Morgunblaðið - 03.10.2003, Page 13

MORGUNBLAÐIÐ FÖSTUDAGUR 3|10|2003 | FÓLKÐ | 13
Morgunblaðið/Ásdís
Fæst ljóðin gamaldags
Ljóðið góðir reykpíkingar vann samkeppni í skóla-
blaðinu Heimasætunni í Kvennaskólanum í fyrra.
Skólaskáldið er Kristín Svava Tómasdóttir og er
hún 17 ára.
Ertu svolítið að fást við ljóðasmíðar?
„Já, svolítið. Ég byrjaði snemma, hef birt ljóðin
mín á ljóð.is og tekið þátt í samkeppnum. Ætli ég
hafi ekki byrjað að skrifa sögur átta eða níu ára, en
eitthvað seinna byrjaði ég á ljóðunum.“
Stefnirðu á að gefa ljóðin út?
„Ég er með fullt af ljóðum á ljóð.is, en það hefur
líka komið eitt ljóð út eftir mig í smásagnasafni eft-
ir unglinga og í skólablaðinu. Svo birtist brot úr
ljóðinu sem ég vann með í fyrra í Séð og heyrt. Það
var mikill vegsauki,“ segir hún og hlær. „Við sung-
um það vinkonurnar í söngvakeppninni í Kvenna-
skólanum, þannig að það er til lag við það líka.“
Er þetta ekki dálítið gamaldags?
„Það fer nú eftir því hvernig ljóðin eru. Ég held
að fæst af mínum ljóðum séu gamaldags. Mörgum
finnst gamaldags að yrkja með rími eða stuðlum
og höfuðstöfum og hringrími, en maður er lítið í
því.“
Eru ljóðin enn leiðin að hjarta hins kynsins?
„Ég veit það ekki. Ég hef ekki látið á það reyna
hingað til. Það gengur örugglega í einhverjum til-
vikum. Ætli það sé ekki persónubundið.“
góðir reykpíkingar
reykjavík
er píka
reykjavík er lífsreynd píka
sem fætt hefur af sér
tvöhundruðþúsund borgarbörn
reykjavík er saklaus píka
sem fæðir aðeins eingetin afkvæmi
einsog maría mey
reykjavík er blaut píka
sem þegar upp er staðið
býður alla velkomna
innri barmar austurstrætis
alltaf eins þótt draumar mínir rætist
innri barmar austurstrætis
ertast við fótspor þín
leggöngin hefjast á lækjartorgi
þar sem sæðisgulir strætisvagnar
bruna
í átt að egginu
sem bíður með sultardropa í nefi
uppá hlemmi
reykjavík er píka
þú ert snípurinn
og ég líka
Ljóðin eru flest í formi lagatexta, sem ort
eru af Andra Þór Sturlusyni 19 ára skóla-
skáldi í Verzlunarskólanum.
Fæstu svolítið við ljóðasmíðar?
„Já, samt aðallega textagerð, ýmist fyrir
mína hljómsveit eða aðrar. Ég er í hljóm-
sveitinni Litlir sætir strákar. Það er allur
gangur á ljóðagerðinni; fer eftir því í hvernig
skapi ég er í. Oftast er skapið ekkert sér-
staklega gott og ég heldur pirraður á heim-
inum, heimskulegum reglum og fleiru. Mað-
ur getur nú samt alveg verið hress líka.“
Ætlarðu að gefa ljóðin út?
„Vonandi næ ég einhvern tíma að gefa út
geisladiska og þá yrðu lögin mín sungin,
vonandi. Það er ekkert stefnumál að gefa út
ljóðabók. En kannski safnast þetta upp og
þá veit maður aldrei.“
Er ekki svolítið gamaldags að semja ljóð?
„Nei, það held ég ekki. Í öllum lögum eru
sungin ljóð. Þannig að nei, mér finnst það
ekkert gamaldags.“
Eru ljóð ennþá leiðin til að hrífa hitt kynið?
„Ég hef nú bara ekki prófað það. Ég held
þó að þau dugi skammt. Ef þú ert algjört fífl,
þá bjargar þér ekkert ljóð. Sama hversu
sniðugt það er.“
Stjórnmálamaður verður til
Þegar ég var lítill missti mamma mig á höfuðið.
Hún sagði að það væri allt í lagi,
því ef ég væri eitthvað eins og pabbi minn,
þá myndi ég aldrei nota það.
Þegar ég var lítill og saklaus.
Sótti mig enginn í leikskólann.
Það tekur því ekki sagði pabbi,
hann á hvort eð er að fara aftur á morgun.
Þegar ég var varla fermdur.
Vildi enginn vera vinur minn,
því ég átti svo ljót föt.
Og leit út eins og dvergur í golfi.
En þegar ég verð eldri.
Ætla ég að hefna mín á öllum.
Verða fjármálaráðherra
og hækka skatta.
Morgunblaðið/Árni Torfason
Ljóð
bjarga ekki fíflum
bíóvefur mbl.is
• Upplýsingar
• Sýningar tími
• Söguþráður
• Myndskeið
Kíktu á
mbl.is
Fylgstu með hvað er að gerast í bíó