Morgunblaðið - 02.10.2003, Blaðsíða 43

MINNINGAR
MORGUNBLAÐIÐ FIMMTUDAGUR 2. OKTÓBER 2003 43
Ég á svo erfitt að
með að hugsa mér til-
veruna án elskulegrar
móður minnar sem var
alltaf til staðar með góð ráð og átti
svo auðvelt með að brosa við tilver-
unni. „Erfiðleikar eru bara til þess að
efla mann og styrkja,“ sagði hún, og
hve það er stór sannleikur. Það var
svo gott að syngja, tala eða bara
þegja saman, allar stundir voru svo
notalegar. Hún hafði líka svo einstak-
lega góða frásagnargáfu sem nýttist
svo vel við nám og starf. Þessi eig-
inleiki gerði allt svo létt og leikandi.
Henni þótti svo gaman að ferðast, það
þufti ekki að fara langt því alls staðar
var náttúran svo falleg. Oft fórum við
á Þingvöll og tjölduðum forðum daga,
bara yfir helgi. Þessi ævintýr eru nú
svo dýrmæt. Hún þreyttist aldrei á að
segja frá nöfnum í náttúrunni og
þjóðsögum sem þeim tengdust. Þó
barnssálin gæti ekki munað það allt
þá var það allt í lagi, það myndi rifjast
upp einhvern tíma seinna.
Oft var þröngt setinn bekkurinn í
eldhúsinu í Lyngheiðinni. Ef ekki
voru þar börn sem sóttu í aðstoð við
heimanámið var spiluð vist með til-
heyrandi „Selfossmeldingum“ og
hlátrasköllum.
Seinna þegar ég var komin með
börn var hún mín stoð og stytta enda
sóttu þau í að vera í návist hennar því
alltaf var stund fyrir alla. Þau hafa
fengið að njóta visku hennar og
styrks og fyrir það vil ég þakka. Nú
eiga þau þessar ómetanlegu stundir í
farteskinu.
Við minningar ljúfar nú ylja ég mér
og minnist þín móðir mín kær.
Ég bið þess að englarnir vaki yfir þér
í einlægni hjarta mitt slær.
Þú umvafðir elskunni allt um kring
JÓNA ÞÓRUNN
VIGFÚSDÓTTIR
✝ Jóna ÞórunnVigfúsdóttir
fæddist á Stóru-
Hvalsá í Hrútafirði
30. mars 1919. Hún
lést á Dvalarheim-
ilinu Kumbaravogi
19. september síð-
astliðinn og var út-
för hennar gerð frá
Selfosskirkju 27.
september.
og áttir svo mikið að gefa.
Í lífinu ætíð ég lofsöng þér syng
og læt hann mig hugga og sefa.
(Þ.G.)
Þorbjörg.
Hún elsku besta
amma mín, sem alltaf
var mér svo góð, er nú
dáin.
Það er ekki hægt að
hugsa sér betri ömmu
en hana. Ég man alltaf
eftir því þegar ég sat hjá
henni og hún sagði mér
sögur, þær voru alltaf svo sérstakar.
Þetta voru ekki einhverjar sögur,
heldur sögur sem hún hafði upplifað.
Það var svo gott að koma til hennar
hún var alltaf að tína eitthvað gott í
„gogginn“ á mér. Hún orti líka tölu-
vert þótt hún hafi sem minnst viljað
gera úr því. Mér finnst gott núna að
lesa ljóðin og sögurnar hennar.
Þögull og gugginn grætur
glugginn minn einn í kvöld,
er rökkrið raðar skuggum
á rauðanætur tjöld.
Þín vegna glugginn grætur
sem glætt hefur ást mína og trú.
Ekkert mér vekur yndi
sem einveran sjálf – og þú.
Einveran veitir mér yndi
því ekkert mig trufla má.
Ég lifi það allt upp aftur
sem áttum við saman þá.
Ég sakna þín sárast um nætur
er sé ég ei handa skil.
En þú kemur eflaust aftur!
Ó, hvað ég hlakka til!
(J.Þ.V.)
Þorsteinn Árni Steindórsson.
Elsku Jóna. Það er september
2003. Það var líka september 1973. Þá
var líka sama veðrið, sól og stilla, rok
og rigning. Sami haustilmurinn í lofti
fyrir 30 árum þegar ég kom fyrst með
Ragga inn á heimili ykkar Gísla.
Ferðirnar þangað urðu bara fleiri og
fleiri. Þið tókuð svo vel á móti mér,
það var eins og ég hefði alla tíð til-
heyrt fjölskyldunni. Þá voru enn
margir í heimili að Lyngheiði 7, sumir
komu og aðrir fóru, en enginn lét sig
vanta í sunnudagslærið með pörunni
þinni, stökku og góðu.
Þér fannst heldur ekki verra að ég
var að byrja að læra á bíl, þú varst
sjálf nýlega komin með bílpróf og eig-
in bíl, rauða Fólksvagninn, þann
fyrsta af mörgum. Þá sagðirðu oft:
„Komdu út að keyra.“ Svo keyrðum
við upp að fjalli og ég æfði mig. Þetta
var í „þá daga“, fyrir tíma æfinga-
akstursins. Þú varst á undan þinni
samtíð í svo mörgu.
Á þessum tíma vannstu hjá Pósti
og síma, við að sendast með skeyti og
kvaðningar. Á einni nóttu höfðu 60 ný
hús risið upp úr jörðinni hér á Sel-
fossi, „Viðlagasjóðshúsin“, öll síma-
laus, en margir áttu erindi við sína
nánustu sem bjuggu hér eftir gosið í
Eyjum. Þá var gaman að sendast með
og fyrir þig með símakvaðningarnar.
Þetta var nefnilega góð og gild
ástæða til að fara út að aka.
Eða þegar stórflóð myndaðist í
vorleysingum á Austurveginum og
vatnið flæddi upp í og inn í bílinn og
við bara hlógum eins og fífl og keyrð-
um nokkrar aukaferðir á Austurveg-
inum.
Svo fæddist okkur Ragga hún
Linda litla og seinna Gísli og Jóna. Þú
varst hafsjór af fróðleik sem þú miðl-
aðir þeim, sagðir þeim endalausar
sögur, hvort heldur ævintýri, Íslend-
ingasögur eða þjóðsögur. Aldrei
þreyttist þú heldur á að lesa fyrir þau
allar bækurnar sem sóttar voru á
bókasafnið.
Gaman var að ferðast með ykkur
Gísla um landið. Það kom enginn að
tómum kofunum hjá þér, þú vissir
nöfnin á hverju fjalli, hverjum dal og
allt þar á milli.
Þú kunnir skil á ótal atburðum sem
gerst höfðu á hverjum stað. Jarð-
fræðina og sögu landsins varstu með
á hreinu, þú hafðir svar við hverri
spurningu.
Jóna mín, þakka þér fyrir öll árin
sem við bjuggum á loftinu í Lyng-
heiðinni og þú taldir ekki eftir þér að
hafa Lindu með þér í einu og öllu og
koma henni í leikskólann á meðan ég
hélt áhyggjulaus yfir Heiðina í Fóst-
urskólann. Með þessu fyrirkomulagi
gátum við sloppið við að flytja til
Reykjavíkur.
Elsku Jóna mín. Það eru mín for-
réttindi að hafa átt þig sem tengda-
mömmu og ömmu Lindu, Gísla og
Jónu. Blessuð sé minning þín.
Lísbet Nílsdóttir.
JÓNA
KRISTÓ-
FERS-
DÓTTIR
✝ Jóna Kristófersdóttir iðju-þjálfi fæddist á Blönduósi 20.
apríl 1918. Hún lést á Hjúkrunar-
heimilinu Skógarbæ í Reykjavík
7. september síðastliðinn og var
útför hennar gerð í kyrrþey.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
guð þér nú fylgi,
hans dýrðarhnoss þú hljóta skalt.
(V. Briem.)
Blessuð sé minning þín.
Iðjuþjálfafélag Íslands.
HINSTA KVEÐJA
Símar 581 3300 - 896 8242
Allan sólarhringinn - Áratuga reynsla
Suðurhlíð 35 — Fossvogi — www.utforin.is
Sverrir Olsen,
útfararstjóri.
Sverrir Einarsson,
útfararstjóri.
Bryndís Valbjarnardóttir,
útfararstjóri.
Baldur Frederiksen,
útfararstjóri.
ÚTFARARSTOFA ÍSLANDS
Lundi V/Nýbýlaveg
564 4566 • www.solsteinar.is
Ástkær móðir okkar, amma og langamma,
THORA ÞORLÁKSSON,
er látin.
Hún verður jarðsungin í Garðakirkju á Álftanesi
föstudaginn 3. október kl. 13.30.
Sveinn Birgir Rögnvaldsson,
Guðný Kristín Rögnvaldsdóttir,
Þóra Hallgrímsdóttir,
Þuríður Hallgrímsdóttir, Erlingur Sigurgeirsson,
Anna Guðný Hallgrímsdóttir, Salvar Geir Guðgeirsson,
Snorri Hallgrímsson,
Guðný Kristín Erlingsdóttir.
Elskulegur eiginmaður minn, faðir okkar,
tengdafaðir og afi,
GRÉTAR BÍLDSFELLS GRÍMSSON,
Syðri-Reykjum,
verður jarðsunginn frá Skálholtskirkju laugar-
daginn 4. október kl. 14.
Blóm og kransar eru vinsamlegast afþakkaðir,
en þeim, sem vilja minnast hans, er bent á
Landspítalann við Hringbraut.
Lára Jakobsdóttir.
Grímur Þór Grétarsson, Ingibjörg Sigurjónsdóttir,
Sigurður Ólafur Grétarsson, Selma S. Gunnarsdóttir,
Guðmundur Hrafn Grétarsson, Þórey S. Þórisdóttir,
Ingibjörg Ragnheiður Grétarsdóttir, Sigurgeir Guðjónsson,
Dagný Rut Grétarsdóttir, Einar Guðmundsson
og barnabörn.
Innilegar þakkir sendum við öllum þeim sem
sýndu okkur samúð og vinarhug við andlát og
útför ástkærs föður okkar, vinar, sonar, bróður
og mágs,
REYNIS HALLDÓRS HILMARSSONAR
sjómanns,
Rjúpnahæð 8,
Garðabæ.
Sérstakar þakkir fær starfsfólk í heimahlynn-
ingu Karitasar og hjúkrunarfólk á deild 11E, Landspítala Hringbraut, fyrir
góða umönnun og stuðning.
Jóney Rún Reynisdóttir,
Karen Reynisdóttir,
Anna Jóna Reynisdóttir,
Sigurlína Hreinsdóttir,
Hilmar Karlsson,
Dagbjört Hilmarsdóttir, Hjálmar Diego,
Jón Hilmarsson, Guðrún H. Theodórsdóttir,
Guðrún Hilmarsdóttir,
Berglind Hilmarsdóttir, Unnsteinn Ólafsson,
Svanur Pálmar Hilmarsson.
Sonur minn, bróðir, mágur og frændi,
PÉTUR JÓAKIMSSON,
verður jarðsunginn frá Hafnarfjarðarkirkju
föstudaginn 3. október kl. 13.30.
Þeim, sem vilja minnast hans, er bent á
Minningarsjóð Sólvangs í Hafnarfirði.
Jóakim Pétursson,
Sigurður Jóakimsson
og fjölskylda.
Ástkær eiginmaður minn, faðir okkar, tengda-
faðir og afi,
GESTUR BREIÐFJÖRÐ RAGNARSSON,
Selsvöllum 12,
Grindavík,
verður jarðsunginn frá Grindavíkurkirkju laugar-
daginn 4. október kl. 13.30.
Jóhanna Garðarsdóttir,
Steinunn Gestsdóttir, Tryggvi Sæmundsson,
Ragnar Breiðfjörð Gestsson, Margrét Helgadóttir,
Hanna Rún Gestsdóttir,
Reynir Garðar Gestsson, Inga Þórðardóttir
og barnabörn.