Morgunblaðið - 03.10.2003, Qupperneq 16

16 | FÓLKIÐ | FÖSTUDAGUR 3|10|2003 MORGUNBLAÐIÐ
Hrollvekjur hafa trónað efst á vinsælda-
listum bandarískra kvikmyndahúsa und-
anfarnar vikur af einhverjum hrollvekj-
andi félagslegum ástæðum. Fyrst komu
þeir fjandvinir Freddy og Jason sér þar
fyrir um miðjan ágúst og héldu velli í
tvær vikur þar til mannætan í Jeepers
Creepers 2 flaug á tindinn, en öðrum
blóðveislum eins og Cabin Fever og
hinni bresku 28 Days Later hefur einnig
vegnað vel. Um þarsíðustu helgi hreiðr-
uðu vampírurnar og varúlfarnir í Under-
world um sig á toppnum og færðu eig-
endum sínum strax á fyrstu þremur
dögunum allan útlagðan kostnað eða
22 milljónir dollara.
Underworld er fyrsti aðsóknar-
smellurinn sem breska leikkonan Kate
Beckinsale er í forystu fyrir. Beckinsale
er vanari fínlegum rómönsum en blóð-
sugubaði og tæknibrelluhasar, enda
varð hún fyrst almenningseign fyrir að-
eins tveimur árum þegar hún lék hjúkr-
unarkonu sem tveir hermenn verða ást-
fangnir af í stríðsskellinum mikla Pearl
Harbor. Og Underworld markar enn önn-
ur tímamót í lífi og ferli leikkonunnar –
hún varð sjálf ástfangin af höfundinum,
bandaríska leikstjóranum Len Wise-
man, og skildi við barnsföður sinn,
breska leikarann Michael Sheen eftir
næstum áratugar samband, en hann
leikur einnig í myndinni.
Þegar Kate Beckinsale fékk handritið
að Underworld sent fannst henni ekki
aðeins að verkefnið biði uppá ný og
öðruvísi leikátök heldur tók hún eftir því
að teikningar Wisemans af persónunni
líktust henni. „Samt teiknaði hann
myndirnar fjórum árum áður,“ segir hún
furðu lostin og sér ekki gegnum plottið.
LEIKLIST Í BLÓÐINU
Þótt Kate Beckinsale hafi fram að
hlutverki vampírunnar í Underworld virk-
að frekar fáguð og fínleg upp á breska
móðinn fer því fjarri að hún sé svona
óskaplega pen í raun og veru. Fræg er
sagan af því þegar leikstjóri nokkur
neyddi hana til að leika nakin í atriði án
þess að dramatíkin krefðist þess. Beck-
insale svaraði fyrir sig með því að pissa í
hitabrúsa mannsins. „Ég var 18 ára,“
segir hún og þrengir þar með hringinn ef
menn nenna að tékka. „Mér fannst ég
vera misnotuð og gat ekkert annað gert
við því en spræna í teið hans.“ Hún hefur
einnig lýst því yfir opinberlega að hún
vilji helst ekki vera í nærbuxum. Og eins
og þetta sé ekki nógu skelfilegt þá iðr-
ast hún einskis. „Vandinn er sá að ég er
óstjórnlega heiðarleg og hef aldrei gert
neitt sem ég sé eftir.“
Og eflaust sér hún núna ekki eftir því
að hafa fetað í fótspor foreldra sinna út
á leiklistarbrautina, leikkonunnar Judy
Loe og leikarans Richards Beckinsale,
sem var vinsæll í bresku sjónvarpi á 8.
áratugnum en lést úr hjartaslagi þegar
Kate var fimm ára, aðeins einu ári eldri
en hún er núna, þ.e. þrítug. Hún hafði
sem unglingur fengist við skáldskap og
lagði stund á bókmenntir í háskóla áður
en hún hellti sér út í leiklistina. Það var
Kenneth Branagh sem gaf henni fyrsta
stóra tækifærið í Shakespearemynd
sinni Much Ado About Nothing/Ys og
þys út af engu (1993), en þá var hún tví-
tug. Síðan komu rómansar eins og hið
velheppnaða búningadrama Emma
(1997) og misjafnlega rómantískar
gamanmyndir eins og sú skondna
Shooting Fish (1997), diskódrama
Whits Stillman The Last Days of Disco
(1998) og harðsnúnara drama, Broke-
down Palace (1999) um tvær banda-
rískar stúlkur sem gripnar eru við heró-
ínsmygl í Taílandi.
Kate Beckinsale stóð sig með ágæt-
um í öllum þessum myndum og reyndar
fleirum en hún var ekki sérlega eftir-
minnileg og ekki á hvers manns vörum.
Það er hún núna, býr í Hollywood með
Wiseman leikstjóra, og hefur nóg að
gera, m.a. að leika Hollywoodgyðjuna
Ava Gardner í mynd Martins Scorsese
um Howard Hughes. Og, reyndar, leikur
hún blóðsugubana í annarri væntanlegri
hrollvekju, Van Helsing. Svona er að fá
„blod på tanden“. |ath@mbl.is
FR
UM
SÝ
NT
Breska leikkonan Kate
Beckinsale er harðsnú-
in vampýrustríðskona í
aldalöngum átökum við
varúlfaflokka í banda-
ríska hrollvekjuhas-
arnum Underworld,
sem frumsýndur er hér-
lendis um helgina. Í
miðju blóðstríðinu
skapast gotneskar ást-
ir með henni og grand-
vörum friðarsinna og
eru þá góð ráð blóðug.
BÍTTU MIG,
ELSKAÐU MIG