Morgunblaðið - 01.10.2003, Blaðsíða 2
2 B MIÐVIKUDAGUR 1. OKTÓBER 2003 MORGUNBLAÐIÐ
bílar
SALA á fólksbílum hefur aukist um
41,4% það sem af er árinu, ef miðað
er við sölutölur fram til 26. sept-
ember sl. Alls höfðu þá selst 7.824
bílar en á sama tíma í fyrra höfðu
selst 5.534 bílar. Sem fyrr heldur
Toyota yfirburðastöðu einstakra teg-
unda með 27,5% markaðshlutdeild
en í öðru sæti er Volkswagen með
10,3% hlutdeild, en hlutdeild Heklu er
nálægt 18% séu allar tegundir taldar
saman.
!
"#$%&
'&%
%($
)(*
)&)
*++
*'&
*('
*)&
*&&
",'
""+
$,(
$,*
$$+
,('
!"!#
Rúmlega 41% aukning í bílasölu
FÉLAG íslenskra bifreiðaeigenda
segir að ekki eigi að una við það að
stór hluti bíla sem seldir eru í
mánudagsuppboðum trygginga-
félaganna lendi í heimabílskúrum
hjá mönnum sem þekkja ef til vill
lítt eða ekki til réttra vinnubragða
við endurbyggingu tjónabíla né hafi
þau verkfæri, áhöld og efni sem til
þarf.
FÍB segir oft þannig staðið að
málunum að lappað sé upp á bílana
þannig að þeir virðist vera í lagi af
útliti þeirra að dæma. Þessir bílar
séu svo seldir, gjarnan sem „lítið
eknir, nýsprautaðir og óvenju fal-
legir“ en kaupendur þeirra vakni
síðan upp við þann vondan draum
að hafa keypt „sminkað lík“, þ.e.a.s.
köttinn í sekknum.
Viðgerðir tjónabílar oft hreinasta
martröð fyrir bílaeigendur
Þetta kom fram á fundi sem FÍB
hélt með blaðamönnum en á honum
kynnti félagið niðurstöður á skoð-
unum Fræðslumiðstöðvar bílgreina
(FMB) á viðgerðum tjónabílum í
eigu félagsmanna FÍB. Félagið seg-
ir að viðgerðir tjónabílar hafi reynst
mörgum bílaeigandanum martröð
og mjög mörg ágreiningsmál vegna
bílakaupa sem komi til kasta FÍB
séu vegna illa viðgerðra tjónabíla.
Talsmenn FBÍ sögðu ástandsskoð-
un bíla minnka áhættuna fyrir
kaupendur en þess væri þó dæmi að
illa viðgerðir tjónabílar stæðust
slíka skoðun. Hún væri því ekki
endanleg trygging á því að bílinn
væri í lagi.
Flestallir bílarnir sem Fræðslu-
miðstöð bílgreina skoðaði fyrir FÍB
höfðu skemmst í umferðaróhöppum
en tryggingafélögin höfðu leyst þá
flesta til sín og selt síðan aftur á
vikulegum mánudagsuppboðum sín-
um. Fram kom á fundinum að sum-
ir þessar bíla höfðu verið skráðir
sem tjónabílar í bifreiðaskrá en aðr-
ir ekki. Allir höfðu bílarnir skemmst
umtalsvert á burðarvirki og/eða
hjólabúnaði.
Í skoðun FMB kom í ljós að
vinnubrögð við þessa bíla voru frá
því að vera góð og yfir í það að vera
algerlega óviðunandi og allt þar á
milli. Sem dæmi um óviðunandi við-
gerðir megi nefna að hlutar yfir-
bygginga höfðu „ólöglega“ verið
réttir í stað þess að skipta þeim út
fyrir nýja, hlutar í burðarvirki
höfðu verið hitaðir og réttir í stað
þess að skipta þeim út – þrátt fyrir
blátt bann við slíku viðgerðahand-
bókum.
Núverandi fyrirkomulag
á uppboðum óæskilegt
Að mati FÍB þarf að framfylgja
reglum um skráningu tjónabíla bet-
ur og bæði lögregla og þeir sem
koma að slysum og umferðaróhöpp-
um þurfi að gagna hreint til verks í
þessum efnum, þ.e. að fjarlægja
númer af bílflökum og skrá þau sem
tjónabíla eins og reglur mæla fyrir
um en á þessu eru nokkur vanhöld
að mati forsvarsmanna FÍB. FÍB
segir að eins og málum sé nú háttað
sé þrýstingur af hálfu trygginga-
félaganna á þessa aðila að gera
þetta ekki nema þeir séu vissir um
að skemmdir séu nægjanlegar til að
réttlæta slíkt. Þá telur FÍB að nú-
verandi fyrirkomulag á útboði og
sölu á tjónabílum sé afar óæskilegt;
skemmdir bílar eigi alls ekki að
lenda í höndum þeirra sem ekki
kunni til verka eða geti gert sóma-
samlega við þá. Þá eigi trygginga-
félög sem leysa til sín skemmda bíla
að láta fagmenn gera við þá í sam-
ræmi við raunhæft tjónamat og
svari viðgerð ekki kostnaði eigi
hreinlega að farga bílunum.
Stærsta smugan er hjá
tryggingafélögunum
Fram kom á fundinum að seldar
séu á bilinu 30 til 50 tjónabílar á
uppboðum tryggingafélaganna í
hverri viku eða 1.500 til 2.000 þús-
und bílar á ári og stærsta smugan
sé því hjá þeim sem síst skyldi, þ.e.
tryggingafélögunum. Þau standi á
hverjum mánudegi fyrir útsölu á
bílum sem skemmst hafi í umferð-
arslysum. Í flestum tilvikum séu
þetta bílar sem félögin hafi leyst til
sín eftir tjón og ekki svari kostnaði
fyrir þau að láta gera við. Bílarnir
lendi síðan oftar en ekki inni í bíl-
skúrum hjá mönnum sem hafi það
sem aukagetu eða lifibrauð að lappa
upp á tjónabíla. Þessir bílar séu svo
seldir á almennum markaði eftir að
búið er að „sminka þá upp“ þannig
að grandalaus kaupandi sjái ekki
neitt athugavert við bílinn eða sjái
ekki fyrr en of seint að bílinn sé
háskalegur. Öryggisbúr bílsins geti
í sumum tilvikum verið stórlega
veiklað sem geti haft alvarlegar af-
leiðingar lendi bílinn aftur í óhappi.
FÍB segir að bílar af þessu tagi eigi
með réttu alls ekki að vera í um-
ferð, þeir geti beinlínis verið hættu-
legir.
FÍB telur að til þess að tryggja
að slíkir bílar fari ekki í umferð
þurfi að framfylgja betur þeim
reglum sem þegar séu í gildi og eins
þurfi að skerpa á vinnureglum og
vinnubrögðum þeirra sem að málinu
koma, þ.e.a.s. lögreglu, tollgæslu,
starfsmanna tryggingafélganna og
Skráningarstofu.
Félag íslenskra bifreiðaeigenda lætur Fræðslumiðstöð bílgreina skoða viðgerða tjónabíla
Alltof oft verið
að selja köttinn
í sekknum
Morgunblaðið/Árni Sæberg
Talsmenn FÍB og Fræðslumiðstöðvar bílgreina virða fyrir sér einn tjónabílinn.
RÆSIR hf., umboðsaðili Merce-
des-Benz, Mazda og Chrysler/
Jeep, frumsýnir seinnihluta nóv-
embermánaðar nýja Mazda3 bíl-
inn sem leysir Mazda 323 af
hólmi. Um er að ræða alveg nýjan
bíl, hannaðan í sama anda og
Mazda6 sem er margverðlaun-
aður og hefur fengið góðar við-
tökur. Mazda3 verður fáanlegur í
nokkrum útfærslum, fjögurra eða
fimm dyra og ýmist með 1,6 L vél
105 ha. eða 2,0 L 150 ha. Hann
er nokkuð stærri en forverinn,
staðalbúnaður verður ríkulegur
eins og fólk á venjast hjá Mazda.
Ræsis-menn segja að verðið verði
mjög samkeppnishæft.
Morgunblaðið/Guðjón Guðmundsson
Mazda3 verður frumsýndur hjá Ræsi í nóvember.
Mazda3 í nóvember