Morgunblaðið - 02.10.2003, Blaðsíða 20

AUSTURLAND
20 FIMMTUDAGUR 2. OKTÓBER 2003 MORGUNBLAÐIÐ
Molinn rís | Í dag verður und-
irrituð viljayfirlýsing um byggingu
verslunar- og þjónustuhúsnæðis á
Reyðarfirði. Það eru Landsafl, Ís-
lenskir aðalverktakar, Hönnun,
Landsbankinn og Fjarðabyggð sem
munu standa að framkvæmdinni.
Stefnt er að byggingu 3000 fer-
metra húsnæðis í miðbæ Reyð-
arfjarðar, á þeim reit sem útibú
Landsbankans stendur í dag. Kostn-
aður við framkvæmdina liggur ekki
fyrir og er næsta skref þeirra sem
að viljayfirlýsingunni standa að
vinna kostnaðaráætlun samfara
lokahönnun byggingarinnar.




Djúpavogi | Hátíð til heiðurs Stefáni
Jónssyni, rithöfundi, frétta- og al-
þingismanni var haldin á Djúpavogi
um helgina. Þátttakendur voru á
öllum aldri og var veðrið sér-
staklega gott.
Hátíðin hófst með svonefndu
Faðirvorahlaupi, en Stefán segir frá
því í bók sinni Að breyta fjalli, að
hann hafi hlaupið frá Teigarhorni
að Rjóðri, heimili sínu, á þremur
Faðirvorum.
Í Löngubúð skiptist fólk daglangt
á að lesa upp úr bókum Stefáns og á
laugardagskvöld var hátíðardag-
skrá á Hótel Framtíð. Björn Hafþór
Guðmundsson flutti hátíðarávarp
og sérstakir heiðursgestir voru tvö
börn Stefáns, þau Hjörleifur og
Helga. Flutti Hjörleifur stutta tölu
um föður sinn. Heimamenn töfruðu
fram hvert atriðið á fætur öðru,
leiklestur, söng og spjall og kunnu
gestir greinilega vel að meta dag-
skrána.
Sögur af veggtjaldi
og nikkuball
Fjarfundabúnaður Djúpavogs-
hrepps var vel nýttur þetta kvöld
því Árni Gunnarsson, fyrrum sam-
starfsmaður og vinur Stefáns, birt-
ist gestum á veggtjaldi þar sem
hann sagði margar skemmtilegar
sögur af Stefáni. Hátíðinni lauk svo
með undurfögrum söng Berglindar
Einarsdóttur við undirleik Svavars
Sigurðssonar. Eftir að formlegri
dagskrá lauk var slegið upp harm-
onikkuballi með sveitarstjóranum í
broddi fylkingar, en Björn Hafþór
var einn af skipuleggjendum þess-
arar hátíðar.
Að breyta fjalli og
368 gamlir kaffibollar
Á sunnudagsmorgunn hélt svo tíu
manna hópur af stað upp á Búlands-
tind, en þeir sem treystu sér ekki til
að reyna að breyta fjallinu spókuðu
sig um hömrum klæddan bæinn
með Ingimari Sveinssyni sem
fræddi fólk um sögu staðarins.
Kaffibollasýning sett var upp í
tengslum við hátíðina vakti sérstaka
athygli gesta en Stefán var mikill
kaffidrykkjumaður. Á sýningunni
voru alls kyns áhöld sem tengjast
neyslu þessa merkilega drykkjar og
þar einnig að finna upplýsingar um
leyndardóma og sögu kaffis og
kaffiljóð eftir ýmsa góða menn.
Rétt þykir að láta fljóta með eina
kaffivísuna sem ort er af Jóni Sig-
urðssyni í Rjóðri.
Í eldhúsið þá inn ég fer
ilmur ljúfur mætir.
Kvenfólkið og kannan er
krafturinn sem bætir.
Hlaupið á þremur faðirvorum
Morgunblaðið/Sólný Pálsdóttir
Hlaupið á þremur faðirvorum: Galvaskur hópurinn sem þreytti faðirvorahlaup í tilefni af hátíðinni. Búlandstindur gnæfir hnarreistur yfir í fjarska.
Morgunblaðið/Sólný Pálsdóttir
Egilsstöðum | Austur-Hérað hefur undirritað samning við Ból-
holt ehf. sem felur í sér uppsetningu á fjögurra þrepa hreinsi-
virki við útrásir holræsakerfa á tveimur stöðum í sveitarfélaginu.
Annars vegar við Einbúablá á Egilsstöðum og hins vegar á Hall-
ormsstað.
Austur-Hérað er fyrsta sveitarfélagið hér á landi sem tekur
slíkan hreinsibúnað í notkun fyrir svo stóra byggð.
Samningurinn við Bólholt er gerður eftir ítarlega úttekt á hol-
ræsamálum Austur-Héraðs, þar sem m.a. voru bornir saman
kostir einnar miðlægrar hreinsistöðvar og aðskildra hreinsi-
virkja.
Að sögn Sigurðar Ragnarssonar formanns Umhverfisráðs
Austur-Héraðs er sú leið sem hér er farin mun hagstæðari og um
leið sveigjanlegri en uppbygging á einni stórri hreinsistöð. Auk
þess sem hreinsigeta fjögurra þrepa hreinsivirkja sé meiri en
gert sé ráð fyrir í miðlægri stöð.
Hér sé því verið að fara mun hagkvæmari leið en gert var ráð
fyrir í fjárhagsáætlun um byggingu miðlægrar hreinsistöðvar og
verði hún nú tekin út úr fjárfestingaáætlun. Hægt verði að
byggja upp aðskilin hreinsivirki jafnóðum og byggðin stækkar
og þörf krefur. Til langs tíma litið sé sveitarfélagið því að fara
mun hagkvæmari, sveigjanlegri og árangursríkari leið, segir
Sigurður.
Nýjung á Íslandi
Óskar Bjarnason hjá Bólholti, segir fyrirtækið hafa rekið
samskonar búnað, en þó mun smærri, við útrás holræsakerfis í
Fellahreppi frá því árið 2000 með mjög góðum árangri. Búnaður-
inn sem nú verður settur upp er margfalt stærri og afkastameiri.
Óskar segir að strax og samningurinn við Austur-Hérað var
undirritaður, hafi verið hafist handa við að teikna og hanna
hreinsivirkin og nú sé verið að útvega nauðsynlegan búnað er-
lendis frá. Reiknað sé með að hefja uppsetningu í nóvember og
opna hreinsivirkin fyrir jól. Þau verði að langmestu leyti grafin í
jörðu og því lítið sjáanleg ofanjarðar og það eina sem muni verða
sjáanlegt sé eitt lítið bjálkahús og loki.
Fjögurra þrepa hreinsivirki eru nýjung sem Bólholt er að inn-
leiða hér á landi. Óskar segir að samningurinn við Austur-Hérað
sé því fyrsti samningurinn af þessari stærðargráðu sem Bólholt
gerir hvað þetta varðar. Hann segir mikinn áhuga á þessu hjá
sveitarfélögum og líklegt að fleiri fylgi í kjölfarið á næstu mán-
uðum.
Austur-Hérað og Bólholt semja um uppsetningu á nýrri tegund hreinsivirkja við útrásir holræsakerfa
Sveigjanlegri leið fyrir sveitarfélagið
Ljósmynd/ÁÓ
Hreinsibúnaður: Sigurður Ragnarsson, Eiríkur Bj. Björg-
vinsson, Óskar Bjarnason og Skúli Björnsson við undirritun
samningsins milli Austur-Héraðs og fyrirtækisins Bólholts.
KAFFIBOLLASÝNING sem Guð-
rún Aradóttir setti upp í tengsl-
um við hátíðina á Djúpavogi vakti
mikla athygli, en Stefán Jónsson
var einmitt mikill kaffidrykkju-
maður. Þetta mun fyrsta kaffi-
bollasýningin á Íslandi; að
minnsta kosti er ekki vitað til
þess að slík sýning hafi verið
haldin hér fyrr. Alls voru 368
bollar til sýnis og þar á meðal
sérstakur skeggbolli (lengst til
hægri) en slíkir voru einatt í eigu
heldri manna sem skörtuðu yfir-
varaskeggi og vildu ekki að það
blotnaði. Á sýningunni mátti einn-
ig sjá gamla kaffibrúsa og kaffi-
kvörn frá því um aldamótin 1900.
368 kaffibollar
Jarðhitaboranir | Í vikunni kem-
ur jarðborinn Grímnir til Reyð-
arfjarðar og á að nota hann til að
bora könnunarholur við Sléttu í
Reyðarfirði. Verið er að kanna legu
og halla jarðhitasprungu á staðnum
og á að auki að bora 600 m djúpa til-
raunaholu. Reyðfirðingar vonast eft-
ir að nægt magn af heitu vatni finn-
ist svo nýta megi til húsahitunar.




Fáskrúðsfjarðargöng | Búið er að
sprengja samtals yfir einn kílómetra
af heildarlengd Fáskrúðsfjarð-
arganga milli Reyðarfjarðar og Fá-
skrúðsfjarðar. Þeim megin hafa 389
metrar verið sprengdir, en Reyð-
arfjarðarmegin 630 metrar. Heild-
arlengd ganganna verður 5.694
metrar.




Olíuleki | Um eitt hundrað lítrar af
gasolíu láku í höfnina á Seyðisfirði á
dögunum. Verið var að sandblása og
mála fjóra tanka sem komið höfðu
frá Reyðarfirði til viðgerðar. Þurfti
að velta tönkunum á hlið og þegar sá
fyrsti hafði verið lagður, rann úr
honum olía út á hafnarbakkann og
fram í sjó. Olían var hreinsuð upp og
olli ekki skaða.




Morgunblaðið/Ágúst Blöndal
Neskaupstað | Mikið brim gerði í
Norðfirði í norðanveðrinu sem
gekk yfir landið nú á dögunum.
Óvenju miklu af þara skolaði á land
með briminu í fjöruna utan við svo-
kallaða Eyri. Er talið að vegna þess
hve vel áraði í sjónum hafi verið
góð sprettutíð fyrir þarann og
hann vaxið betur en vant er. Lagt
var kapp á að ryðja þaranum strax
aftur í sjóinn til að koma í veg fyrir
rotnun, sem getur verið hröð í til-
tölulega hlýju veðri. Kemur þá
megn fnykur af þaranum og einnig
getur klakist í honum fluga sem
mönnum þykir hvimleið, þó venju-
lega standi flugnafárið stutt yfir.
Þari úr mar