Morgunblaðið - 03.10.2003, Side 6
6 | FÓLKIÐ | FÖSTUDAGUR 3|10|2003 MORGUNBLAÐIÐ
Morgunblaðið/Árni Torfason
KL. 02.53 LAUGARDAGURINN 26 . SEPTEMBER | NEÐRI HÆÐIN Á SÓLON
Fimmtudagskvöldin eru græn á Sólon með plötusnúðum.
Um helgar eru Svali og Þröstur 3000 í diskóbúrinu og
dansað á efri hæðinni. Þegar svo ber undir eru beinar út-
sendingar úr enska boltanum og meistaradeildinni á efri
hæðinni. Myndirnar á veggjunum eru eftir Claudiu.
Byrjum á klisjunni; hvernig er að vera ungur
myndlistarmaður á Íslandi?
„Það er ágætt. Ekki síst vegna tækifæra eins
og þessarar Grasrótarsýningar. Hún er haldin
einu sinni á ári og er núna haldin í fjórða skipt-
ið. Safnið velur þátttakendur úr umsóknum.“
Hvar annars staðar fá ungir listamenn inni
núna?
„Maður fær til dæmis tækifæri til að sýna
undir stiganum í Galleríi i8. Svo opnaði Gallerí
Kling og Bang í vor og hefur verið ágætur vett-
vangur fyrir unga listamenn. Gallerí Hlemmur
hefur líka verið á sínum stað. Þetta er ekki al-
slæmt, ef maður hefur bein í nefinu held ég.“
Þetta er þá kannski ekki fyrir þá metn-
aðarlausu? Er þetta ekki svolítið hark?
„Jú, enda er talað um að nýtingin úr Listahá-
skólanum sé frekar dræm. Ég þori samt ekki
að fara með neinar tölur í því sambandi. Maður
þarf að vera viss um hvað maður vill.“
Er algjörlega nauðsynlegt að fara í Lista-
háskólann ef maður ætlar að verða mynd-
listarmaður?
„Ég myndi segja að það væri nauðsynlegt að
fara í skóla. Annað heyrir undantekninga til hjá
listamönnum. Þetta skiptir miklu máli.“
Þú lifir ekki á þessu einu saman. Ertu í fullu
starfi með listinni?
„Já, en reyndar var ég að hætta því ég er að
fara til Vínar. En annars er það svolítið málið.“
Hvað ertu að fara að gera í Vín?
„Ég er að fara með kærustunni minni, sem
verður skiptinemi þar. Hún er í þrívíðri hönnun í
Listaháskólanum. Ég ákvað að skella mér með
og er núna búinn að sækja um framhaldsnám
við Akademíuna.“
Hvaða gráðu myndirðu þá fá?
„Hérna er bara hægt að fá BFA-gráðu, en þar
myndi ég fá diplomagráðu, sem er í raun ígildi
meistaragráðu og metin þannig víðast hvar.“
Er þá ætlunin að vera úti?
„Já. Við ætlum að halda sýningu í Berlín,
Morgunblaðið/Árni Sæberg
Listin krefst
sjálfsaga
eins og annað
Huginn Þór Arason er ungur myndlistarmaður; ekki nema 27 vetra.
Hann er samt eldri en tvævetur og hefur verið að fást við ýmislegt
að undanförnu. Nú stendur yfir Grasrótarsýning í Nýlistasafninu, en
hann er einn þrettán ungra listamanna sem eiga verk á henni.
VINNUSTOFA
MYNDLISTARMANNSINS
nokkur héðan og fimm ungir myndlistarmenn
frá Vín. Hún verður opnuð í janúar, 23. janúar
nánar tiltekið. Það er gott að fara núna til Vínar
með undirbúning að þessari sýningu í huga.“
Áttu heilræði fyrir ungt fólk sem hefur hug á
að leggja fyrir sig myndlist?
„Sjálfsagi og skipulagning skipta öllu máli.
Það er líka mikilvægt að leyfa sér að gera það
sem skólinn býður upp á; nýta tímann til að
gera hitt og þetta. Það er aldrei ítrekað nógu oft
við nemendur, að nýta tímann vel.
Maður verður að finna út úr þessu sjálfur,
enda er maður látinn í friði og ber ábyrgð á sjálf-
um sér. Það er mjög auðvelt að falla í þá gryfju
að gera ekki neitt og ég gerði það eins og fleiri.
En þegar maður hættir í skólanum fer maður
smám saman að finna að sjálfsagi er nauðsyn-
legur. Maður varð svolítið þreyttur á kenn-
urunum þegar þeir voru að segja manni að slá
ekki slöku við, en auðvitað höfðu þeir rétt fyrir
sér.“ |ivarpall@mbl.is
HUGINN VIÐ
BRÚSAVERK SITT.