héraðsdómi Reykjavíkur,
fyrir 15. október. Nánari upplýsingar eru veittar
í síma 562 8546 milli kl. 10.00 og 12.00.
Öllum umsóknum verður svarað þegar ákvörð-
un um ráðningu hefur verið tekin.
Umsóknir gilda í sex mánuði.
Reykjavík, 26. september 2003.
Helgi I. Jónsson, dómstjóri,
Dómhúsinu við Lækjartorg,
101 Reykjavík
www.domstolar.is/hdreykjavik.html
heradsdomur.reykjavikur@tmd.is
Sími 560 4900 — Fax 562 2166.
R A Ð A U G L Ý S I N G A R
KENNSLA
Árs framhaldsnám
sjúkraliða
Heilbrigðisskólinn býður nú í þriðja sinni upp
á árs framhaldsnám sjúkraliða í öldrunarhjúkr-
un. Inntökuskilyrði eru þau, að viðkomandi
hafi unnið að lágmarki fjögur ár sem sjúkraliði
og hafi einhverja tölvukunnáttu.
Boðið er upp á tvær leiðir til þess að stunda
námið;
1. Staðbundið tveggja anna bóknám og átta
vikna verknám á heilbrigðisstofnunum.
2. Fjarnám með fjarfundabúnaði og stað-
bundnar lotur, en þá er námið fjórar annir
og átta vikna verknám. Fjarnámið er með
fyrirvara um lágmarksþátttöku.
Umsóknarfrestur er til 24. október og skal skila
umsókn á skrifstofu skólans og skulu fylgja
henni afrit af prófskírteinum, starfsferilsskrá
og meðmæli frá vinnuveitanda.
Allar nánari upplýsingar um námið er hægt
að finna á heimasíðu Fjölbrautaskólans við
Ármúla/Heilbrigðisskólans, sjúkraliðabraut,
framhaldsnám sjúkraliða, www.fa.is og hjá
kennslustjóra sjúkraliðabrautar, netfang
ghr@fa.is eða í síma 581 4022.
Skólameistari.
NAUÐUNGARSALA
Uppboð
Framhald uppboðs á eftirfarandi eignum verður háð á þeim
sjálfum, sem hér segir:
Bárugata 4, Flateyri, þingl. eig. Ágústa Guðmundsdóttir, gerðarbeið-
andi Fróði hf., föstudaginn 3. október 2003 kl. 11:20.
Fjarðargata 40, 2. h.t.v., Þingeyri, þingl. eig. Aðalsteinn Einarsson,
gerðarbeiðendur Innheimtustofnun sveitarfélaga og Íbúðalánasjóður,
föstudaginn 3. október 2003 kl. 10:00.
Fjarðarstræti 32, austurendi, Ísafirði, þingl. eig. Rafn Sverrisson,
gerðarbeiðendur Ísafjarðarbær og Tryggingamiðstöðin hf., föstudag-
inn 3. október 2003 kl. 13:00.
Sjávargata 6, Þingeyri, þingl. eig. Unnur ehf., gerðarbeiðendur Byggð-
astofnun, Ísafjarðarbær og Sjóvá-Almennar tryggingar hf., föstudag-
inn 3. október 2003 kl. 10:20.
Sýslumaðurinn á Ísafirði,
26. september 2003.
Ólafur Hallgrímsson, fulltrúi.
TIL SÖLU
20 TONNA
BÓKAMARKAÐUR
Okkar árlegi bókamarkaður hefst nk. mánu-
dag kl. 11 á Laugavegi 105. Tugþúsundir bóka
og ritverka. Bókamarkaðurinn stendur í tvær
vikur. Opið alla daga frá 11-19.
Útsala verður einnig í versluninni á Vestur-
götu 17 markaðsdagana. Helmings afsláttur
af öllum bókum.
Bókavarðan - Antikvariat,
Vesturgötu 17, s. 552 9720.
Bókamarkaðurinn,
Laugavegi 105.
SMÁAUGLÝSINGAR
DULSPEKI
Miðill sem svarar þér í dag.
Hringdu og fáðu einkalestur og
svör við vandamálum í starfi
eða einkalífi í síma 001 352 624
1720.
FÉLAGSLÍF I.O.O.F. 19
1849298


GIMLI 6003092919 III

HEKLA 6003092919 VI

HEKLA 6003290919 VI

MÍMIR 6003092919 I Fjhst.
upplýsingar er að finna á mbl.is/upplýsingar
ATVINNU- OG RAÐAUGLÝSINGAR
Enn er skarð
höggvið í systkinahóp-
inn með fráfalli Inga
bróður okkur, en Jón
bróðir lést í maí sl. Andlát Inga
kom ekki á óvart og var að vissu
leyti líkn þar sem hann hafði þjáðst
af alzheimersjúkdómnum í fjögur
ár. Ingi var síðustu tvö árin á
Hjúkrunarheimilinu Skjóli, þar
sem hann naut góðrar umönnunar
hjúkrunarfólks og starfsliðs.
Ingi var fjölskyldufaðir í bestu
merkingu þess orðs. Heimilið var
hans yndi og áhugamál.
Jóna kona hans var ástin hans,
börnin Charlotta, Snorri og Sæunn
Lilja voru augasteinar hans og
barnabörnin nutu samvista við ást-
ríkan afa sem sinnti þeim af alúð
og elsku.
Ingi var hvers manns hugljúfi,
skapgóður, brosmildur og yndisleg-
ur maður sem öllum þótti vænt um.
Hann var mikill áhugamaður um
garðyrkju, var með græna fingur
eins og sagt er, og hafði unun af að
fegra umhverfi sitt. Fallegt
birkitré í garðinum heima hjá okk-
ur hjónum var brúðargjöf frá hon-
um sem hann hafði komið til af fræi
og minnir á kæran bróður og mág.
Það var alltaf skemmtilegt og
spennandi að heimsækja Inga og
Jónu, einkanlega þegar þau fluttu í
INGI RAGNAR B.
BJÖRNSSON
✝ Ingi RagnarBrynjólfur
Björnsson fæddist
hinn 11. júlí 1932 á
Borg á Mýrum. Hann
lést á hjúkrunar-
heimilinu Skjóli hinn
19. september síðast-
liðinn og var hann
jarðsunginn frá
Dómkirkjunni 26.
september.
ný heimkynni og fylgj-
ast með hvernig þau
fylltu húsið blómum
og garðurinn var tek-
inn í gegn og endur-
skipulagður. Þar naut
Ingi sín best og voru
þau hjónin mjög sam-
hent í garðyrkjustörf-
unum og að fegra
heimilið. Ingi starfaði
í fyrstu við verslunar-
störf hjá Sláturfélagi
Suðurlands, í Matar-
deildinni í Hafnar-
stræti og síðar hjá
Fataverslun Andrésar
Andréssonar klæðskera, þar sem
hann kynntist konuefni sínu, Jónu
Sæmundsdóttur, sem vann líka í
versluninni. En lengstan hluta
starfsferils síns starfaði Ingi í aðal-
banka Landsbankans í Austur-
stræti, sem fulltrúi í víxla- og verð-
bréfadeild, og síðan forstöðumaður
deildarinnar, þar sem hann ávann
sér vinsældir og traust samstarfs-
manna sem viðskiptavina.
Ingi var, eins og fleiri bræður
mínir, mikill bílaáhugamaður. Ég
man eftir gömlum herbíl sem hann
eignaðist, Dodge Carryall, sem
flutti m.a. okkur systkinin upp í
sumarbústaðinn við Hreðavatn og
gengu ferðirnar misvel því bíllinn
var býsna kenjóttur.
Um tíma átti hann BSA mót-
orhjól og einn fagran sumardag
selflutti hann mig og bræður mína
tvo að Baulu í Norðurárdal og
gengum við síðan á fjallið. Sú saga
var viðburðarík en verður ekki
frekar rifjuð upp hér. Ingi hafði
ánægju af að ferðast, bæði sem
ungur maður með frænda sínum
Valgeiri og öðrum vinum og síðar
með fjölskyldu sinni bæði innan-
lands sem utan.
Að leiðarlokum þakka ég bróður
mínum alla umhyggju og elsku sem
hann sýndi mér, börnum mínum og
eiginmanni. Þegar ég heimsótti
hann á Skjól undir lokin fékk ég
alltaf bros þegar ég heilsaði honum
en síðan var eins og hann hyrfi á
brott inn í gleymskuna sem fylgir
þessum sjúkdómi. En við minn-
umst hans sem glaðværs, skemmti-
legs og kærleiksríks bróður og
mágs sem öllum vildi gott gera og
gaf mikið af sér.
Jónu mágkonu minni, Lottu,
Snorra, Sæunni, börnum þeirra og
tengdabörnum flytjum við Ólafur
innilegar samúðarkveðjur. Hvíl þú í
friði, kæri bróðir.
Ingibjörg Björnsdóttir.
Ingi Ragnar Brynjólfur Björns-
son, fyrrverandi bankamaður, lést
eftir langvinn veikindi hinn 19.
september sl., aðeins tæpu hálfu
ári eftir að bróðir hans, Jón Krist-
inn Björnsson verkfræðingur,
kvaddi þennan heim.
Þessa frænda míns, æskufélaga
og góðs vinar til fullorðinsára lang-
ar mig til að minnast örfáum orð-
um og þakka honum samveru-
stundirnar allt frá fyrstu bernsku-
dögunum á Borg. Margar góðar
stundir áttum við Ingi saman á
unglingsárunum eftir að fjölskylda
hans fluttist til Reykjavíkur. Við
gerðum víðreist um sveitir lands-
ins, ýmst tveir saman eða ásamt
bræðrum okkar. Ferðast var með
áætlunarbílum, á reiðhjólunum
okkar eða í gömlu bílunum sem
voru í hávegum hafðir hjá Inga og
bræðrum hans og í því sambandi
má ekki gleyma að minnast á Lár-
us heitinn Thorarensen og Fordinn
hans. Útilegur í blómlegum byggð-
um Borgarfjarðar og víðáttu-
miklum uppsveitum Árnessýslu
verða ávallt minnisstæðar sem og
Vestmannaeyjaferðirnar með m.s.
Esju.
Ingi var góður félagi og áhuga-
mál okkar frændanna saman-
tvinnuð, enda vorum við nánast
eins og bræður. Léttleiki og gam-
ansemi var ríkur þáttur í samskipt-
um okkar hvort sem var í ferðalög-
um, gönguferðum á „rúntinum“,
bíóferðum eða þegar vinahópurinn
kom saman í kvistherberginu á
Freyjugötunni til að hlusta á jass-
plötur, spila á spil eða bara til að
hlæja að gamansögum sem spruttu
af munni fram. Þarna voru sam-
ankomnir ungir menn með heil-
brigð og saklaus áhugamál þótt
skoðanir væru að sjálfsögðu skipt-
ar á stundum og oft þröngt setinn
bekkurinn. Vín var aldrei haft um
hönd, en einstöku sinnum kveikt í
sígarettu. Íþróttir voru ofarlega á
áhugasviði okkar, einkum frjálsar
íþróttir og sund sem var töluvert
iðkað. Íþróttavöllurinn gamli á
Melunum hafði mikið aðdráttarafl
fyrir unga menn, bæði til að horfa
á afreksmenn spreyta sig og til að
taka sjálfir þátt í heilbrigðu starfi
og leik. ÍR var okkar félag og
minnist ég margra góðra stunda í
þeim félagsskap.
Ekki verður skilið við minningar
æskuáranna án þess að minnst sé á
heimilið að Bergstaðastræti 56 þar
sem Ingi átti sín unglingsár í hópi
átta systkina eftir að fjölskylda
hans flutti frá Borg á Mýrum þar
sem heimilisfaðirinn hafði þjónað
sem sóknarprestur og flest systk-
inin átt sín bernskuspor. Systkina-
hópurinn var umvafinn hlýju for-
eldra sinna, Charlottu Jónsdóttur
og Björns Magnússonar. Á heim-
ilinu voru einnig fulltrúar eldri
kynslóðarinnar sem höfðu mikil
áhrif á uppeldi systkininna, en það
voru föðurafinn, sr. Magnús Bjarn-
arson, fyrrv. prófastur, og móður-
amman, Dóróthea Kristín Möller.
Samband systkinanna við foreldra
sína einkenndist alla tíð af ein-
stakri hlýju og góðvild. Á heimilinu
ríkti mikil gestrisni og fór ég og
síðar fjölskylda mín ekki varhluta
af henni frekar en aðrir sem knúðu
dyra.
Þótt samverustundum fækkaði
eins og oft vill verða þegar strit
hversdagsins og umhyggja fyrir
eigin fjölskyldu taka æ meiri tíma,
var sami hlýleikinn ávallt til staðar
í þau skipti sem við Ingi hittumst.
Ég sakna góðs vinar og heiðarlegs
manns.
Við Unnur sendum konu hans,
Jónu Aldísi, börnum þeirra og öðr-
um aðstandendum hugheilar sam-
úðarkveðjur.
Valgeir J. Emilsson.
Elskulegur faðir okkar, tengdafaðir, afi og
langafi,
TAGE ROTHAUS OLESEN,
Reynivöllum 5,
Selfossi,
lést á Landspítalanum við Hringbraut laugar-
daginn 27. september. Útför hans verður
gerð frá Selfosskirkju laugardaginn 4. október kl. 11.00,
Bjarni Olesen, Jóhanna Guðjónsdóttir,
Ole Olesen,
Ágústa R. Olesen,
barnabörn og barnabarnabörn.