Morgunblaðið - 01.10.2003, Blaðsíða 8

8 B MIÐVIKUDAGUR 1. OKTÓBER 2003 MORGUNBLAÐIÐ
bílar
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
480 8000
SELFOSSI
TOYOTA LAND CRUISER 100 TDI
Árg. 2002, ekinn 22 þús. Nýja útlitið, leður, TEMS,
aukasæti, óaðfinnanlegur bíll með öllu.
Verð 6.450 þús.
480 8000
EIGENDUR Hyundai jeppa söfnuðust
í hópferð inná Kjalveg og í Kerling-
arfjöll síðastliðinn laugardag. Í ferð-
inni voru liðlega 40 bílar, Galloper,
Santa Fe og Terracan jeppar en um-
boðið, B&L, hafði stefnt hópnum
saman til að taka þátt í ferðinni sem
er að verða að hefð.
Ferðina skipulögðu þeir Arnar Ein-
arsson, Aðalsteinn Pétursson og
Davíð Garðarsson og var í fyrsta
áfanga haldið að Geysi. Þaðan hélt
hluti hópsins, einkum minni jepparnir,
um Haukadalsheiði og inn á Kjalveg
en hinir héldu austur að Tungufelli og
óku inn að Kerlingarfjöllum um afrétt
Hrunamanna, þ.e. austan við Hvítá.
Er það mjög áhugaverð leið, sæmilega
torfær til að reyna á tækin án þess að
vera of erfið.
Leiðin er nokkuð gróf og grýtt á
köflum og yfir ár að fara sem voru þó
engin hindrun að þessu sinni enda
orðið haustlegt og vatnsgangur lítill.
Snjóföl var á jörðu og á stöku stað
var krækt framhjá sköflum í gilskorn-
ingum.
Margir möguleikar á breytingum
Allmargir Terracan jeppar voru í för
en þeir voru kynntir hér fyrir um
tveimur árum. Terracan er á þokka-
lega góðu verði og er af mörgum tal-
inn henta vel í breytingar. Er kringum
þriðjungi bílanna breytt og ýmist ráð-
ast menn í þær strax og bíllinn er
keyptur en sumir kjósa að kynnast
bílnum áður en þeir fara út í þær. Um-
boðið býður nokkrar útfærslur í
breytingum sem kosta misjafnlega
mikið, allt frá um 200 þúsund krón-
um uppí vel yfir 1.300 þúsund krónur.
Mesta breytingin felst í því að setja
38 tommu dekk undir bílinn, hækka
hann eins og þarf til þess en það felur
m.a. í sér að skera pláss fyrir þessi
belgmiklu dekk og til að þurfa ekki að
hækka bílinn eins mikið og skera úr
afturhurðinni er aftari hásingin færð
aftur um 10 cm. Þessi breyting kost-
ar um 1.390 þúsund krónur en þá eru
einnig sett í bílinn lægri drifhlutföll og
driflæsing ef óskað er.
Síðan er boðið uppá 35 tommu
breytingu sem kostar um 720 þús-
und krónur. Þá er bíllinn hækkaður og
settir nýir brettakantar. Næst-
minnsta breytingin er til að setja
undir 33 tommu dekk og kostar það
590 þúsund. Þá er bíllinn einnig
hækkaður og settir nýir kantar. Síðan
eru 32 tommu breytingin sem kostar
200 þúsund. Bíllinn er þá hækkaður
örlítið en ekki átt við brettakanta.
Fyrir jökla og ár
En hvers vegna að breyta jeppum?
Það kemur ekki síst fram í ferð sem
þessari hvaða kosti breyting og
hækkun getur haft í för með sér. Þeg-
ar stórir hjólbarðar eru komnir undir
bílinn er unnt að lækka mjög loftþýst-
inginn þegar ekið er á fjallaslóðum.
Þannig verður bíllinn mun mýkri og
fer betur með fólk og farangur. Slíkur
bíll flýtur líka betur á snjó og því eru
þessi belgmiklu dekk eina leiðin til að
fara á jeppa á jökla. Í bæjarakstri er
hins vegar nauðsynlegt að hafa nokk-
uð eðlilegan þrýsting í hjólbörðunum.
Breyttur bíll er líka orðinn nokkru
hærri en óbreyttur og felst í því auk-
inn möguleiki á ferð um erfiða vegi en
ekki síður hitt að auðveldara er að
aka hærri bíl, ökumaður þarf þá vart
að óttast að grjót rekist uppundir
hann.
Þetta eru örfáar ástæður fyrir
breytingum og síðan má alltaf spyrja
sig hvað ganga á langt í þessum efn-
um. Þeir sem nota jeppa einkum til
bæjaraksturs og ferða á almennum
vegum þurfa ekki að ráðast í breyt-
ingar. Þeir sem fara eitthvað um
óbyggðavegi ættu að íhuga í það
minnsta 32 tommu breytinguna og
þeir sem vilja komast „allt“ ráðast
annað hvort í 35 eða 38 tommu
breytingu.
En burtséð frá öllu þessu er vita-
skuld hægt að aka öllum venjulegum
jeppum um alla venjulega óbyggða-
vegi án þess að breyta nokkru. Þá
þurfa menn í mesta lagi að fara hæg-
ar yfir og kannski forðast erfiðustu
árnar og sleppa því að halda á jökla.
Mýkri akstur og þægilegri á breyttum jeppum
Ferðina skipulögðu þeir Arnar Einarsson (t.v.) og Davíð Garðarsson ásamt Að-
alsteini Péturssyni og allir eru þeir starfsmenn B&L.
Leiðin í Kerlingarfjöll austan við Hvítá er fjölbreytt og nokkuð torsótt en þó
engan veginn illfær.
Morgunblaðið/jt
Breyttur og hækkaður Terracan á 38 tommu hjólbörðum er talsvert meiri bíll en sá óbreytti. Báðir skiluðu þeir þó sínu á leiðinni í Kerlingarfjöll þar sem áð var og grillað.
joto@mbl.is
 Starfsmenn Vélavers leggja upp í
sýningarferð um landið mánudaginn 6.
október og mun hún enda í Reykjavík
20. október. Hér er líklega á ferðinni
stærsta atvinnutækjasýning sem fer
um landið í ár því á sýningunni verða
um 20 tæki, að því er fram kemur í
frétt frá Vélaveri. „Ein meginástæða
sýningarferðarinnar er sú að Vélaver
hf. hefur ekki áður fengið jafn mikið af
nýjungum frá sínum birgjum á svo
skömmum tíma og nú. Meðal nýrra
tækja sem verða sýnd er Iveco Stralis
sem kjörinn var vörubíll ársins í Evr-
ópu 2003. Þessi bíll er búinn nýrri há-
tæknidíselvél og nýrri Eurotronic II
sjálfskiptingu. Bíllinn er fáanlegur í
stærðunum 19 til 26 tonn sem grind-
arbíll en allt að 44 tonn sem drátt-
arbíll. Frá Iveco verður einnig sýndur
nýr Iveco Euro Cargo millistærðar
vörubíll í flokknum 6-18 tonn. Þennan
nýja bíl hefur Iveco verið að kynna í
Evrópu á síðustu vikum. Með í för
verður svo Iveco Daily sendibíll sem er
fyrsti sendibíllinn í þessum flokki sem
kemur á loftpúðafjöðrum.
Í vinnuvélum verður sýnd nýja JCB
4cx traktorsgrafan, flaggskip JCB í
traktorsgröfum, með nýrri sex þrepa
sjálfskiptingu. Auk þess verða sýndar
nýjar 3ja og 6 tonna beltavélar ásamt
JCB Robot hjólaskóflu, fleyghamrar
og borar. Frá fyrirtækinu Ausa á Spáni
kemur nýr smátrukkur, liðstýrður og
powerskiptur. Í landbúnaðarvélum má
fyrst telja þrjár nýjar gerðir New Hol-
land dráttarvéla. Meðal nýjunga í þeim
er nýr mótor í svo kallaðri TS-A línu.
Hér er um að ræða fyrstu dráttarvél-
arnar sem koma með common-rail
fjölventla díselvél. Þessir nýju mótorar
eru einnig búnir aflstýrikerfi, „Power
management“, sem getur gefið allt að
20% aflaukningu á vinnudrif umfram
skráð afl vélarinnar. Fleiri nýjungar eru
í þessum vélum, svo sem ný vökvask-
ipting, nýtt ökumannshús með gorma-
fjöðrum, 72 db hljóðeinangrun og loft-
kæling.“
Iveco Stralis frumsýndur
Iveco Stralis, vörubíll ársins.
 Þýski bílaklúbburinn ADAC
stóð nýlega fyrir prófunum á ör-
yggi sæta í fólksbifreiðum við
aftanákeyrslur. Þrátt fyrir harða
samkeppni við nýrri gerðir stóð
Toyota Yaris uppi sem sigurveg-
ari. Frá þessu er skýrt á heima-
síðu Toyota, toyota.is.
Háls- og hnakkameiðsli vegna
aftanákeyrslna eru oft á tíðum
mun alvarlegri en fólk gerir sér
grein fyrir. Þegar þungt högg
kemur aftan á bíl kastast höfuð
farþega oft afturábak og gíf-
urlegt álag kemur á hálsinn.
Jafnvel við hraða upp á aðeins
10 km/klst getur aftanákeyrsla
leitt til varanlegra hálsmeiðsla
sem eru oft á tíðum mjög sárs-
aukafull og geta í alvarlegustu
tilfellunum leitt til dauða farþega.
Prófanir ADAC auka vitund um
mikilvægi þessa þáttar í árekstr-
aröryggi bíla, en sæti í 10 fólks-
bifreiðum voru prófuð. Voru sæt-
in metin út frá tveimur þáttum. Í
fyrsta lagi þurfti sætið að veita
vörn gegn Whiplash-áhrifum og í
öðru lagi að hafa góða styrkingu
í baki til að veita nægilegan
stuðning fyrir líkamann. Lokanið-
urstöður úr prófinu reyndust
vera þær að Toyota Yaris náði
besta skori af þeim bílum sem
prófaðir voru.
Toyota Yaris með
bestu vörnina
gegn hálshnykk
 Jeppadeild Útivistar stendur
fyrir ferð norður fyrir Hofsjökul og
um Vonarskarð 2.–5. október.
Þátttakendur í ferðum jeppadeild-
arinnar ferðast á eigin jeppum
undir leiðsögn fararstjóra Útivist-
ar.
„Eftir að fer að frysta á haustin
og áður en fer að snjóa opnast
nýr heimur á hálendi Íslands fyrir
jeppafólk.
Lítið vatn í ám, jarðvegur þurr
og oft á tíðum mjög gott veðurfar
til ferðalaga.
Þessi ferð – Norður fyrir Hofs-
jökul og um Vonarskarð – er oft-
ast ófær með öllu fyrir alla bíla á
vorin og sumrin vegna vatna-
gangs og að vetri vegna snjóa og
skara við ár,“ segir í fréttatilkynn-
ingu frá Útivist.
Á leiðinni eru margar sprænur,
lækir og ár sem geta á svipstundu
orðið að skaðræðis vatnsflaumi ef
réttar aðstæður eru fyrir hendi.
Ferðin er miðuð við breytta
jeppa.
Brottför verður frá skrifstofu
Útivistar, Laugavegi 178, kl. 19 á
fimmtudagskvöld. Fararstjóri er
Guðrún Inga Bjarnadóttir. Verð á
bíl er 3.900/4.500 kr., en auk
þess greiðir hver þátttakandi
4.500 kr. fyrir gistingu.
Jeppaferð um
Vonarskarð