Morgunblaðið - 29.09.2003, Blaðsíða 42

42 C MÁNUDAGUR 29. SEPTEMBER 2003 MORGUNBLAÐIÐFasteignir
H
já söluskrifstofu Hóls á
Egilsstöðum eru nú til
sölu ýmsar athyglisverð-
ar fasteignir, bæði þar og
í nærliggjandi byggðarlögum. Þeirra
á meðal er húseignin Austurvegur 3
á Seyðisfirði, sem er þekktust undir
nafninu Hótel Snæfell. Þetta glæsi-
lega hús á sér langa og merkilega
sögu, sem fer hér á eftir í samantekt
Ólafíu Herborgar Jóhannsdóttur,
sölufulltrúa hjá Hóli á Egilsstöðum.
Húsið var byggt árið 1908 af Lár-
usi S. Tómassyni, föður hins ástsæla
tónskálds Austfirðinga. Í bókinni
Húsasögu Seyðisfjarðar eftir Þóru
Guðmundsdóttur arkitekt segir:
„Hinu nýja húsi Lárusar er svo
lýst í húsavirðingu frá 1908. Húseign
Lárusar Tómassonar bankagjald-
kera, 15 al langt, 12 al breitt, 9 álna
hátt ofan á grunni. Það er byggt úr
plægðum 3plönkum. Utan á planka-
veggina er klætt með pappa og sléttu
galvaniseruðu járni yfir.
Í húsinu eru 6 herbergi, 2 gangar,
allt málað og betrekt. Undir húsinu
er kjallari út steinsteypu 4 al hár, og
sementssteypuveggur að endilöngu í
miðju, og sementssteypugólfi. Í
kjallaranum er eldhús, búr, bóka-
verslunarbúð, pakkamersi, gangur
og geymsluherbergi. Í húsinu eru 2
múrpípur, neðan úr kjallara upp í
gegnum mæni, í þær ganga einn ofn,
1 eldavél.
Í eldhúsinu er vatnsleiðsla með
þvottaþró og afrennslispípu. Á milli
stofanna eru víðar dyr með filtdrag-
hurðum á milli. Við innenda húsins
er útbygging 4 al að lengd, 10 al að
breidd, byggt úr bindingsverki,
klætt utan með borðum með pappa
og járni yfir.
Umhverfis þakið er rimla-girðing
úr timbri, og tvöfaldar flöjhurðir inn
á ganginn. Á útbyggingunni eru
tvennar dyr. Útbyggingin er 3(þrí)
hólfuð, sementssteypa er í gólfinu.“
Bóksala og pósthús
Í þessum húsakynnum var bók-
sala í kjallaranum og íbúð fjölskyld-
unnar í hinum hluta hússins. Sigurð-
ur Baldvinsson, póstmeistari frá
Stakkahlíð, eignast húsið 1918 og bjó
í því og var jafnframt með pósthús.
Breytti Sigurður talsvert húsinu,
byggði eina hæð ofan á húsið, reif
viðbygginguna og steypti kjallarann
áfram inneftir og svalir og tengdi
bakinngang við báðar hæðir.
Sigurður bjó sjálfur í þessu nýja
húsnæði en leigði út miðhæðina og
kjallarann. Pósthús var starfrækt í
kjallaranum sem fyrr. Árið 1932
eignaðist Landsbankinn á Eskifirði
húsið og leigir það að öllum líkindum
næstu árin.
Ýmsir leigðu í húsinu á þessum ár-
um. Þar voru til húsa árið 1942 alls
17 manns. Þeirra á meðal tengdafað-
ir Alberts Guðmundssonar, fyrrum
sendiherra og alþingsmanns.
Ingunn Pétursdóttir kaupir efri
hæðir húsins árið 1943 og hefur hót-
elrekstur þar. Var hún með veitinga-
sölu á miðhæðinni og gistingu á efstu
hæðinni. Einnig voru þar haldnir
dansleikir, árshátíðir og hverskyns
mannfagnaðir til fjölda ára. Þótti
Ingunn afburða myndarleg hótel-
stýra og fór frægðarorð af matseld
víða. Mun það hafa verið hún sem
nefndi hús þetta eða rekstur sinn
Hótel Snæfell.
Jóhannes Árnason rak gúmmí-
vinnustofu í kjallaranum og gerði
þar mjög vinsæla gúmmískó úr
gömlum hjólbörðum sem voru
nefndir eftir honum og kallaðar
„gúmmíjóar“.
Hlutafélagið Snæfell hf. tók við
rekstrinum árið 1962 og voru það að-
allega þau hjónin Margrét Hall-
grímsdóttir og Einar Pálsson sem
ráku hótelið en aðrir eigendur voru
Hjalti Nilsen og Hörður Hjartarson.
Síldarævintýri
Á þessum árum upphófust hinar
miklu síldveiðar úti fyrir Austur-
landi og Norðurlandi og sóttu sjó-
menn mikið inn til Seyðisfjarðar.
Voru það bæði innlendir og erlendir
sjómenn sem fannst gott að geta leit-
að í land í brælum og eins til að landa
á þeim fjölmörgum síldarplönum
sem voru byggð upp líkast því sem
gorkúlur spretta upp í skógi eftir
rigningu.
Eins voru Norðmenn með varð-
skip á miðunum til að aðstoða sína
sjómenn. Var það tilkomumikil sjón
að sjá dátana af varðskipunum
ganga um götur Seyðisfjarðar í sín-
um einkennisbúningi, þeir urðu ein-
hvernveginn allir myndarlegir í
þessum fatnaði. Áttu þeir talsverð-
um vinsældum að fagna hjá kven-
þjóðinni á staðnum, heimamönnum
til mikillar mæðu.
Í góðum landlegum má ætla að allt
að 3.000 manns hafi verið á staðnum
og sótt dansleiki sem voru á hverju
kvöldi í Félagsheimilinu Herðubreið
sem var beint á móti Hótel Snæfelli.
Í kjallaranum á Hótel Snæfelli var
hótelsjoppan nú starfrækt í húsnæði
því sem áður hýsti gúmískó og póst
og einnig var fljótlega fjárfest í
„jukeboxi“ sem var óþekkt fyrirbæri
á þessum slóðum. Þetta var hlutur
sem ungmennin á staðnum kunnu
vel að meta og var því sjoppan vel
sótt og varð einn af fjölsóttustu stöð-
um á Seyðisfirði.
Þar voru tíðir gestir þeir ungu
menn sem seinna áttu eftir að verða
þekktir tónlistarmenn, s.s. Gylfi
Gunnarson, Ingólfur Steinsson og
Magnús Einarsson sem er nú þekkt-
ur sem tónlista og fjölmiðlamaður.
Ef til vill hefur veran í hótelsjopp-
unni við að hlusta á tónlistina úr
„jukeboxinu“ eflt tónlistarhæfileika
þeirra.
Á þessum árum var einnig leigu-
og vörubílastöð starfrækt í kjallar-
anum og veitti ekki af. Var það ekki
óalgengt að leigubílstjórarnir væru
fengir í ferðir hringinn í kringum
landið. Sjómennirnir vildu komast
heim í langþráð frí og var þetta fljót-
legasti mátinn að ferðast á þeim ár-
um.
Árið 1966 tók við rekstrinum
hlutafélagið Fjörður og var þá húsið
einnig rekið sem Hótel Fjörður. Þar
var meðal eiganda Þorvaldur Jó-
hannsson sem seinna var bæjarstjóri
á Seyðisfirði ásamt konu sinni Dóru
Sæmundsdóttur, hún er m.a. amma
hinnar þekktu fjölmiðlakonu Dóru
Takefusa.
Ásamt þeim voru eigendur þau
hjónin Gunnhildur Eldjárnsdóttir og
Bjarni Magnússon.
Allt að 60 manns í fæði
Þorvaldur og Dóra bjuggu á
neðstu hæðinni með sína stóru fjöl-
skyldu og uppi á lofti voru seldar
veitingar. Voru þá í fastafæði allt að
60 manns þegar mest var fyrir utan
fjölda af gestum sem birtust með
litlum sem engum fyrirvara. Að
loknum síldarárunum varð breyting
á öllu bæjarlífinu og komu margir að
rekstri hótelisins.
Stóð til á tímbili að rífa þetta hús
því bæjaryfirvöldum fannst þetta
vera hálfgert vandræðabarn sem
enginn vildi gangast við. Pétur Jóns-
son smiður gerði þá bænum tilboð í
húsið sem samsvaraði því sem kost-
aði að spila eitt lag í jukeboxinu og
var því tekið feginshendi.
Hófst hann handa við að breyta og
betrumbæta húsið og fjölgaði gisti-
herbergjum á tveim efstu hæðunum.
Og er hótelið í dag með sama sniði að
mestu fyrir utan að verönd á miðhæð
hefur verið breytt í setustofu. Her-
bergin eru nú 9, hvert herb. með wc.
(4 eins manns, 1 þriggja manna og 5
tveggja manna). Þar sem áður var
íbúð hótelstjórans er nú eldhús vel
tækjum búið þ.á m. gaseldavél, raf-
magnseldavél og gasofn.
Á jarðhæð er veitingasalur fyrir
u.þ.b. 55 manns í sæti í viðbyggingu
og 3 snyrtingar. Nýlega var byggð
verönd við húsið sem gefur mögu-
leika á góðum og fallegum sólskála.
Stækkun gistirýmis er hugsanlega
fyrir hendi en þörfin hefur aukist að
undanförnu sökum mikils uppgangs
á Austurlandi og tilkomu stærri
Nörrönu.
Miklir möguleikar
Þetta er eign sem gæti gefið mikla
möguleika á rekstri fyrir ferðaþjón-
ustu í ýmsu formi, svo sem litlar ráð-
stefnur, fyrir fólk í brúðkaupsferð og
litla hópa. Húsið stendur við aðal-
götu bæjarins í miðjum bænum og
snýr norðurhlið hússins að fallegu
lóni sem er inn við botn fjarðarins.
Lónið hefur nýlega verið gert upp
og m.a. var hlaðinn kantur hringinn í
kringum. Er mjög fallegt útsýni yfir
lónið á björtum degi, með hin sér-
stöku bröttu fjöll Seyðisfjarðar að
spegla sig í lygnu lóninu.
Hótel Snæfell á
Seyðisfirði til sölu
Frá Seyðisfirði. Þörfin hefur aukizt fyrir gistirými vegna mikils uppgangs á Austurlandi og tilkomu stærri Nörrönu.
Hótel Snæfell. Í hótelinu eru níu herbergi, 4 eins manns, 1 þriggja manna og 5
tveggja manna. Á jarðhæð er veitingasalur fyrir ca. 55 manns í sæti í viðbygg-
ingu. Setustofa er á miðhæð. Nýlega var byggð verönd við húsið sem gefur
möguleika á góðum og fallegum sólskála. Óskað er eftir tilboðum, en Hótel
Snæfell er til sölu hjá Hóli á Egilsstöðum.
FASTEIGNASALAN Hóll hef-
ur tekið upp á þeirri nýjung að
koma sér upp söluskrifstofum
úti á landsbyggðinni og gerir
þar með eignir úti á landi
sýnilegar öllum lands-
mönnum. Ef eignin er skráð
hjá Hóli er eignin ekki aðeins
kynnt í Reykjavík heldur um
allt land með Netinu og að-
stoð kröftugra sölumanna.
Ólafía Herborg Jóhanns-
dóttir í versluninni Okkar á
milli, Tjarnarbraut 19 á Egils-
stöðum, er sölufulltrúi á sölu-
skrifstofu Hóls þar í bæ. Að
sögn Ólafíu Herborgar hefur
fólk tekið starfsemi hennar
vel. Hún aðstoðar fólk við að
leita að eignum til kaups og
skoðar og metur eignir, tekur myndir og
semur lýsingu sem fer samdæg-
urs inn á heimasíðu Hóls,
www.Hóll.is sem er aðgengileg
fyrir alla netnotkendur sama
hvar áhugasamir aðilar eru
staddir, jafnvel í öðrum löndum.
Tilvalið að nota Netið
„Mikill fjöldi fólks flyst búferl-
um af landsbyggðinni á hverju
ári og eins eru alltaf einhverjir
sem flytja af mölinni út á land og
er því tilvalið að nota Netið og
tölvutæknina við að skoða eignir
sem eru skráðar á www.Hóll.is,“
segir Ólafía Herborg.
Hún segir vaxandi eftirspurn
vera eftir alls konar eignum á
Héraði. Þörf er einnig að vaxa
fyrir húsnæði fyrir stór fyrirtæki
sem eru að koma upp aðstöðu vegna vinnu
við álver og virkjun og kjósa flest að hafa
höfuðstöðvar sínar á Egilsstöðum.
Þar má m.a. nefna verkfræðiskrifstofu
Sigurðar Thoroddsen og ýmis önnur fyr-
irtæki sem tengjast undirbúningsvinnu við
hönnun og framkvæmdir þessara miklu
mannvirkja. „Það er vöntun á íbúðar- og
skrifstofuhúsnæði til leigu fyrir þá sem vilja
koma á svæðið til skammtímadvalar og
leiguverð hefur rokið upp úr öllu valdi,“ seg-
ir Ólafía Herborg.
„Eigendur fasteigna á Héraði hafa getað
unað vel við verð það sem hefur fengist fyr-
ir þær fasteignir sem seldar hafa verið á
þessu ári. Nú er svo komið að mikil vöntun
er á eignum til sölu því að eftirspurnin er
langtum meiri en framboðið.“
Seljast samstundis
„Eignir sem eru settar á sölu seljast und-
antekningarlaust samstundis og eru oft
margir um hverja eign,“ heldur Ólafía Her-
borg áfram.
Að hennar sögn hefur fram til þessa ekki
verið mikið um sölu íbúðarhúsnæðis annars
staðar á Austurlandi en nú er orðin breyt-
ing þar á. „Með tilkomu betri samgangna
þykir t.d. ekkert athugavert við að búa á
Seyðisfirði og stunda vinnu á Héraði því að
vegalengdin þar á milli er ekki ósvipuð og
fólk á höfuðborgarsvæðinu er vant að þurfa
að fara úr og í vinnu,“ segir hún.
„Einnig er með tilkomu alls kyns tækni í
raun og veru hægt að búa hvar sem er og
stunda vinnuna heima í tölvunni. Stutt er
frá Héraði til Seyðisfjarðar en yfir sumar-
tímann er þar viðkomuhöfn bíla- og far-
þegaferjunnar Norrænu sem siglir milli Ís-
lands, Færeyja, Danmerkur, Noregs og
Hjaltlands. Margt fleira mætti nefna sem
stöðugt laðar aukinn fjölda ferðamanna til
Austurlands.“
Vaxandi eftirspurn eftir fasteignum á Héraði
Ólafía Herborg Jóhanns-
dóttir, sölufulltrúi Hóls á
Egilsstöðum.