Morgunblaðið - 02.10.2003, Blaðsíða 31
E
RLING Blöndal
Bengtsson kemur
ætíð reglulega til Ís-
lands enda tengdur
landinu sterkum
böndum þar sem móðir hans var
íslensk, ættuð frá Ísafirði. Fyrir
hálfu öðru ári, þegar Erling var
hér síðast á ferð, hélt hann tvenna
rómaða tónleika, annars vegar með
Sinfóníuhljómsveit Íslands og hins
vegar einleikstónleika í Salnum. Í
Íslandsheimsókn sinni nú leikur
hann Konsert í e-moll eftir Aram
Khatsjatúrjan og heldur auk þess
tónleika ásamt tengdadóttur sinni,
píanóleikaranum Ninu Kavtaradze,
í Salnum, Tónlistarhúsi Kópavogs,
sunnudagskvöldið 5. október kl. 20
og í Hömrum, sal Tónlistarskóla
Ísafjarðar, þriðjudagskvöldið 7.
október kl. 20.
Spurður hvers vegna þessi kons-
ert Khatsjatúrjans hafi orðið fyrir
valinu svarar Erling því til að fyrir
því séu ýmsar ástæður. „Ég stakk
upp á því að þessi konsert Khatsj-
atúrjans yrði leikinn í fyrsta lagi
sökum þess að hann hefur aldrei
áður verið leikinn á Íslandi og í
öðru lagi vegna þess að Khatsjat-
úrjan hefði orðið hundrað ára á
þessu ári og afmælistónleikar eru
ekki verra tilefni en hvað annað.
Auk þess er konsertinn mér afar
kær og mér er farið að þykja vænt
um hann eins og gamlan vin þar
sem hann hefur fylgt mér alveg
síðan 1949, en það ár frumflutti ég
hann í Skandinavíu í Kaupmanna-
höfn. Síðan þá hef ég margoft leik-
ið hann og auðvitað spillir ekki fyr-
ir að konsertinn er afskaplega
fallegur og einstaklega vel sam-
inn,“ segir Erling, en þess má geta
að frá því að hann hélt sína fyrstu
opinberu tónleika hérlendis árið
1946, þá aðeins fjórtán ára gamall,
hefur hann spilað nær alla selló-
konserta tónbókmenntanna fyrir
landann.
Litríkur og spennandi konsert
Að sögn Erlings felst ein aðal-
ástæða þess hve gaman er að spila
konsert Khatsjatúrjan í því hve
fjölbreyttur hann er. „Verkið býr í
raun yfir sínu litlu af hverju.
Khatsjatúrjan átti náttúrlega ræt-
ur að rekja til Armeníu og í öllum
verkum hans má heyra óm af þess-
um austræna bakgrunni. Tónlist
hans er þannig mjög litrík, spenn-
andi og tvímælalaust afar kraft-
mikil á köflum, en auk þess býr
konsertinn yfir dásamlegum,
löngum og rólegum þætti. Þetta er
yndislegur konsert þar sem kostur
gefst á að sýna hinar margþættu
hliðar sellósins. Konsertinn er alla
vega í mjög miklu uppáhaldi hjá
mér.“
Aðspurður hvort verkið sé
tæknilega erfitt svarar Erling því
umsvifalaust neitandi, en bætir
síðan sposkur við: „Auðvitað er allt
erfitt ef maður ætlar sér að gera
það almennilega. Konsertinn er
einfaldlega svo vel skrifaður og
fellur vel að sellóinu, andstætt við
til að mynda sum nútímaverk sem
geta verið mun snúnari. En auðvit-
að er konsertinn tæknilega krefj-
andi, ef svo væri ekki þá myndi
manni nú bara leiðast,“ segir
Erling og hlær.
Ákveðin forréttindi
að fá að kenna
Að lokinni tónleikaferð sinni hér
á Íslandi segir Erling leiðina liggja
aftur til Bandaríkjanna þar sem
hans bíði þrettán óþreyjufullir
nemendur, en Erling er prófessor í
sellóleik við Michigan-háskóla í
Ann Arbor. „Við Merete, kona
mína, höfum búið í Bandaríkjunum
síðustu þrettán ár þar sem ég
kenni hópi framúrskarandi nem-
enda frá hinum ýmsu þjóðlöndum.
Allan minn tónlistarferli hef ég
kennt samhliða spilamennskunni.
Og þegar maður hefur jafngóða
nemendur og ég til dæmis hef í
Michigan þá er alltaf jafngaman að
kenna.
Í raun má segja að maður njóti
ákveðinna forréttinda að fá að
kenna svona góðum nemum. Auk
þess heldur kennslan manni tví-
mælalaust við, því það eru sífellt
nýir hlutir sem maður þarf að taka
afstöðu til. Unga fólkið leitar til
manns með vangaveltur sínar,
bæði listrænar og tónlistarlegar
spurningar og vandamál sem mað-
ur verður að reyna að leysa í sam-
vinnu við þá. Ég tel afar var-
hugavert að loka sig af og spila
bara í einrúmi. Það er svo mik-
ilvægt að sjá hlutina alltaf frá fleiri
en einni hlið og það heppilega við
tónlistina er að það eru jafnmörg
sjónarhorn og mennirnir eru
margir.“
Auk sellókonserts Khatsjatúrj-
ans leikur Sinfóníuhljómsveitin
rúmenska rapsódíu nr. 2 í D-dúr
op. 11 eftir Georges Enesco og
Sinfóníu nr. 3 í F-dúr op. 90 eftir
Jóhannes Brahms. Stjórnandi á
tónleikunum er Damian Iorio og
hefjast tónleikarnir að vanda kl.
19.30.
„Konsertinn er
mér afar kær“
Erling Blöndal Bengts-
son leikur með Sinfóníu-
hljómsveit Íslands á
tónleikum í kvöld.
Silja Björk Huldudóttir
ræddi við sellóleikarann
heimsfræga.
Morgunblaðið/Kristinn
„Auðvitað er allt erfitt ef maður ætlar sér að gera það almennilega,“ segir
Erling Blöndal Bengtsson. Tónleikarnir hefjast kl. 19.30 í Háskólabíói.
silja@mbl.is
LISTIR
MORGUNBLAÐIÐ FIMMTUDAGUR 2. OKTÓBER 2003 31
FIMMTUDAGS-
TILBOÐ
Suðurlandsbraut
Sími 533 3109
Opið
mán.-fös. kl. 12-18
laugardaga kl. 10-16
Herraskór
Teg. 978040
Litur svartur
St. 40-46
VERÐ 2.995
Skógarhlíð 18, sími 595 1000.
www.heimsferdir.is
Heimsferðir bjóða þér glæsilega ferð í sérflugi sínu til
Kúbu þann 4. nóvember. Það er ævintýri að kynnast þessari ótrúlegu eyju með
óviðjafnanlega náttúru og mannlíf og menningu sem á engan sinn líka í heimin-
um. Tryggðu þér síðustu sætin í haust.
Glæsileg 4 og 5 stjörnu hótel í boði og í
öllum tilfellum nýtur þú traustrar þjónustu
fararstjóra Heimsferða sem bjóða þér
spennandi kynnisferðir á meðan á dvölinni
stendur.
Síðustu 14 sætin
· 4. nóv. – 7 nætur
· 2. mars – 7 nætur
Verð kr. 78.950
Flugsæti og skattar.
Verð kr. 89.950
Flug, skattar, gisting á Arenas
Doradas ****, íslensk fararstjórn.
Kúba
4. nóvember
frá kr. 78.950
Sérflug Heimsferða
Munið Mastercard
ferðaávísunina
Steypusögun
Vegg- og gólfsögun
Múrbrot
Vikursögun
Malbikssögun
Kjarnaborun
Loftræsi- og lagnagöt
Hreinlæti og snyrtimennska
í umgengni
BT-sögun
Sími 567 7544
Gsm 892 7544
ATVINNA mbl.is
VEGNA mikillar eftirspurnar
verða Stórtónleikar í Salnum flutt-
ir í fjórða sinn laugardaginn 4.
október kl. 14.30 og fimmta og
allra síðasta sinn, mánudagskvöld-
ið 6. október kl. 20.
Gunnar Guðbjörnsson heldur af
landi brott, en í hans stað kemur
Snorri Wium. Að öðru leyti er um
sömu söngtónleika að ræða og aðr-
ir flytjendur eru sem fyrr þau Sig-
rún Hjálmtýsdóttir, Kristinn Sig-
mundsson og Jónas Ingimundar-
son. Á efnisskránni eru vinsælar
aríur og dúettar úr þekktum óp-
erum eftir Mozart, Gounod, Bizet
og Puccini, svo og íslensk sönglög
eftir Sigfús Einarsson, Sveinbjörn
Sveinbjörnsson, Sigvalda Kalda-
lóns, Markús Kristjánsson, Emil
Thoroddsen og Bjarna Thorsteins-
son.
Tvennir aukatón-
leikar í Salnum
LEIKHÚSUMRÆÐUR um
leikrit Kristínar Ómarsdóttur,
Vinur minn heimsendir, verða í
Hafnarfjarðarleikhúsinu í
kvöld. Umræðurnar verða að
lokinni sýningu, kl. 21.30. Þær
sem taka þátt eru Dagný Krist-
jánsdóttir prófessor, Kristín
Eysteinsdóttir leikstjóri og
Ingibjörg Magnadóttir leik-
myndahönnuður.
Leikhúsum-
ræður að lok-
inni sýningu