Morgunblaðið - 02.10.2003, Blaðsíða 14

ERLENT
14 FIMMTUDAGUR 2. OKTÓBER 2003 MORGUNBLAÐIÐ
Traustur kaupandi hefur beðið okkur að útvega raðhús eða parhús í Garðabæ, á
Seltjarnarnesi eða í Lindum í Kópavogi. Staðgreiðsla í boði fyrir rétta eign.
Upplýsingar veitir Magnea Sverrisdóttir fasteignasali
í síma 588 9090 eða 861 8511.
Raðhús/parhús óskast
Í Guardian og Independent sagði,
að Blair hefði minnt á Margaret
Thatcher þegar hún sagði, að hún
væri ekki með neinn bakkgír og Tim-
es sagði, að í þetta sinn hefði Blair
sleppt „ódýru klisjunum“ og flutt
sína hógværustu ræðu frá því hann
varð forsætisráðherra.
Telegraph sagði, að Blair hefði í
ræðu sinni einnig sett ofan í við
Gordon Brown fjármálaráðherra en
margir líta svo á, að með mjög kröft-
ugri ræðu sinni hafi Brown verið að
minna á, að hann væri hinn ókrýndi
eftirmaður Blairs. Þótt Blair hefði
komið víða við í ræðu sinni, hefði
hann ekki vikið einu orði að fjár-
málaráðherranum. Í Financial Tim-
es sagði, að honum hefði tekist að
blanda saman
„óvenjulegri hóg-
værð og alkunnri
einurð“.
Umfjöllun fjöl-
miðla á megin-
landinu var í svip-
uðum tón og Le
Monde spáði því,
að Blair myndi ná
að stíga upp úr
„írösku flensunni“. Süddeutsche
Zeitung sagði, að enn einu sinni hefði
Blair „brunnið af sannfæringarkrafti
og ástríðu“ en Frankfurter Allge-
meine Zeitung sagði, að hann gæti
sjálfum sér um kennt andstreymið
vegna þess, að hann hefði ekki sagt
sannleikann um Íraksstríðið.
Ánægja með ræðu Blairs á flokksþingi
Sagður minna
á Thatcher
FJÖLMIÐLAR í Bretlandi og á meginlandinu voru í gær almennt
sammála um, að Tony Blair forsætisráðherra hefði styrkt mjög stöðu
sína sem leiðtogi með ræðu sinni á þingi Verkamannaflokksins. Var
því spáð, að hann ætti eftir að jafna sig á „írösku flensunni“.
Tony Blair
Heimildarmenn AFP úr röðum
stjórnmálamanna segja að stjórnin
hafi samþykkt að hefja nýja áfang-
ann sem áætlað sé að kosti sem svar-
ar 7,6 milljörðum króna. Þessi hluti
öryggismúrsins er 45 km langur.
Engu að síður ákvað stjórnin að
láta undan þrýstingi Bandaríkja-
stjórnar, sem er andvíg múrnum, og
skilja eftir eitt op á honum, að sögn
heimildarmannanna. Hermenn eiga
að standa vörð við opið.
Áformin voru samþykkt með mikl-
um meirihluta atkvæða. Stjórnin
frestaði hins vegar ákvörðun um
hvort múrinn ætti að ná í kringum
Ariel, sístækkandi byggð ísraelskra
landtökumanna á svæði Palestínu-
manna á Vesturbakkanum. Var það
gert af ótta við, að Bandaríkjamönn-
um líkaði það ekki en búist er við
ákvörðun um það síðar. Samþykkt
var þó, að reist yrði sérstök girðing
við gyðingabyggðina í Ariel sem síð-
ar yrði hægt að tengja við múrinn.
Nabil Abu Rudeina, ráðgjafi Yass-
ers Arafats, leiðtoga Palestínu-
manna, sagði í gær að ákvörðun Ísr-
aelsstjórnar hindraði friðarumleit-
anir.
Ísraelsstjórn segir að öryggismúr-
inn sé nauðsynlegur til að koma í veg
fyrir að vígamenn geti gert
sprengjuárásir í Ísrael.
Mikil gagnrýni
Múrinn hefur verið harðlega
gagnrýndur á alþjóðavettvangi og í
skýrslu Mannréttindanefndar Sam-
einuðu þjóðanna í fyrradag sagði, að
hann væri brot á alþjóðalögum og
jafngilti ólöglegri upptöku palest-
ínsks lands.
Mannréttindasamtökin Human
Rights Watch, sem aðsetur hafa í
New York, sögðu í bréfi til George
W. Bush, forseta Bandaríkjanna, í
gær, að Bandaríkjastjórn ætti að
beita Ísraelsstjórn refsiaðgerðum og
draga úr fjárframlögum til hennar,
minnka þau um jafnmikið og bygg-
ing múrsins kostaði.
Ætlar að skilja eftir op á múrnum
til að friða Bandaríkjamenn
Jerúsalem. AFP.
Ísraelsstjórn
ætlar að lengja
öryggismúrinn
Reuters
Palestínsk börn við flak bíls í eigu Ahmed Faraj, herskás félaga í Frelsisfylkingu Palestínumanna. Notuðu Ísraelar
jarðýtu við að eyðileggja bílinn er þeir handtóku Faraj í gær í borginni Qalqilya á Vesturbakkanum.
RÍKISSTJÓRN Ísraels ákvað í gær að hefja nýjan áfanga í smíði ör-
yggismúrs sem verið er að reisa á Vesturbakkanum. Ísraelar hafa
verið gagnrýndir á alþjóðavettvangi fyrir smíðina þar sem veggurinn
liggur sums staðar talsvert inn á palestínsk landsvæði.
FRAM kemur í nýrri könnun
námsmatsstofnunarinnar
EVA í Danmörku að þarlend-
ir grunnskólanemendur eiga
erfitt með að bjarga sér á
ensku þrátt fyrir margar
kennslustundir í faginu, að
sögn Jyllandsposten. Aðeins
46% nemenda í níunda bekk
skiluðu við-
unandi
svörum í
könnun þar
sem þeir
áttu að
endursegja
texta með
venjulegu,
ensku
tungutaki,
segja frá
einhverju sem þeir höfðu upp-
lifað, tjá tilfinningar og nota
nákvæmt orðalag.
Ulla Tørnæs mennta-
málaráðherra segir ljóst að
taka þurfi á þessu máli. Vill
hún m.a. að lögð verði áhersla
á að kanna með reglubundn-
um hætti kunnáttu nemend-
anna til þess að kennarar eigi
auðveldara með að ráða bót á
því sem aflaga fer.
En það er ekki aðeins staða
nemenda sem veldur mönnum
áhyggjum. Að sögn fulltrúa
EVA gera enskukennarar allt
of mikið af því að tala móð-
urmálið í tímum í stað þess að
notast við ensku. Yfirvöld
menntamála hafa sett fram
það markmið að talað sé og
kennt á ensku í enskutímum
til að þjálfa nemendurna en á
því er mikill misbrestur, að-
eins um 4% kennara fullnægja
þeirri skyldu.
Fulltrúi danskra tungu-
málakennara, Hanne Feld,
viðurkennir að ekki sé nóg
gert af því að tala ensku í
tímunum. „Að sjálfsögðu á að
tala eins litla dönsku og
framast er unnt en menn
mega ekki verða svo þver-
girðingslegir að nemendur
geti ekki fylgst með,“ segir
hún.
Léleg
ensku-
kunnátta
Ulla Tørnæs