Morgunblaðið - 02.10.2003, Blaðsíða 2

FRÉTTIR
2 FIMMTUDAGUR 2. OKTÓBER 2003 MORGUNBLAÐIÐ
ALÞINGI SETT Í GÆR
Alþingi Íslendinga, 130. löggjaf-
arþing, var sett í gær að lokinni
guðsþjónustu í Dómkirkjunni. Hall-
dór Blöndal, þingmaður Sjálfstæð-
isflokksins, var endurkjörinn forseti
Alþingis.
Aðhald í ríkisútgjöldum
Aðhald í útgjöldum ríkissjóðs er
stefið í fjárlagafrumvarpi fyrir árið
2004. Heildarútgjöld ríkissjóðs eru
áætluð 273 milljarðar króna og
hækka um 8,2 milljarða frá fjár-
lögum 2003. Væri þessari upphæð
skipt jafnt á milli allra Íslendinga
eldri en 18 ára fengi hver og einn um
1,3 milljónir króna.
Umdeilt brúðkaup
Yfirvöld í Rúmeníu hafa fyrir-
skipað rannsókn á brúðkaupi sem
fram fór í Transylvaníu á laugardag,
en þar var Ana-Maria, tólf ára gömul
dóttir svonefnds konungs sígauna,
gift hinum fimmtán ára gamla Birita
Mihai. Faðir Önu-Mariu, Florian
Cioaba, varði ráðahaginn í rúm-
enska sjónvarpinu í gær og sagði að
Ana-Maria, sem sat við hlið hans,
hefði sjálf viljað giftast Birita.
Engar athugasemdir
Forstjóri Vinnumálastofnunar,
Gissur Pétursson, sá ekkert at-
hugavert við þær launagreiðslur
sem erlendir starfsmenn undir-
verktakanna Technoservice og
Edilsider, er unnið hafa við uppsetn-
ingu vinnubúða við Kárahnjúka-
virkjun, fengu síðdegis í gær.
Á sigurbraut?
Arnold Schwarzenegger virðist
líklegur til að verða kosinn ríkis-
stjóri í Kaliforníu í kosningum sem
fara fram nk. þriðjudag. Hann hefur
40% fylgi skv. skoðanakönnun en
demókratinn Cruz Bustamante 32%.
2. október 2003
Á skólabekk hjá Sameinuðu þjóð-
unum, ónýttar aflaheimildir krókaafla-
marksbáta, minni afli uppsjávarfiska
Landiðogmiðin
Sérblað um sjávarútveg
úrverinu ELDI á bleikju hér á landi hefur
vaxið jafnt og þétt á síðustu árum.
Áætluð framleiðsla hér á landi í ár
er um 2300 tonn og útflutningsverð-
mætið að nálgast milljarð. Stærsti
einstaki framleiðandinn er Silungur
á Vatnsleysuströnd með allt að
1.100 tonnum á þessu ári. Silfur-
stjarnan er næst stærst en auk
þessu eru 15 smærri aðilar í bleikju-
eldi hér á landi.
Heimsframleiðsla á eldisbleikju
nemur um 3.500 tonnum á ári og er
Silungur einn því með tæplega
þriðjung alls bleikjueldis í heimin-
um og Ísland alls með um 60 til
70%. Auk eldisbleikjunnar er árlegt
framboð af villibleikju um þúsund
tonn.
Stefna á 1.500 tonn
Jónatan Þórðarson, framkvæmda-
stjóri Silungs, er ánægður með vöxt
fyrir tækisins. „Við vorum með um
200 tonn fyrir fimm árum og þá
þótti það mikið. Á þessu ári ætlum
við að framleiða 1.000 til 1.100 tonn
og á næsta ári er stefnan sett á að
minnsta kosti 1.500 tonn. Maður
verður að vera með ákveðna stærð-
arhagkvæmni í þessu, til að geta
svarað sveiflum í umhverfi,“ segir
Jónatan.
Jónatan segir að verð á bleikju sé
að meðaltali 30 til 40% hærra en
verð á laxi, en hann selst nú á
heimsmarkaði á um 240 krónur ís-
lenzkar kílóið. „Silungur var einnig í
laxeldi, en við ákváðum að draga
okkur út úr því og losuðum okkur
við dreggjarnar af því í fyrra. Við
erum mjög ánægðir með þá ákvörð-
un, því þetta kom vel út fyrir okkur.
En það sem er heppilegt fyrir
einn framleiðanda er ekki endilega
heppilegt fyrir næsta, menn þróa
sinn rekstur með tilliti til aðstæðna.
Gengisþróun viss ógn
Verð er nokkuð stöðugt, sama er
hægt segja um hægt vaxandi mark-
að í Bandaríkjunum, á Norðurlönd-
um og Benelúxlöndunum. Gengis-
þróun íslensku krónunnar er
náttúrulega viss ógn í útflutnings-
rekstri hérlendis og hér er spáð
sterkri krónu næstu árin. Við erum
að finna leiðir til að takast á við það.
Þótt innri vöxtur okkar í Silungi
sé ásættanlegur hafa framleiðendur
gætt sín á því að ofbjóða ekki mark-
aðnum. Einnig hefur átt sér stað
viss grisjun framleiðenda. Þannig
að gæði íslenskrar bleikju sem er
almennt í boði eru meiri. Það hjálp-
ar sölunni.“
Útflutningur á
bleikju skilar
milljarði króna
Silungur á Vatnsleysuströnd orðinn
stærsti framleiðandi heims á bleikju
Morgunblaðið/Hjörtur
Jónatan Þórðarson í Silungi hamp-
ar vænni bleikju.
ÁSTAND hörpudiskstofnsins í Breiðafirði er nú afar
slæmt en í mælingum Hafrannsóknastofnunarinnar í
síðasta mánuði kom í ljós að stofninn hefur minnkað
um 12% frá síðustu mælingu í apríl sl. Stærð stofnsins
er nú innan við 30% af því sem hann var að jafnaði á
síðasta áratug. Hér eru starfsmenn Hafrannsókna-
stofnunarinnar að skoða sýnishorn úr Breiðafirðinum
um borð í rannsóknaskipinu Dröfn RE.
Skelin á Breiðafirði skoðuð
Morgunblaðið/Muggur
LAXELDI Sæsilfurs í Mjóafirði hefur
gengið vel að undanförnu. Um þúsund tonnum
hefur þegar verið slátrað hjá Síldarvinnslunni
í Neskaupstað og fer laxinn jafnóðum ferskur
úr landi. Verðið hefur hækkað um 55 krónur á
kíló og er viðmiðunarverð í Noregi nú ríflega
240 krónur á kílóið. Um þessar mundir er
einnig verið að setja út hálfa milljón haust-
seiða í kvíar Sæsilfurs í Mjóafirði.
Guðmundur Valur Stefánsson, fram-
kvæmdastjóri Sæsilfurs, segir eldið ganga vel.
Tekizt hafi að lágmarka árstíðabunda erfið-
leika vegna hlýinda í sjónum síðla sumars og
séu þeir nú að baki með kólnandi veðri.
Allt á réttri leið
„Það er búið að slátra um þúsund tonnum frá
okkur og við áætlum að alls verði slátrað um
2.500 tonnum af laxi á þessu ári. Verðið er á
uppleið og vöxturinn góður svo þetta er allt á
réttri leið. Við erum einnig að setja haustseið-
in í kvíar um þessar mundis, alls um hálfa
milljón seiða svo brunnbáturinn Snæfugl er að
allan sólarhringinn alla daga vikunnar Hann
hefur sótt megnið af seiðunum í Öxarfjörðin
er fór nýlega einnig eina ferð til Grindavíkur
að sækja seiði,“ segir Guðmundur Valur.
Hann segir það einnig athyglisvert hve mik-
ið þorskurinn sæki að eldiskvíunum. „Við
sjáum hann vel í neðansjávarmyndavélunum
okkar. Hann virðist sækja í lyktina af laxinum
og í það æti sem óhjákvæmilega fellur lítils-
háttar til og svo sækja trillukarlarnir í þorsk-
inn við kvíarnar, sem við erum lítið hrifnir af.
Það er því óhætt að segja að það sé líflegt hjá
okkur,“ segir Guðmundur Valur Stefánsson.
Slátra 20 til 25 tonnum á dag
„Það hefur gengið alveg þokkalega hjá okkur
að slátra, þetta eru svona 20 til 25 tonn á dag,
fer svolítið eftir stærðinni á fiskinum,“ segir
Jóhannes Pálsson, framkvæmdastjóri fisk-
vinnslu Síldarvinnslunnar.
Hann segir að nú sé slátrað þrjá til fjóra
daga í viku, en slátrun verði aukin fljótlega.
Verið er að setja upp nýjan flokkara frá Marel
og að því loknu er gert ráð fyrir því að 15 til 20
manns vinni við slátrunina Laxinum er dælt
beint inn í sláturhúsið úr brunnbátnum. Fyrst
fer hann í svokallaða kæliskrúfu, síðan er
hann blóðgaður og látið blæða úr honum í ann-
arri kæliskrúfu Þá er hann slægður í slæging
arvél og fer síðan í gæðamat og flokkun fyrir
pökkun og ísun. Laxinn fer síðan út í gámum,
með skipum til Evrópu en í flugi til Bandaríkj-
anna.
Gengur vel að selja
Jón Kjartan Jónsson, forstöðu- maður fiskeld-
issviðs Samherja, segir að vel gangi að selja
laxinn. Hann fari jafnóðum út, bæði til Banda-
ríkjanna og Evrópu. Meira hafi verið selt til
Bandaríkjanna í sumar, þegar verð hafi verið
lágt í Evrópu en með hækkandi verði vex hlut-
ur Evrópu. „Sé miðað við fob-verð í Osló er
það nú um 22 norskar krónur á klíó af heilum,
slægðum fiski og hefur hækkað um 5 norskar
krónur frá því í sumar. Mest af laxinum fer
ferskt utan, en lítilsháttar magn er fryst eftir
því hvernig stendur á með einstakar stærðir á
mörkuðum. Þegar flutt er í gámum fara þeir
með skipi frá Eskifirði til Evrópu. Það sem fer
með flugi er flutt landleiðina til Keflavíkur og
þaðan til Bandaríkjanna. Batnandi horfur eru
um þessar mundir og því ástæða til bjartsýni á
framhaldið “ segir Jón Kjartan Jónsson
Þúsund tonn utan af laxi frá Sæsilfri
Morgunblaðið/Hjörtur Gíslason
Brunnbáturinn Snæfugl dælir laxaseiðum í
kvíar Sæsilfurs á Mjóafirði.
MEÐALVERÐ á fjórum helstu
botnfisktegundunum hefur lækkað
umtalsvert á fiskmörkuðum lands-
ins það sem af er árinu. Alls voru
seld tæp 50 þúsund tonn þorski, ýsu,
ufsa og karfa á mörkuðunum á
fyrstu 9 mánuðum ársins. Verðmæti
aflans var um 6,5 milljarðar króna.
Fiskmarkaðirnir hafa boðið upp
samtals 49.670 tonn af botnfiskteg-
undunum fjórum og nemur verð-
mæti þeirra um 6.519 milljónum
króna.
Alls fóru um 28.253 tonn af þorski
um fiskmarkaði landsins frá áramót-
um til septemberloka og nam verð-
mæti þeirra um 4,6 milljörðum
króna. Meðalverð á þorskkílói hefur
lækkað um tæp 13% frá áramótum
en verðið fór hæst í febrúar, var þá
193,25 krónur en var lægst í ágúst,
133,42 krónur. Meðalverðið á tíma-
bilinu er rúmar 162 krónur.
Alls voru seld um 13.307 tonn af
ýsu á mörkuðunum á fyrstu 9 mán-
uðum ársins, fyrir um 1.532 millj-
ónir króna. Meðalverð á ýsu hefur
lækkað verulega frá upphafi ársins
eða um tæp 43%. Verðið var hæst í
janúar, 159 krónur, en fór lægst í
rúmar 70 krónur í ágúst. Meðalverð
á ýsu á fiskmörkuðum í síðasta mán-
uði var tæp 91 króna en meðalverð
síðustu 9 mánaða er rúmar 116
krónur.
45% verðlækkun á ufsa
Þá fóru um 5.597 tonn af ufsa um
fiskmarkaðina á fyrstu 9 mánuðum
ársins og nam verðmæti þeirra rúm-
um 236 milljónum króna. Meðalverð
á ufsa hefur einnig lækkað umtals-
vert á tímabilinu eða um rúm 45%.
Það var hæst rúm 71 króna í janúar
en fór niður í rúmar 29 krónur í júlí.
Meðalverð á ufsakílóinu frá áramót-
um er rúmar 48 krónur.
Af karfa voru seld 2.533 tonn af
tímabilinu, fyrir um 157 milljónir
króna. Veruleg verðlækkun hefur
einnig orðið á karfa á tímabilinu eða
tæp 39%. Meðalverð á karfakílói var
hæst í janúar, rúmar 96 krónur en
fór lægst í júlí eða rúmar 42 krónur.
Meðalverð á karfakílóinu frá ára-
mótum er rúmar 65 krónur.
Mikil verðlækkun á fiskmörkuðum


     
   

 



 







 














PRENTSMIÐJA MORGUNBLAÐSINS FIMMTUDAGUR 2. OKTÓBER 2003 Á netinu mbl.is/vidskipti BLAÐ B

Bankaútibú í þínu fyrirtæki
Fyrirtækjabanki Landsbankans
Þú stundar öll bankaviðskipti fyrirtækisins á einfaldan og þægilegan
hátt á Netinu – hvenær sem þér hentar.
Í Fyrirtækjabanka Landsbankans býðst þér m.a. að:
• Framkvæma allar almennar bankaaðgerðir (millifæra, sækja yfirlit, greiða reikninga o.s.frv.).
• Safna greiðslum saman í greiðslubunka sem hægt er að greiða strax eða geyma til úrvinnslu síðar.
• Framkvæma greiðslur með því að senda inn greiðsluskrár úr t.d. bókhaldsforritum.
• Stofna og fella niður innheimtukröfur.
• Greiða erlenda reikninga (SWIFT).
Nánari upplýsingar um Fyrirtækjabankann getur þú fengið í næsta útibúi Landsbankans,
í Þjónustuveri bankans í síma 560 6000 eða á vefsetri bankans, www.landsbanki.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
LB
I
22
05
1
08
/2
00
3
ÚRVALSVÍSITALA aðallista
Kauphallar Íslands hækkaði um
21% á þriðja fjórðungi ársins og
heildarvísitala aðallista hækkaði
um 18% á sama tímabili. Frá
áramótum til septemberloka
hækkaði Úrvalsvísitalan um
rúmlega 34% og heildarvísitalan
um 27%.
Af einstökum félögum á að-
allista Kauphallar Íslands hækk-
aði Marel mest á þriðja fjórð-
ungi ársins, eða um 44%, og í
öðru sæti var Pharmaco, sem
hækkaði um 42%. Þegar litið er
á fyrstu níu mánuði ársins í
heild var hækkunin hins vegar
meiri hjá Pharmaco en hjá Mar-
el, 93% á móti 55%, en þessi tvö
félög hækkuðu einnig mest þeg-
ar horft er á fyrstu níu mán-
uðina.
Eins og sjá má í meðfylgjandi
töflu lækkaði ekkert Úrvalsvísi-
tölufélag á þriðja fjórðungi árs-
ins, en Samherji og Össur lækk-
uðu þegar litið er á fyrstu níu
mánuði ársins.
Í Hálffimm fréttum Kaup-
þings Búnaðarbanka segir að
síðari hluti þriðja ársfjórðungs
hafi einkennst af miklum átök-
um á innlendum hlutabréfa-
markaði þar sem barist hafi ver-
ið um ítök í nokkrum af stærstu
hlutafélögunum. Mikil hækkun
hlutabréfa hafi fylgt þessum
átökum, en verðið hafi lítillega
gefið eftir frá því það fór hæst.
Úrvalsvísitalan fór hæst í 1.848
stig um miðjan september, en
lokagildi septembermánaðar og
þar með ársfjórðungsins var
1.824 stig. Úrvalsvísitalan lækk-
aði um 0,2% í gær og endaði í
1.813 stigum.
Hækkun yfir línuna
Allar atvinnugreinavísitölur
Kauphallarinnar hækkuðu á
þriðja fjórðungi ársins, en þegar
litið er á fyrstu níu mánuðina
lækkaði ein þeirra. Það var vísi-
tala sjávarútvegsins, sem lækk-
aði um 7%, en hækkaði um 3% á
þriðja fjórðungnum.
Vísitala lyfjagreinar hækkaði
langmest, hvort sem litið er á
þriðja fjórðung eða allt tímabilið
frá áramótum. Þetta er í sam-
ræmi við það að í vísitölunni eru
aðeins tvö félög og annað þeirra
og það sem vegur mun þyngra
er Pharmaco, sem hefur hækkað
mikið eins og áður er nefnt. Hitt
félagið er Líf, en það lækkaði
bæði á þriðja fjórðungi ársins og
á fyrstu níu mánuðum þess.
Sjóvá hækkaði um 37%
Fjármála- og tryggingafélög
hafa hækkað heldur meira en
Úrvalsvísitalan, en vísitala
þeirra hækkaði um 23% á þriðja
fjórðungi ársins og um 38% frá
áramótum. Öll þessi félög hækk-
uðu talsvert í verði á þriðja
fjórðungi ársins, en Sjóvá-Al-
mennar tryggingar þó mest, eða
um 37%. Landsbankinn hækkaði
um 28%, Tryggingamiðstöðin
um 27% og Íslandsbanki og
Kaupþing Búnaðarbanki um
19%.
Aðrar atvinnugreinavísitölur
en lyfja- og fjármála- og trygg-
ingavísitalan hækkuðu mun
minna, flestar um 10%–15% á
þriðja fjórðungi ársins.
Erlendir markaðir hækka
Flestar erlendar hlutabréfavísi-
tölur hækkuðu á þriðja fjórðungi
ársins líkt og íslensku vísitöl-
urnar, en talsvert minna þó.
Nasdaq-vísitalan í Bandaríkjun-
um hækkaði um 10% á þriðja
fjórðungi ársins en Dow Jones
og S&P 500-vísitölurnar hækk-
uðu minna, eða um 3% og 2%.
Flestir evrópskir markaðir
hækkuðu einnig í fjórðungnum
og markaðir í Asíu hækkuðu
töluvert. Japanska vísitalan Nik-
kei 225 hækkaði til að mynda um
13%.
Mikil hækkun hluta-
bréfa á 3. ársfjórðungi
Úrvalsvísitala Kauphallarinnar hækkaði um 21% á 3. fjórðungi ársins og hefur hækkað
um 34% frá ársbyrjun. Pharmaco hækkaði um 42% á fjórðungnum.































 ! 

"
#$

%
&' ()*""

+ ,
" 
"
""


-
./0"


1 
" 
"

2
" /

3
45&


 
   !   
!" #$ !
$% #&'!
!(
)!!* &#*!
&

$ &
6 
VIÐSKIPTABLAÐ MORGUNBLAÐSINS
ALCOA hefur til-
kynnt að G. John Pizzey
muni láta af störfum
sem aðstoðarforstjóri
fyrirtækisins snemma á
næsta ári. Arftaki hans
verður Norðmaðurinn
Bernt Reitan, yfirmaður
áldeildar Alcoa í New
York, sem hefur verið
einna fremstur í flokki við samninga-
viðræður vegna álversins í Reyðarfirði.
Reitan tekur sömuleiðis við af Pizzey sem
stjórnarformaður dótturfyrirtækis Alcoa í
Ástralíu og yfirmaður Íslandsverkefnisins.
Frami Reitan hjá Alcoa hefur verið
skjótur en hann réðst þar til starfa fyrir
þremur árum. Áður hafði hann unnið hjá
Elkem í Noregi í tuttugu ár og er því vel að
sér um íslenska stóriðju þar sem norska
fyrirtækið hefur verið meðal aðaleigenda
Járnblendiverksmiðjunnar á Grundar-
tanga. Á dögunum undirritaði Reitan bygg-
ingarsamninginn við Bechtel, fyrir hönd
Fjarðaáls.
V I Ð S K I P T I
Reitan verður
aðstoðarfor-
stjóri Alcoa
Bernt Reitan
S É R B L A Ð U M V I Ð S K I P T I , E F N A H A G S M Á L O G A T V I N N U L Í F Á S A M T S J Á V A R Ú T V E G S B L A Ð I
Nýsköpun
Nýsköpunarsjóður fjárvana 2
Flugrekstur á tímamótum
Sameiginlegt eignarhald Air France og KLM 4
ER ALLT BEST Í HÓFI?
SAMSON eignarhaldsfélag ehf. hefur
keypt 187,5 milljónir hluta í Landsbanka
Íslands á genginu 5,25. Kaupverð hlutarins
er því 984,4 milljónir króna.
Eignarhlutur Samsons fyrir viðskiptin
nam 41,8% af heildarhlutafé Landsbankans
en eftir viðskiptin nemur eignarhluturinn
44,43% af heildarhlutafé Landsbankans.
Þar sem Samson átti yfir 40% hlut þegar
lögum um yfirtökuskyldu var breytt þann
1. júlí úr 50% í 40% er félagið ekki yfirtöku-
skylt þrátt fyrir að hafa aukið hlut sinn. Er
um það ákvæði í nýju lögum að þeir sem
eiga á bilinu 40-50% hlutafjár í félagi þegar
lögin tóku gildi þann 1. júlí sl. verði ekki yf-
irtökuskyldugir fyrr en þeir fari yfir næsta
5% bil. Því er Samson ekki yfirtökuskylt
fyrr en eignarhlutur þess nær 45%.
Samson með
44,43% í Lands-
bankanum
Yf ir l i t
Í dag
Sigmund 8 Viðhorf 36
Erlent 12/14 Minningar 40/45
Höfuðborgin 17 Skák 45
Akureyri 18 Bréf 48
Suðurnes 18 Kirkjustarf 45
Landið 21 Dagbók 50/51
Neytendur 22/23 Fólk 56/61
Listir 24/31 Bíó 58/61
Menntun 29 Ljósvakamiðlar 62
Forystugrein 32 Veður 63
* * *
Morgunblaðinu í dag fylgir auglýs-
ingablaðið Sparimagazín.
SAMNINGUR milli Tannlækna-
félags Íslands og Tryggingastofnun-
ar féll úr gildi í gær, en honum var
sagt upp 25. mars vegna mikillar
óánægju tannlækna með útfærslu á
aðgerða- og endurgreiðsluskrá sem
fylgdi samningnum. Uppsögn samn-
ingsins mun þó ekki hafa áhrif á
sjúklinga að sögn formanns Tann-
læknafélagsins. Samningurinn tók
gildi um síðustu áramót en óánægja
tannlæknanna fólst m.a. í því að end-
urgreiðsluskráin innihélt mun færri
aðgerðaliði en áður og veittist tann-
læknunum því erfitt að vinna eftir
henni þar sem fjöldi læknisverka féll
utan hennar. Þar að auki gekk ekki
eftir loforð um hækkun endur-
greiðslu til sjúklinga.
„Við viljum allra síst að sjúklingar
okkar lendi í klemmu og beinum því
þeim tilmælum til okkar félags-
manna að þeir vinni áfram eftir þeim
samningi sem áður var í gildi. Ég tel
mig hafa vissu fyrir því að Trygg-
ingastofnun muni halda áfram að
endurgreiða á grundvelli hans,“ seg-
ir Þórarinn Jónsson, formaður
Tannlæknafélags Íslands. „Meiri-
hluti tannlækna í félaginu er mjög
óánægður með núverandi gjaldskrá
en við ætlum ekki að láta sjúklingana
líða fyrir það.“
Kristján Guðjónsson, fram-
kvæmdastjóri sjúkratryggingasviðs
TR, segir að endurgreiðslur muni
fara fram þótt samningurinn sé fall-
inn úr gildi þar sem gjaldskrá heil-
brigðisráðherra sé enn í gildi. Þá hafi
tannlæknar óskað eftir viðræðum
um nýjan samning, en ekki verði sest
að samningaborðum í neinum flýti
þar sem málið krefjist ekki tafar-
lausrar lausnar.
Samningur Tannlæknafélags Íslands við Tryggingastofnun féll úr gildi í gær
Hefur engin áhrif á endur-
greiðslur vegna tannlækninga
RÍKISSAKSÓKNARI hefur ákært
franskan karlmann fyrir að svipta
franska konu valdi og umsjá yfir
þriggja ára dóttur þeirra með því að
fara með stúlkuna til Frakklands og
halda henni þar hjá sér. Stúlkan er
fædd hér á landi og hafa foreldrarnir
verið búsettir hér um nokkurra ára
skeið. Með úrskurði Héraðsdóms
Reykjavíkur 13. júlí 2001 var móð-
urinni falin forsjá barnsins til bráða-
birgða og foreldrum bannað að fara
með barnið úr landi.
Móðirin krefst einnar milljónar
króna í miskabætur og 660 þúsunda
króna í skaðabætur í málinu. Meint
brot ákærða teljast varða við 193. gr.
almennra hegningarlaga þar sem sif-
skaparbrot varða allt að 16 ára eða
ævilöngu fangelsi.
Ákærður
fyrir sif-
skaparbrot
NÁMSMAÐUR við Háskóla Íslands
steig í ógáti á bensíngjöfina í stað
bremsunnar er hann hugðist leggja
bíl sínum á malarstæði á austan-
verðri skólalóðinni eftir hádegið í
gær.
Afleiðingarnar urðu þær að í stað
þess að nema staðar rauk bíllinn af
stað og ökumaður missti vald á hon-
um svo hann snarsnerist á stæðinu
og rakst utan í fjóra bíla sem
skemmdust. Staðnæmdist bíllinn
loks á ljósastaur sem kengbognaði
við höggið.
Steig á bensín
í stað bremsu
STEFNT er að því að opna minn-
ingarsafn um Halldór Laxness á
Gljúfrasteini um mitt næsta ár, að
sögn Halldórs Árnasonar, skrif-
stofustjóra í forsætisráðuneytinu,
og stendur undirbúningur nú yfir.
„Það þarf að gera við húsið, og
móta hvernig aðgengi fyrir sýning-
argesti verður háttað. Það er líka
verið að undirbúa ráðningu for-
stöðumanns safnsins.“
Halldór segir forstöðumanns-
starfið verða auglýst innan
skamms. Ekki er fullmótað hvað
felast mun í starfinu og hvert hlut-
verk forstöðumanns verður. „Sá að-
ili þyrfti að vera ýmsum hæfileikum
búinn.“
Morgunblaðið/Arnaldur
Gljúfrasteinn
opnaður
næsta sumar
♦ ♦ ♦
SVEITARSTJÓRN Öxarfjarðar-
hrepps hefur áhyggjur af því að um-
ræður um fækkun sláturhúsa og
hagræðingu í sláturiðnaði hafi slæm
áhrif á atvinnulíf byggðarlagsins en
á Kópaskeri er Fjallalamb sem rek-
ur sláturhús og kjötvinnslu. Fjalla-
lamb hefur ákveðið að ráðast í breyt-
ingar til að fá útflutningsleyfi.
Í ályktun sem sveitarstjórnin hef-
ur sent frá sér er mótmælt harðlega
þeim vinnubrögðum sem fram koma
í skýrslu starfshóps landbúnaðar-
ráðuneytisins um stefnumótun í slát-
uriðnaði frá því í vor og kynningu á
niðurstöðum hennar. Gagnrýnt er að
einblínt skuli á hagræðingu sem
fræðilega megi ná með fækkun sauð-
fjársláturhúsa en ekkert horft á
dreifingu þeirra um landið eða það
óhagræði og kostnaðarauka sem
lendi á bændum vegna aukinna
flutninga og lengingar sláturtíðar.
Loks sé ekkert tillit tekið til byggða-
sjónarmiða. Elvar Árni Lund sveit-
arstjóri segir að kynning á skýrsl-
unni hafi verið illa ígrunduð og
margir skilið niðurstöðurnar þannig
að önnur sláturhús en þau sex sem
talin voru upp væru dæmd úr leik,
þar væri hætt að slátra eða yrði gert
á næstunni.
Elvar Árni gagnrýnir áform um að
greiða sláturleyfishöfum fyrir að
hætta að nota gömul og léleg hús og
telur skynsamlegra að nota fjár-
munina til að styðja við bakið á líf-
vænlegum sláturhúsum sem eru í
góðu sauðfjárræktarumhverfi eins
og Fjallalamb.
Fjallalamb rekur sláturhús og
kjötvinnslu á Kópaskeri og segir
Elvar að reksturinn hafi verið í jafn-
vægi enda hafi fyrirtækið náð góðum
árangri á erfiðum markaði. Ákveðið
hafi verið að breyta húsinu þannig að
það fái útflutningsleyfi. Það kosti 40
til 60 milljónir kr. sem sé stór biti að
kyngja og þótt reksturinn hafi geng-
ið ágætlega og bændur standi með
fyrirtækinu þurfi að leita til Byggða-
stofnunar og fleiri aðila um hluta-
fjárframlög. Segist Elvar Árni hafa
orðið var við að niðurstöður nefndar
landbúnaðarráðherra spilli fyrir
möguleikum Fjallalambs. Ef
Byggðastofnun komi ekki að málinu
geti orðið erfitt að fá aðra til þess.
Hann segir að rekstur Fjalla-
lambs sé afar mikilvægur fyrir
byggðarlagið, störf þar jafngildi
vinnu 10% vinnufærra manna, að
ótöldum störfum við þjónustu, og
vandséð hvað ætti að koma í staðinn.
Því komi ekki til greina að loka slát-
urhúsinu.
Kemur ekki til greina
að loka sláturhúsinu
Fjallalamb hyggur á fjárfestingar til að fá útflutningsleyfi
Vonast eftir hluta-
fjárframlagi frá
Byggðastofnun
STJÓRNARRÁÐSHÚSIÐ við Lækjartorg var í gær-
kvöldi lýst upp í bleikum lit. Tilgangurinn er að vekja
athygli á brjóstakrabbameini. Ástríður Thorarensen
forsætisráðherrafrú kveikti ljósin.
Í októbermánuði gengst Krabbameinsfélag Íslands
fyrir fræðslu um brjóstakrabbamein, eins og gert hefur
verið undanfarin ár, og konur hvattar til að nýta sér
boð leitarstöðvar félagsins um röntgenmyndatöku. Er
þetta hluti af alþjóðlegu árvekniátaki en tákn þess er
bleik slaufa.
Auk Stjórnarráðshússins verður Sjúkrahúsið á Ísa-
firði lýst upp og önnur mannvirki síðar í mánuðinum.
Með hliðstæðum hætti eru lýst upp tvö hundruð mann-
virki í fjörutíu löndum, meðal annars Empire State-
byggingin í New York, skakki turninn í Pisa og Niag-
ara-fossarnir í Bandaríkjunum.
Morgunblaðið/Sverrir
Ástríður Thorarensen forsætisráðherrafrú kveikti ljósin við Stjórnarráðshúsið í Lækjargötu og er hér við þá at-
höfn ásamt Davíð Oddssyni forsætisráðherra og Guðrúnu Agnarsdóttur, forstjóra Krabbameinsfélags Íslands.
Stjórnarráðshúsið skartar bleiku