Morgunblaðið - 02.10.2003, Blaðsíða 17
HÖFUÐBORGARSVÆÐIÐ
MORGUNBLAÐIÐ FIMMTUDAGUR 2. OKTÓBER 2003 17
NÝTT sjóminjasafn verðuropnað við Grandagarð ánæsta ári og mun safniðverða rekið sem alhliða
sjóminjasafn og sjálfseignarstofnun.
Safnið gengur nú undir heitinu Víkin
– Sjóminjasafnið í Reykjavík, en
endanlegt nafn hefur þó ekki verið
ákveðið.
Borgarráð hefur samþykkt að fela
borgarstjóra að fylgja eftir tillögum
undirbúningshóps um stofnun sjó-
minjasafnsins og er ætlunin að leita
eftir samstarfi við hagsmunaaðila
um að setja á laggirnar sjálfseign-
arstofnun um stofnun og rekstur
þess í fyrrum húsnæði Bæjarútgerð-
ar Reykjavíkur á Grandagarði 8. Þar
er gert ráð fyrir sýningarrými upp á
1.500 fermetra á tveimur hæðum, en
safnið er hugsað sem alhliða sjó-
minjasafn. Reykjavíkurhöfn hefur
keypt húsnæðið og mun leiga safn-
inu aðstöðuna, að sögn Sigrúnar
Magnúsdóttur, formanns undirbún-
ingshópsins.
Hún segir stórkostlegt að nú skuli
vera að komast á laggirnar sjóminja-
safn í Reykjavík sem taka muni á öll-
um þáttum sjávarútvegssögu lands-
ins og muni sem alhliða safn stunda
rannsóknir á sögu sjávarútvegs og
siglinga á Íslandi. „Og auðvitað er
mikilvægt að þarna sé sögð saga
strandbúa, tómthúsmanna og fjöl-
skyldna þeirra og hvernig þetta
byrjaði nú hér í Reykjavík.“
Samkvæmt tillögunni sem borgar-
ráð samþykkti mun Reykjavíkur-
höfn kaupa húsnæðið á Grandagarði
fyrir 115 milljónir króna, en reiknað
er með að annað eins fari í endurgerð
á húsnæðinu fyrir safnastarfsemi.
Sjóminjasafnið mun síðan leigja að-
stöðuna af Reykjavíkurhöfn.
Reykjavíkurborg og ríkið kosta
rekstur safnsins og reiknað er með
að einkaaðilar kosti uppsetningu
fyrstu sýningar sjóminjasafnsins.
Einkaaðilar fjármagni
fyrstu sýninguna
„Við viljum gjarnan reyna að fá
einkaaðila og sjávarútvegsfyrirtæki
til að vinna með okkur að því að setja
upp sýninguna. Höfnin á húsnæðið
og safnið leigir það, Reykjavíkur-
borg og ríkið hjálpa til við reksturinn
og í þriðja lagi mun verða leitað eftir
því við einkaaðila að kaupa bása á
sýningunni fyrir ákveðið verð. Út á
það gengur okkar tillaga sem borg-
arstjóri vinnur síðan úr og það er
fyrirhugaður stór kynningarfundur í
næstu viku með sem flestum hags-
munaaðilum,“ segir Sigrún.
Hún segir að tillaga starfshópsins
geri ráð fyrir alhliða sjóminjasafni í
Reykjavík, en ekki sértæku safni líkt
og í öðrum sjóminjasöfnum hér á
landi, sbr. Saltfisksetrið og Síldar-
minjasafnið. „Við viljum líka taka á
siglingum og landhelgisgæslu en
Reykjavík hefur auðvitað verið mið-
stöð þessara þátta og síðan er saga
Reykjavíkurhafnar stórmerkileg.“
Ákveðið hefur verið að Þjóðminja-
safnið hætti rekstri Sjóminjasafns
Íslands, sem staðsett hefur verið í
Hafnarfirði undanfarin ár. Að sögn
Sigrúnar hefur verið rætt við Þjóð-
minjasafnið um að nýja sjóminja-
safnið í Reykjavík fái til vörslu alla
reykvíska muni aftur, en margir
gripanna voru upphaflega í eigu
borgarinnar þegar sjómenn settu
upp vísi að sjóminjasafni á Hallveig-
arstöðum á sínum tíma.
„Síðan má segja að Þjóðminja-
safnið hafi tekið það yfir og haft það í
kjallaranum en kannski aldrei virki-
lega sýnt því neinn sóma. Þaðan fóru
minjarnar á sjóminjasafnið í Hafn-
arfirði. Þjóðminjasafnið hefur í raun
tekið þá ákvörðun að hætta rekstri
þess, þannig að við höfum rætt um
að fá reykvíska muni aftur,“ segir
Sigrún.
Húsnæðið og staðsetningin
hentar vel fyrir sjóminjasafn
Helgi Sigurðsson, safnvörður á
Árbæjarsafni, hefur verið starfs-
maður undirbúningshópsins sl. eitt
og hálft ár og mun að líkindum verða
fyrsti starfsmaður nýja sjóminja-
safnsins. Gert er ráð fyrir fjórum
stöðugildum til að byrja með, en
safnið verður byggt upp í nokkrum
áföngum. Að sögn Helga er staðsetn-
ing BÚR-hússins einstaklega góð
fyrir sjóminjasafn; á bakkanum við
fiskibátahöfnina og í göngufæri frá
miðbæ Reykjavíkur. Þá eru uppi
áform um viðlegukant fyrir báta við
austuhlið hússins, sem snýr beint að
höfninni, og þar geta bátar sem eru
sögulegir og enn á floti lagst að
bryggju. Þá er húsið sjálft sýning-
argripur í sjálfu sér sem fyrrum fisk-
vinnsluhús Bæjarútgerðar Reykja-
víkur.
Helgi segir að húsið henti einnig
afar vel undir sýningar, það er ein-
falt að gerð og auðvelt að rífa burt
milliveggi og opna rými. Húsnæðið
er samtals 1.900 fermetrar á tveimur
hæðum, sem eru um 10–13 metra
breiðar og um 90 metra langar, og er
reiknað með að sjálft sýningarrýmið
verði um 1.500 fermetrar. Efri hæðin
hefur nýlega verið innréttuð á
smekklegan hátt og mun því nýtast
vel þegar í byrjun undir fyrstu sýn-
ingu safnsins.
„Þar má hefja starfsemi með
litlum tilkostnaði í sýningarsal sem
er um 360 fermetrar auk annarra
rýma. Neðri hæðin er hins vegar
óinnréttuð í grófu ástandi og þar er
talsvert verk framundan. Auk þess
þarfnast húsið allt mikilla endurbóta
að utan,“ segir Helgi.
Verður að líkindum opnað
um mitt næsta sumar
Auk sýningarrýmis á efri hæð eru
nú þegar fyrir hendi 3 nýinnréttaðar
skrifstofur, fundarherbergi og í and-
dyrinu er aðstaða fyrir kaffiveitingar
fyrir um 30 manns auk snyrtinga
fyrir gesti og starfsfólk. Að sögn
Helga er kjörið að gera fínlegri og
fræðilegri þáttum sjávarútvegs skil
þarna á efri hæðinni og þaðan er
einnig frábært útsýni yfir bátahöfn-
ina og til borgarinnar, ekki síst af út-
sýnissvölum sem hægt verður að
ganga út á úr norðurenda efri hæðar.
Samkvæmt áætlun um uppbygg-
ingu safnsins mun starfsemin fyrst
hefjast á efri hæð en annar áfangi
felst í standsetningu neðri hæðar og
uppsetningu á sýningum þar. Þriðji
áfanginn er frágangur á útisvæðinu
við austurhlið hússins og útgangur
út á það.
Það var fyrirtækið List & Saga
sem sá um hugmyndir að uppsetn-
ingu sýninga, en gert er ráð fyrir að
safnið verið opnað 11. maí á næsta
ári. Helgi segir það nokkra bjartsýni
en segist sjá fyrir sér að safnið verði
opnað um mitt næsta sumar.
Húsnæði Bæjarútgerðar Reykjavíkur á Grandagarði gengur senn í endurnýjun lífdaga
Morgunblaðið/Þorkell
Sjóminjasafnið á Grandagarði: Austurhlið safnsins snýr að höfninni en þar verður settur upp viðlegukantur fyrir sögulega báta sem enn eru á floti.
Tilbúinn: Helgi safnvörður á efri
hæð BÚR-hússins, en þar verður
sett upp fyrsta sýning Sjóminja-
safnsins í Reykjavík á næsta ári.
Sjóminjasafn
verður opnað
á næsta ári
Sjóminjasafn verður líklega opnað í Reykja-
vík næsta sumar. Eiríkur P. Jörundsson
kynnti sér fyrirhugaða starfsemi þess.
eirikur@mbl.is
w
w
w
.c
lin
iq
ue
.c
om
www.lyfja.is
100% ilmefnalaust
GÓÐ
GJÖF
Lyfju Lágmúla í dag kl. 13-17
Lyfju Spönginni föstudag kl. 13-17
Lyfju Smáralind laugardag og
sunnudag kl. 13-17
Lyfju Smáratorgi mánudag kl. 13-17
Lyfju Garðatorgi þriðjudag kl. 13-17
Lyfju Setbergi miðvikudag kl. 13-17
Lyfju Laugaveg fimmtudag kl. 13-17
Kaupauki!
4 hlutir í tösku!
Ef þú kaupir 2 hluti frá CLINIQUE
þá er þessi gjöf til þín.*
• Repairwear næturkrem 7 ml
• Rinse-off farðahreinsir 30 ml
• Long pretty maskari
• Different varalitur pink whisper
Meðan birgðir endast*
Ráðgjafi frá CLINIQUE verður í Lyfju
Árvekni um
brjóstakrabbamein
Til leigu ca 700 fm á 2. hæð í þessu
glæsilega húsi. Um er að ræða sama
hús og KPMG verður í.
Húsið er alveg nýtt og verður það
tilbúið til afhendingar í nóvember 2003.
Upplýsingar veita Gunnar
í síma 693 7310
eða sölumenn Fjárfestingar
fasteignasölu í síma 562 4250.
FJÁRFESTING
FASTEIGNASALA ehf.
Sími 562 4250 • Borgartúni 31 • www.fjarfest.is
Hilmar Óskarsson, Guðjón Sigurjónsson, Rósa Guðmundsdóttir.
Lögfr.: Pétur Þ. Sigurðsson hrl.
Borgartún 31 - Reykjavík