Morgunblaðið - 02.10.2003, Blaðsíða 6
FRÉTTIR
6 FIMMTUDAGUR 2. OKTÓBER 2003 MORGUNBLAÐIÐ
Um er að ræða mjög glæsilegt fullinnréttað ca 340 fm skrifstofuhús-
næði á 2. hæð í þessu vel staðsetta húsi. Mikið af bílastæðum.
FJÁRFESTING
FASTEIGNASALA ehf.
Sími 562 4250 • Borgartúni 31 • www.fjarfest.is
Hilmar Óskarsson, Guðjón Sigurjónsson, Rósa Guðmundsdóttir.
Lögfr.: Pétur Þ. Sigurðsson hrl.
Til leigu í Mörkinni 4
í Reykjavík á 2. hæð
Upplýsingar gefur Gunnar í síma 693 7310 og sölu-
menn Fjárfestingar fasteignasölu í síma 562 4250.
STEFNT er að opnun tónlistar- og
ráðstefnuhúss á Miðbakka Reykja-
víkurhafnar fyrir árslok 2008. Á húsið
að geta staðið undir sér og skilað
hagnaði strax á fyrsta rekstrarári. Þá
er talinn góður rekstrargrundvöllur
fyrir fyrsta flokks alþjóðlegu hóteli í
tengslum við húsið. Heildarkostnaður
við húsið auk hótelsins er 12,5 millj-
arðar króna.
Gríðarlega mikil
vinna framundan
Ekki er útilokað að hluti lóðarinnar
verði látinn af hendi í ljósi lóðarum-
sóknar Landsbankans í miðbænum.
Kynnt var í gær skýrsla sem unnin
var fyrir Austurhöfn-TR ehf., sem var
stofnað af ríki og borg í apríl sl. til að
hrinda verkefninu í framkvæmd.
Reiknað er með að húsið verði 15 þús-
und fm að flatarmáli og á að rúma
1.500 manna tónleikasal, allt að 750
manna ráðstefnusal, 450 mann æf-
inga- og tónleikasal sem einnig geti
nýst til ráðstefnuhalds, aðstöðu lista-
manna og skrifstofur Sinfoníuhljóm-
sveitar Íslands, sextán 4–500 manna
fundarasali, og þjónustu-, stoð- og
tæknirými.
„Það verður ekkert aftur snúið í
þessu máli núna,“ sagði Ólafur B.
Thors stjórnarformaður Austurhafn-
ar-TR. „Þetta liggur fyrir og fer
væntanlega víða um heim og auðvitað
vonumst við eftir góðum undirtekt-
um. Þetta er allra fyrsti, litli áfanginn
í einhverskonar uppskeruhátíð af því
sem búið er að gera. Auðvitað er gríð-
arlega mikil vinna framundan og
verkefnið er ótrúlega flókið og grípur
inn á þætti, s.s. skipulagsmál, hafn-
arstarfsemi, alla ferðamennsku á Ís-
landi og allt það sem á réttilega heima
inni í tónlistarhúsi. Síðan á eftir að
reka þetta allt saman, þannig að þetta
er fyrsta litla skrefið en þetta er þó
skref og því er lokið núna.“
Hann sagði það órætt innan stjórn-
arinnar hvaða áhrif umsókn Lands-
bankans fyrir 7.200 fm lóð fyrir höf-
uðstöðvar sínar, austan Pósthús-
strætis og sunnan Geirsgötu, gæti
haft á málið. Stefán Hermannsson
framkvæmdastjóri Austurhafnar-TR
útilokaði þó ekki að lóðin yrði látin af
hendi. „Að sumu leyti felst í því tæki-
færi að láta þennan hluta lóðarinnar
af hendi og það léttir þá á fjárhags-
byrði verkefnisins,“ sagði hann.
„Vafalaust verður skipulagið til norð-
urs endurskoðað, þannig að það kem-
ur til álita að lóðin verði stækkuð til
norðurs.“
Stefnt að opnun tónlistar-
og ráðstefnuhúss 2008
Morgunblaðið/Þorkell
Blaðamönnum var kynnt skýrslan í gær. Frá vinstri á myndinni: Stefán
Hermannsson, fyrrverandi borgarverkfræðingur og núverandi fram-
kvæmdastjóri Austurhafnar-TR, Ólafur B. Thors, formaður stjórnar, og
Stefán P. Eggertsson, framkvæmdastjóri verkfræðistofunnar VSO.
FRAM kom í frétt í Morgun-
blaðinu í gær að íslenskir fjöl-
miðlar hefðu sent inn nöfn 28 fjöl-
miðlamanna til KSÍ vegna
landsleiks Þjóðverja og Íslendinga
sem fram fer í Hamborg 11. októ-
ber nk.
Þar kom ennfremur fram að
Ríkisútvarpið hefði sent inn nöfn
sjö manna. Bogi Ágústsson, yfir-
maður fréttasviðs RÚV, sendi
blaðinu athugasemd í gær vegna
fréttarinnar. Þar kemur fram að
Samúel Örn Erlingsson, yfirmaður
íþróttadeildar, hafi þurft að til-
greina fjölda starfsmanna Ríkisút-
varpsins, sem þyrftu fyrirgreiðslu
KSÍ, fyrir hálfum mánuði. Samúel
hafi viljað hafa borð fyrir báru og
nefna fleiri en færri og geta þá af-
þakkað miða á leikinn síðar. Þá
hafi ekki legið fyrir ákvörðun um
með hvaða hætti fjallað yrði um
leikinn í miðlum Ríkisútvarpsins.
Nú liggi þetta fyrir. Ríkisút-
varpið sendi tvo menn til að lýsa
leiknum. Geir Magnússon fari utan
föstudaginn 10. október og sendi
fréttir fyrir leikinn auk þess að
lýsa honum í sjónvarpi. Þá fari
Bjarni Felixson utan að morgni
leikdags og heim að kveldi. Hann
muni lýsa leiknum í útvarpi og
senda heim fréttir.
Auk þess kemur fram í athuga-
semd Boga að Ríkisútvarpið muni
veita þremur kvikmyndagerðar-
mönnum liðsinni vegna leiksins.
Fyrir milligöngu þess fái þeir að-
gang að æfingum liðsins og miða á
leikinn. Þeir munu gera myndina
sjálfir en Ríkisútvarpið hefur
ákveðið að kaupa myndina.
Í sömu frétt í gær kom fram að
Morgunblaðið hefði sótt um fyr-
irgreiðslu fyrir fjóra menn. Blaðið
mun senda tvo blaðamenn á leik-
inn og einn ljósmyndara.
RÚV send-
ir tvo menn
til Ham-
borgar
♦ ♦ ♦
OLÍUFÉLÖGIN hafa ákveðið að
lækkað verð á gasolíu, flotaolíu og
svartolíu frá og með fyrsta október.
Olíufélagið Esso reið á vaðið í gær
með lækkun á gasolíu og flotaolíu
upp á 1,20 krónur á hvern lítra og
svartolíu um 1,70 krónur á lítra. Olís
og Skeljungur fylgdu síðdegis í kjöl-
farið með sömu verðlækkunum.
Verðlækkunin er sögð endur-
spegla þróun heimsmarkaðsverðs í
þessum tegundum og jákvæða þróun
krónunnar gagnvart Bandaríkjadoll-
ar að undanförnu.
Olíufélögin
lækka olíuverð
dagar, vetur er innan seilingar, allt getur gerst og
mannskepnan með alla sína tækni og visku getur ekki
annað gert en horft fram á veginn og vonað sitt besta.
Indælt sumar er að baki og fyrir það þakka margir.
SEPTEMBERMÁNUÐUR kvaddi Blönduósinga með
birtu og hlýju og ljóst er að septembersól ársins 2003
hefur sagt sitt síðasta. Októbersól rís örlitlu síðar en
sólin í gær, haustið er komið. Við blasa óræðir haust-
Ljósmynd/Jón Sig.
Síðasta septembersólin
SJÓVÁ-ALMENNAR selja ekki
tjónabifreiðar án þess að þær séu
skráðar sem slíkar, að sögn Halldórs
Gunnars Eyjólfssonar, fram-
kvæmdastjóra tjónasviðs fyrirtækis-
ins. „Við teljum okkur fara að settum
reglum,“ segir hann.
Félag íslenskra bifreiðaeigenda
segir að sumir bílar séu skráðir sem
tjónabílar í bifreiðaskrá en aðrir
ekki. Halldór Gunnar Eyjólfsson
segir að mjög ýtarlega sé farið yfir
hvern bíl sem komi til félagsins.
Númerin séu tekin af öllum bílum
sem fyrirtækið kaupi og þeir skráðir
á nafn Sjóvár-Almennra. „Við teljum
okkur vera með mjög mikla þekk-
ingu á því hvaða bílar eru tjónabílar
og hvaða bílar ekki og við erum með
sérfræðinga í okkar röðum sem meta
þetta.“
Halldór Gunnar segist hafa óskað
eftir upplýsingum frá FÍB um þetta
mál eftir yfirlýsingar félagsins um að
tjónabílar væru ekki skráðir sem
slíkir í bifreiðaskrá en ekki fengið
nein svör. Þessi skráning hafi verið
tekin upp fyrir um tveimur og hálfu
ári og hugsanlega hafi ekki verið al-
farið staðið rétt að málum í byrjun,
„en það gerist ekki í dag,“ segir
hann. Halldór Gunnar bendir á að
þeir bílar sem fari verst út úr tjóni
séu með skemmt burðarvirki og þeir
séu merktir sem tjónabílar, en upp-
lýsingar um það fari til Umferðar-
stofu. „Þegar sá eigandi, sem eignast
bílinn einhvern tímann í framtíðinni,
ætlar að sækja númerin á ný á bílinn
á hann ekki að geta fengið þau af-
hent nema viðurkenndir úttektarað-
ilar hafi farið yfir bílinn.“
Segir tjónabíla
skráða sem slíka
FYRSTI vinnu-
dagur Jóns Sig-
urðssonar, sem
skipaður hefur
verið í embætti
seðlabanka-
stjóra, var í
gær. Ásamt Jóni
eru Birgir Ís-
leifur Gunn-
arsson og Eirík-
ur Guðnason
seðlabankastjórar.
Jón sagði í samtali við Morg-
unblaðið í gær að dagurinn hefði
farið í kynnisferð um bankann,
hann hefði kynnt sér fólkið og
húsið. Jón er þó ekki með öllu
ókunnugur starfi bankans þar sem
hann hefur setið í bankaráði í þrjú
ár og átti einnig þátt í samningu
laga um bankann. Jón sagði að-
spurður að bankastjórarnir hefðu
með sér ákveðna verkaskiptingu
og yrði farið yfir það næstu daga.
Birgir Ísleifur er formaður banka-
stjórnarinnar og sagði Jón að
Birgir myndi leiða umræður um
þau efni.
Ingimundur Friðriksson, sem
gegnt hefur starfi seðlabanka-
stjóra síðustu tólf mánuði, hverfur
aftur til starfs aðstoðarbanka-
stjóra í bankanum, sem hann tók
við árið 1994.
Nýr seðla-
bankastjóri
hóf störf í gær
Jón Sigurðsson
seðlabankastjóri.