Morgunblaðið - 01.10.2003, Blaðsíða 4

4 B MIÐVIKUDAGUR 1. OKTÓBER 2003 MORGUNBLAÐIÐ
bílar
ALFA Romeo 156 kom fyrst á
markað 1997 og vakti strax mikla
athygli fyrir glæsilega hönnun og
skemmtilega aksturseiginleika.
Ekki skemmdi verðið heldur fyrir
bílnum því með samningum við
ítalska framleiðandann fengust
bílar hingað til lands í gegnum
Danmörk þar sem verð frá fram-
leiðendum var mun lægra en á öðr-
um mörkuðum. Íslendingar nutu
sem sagt góðs af óhóflegri skatt-
lagningu bíla í Danmörku og gera
það ennþá.
Búið að taka á tímareimamálum
Alfa Romeo 156 féll strax vel í
kramið og var kjörinn bíll ársins í
Evrópu 1998. Bíllinn seldist ágæt-
lega hér á landi fyrstu árin en síð-
an fór að bera á alvarlegum bil-
unum sem einkum tengdust
tímareim í vél. Bilanirnar mátti
rekja til þess að framleiðandi gaf
leiðbeiningar um að skipta ætti um
tímareim á fimm ára fresti en í ljós
kom að reimarnar entust ekki svo
lengi. Bilanir af þessu tagi spyrjast
fljótt út og geta eyðilagt markaðs-
stöðu viðkomandi bíls til langframa
sé ekki rétt á málum haldið. Núna
eru leiðbeiningar frá framleiðanda
þær að skipta á um tímareim á
þriggja ára fresti eða 120.000 km,
hvort sem kemur á undan, og sé
því fylgt er ekki meiri hætta á
vandamálum í tengslum við tíma-
reimar í Alfa Romeo en öðrum bíl-
um.
Nú er önnur kynslóð bílsins
komin á markað og þar hafa helstu
breytingar orðið þær að komið er
nýtt grill og framlugtir og auk þess
orðið breytingar á innréttingum.
Að utan hafa listar á stuðurum og
speglar verið gerðir samlitir bíln-
um. Að innan hefur Alfa 156 m.a.
fengið nýtt stýri og tölvustýrða
miðstöð og loftkælingu þar sem
ökumaður og farþegi geta hvor um
sig stillt það hitastig sem þeim
hentar best.
Þá er komin ný 2ja lítra vél með
JTS-innsprautunarkerfi. Prófaður
var Alfa Romeo 156 2.0 í Sportwag-
on-útfærslu sem er nokkurs konar
skutbílsgerð bílsins.
Bíllinn sem var prófaður var í
Lusso-útfærslu sem þýðir umfram
staðalgerðina leðurklæðningu á
stýri og gírstöng, Bose-hljómkerfi,
upphituð framsæti, rafstýrða mjó-
baksstillingu á ökumannssæti, raf-
stýrðar rúðuvindur að aftan, úti-
hitamæli, hálkuvara og þokuljós í
framstuðurum.
Það er eins og tímalaus hönnun
svífi yfir vötnum þegar bíllinn er
skoðaður. Breytingin á framend-
anum er lítil en miðar að því að
gera grillið framstæðara og um leið
ágengara. Þetta er með fallegri
langbökum á markaðnum - boga-
dregnar línur eru allt frá vélarhlíf
að afturenda en í raun réttri er
vafasamt að telja Alfa 156
Sportwagon með langbökum - til
þess er farangursrýmið of tak-
markað. Eins og í stallbaknum eru
handföng á afturhurðum falin í
dyrastafnum og ennþá þarf að
benda fólki á hvar það á að taka í
hurðina til að opna dyrnar.
Skemmtilegt stílbragð sem gefur
bílnum sportlega eiginleika og
meira yfirbragð af kúpubak.
Prófunarbíllinn var klæddur
ljósu leðri á sætum, sem er auka-
búnaður upp á 195.000 krónur. Inn-
réttingin er sportleg og þarna er
að finna tvívirka, sjálfvirka miðstöð
með kælingu, skriðstilli, fjarstýr-
ingu á hljómtækin sem eru með
Bose-hljómtækum sem eru inn-
byggð í mælaborðið og freista því
síður þjófa. Sætin eru handstillt og
skorða vel af líkamann og ökumað-
ur situr lágt á sportlega vísu.
Skemmtilega aflmikil vél
Þessi nýja 2,0 lítra vél byggir á
nýrri JTS, (Jet Thrust Stoichio-
metric), sem er bein strokkainnsp-
rautun. Fyrir vikið er þetta vél
sem setur met hvað varðar hest-
aflafjölda og snúningsvægi miðað
við slagrými án forþjöppu. Því er
haldið fram að afl þessarar vélar
samsvari afli frá venjulegri 2,3 lítra
vél. Þessi fyrsta JTS-vél Alfa Rom-
eo skilar að hámarki 165 hestöflum
og togið er 206 Nm við 3.250 snún-
inga á mínútu. Það er einmitt togið
sem maður verður strax var við í
þessum bíl því vinnslan er góð
strax á lágum snúningi og því
óþarfi að hræra mikið í gírum t.d.
við framúrakstur. Við vélina er
tengd fimm gíra handskiptur kassi
og er gírskiptingin lipur og ná-
kvæm. Hröðunin er uppgefin 8,2
sekúndur og vélin gefur frá sér
sportlegt hljóð þegar hún er þanin.
Bíllinn er kominn með stöðug-
leikastýringu, VDC, og að auki
MSR, sem hindrar að framhjólin
læsist þegar gírað er niður á hálum
vegi. Þá fylgja bílnum sex öryggis-
loftpúðar og komnar eru tvær ISO-
FIX-barnabílstólsfestingar í aftur-
sæti. Í Lusso-útgáfunni kostar
bíllinn 2.960.000 krónur en með öll-
um aukabúnaðinum í prófunarbíln-
um var verðið farið að nálgast 3,5
milljónir kr. Grunnverðið er frem-
ur hagstætt á þessum bíl en sam-
anburðarbílar eru m.a. BMW 3
Touring, sem kostar 3,3 milljónir
kr., Audi A4 Avant, sem kostar
3.455.000 kr. og Lexus IS300
Sportcross sem kostar 4,6 milljónir
kr. en fæst eingöngu sjálfskiptur.
Afl og sportlegir taktar í Alfa Romeo
Það eru falleg form á Sportwagon og þakbogarnir setja svip á bílinn. Þótt bíllinn sé með langbakslagi er farangursrýmið í minna lagi.
Ljóst leðrið er aukabúnaður en að öðru leyti er bíllinn vel búinn.
Nýtt grill og nýjar lugtir er meðal
breytinga í nýrri kynslóð.
Morgunblaðið/Árni Sæberg
Það er óneitanlega glæsileiki í kringum Alfa Romeo sem þarna er á 17 tommu álfelgum.
gugu@mbl.is
Vél: Fjórir strokkar, 1.970
rúmsentimetrar, 16 ventl-
ar, bein strokkinn-
sprautun.
Afl: 165 hestöfl við 6.400
snúninga á mínútu.
Tog: 206 Nm við 3.250
snúninga á mínútu.
Hröðun: 8,2 sekúndur úr
kyrrstöðu í 100 km/klst.
Hámarkshraði: 220 km/
klst.
Lengd: 4.435 mm.
Breidd: 1.743 mm.
Hæð: 1.430 mm.
Eigin þyngd: 1.250 kg.
Farangursrými: 360/
1.180 lítrar.
Hemlar: Diskar að framan
og aftan, ABS og EBD.
Dekk: 205/60 R 15.
Verð: 2.960.000 kr.
Umboð: Fiat-umboðið.
Alfa Romeo
Sportwagon 2.0 JTS
Nýja JTS-vélin er aflmeiri en
menn eiga að venjast miðað við
stærð.
REYNSLUAKSTUR
Alfa Romeo 156
Guðjón Guðmundsson
Frábær
alhli›a
jeppadekk
fáanleg í
flestum
stær›um
Kauptu næsta bílinn þinn
beint frá Kanada
www.natcars.com