Morgunblaðið - 03.10.2003, Blaðsíða 9
MORGUNBLAÐIÐ FÖSTUDAGUR 3|10|2003 | FÓLKÐ | 9
Minning um ungan mann
MEÐ MÖMMU SINNI, EDDU ÞÓRARINSDÓTTUR LEIKKONU. FRÓÐI HAFÐI TÓNLISTARSNILLDINA FRÁ PABBA SÍNUM, FINNI TORFA STEFÁNSSYNI TÓNSKÁLDI.
ELÍZA GEIRSDÓTTIR, SÖNGKONA KOLRÖSSU KRÓKRÍÐANDI, VAR KÆR-
ASTA FRÓÐA Á TÍMABILI OG ALLTAF GÓÐUR VINUR HANS.
Á þriðjudaginn voru 9 ár síðan Fróði Finnsson tónlistarmaður lést, aðeins 19 ára að aldri, eftir fjögurra ára
baráttu við krabbamein. Fróði skildi eftir sig stóran hóp ættingja og vina, sem hann hafði djúpstæð áhrif á.
Hópurinn ætlar að minnast þessa ógleymanlega drengs með tónleikum á næsta ári, þegar tíu ár verða liðin
frá fráfalli hans. Hér eru svipmyndir úr viðburðaríkri en allt of stuttri ævi Fróða. |ivarpall@mbl.is
SMÁRI TARFUR, SEM SEINNA VAR Í QUARASHI, VAR GÓÐUR VINUR FRÓÐA.
FRÓÐI ÁTTI HEIMA Í BANDARÍKJUNUM Í TVÖ ÁR OG
STUNDAÐI ÞÁ KNATTSPYRNU. HANN VAR HÁLFGERT
LEYNIVOPN, ENDA ÖRVHENTUR OG -FÆTTUR OG GAT
KOMIÐ ANDSTÆÐINGUNUM Á ÓVART.
MEÐ RAUÐHÆRÐUM VINI SÍNUM 17. JÚNÍ 1979.
UPPSTILLT INFUSORIA. KARL GUÐMUNDSSON TROMMARI, SEM SVO
VAR Í KOLRÖSSU/BELLATRIX, GÍSLI SIGMUNDSSON BASSALEIKARI OG
GUÐJÓN ÓTTARSSON GÍTARLEIKARI VORU MEÐ FRÓÐA Í SVEITINNI.
Hægt er að styðja Styrktarfélag krabba-
meinssjúkra barna með því að leggja
inn á reikninginn 0301-26-545; kenni-
tala 630591-1129. Einnig er hægt að
hafa samband við skrifstofu félagsins í
síma 588 75 55. Heimasíða félagsins
er á slóðinni www.skb.is.
ÞAÐ TÖLUÐU ALLIR
VIÐ MANN
„Það hafði alltaf verið stór draumur hjá
mér að fara út sem skiptinemi,“ segir Hug-
rún Geirsdóttir, sem fór til Prag í Tékklandi
á vegum AFS.
„Mig langaði til að fara út, ég sjálf, ein
og prófa eitthvað nýtt. Sjá heiminn frá öðru
sjónarhorni. Mér fannst skiptinemaáætl-
unin bjóða upp á góðan möguleika að
kynnast menningu landsins sem ég byggi í,
nýjum viðhorfum og menningu. Ég elti æv-
intýraþrána.“
Hvernig var í Tékklandi?
„Það var rosalega gaman og varla hægt
að lýsa öllu þessi ferli í stuttu máli. Þetta
var náttúrlega ekki alltaf toppurinn. Maður
lenti í ýmsu í sambandi við að vera að
heiman og án vina, en á heildina litið gerði
maður ekkert nema græða á þessu.“
Kynntistu skemmtilegu fólki?
„Já, mjög góðu fólki. Bæði krökkunum
frá hinum löndunum, öðrum skiptinemum,
og fólki í Tékklandi. Einhvern veginn eru viðhorfin ólík því sem tíðkast hér heima. Ég bjó hjá góðu
fólki, í góðum skóla og átti góða vini.“
Var ekkert leiðinlegt fólk þarna?
„Auðvitað er fólk í meginatriðum eins alls staðar í heiminum. Það er svo misjafnt hvað hverjum
og einum finnst leiðinlegt. Ég lenti aldrei í neinum leiðindum.“
Hvað kom þér á óvart við að búa í útlöndum?
„Ég var vön því að sjá skiptinema hér heima, hvernig tekið er á móti þeim. Þeir eru oftast einir
eða halda sig í hópum, en úti var rosalega vel tekið á móti manni. Það töluðu allir við mann. Ég
hélt ég yrði meira ein með sjálfri mér.“
FLYTUR ÚT TIL
KÆRASTANS
„Mig hafði lengi langað til að fara og
komast úr verndaða umhverfinu hér
heima,“ segir Heba Hallgrímsdóttir,
sem fór til Hondúras á vegum AUS.
„Það hafa allir gott af því að sjá þær
hrikalegu aðstæður sem langflestir
þarna búa við.“
Hvernig var í Hondúras?
„Það tók stundum á, en var líka gam-
an og gefandi.“
Hvað var erfiðast?
„Til dæmis að sjá börn á götunni að
sniffa lím úr glerkrukkum. Sex manna
fjölskyldu í einu herbergi og stundum
ekkert vatn og ekkert rafmagn.“
Hvernig bjóst þú?
„Ég bjó rosa fínt,“ segir hún og hlær.
„Maður upplifði tvo aðskilda heima.
Fólkið sem búið er hjá þarna úti sendir
sín börn frá sér og tekur önnur í stað-
inn. Þetta er allt efnafólk sem hefur
efni á að senda börnin sín. Við lendum því alltaf hjá efnuðum fjölskyldum. Ég hafði ekki undan
neinu að kvarta.“
Kynntistu skemmtilegu fólki?
„Já. Ég nældi mér meira að segja í kærasta,“ segir hún og hlær. „Það var breskur strákur
sem var að gera það sama og ég. Ég vann líka með frábærum krökkum, sem allir komu frá Evr-
ópu.“
Eruð þið enn þá saman?
„Ég og kærastinn minn? Já, ég er að fara að heimsækja hann um mánaðamótin, hann kem-
ur í nóvember og svo ætla ég að flytja til hans um áramótin.“
Ungt fólk á aldrinum 15 til 25 ára getur kannað þau fjölbreyttu tækifæri sem standa til boða varðandi
nám, leik og starf erlendis á kynningu í Hinu húsinu frá 15 til 18 í dag.
Fjölmargir möguleikar eru í boði og verður kynning á þjónustu AFS á Íslandi, Alþjóðlegum ung-
mennaskiptum (AUS), EES-vinnumiðluninni, Enskuskólanum Bell, Nordjobb, Snorra West-verkefninu,
Stúdentaferðum, Ungu fólki í Evrópu og Upplýsingamiðstöð Hins hússins.
Hugrún Geirsdóttir og Heba Hallgrímsdóttir eru á meðal þeirra sem fóru utan síðastliðinn vetur og
hafa sögu að segja. |pebl@mbl.is
Leiðin út í heim…
DRAUMURINN RÆTTIST HJÁ HUGRÚNU Í TÉKKLANDI.HEBA, Í RAUÐA BOLNUM, MEÐ STELPUM SEM HÚN VANN MEÐ.