Morgunblaðið - 02.10.2003, Blaðsíða 55
ÍÞRÓTTIR
MORGUNBLAÐIÐ FIMMTUDAGUR 2. OKTÓBER 2003 55
LEIFUR S. Garðarsson, alþjóð-
legur körfuboltadómari, hefur
fengið úthlutað hjá FIBA tveimur
leikjum á Evrópumótunum. Leifur
dæmir annars vegar leik FC
Kaupmannahöfn frá Danmörku og
KK Hemofarm frá Júgóslavíu í
undankeppni Evrópumóts karla
sem fram fer í Farum í Danmörku
29. október og hins vegar leik
Rhondda Rabels frá Wales og
Delta Basket frá Ítalíu í Evrópu-
keppni kvenna sem fram fer í
Wales 30. október.
Leifur
dæmir í
Evrópu-
keppninni
RUDI Völler, landsliðsþjálfari Þjóð-
verja í knattspyrnu, varar við ís-
lenska landsliðinu, segir það vera
sýnda veiði en ekki gefna. Íslend-
ingar hafi gert út um vonir Tékka
um að komast á síðasta heimsmeist-
aramót og því megi ekki undir
neinum kringumstæðum vanmeta
íslenska landsliðið. Ekkert sé gefið
gegn Íslandi. Þjóðverjar og Íslend-
ingar mætast í Hamborg í riðla-
keppni EM í knattspyrnu annan
laugardag.
„Íslendingar líkt og svo margar
aðrar þjóðir, eru sterkari nú en fyr-
ir tíu árum,“ segir Völler og biður
stuðningsmenn þýska landsliðsins
að hafa báða fætur á jörðinni.
Ekki bætir úr skák að nokkrir
sterkir leikmenn þýska liðsins eru
meiddir og geta ekki tekið þátt í
leiknum. Sama er reyndar upp á
teningnum hjá íslenska landsliðinu.
Meðal þeirra leikmanna þýska liðs-
ins sem eru meiddir eru Dietmar
Hamann, Sebastian Deisler, Jens
Nowotny og Torsten Frings.
Völler hvetur leikmenn sína til að
bíta í skjaldarrendur gegn Íslend-
ingum og með því freista þess að
hrífa Michael Ballack, hinn sterka
leikmann Bayern München, með, en
hann hefur ekki náð sér á strik í
síðustu landsleikjum Þjóðverja.
Völler segist ekki velta því fyrir
sér hvað gerist ef þýska landsliðinu
tekst ekki að halda efsta sæti riðils-
ins og vinna sér þar með sjálfkrafa
rétt á sæti í lokakeppni EM. „Fari
maður að velta fyrir hvað gerist ef
þetta og hitt á sér stað þá missir
maður sjónar á aðalatriðunum,“
segir Rudi Völler.
Völler
varar við
bjartsýni
Hafnfirðingar tóku vörnina traust-um tökum strax í byrjun og
gekk ágætlega að finna glufur í vörn
HK, sex leikmenn
gerðu fyrstu sjö
mörk þeirra. Hins-
vegar var sóknarleik-
ur HK ekki eins
burðugur og sterk flöt vörn Hauka
átti ekki í vandræðum. Einungis Aug-
ustas Strazdas og Alexaner Arnarson
tókst að finna leiðina að markinu
framhjá Birki Ívari Guðmundssyni og
saman skoruðu þeir tveir sex fyrstu
mörk HK. Þjálfari HK þurfti því að
hrókera í sókninni og Andrius Rack-
auskas gekk einna best að spreyta
sig. Oft hefur reynst Haukum vel að
ná forystu í byrjun og tvö mörk eftir
hraðaupphlaup frá bræðrunum Pétri
og Þorkeli Magnússyni skutu Hauk-
um í 7:4 á 12. mínútu.
Staðan í hálfleik var 14:11 og lítið
breyttist. Eftir sem áður gekk HK-
mönnum lítt að saxa á forskotið og
þrátt fyrir að Hafnfirðingum væri oft-
ar vikið af leikvelli tókst HK ekki að
nýta sér það og Hörður Flóki kom í
veg fyrir að Haukar næðu að bæta við
forskot sitt. Þegar leið á leikinn hófu
Haukar af miklum klókindum að
hanga í sókninni svo HK-menn þurftu
fyrir vikið að reyna að stytta sóknir
sínar og brjóta upp sókn Hauka en
það gekk ekki.
„Við vorum með yfirhöndina allan
leikinn og hefðum átt að vera búnir að
hrista þá af okkur en eins og við var
að búast varð þetta hörkuleikur,“
sagði Ásgeir Örn Hallgrímsson, sem
var duglegastur hjá Haukum. „Við
ætluðum að hætta að skjóta í Hörð
Flóka eins og í síðasta leik og spila al-
mennilega vörn, eða bara yfir höfuð
spila vörn, því það gerðum við ekki
síðast. Við vorum alveg ömurlegir og
spiluðum illa síðast svo við urðum nú
að sýna okkar rétta andlit. Við gerð-
um það í dag. Stigin voru nauðsynleg
því HK kemst eflaust í úrvalsdeildina
og gott að hafa stig með okkur.“ Best-
ur hjá Haukum var Birkir Ívar
Guðmundsson, sem varði 17 skot og
oft á ögurstund þegar HK var að
komast inn í leikinn. Sem fyrr segir
var Ásgeir Örn drjúgur og tók oft af
skarið auk þess að Matthías Árni
Ingimarsson, ungur línumaður, sýndi
að hann er tilbúinn í deildina.
„Ég er draugfúll yfir þessum úrslit-
um,“ sagði Hörður Flóki, markvörður
HK, eftir leikinn. Hann lagði sann-
arlega sitt lóð á vogarskálarnar en
það dugði ekki til. „Við erum sjálfum
okkur verstir. Við missum þá fram úr
okkur í lok fyrri hálfleiks og erum
þremur mörkum undir í hálfleik. Síð-
an fimm mörkum undir snemma í
seinni hálfleik og erum að elta þá eftir
það. Við fáum samt fullt af tækifær-
um til að komast inn í leikinn á ný og
jafna en gefum þess í stað allt frá okk-
ur. Það vantaði bara herslumuninn.
Við ætluðum einfaldlega að vinna
þennan leik – eins og HK-liðið gerir
þegar það nær góðri baráttu, góðri
vörn og góðri stemmningu. Vörnin
var að vísu góð lengst af en sóknin
ekki nógu góð, mér finnst okkur
skorta aga. Auðvitað eru Litháarnir
að koma inn í liðið en mótið er hálfnað
svo það er ekki endalaust hægt að
bíða eftir að þeir komist inn í leik okk-
ar. Það var gott og blessað að vinna
Hauka í Digranesi í síðasta leik en
það hefði verið enn betra að vinna þá
aftur hérna til að sýna úr hverju við
erum gerðir. Þetta var samt ekki al-
slæmt en það vantaði herslumuninn.“
Strazdas var bestur hjá HK, sérstak-
lega í sókninni þegar hann skoraði
ýmist sjálfur eða gaf góðar sendingar,
sem gáfu mörk. Alexander Arnarson
var einnig drjúgur á línunni framan af
en minna sást til hans þegar lokað var
fyrir sendingar inn á hann. Elías Már
Halldórsson og Andrius Rackauskas
skoruðu úr nokkrum færum.
Morgunblaðið/Sverrir
Hvert ertu að fara, kallinn? gætu varnarmenn HK, Alexander Arnarson, Vilhelm Gauti Berg-
sveinsson og Jón Bersi Ellingsen, verið að segja við Matthías Árna Ingimarsson, leikmann Hauka.
Haukar skref-
inu á undan HK
TVEGGJA marka forskot Hauka reyndist HK-mönnum ógerlegt að
brúa þegar liðin mættust í suðurriðli Íslandsmótsins að Ásvöllum í
gærkvöldi. Hafnfirðingar sýndu einnig aga og klókindi þegar þeim
tókst að hanga á þessu forskoti fram eftir síðari hálfleik – eða allt þar
til gestirnir úr Kópavoginum misstu móðinn, sem Haukar nýttu sér til
að skjótast fram úr í 28:23 sigri. Haukar unnu fyrstu rimmu liðanna í
sumar, í keppni meistaranna, og HK flengdi Hauka í Digranesi í riðla-
keppninni en þeir náðu að hefna harma sinna í gærkvöldi. Hefndin
skiptir samt tæplega mestu máli, frekar stigin sem fylgja liðum inn í
úrvalsdeildina og hefur hvort lið safnað tveimur í sarpinn.
Stefán
Stefánsson
skrifar
SIGFÚS Sigurðsson skoraði 4
mörk fyrir Magdeburg þegar liðið
burstaði Wilhelmshavener, 34:22, í
þýsku 1. deildinni í handknattleik í
gærkvöld. Staðan var jöfn í hálfleik,
15:15, en í síðari hálfleik héldu læri-
sveinum Alfreðs Gíslasonar engin
bönd og þeir hreinlega völtuðu yfir
gesti sína. Stefan Kretzschmar var
markahæstur hjá Magdeburg með
10 mörk. Gylfi Gylfason var ekki á
markalista Wilhelmshavener.
GUÐJÓN Valur Sigurðsson skor-
aði 4 mörk, þar af eitt úr vítakasti,
fyrir Essen sem vann góðan sigur á
Göppingen, 31:20. Jasliesky Garcia
skoraði fjögur mörk fyrir Göpp-
ingen.
MEISTARARNIR í Lemgo unnu
öruggan sigur á Wetzlar á útivelli,
32:20. Gunnar Berg Viktorsson og
Róbert Sighvatsson skoruðu 2 mörk
hvor fyrir Wetzlar.
EINAR Jónsson skoraði eitt mark
þegar lið hans Wallau Massenheim
tapaði 37:35 fyrir Flensburg í fyrra-
kvöld. Rúnar Sigtryggsson skoraði
ekki mark í leiknum fyrir Wallau.
HELGI Kolviðsson lék allan leik-
inn fyrir Kärnten sem sigraði
Admira Wacker, 2:0, í austurrísku 1.
deildinni í knattspyrnu í gær.
BRYNJAR Björn Gunnarsson var
ekki í leikmannahópi Nottingham
Forest í leiknum við Preston í ensku
1. deildinni í gærkvöld.
FORRÁÐAMENN karlaliðs ÍR
sem leikur í úrvalsdeildinni í körfu-
knattleik leita nú að erlendum leik-
manni í stað Nate Poindexter sem
búið var að semja við í sumar.
Bandaríkjamaðurinn átti að koma til
landsins í fyrradag en kom ekki og
útskýringar leikmannsins á fjarveru
sinni voru á þeim nótunum að for-
ráðamenn ÍR brugðu á það ráð að
rifta samningnum við leikmanninn.
Poindexter lék með Hamarsmönn-
um tímabilið 2001–2002 þar sem
hann skoraði að meðaltali 25 stig í
leik, tók 9 fráköst og gaf um 6 stoð-
sendingar í þeim 22 leikjum sem
hann lék með liðinu.
JÓHANNES Karl Guðjónsson og
Ívar Ingimarsson léku báðir með
varaliði Wolves sem gerði 3:3 jafn-
tefli við Leeds í fyrrakvöld. Hvor-
ugur náði að skora en fyrsta mark
Úlfanna kom eftir að markvörður
Leeds varði skalla Ívars en náði ekki
að halda boltanum. Jóhannes Karl
nældi sér hins vegar í gult spjald á
22. mínútu.
EFTIR hálfsársdvöl hjá kínversku
knattspyrnuliði er Paul Gascoigne
kominn til Sameinuðu arabísku
furstadæmanna hvar hann hyggst
leika með Al-Jazira næstu mánuði.
Gascoigne segist vera í toppæfingu
og hann hlakki til þess að spreyta sig
á nýjum slóðum.
FÓLK