Morgunblaðið - 01.10.2003, Blaðsíða 9

MORGUNBLAÐIÐ MIÐVIKUDAGUR 1. OKTÓBER 2003 B 9
bílar
TVÖ ritverk eru væntanleg á
markað þar sem þess verður
minnst að á næsta ári verða 100
ár liðin frá því að fyrsti bíllinn
var fluttur inn til Íslands. Í nóv-
ember næstkomandi gefur
Forlagið út Íslensku bílaöldina
eftir Örn Sigurðsson og Ingi-
berg Bjarnason. Þetta verður
ljósmyndabók í stóru broti sem
byggð er á mynda- og úrklippu-
safni feðganna Bjarna Einars-
sonar og Ingibergs Bjarnason-
ar. Í fréttatilkynningu frá
Forlaginu segir að stiklað verði
í bókinni á öllu sem viðkemur
menningarsögu íslensks bíla-
fólks frá því Thomsensbíllinn
hossaðist um götur Reykjavík-
ur árið 1904 til þess tíma að
breyttir jeppar rúlluðu yfir
jökla og stórfljót um aldamótin
2000. Kynningarverð á bókinni
í forsölu er 7.900 krónur en fullt
verð 9.000 krónur.
Bílgreinasambandið gekkst
árið 2000 fyrir stofnun sérstaks
einkahlutafélags um söfnun
heimilda og ritun sögu bílsins á
Íslandi. Félagið fékk nafnið
Saga bílsins á Íslandi. Formað-
ur félagsins er Finnbogi Eyj-
ólfsson og framkvæmdastjóri
Jónas Þór Steinarsson. Aðrir í
stjórn voru Gísli Guðmundsson,
forstjóri B&L, og Örn Sigurðs-
son, þáverandi formaður Forn-
bílaklúbbsins. Örn sagði sig úr
stjórn félagsins síðastliðið vor
og hefur síðan sjálfur unnið að
ritun Íslensku bílaaldarinnar.
„Sú bók, sem nú er farið að aug-
lýsa og mun koma út nú í haust,
er með öllu óviðkomandi Sögu
bílsins á Íslandi og tengist
þeirri vinnu sem enn stendur
yfir á vegum þess félags ekki á
nokkurn hátt. Saga bílsins mun
koma út á næsta ári eins og
stefnt var að og verður mikil að
vöxtum. Þar verður hinum
ýmsu þáttum sögu bílsins á Ís-
landi í eitthundrað ár gerð ít-
arleg skil í máli og myndum.
Höfundur bókarinnar er Sig-
urður Hreiðar Hreiðarsson
blaðamaður sem í áratugi hefur
skrifað um bíla og tengd efni í
blöð og tímarit,“ segir í frétta-
tilkynningu frá Bílgreinasam-
bandinu.
Tvær
bækur um
íslensku
bílaöldina
JUAN Pablo Montoya hjá Williams og Kimi
Räikkönen hjá McLaren hugga sig eflaust við að
óheppni þeirra í bandaríska kappakstrinum hafi orð-
ið til þess að Michael Schumacher hjá Ferrari er nú
með a.m.k. aðra höndina á heimsmeistaratitli öku-
þóra. En vonarneisti í brjósti þeirra slokknaði ekki í
rigningunni í Indianapolis um helgina heldur dofnaði
hann smám saman með þeirra eigin mistökum ver-
tíðina út í gegn.
Fyrir mörgum kunna umrædd mistök að stað-
festa að þrátt fyrir tilkomumiklar framfarir keppn-
isbíla Williams og McLaren á árinu eru Räikkönen
og Montoya og lið þeirra ekki á sama getustigi og
Schumacher og Ferrari hafa náð undanfarin ár, eins
og formúlufræðingar breska útvarpsins, BBC, hafa
komist að niðurstöðu um.
Tapaðist fyrr á árinu
Nokkur mót má nefna sem ökuþórarnir geta litið
til þegar þeir líta yfir farinn veg og – eins og sönnum
íþróttamönnum sæmir – átta sig á að þeir hafa við
sjálfa sig að sakast fyrst og fremst en ekki banda-
ríska veðurguði sem reyndust Schumacher hlið-
hollir í Indianapolis. Stigin sem á vantar að þeir geti
keppt um titilinn í lokamótinu í Suzuka eftir 10 daga
töpuðust fyrr á árinu. Reyndar á Räikkönen enn
möguleika á titlinum en stendur afar höllum fæti
gegn Schumacher sem er með 9 stiga forskot.
Strax í fyrsta móti, ástralska kappakstrinum í
Melbourne í byrjun mars, stefndi Montoya til
öruggs sigurs en snarsnerist út úr brautinni fyrir
eigin mistök þegar 10 hringir voru eftir. Færði hann
með því David Coulthard hjá McLaren sigur á silf-
urfati. Tókst þó að halda bílnum í gangi og komast
annar á mark, á undan Räikkönen og Schumacher,
en sóaði samt tveimur stigum.
Í austurríska kappakstrinum í A1-Ring um miðjan
maí var Montoya með forystu, á undan Schumach-
er og Räikkönen er hann varð fyrir vélarbilun. Ef til
vill hefði hann ekki borið sigurorð af Schumacher
en öruggt annað sæti fuðraði upp í úrbræðslureyk
BMW-mótors Williamsbílsins. Þar fóru átta stig í
súginn hjá Montoya.
Mánuði seinna í Montreal hefðu Williams-
þórarnir hvor um sig átt að vinna en köstuðu báðir
frá sér sigri.
Montoya gerði mistök í lok fyrsta hrings – var þá
annar – og snarseri bílnum á brautinni með þeim af-
leiðingum að Schumacher komst í aðstöðu til að
kljást við bróður sinn Ralf um forystuna. Greip
hann tækifærið er Ralf tafðist í þjónustustoppi og
sigraði en Ralf og Montoya urðu í öðru og þriðja
sæti.
Þarna fóru milli 6 og 8 stig forgörðum hjá
Montoya. Snúningur hans kostaði hann annaðhvort
tvö stig eða fjögur eftir því hvort hann hefði orðið á
undan Ralf Schumacher á mark. Og þökk sé akst-
ursmistökum Williams-manna þá fékk Michael
Schumacher fjórum stigum meira en efni stóðu til,
þ.e. með sigri í stað þriðja sætis.
22–26 stig farið í súginn hjá Montoya
Kimi Räikkönen drottnaði í Evrópukappakstr-
inum í júnílok á McLaren bíl sínum en þar hóf hann
keppni af ráspól í fyrsta sinn á ferlinum. Á endanum
brást þó hinn annars áreiðanlegi Mercedes-mótor í
bílnum og hann féll úr leik. Þar glötuðust 11 stig, 10
fyrir sigur og 1 sem Schumacher bætti við sig með
brottfalli Räikkönen, þ.e. hann kom fimmti á mark í
stað þess að vera sjötti.
Montoya urðu á afdrifarík mistök í tímatökum
ungverska kappakstursins í ágústlok. Játaði hann
að hafa slakað örlítið á eftir fyrsta tímatökukaflann
til að tryggja að hann kæmist hringinn klakklaust.
Fyrir vikið hóf hann keppni af fjórða rásstað í stað
þess að vera mun framar. Tókst ræsingin illa á ryk-
ugri helmingi brautarinnar og féll hann niður um
mörg sæti á fyrsta hring. Með mikilli baráttu vann
hann sig aftur upp og kom á mark í þriðja sæti, á
eftir Fernando Alonso hjá Renault og Räikkönen; á
bíl sem var nógu hraðskreiður til að keppa til sigurs.
Sóaði hann að lágmarki tveimur stigum, hugs-
anlega fjórum, með yfirsjón sinni í keppninni um
ráspólinn.
Sömuleiðis urðu Montoya á akstursmistök í
keppninni um ráspólinn í ítalska kappakstrinum í
Monza fyrir rúmum hálfum mánuði. Eftir fyrsta og
annan kafla brautarinnar var hann með betri tíma
en Schumacher en gerði þá mistök í beygju, skreið
of utarlega í hana með þeim afleiðingum að Schu-
macher vann pólinn með 51 þúsundasta úr sek-
úndu.
Því til viðbótar völdu Williams að aka með of
mikla vængpressu í kappakstrinum sem kom niður
á hámarkshraða Montoya sem – þótt ekki miklu
munaði – gerði að verkum að hann komst aldrei
fyllilega nærri Schumacher til að reyna að taka
fram úr honum. Fjórum stigum sóað af hálfu Willi-
ams og Montoya, tveimur fyrir sigur sem ekki
fékkst og tveimur sem Schumacher græddi fyrir
vikið.
Vegna mistaka má því segja að 22–26 stig hafi
farið forgörðum hjá Montoya í keppninni um heims-
meistaratitilinn og 11 hjá Räikkönen. Hefðu þessi
mistök ekki komið til væri Montoya reyndar þegar
orðinn heimsmeistari í Formúlu-1 í ár og Räikkönen
stigi á undan Schumacher í keppninni um annað
sætið.
Það verður reyndar að játa að heimsmeist-
aranum hafa sjálfum orðið á mistök á árinu. Að frá-
töldum eigin akstursmistökum í brasilíska kapp-
akstrinum hefur þó fremur aksturseiginleikum
Ferrari-fáksins verið um að kenna að hann hefur
ekki fengið eins mörg stig og ella.
Reuters
Michael Schumacher vann kappaksturinn í Indianapolis og stendur vel að vígi fyrir síðasta kappaksturinn í Japan eftir tíu daga.
Hvernig Räikkönen og Montoya töpuðu titilslagnum