Morgunblaðið - 04.10.2003, Blaðsíða 22
HÖFUÐBORGARSVÆÐIÐ
22 LAUGARDAGUR 4. OKTÓBER 2003 MORGUNBLAÐIÐ
Jólahúsið flytur
Í dag opnum við á nýjum stað
Skólavörðustíg 21A kl. 12.00
Verið velkomin á jólalega
opnunarhátíð
Jólahúsið
Skólavörðustíg 21A
sími 568 8181, www.jolahusid.com
Hafnarfirði | Gamla bókasafnið við Mjósund gengur nú í
endurnýjun lífdaga. Vífilfell keypti bókhlöðuna og af-
henti hana samtökunum Regnbogabörnum til afnota í lok
nóvember í fyrra. Samtökin eru að leggja lokahönd á
húsnæðið á efri hæðinni en hafa leigt Hafnarfjarðarbæ
neðri hæðina undir félagsmiðstöð fyrir ungt fólk. Þar er
nú allt á fullu við að innrétta húsnæðið og stefnt að því að
opna Samfélagshúsið, eins og það er kallað, nú í október.
Geir Bjarnason er forstöðumaður Samfélagshússins
og segir að verkefnið sé sprottið út frá því að unga fólkið í
Hafnarfirði vanti einfaldlega svona aðstöðu.
„Það hefur lengi verið ósk krakka sem eru 16 ára og
eldri að það sé aðstaða fyrir þau og sannanlega hefur
þessi aldur verið nokkuð afskiptur. Verkefnið fékk heitið
Samfélagshús, því upphaflega vildu menn ekki einskorða
þetta við einhvern ákveðinn aldur, heldur láta verkefnið
þróast og finna út hvaða hópar þyrftu á þessari starfsemi
að halda. Við vinnum eiginlega út frá því ennþá.“
Stofnaður var hópur um verkefnið og unnin var könn-
un á meðal ungs fólks á aldrinum 16 til 25 ára í Hafn-
arfirði og þau spurð hvað þau vildu gera og hvort þau
myndu sækja staðinn. „Þeim fannst vanta mjög mikið
námskeið sem tengjast listum, t.d. námskeið í ljósmynd-
un, leirlist og myndlist fyrir þessa aldurshópa, og við ætl-
um m.a. að reyna að bæta úr því,“ segir Geir.
Forstöðumaður má ekki vera einstrengingslegur
Að sögn Geirs voru Regnbogabörn að byrja um svipað
leyti og verkefninu var hrundið af stað og sáu menn að
þessir aðilar gætu átt góða samleið í húsinu.
Varðandi starfsemina verður áhugi unglinganna látinn
ráða því hvernig starfið þróast, segir Geir. Hann segir
unga stúlku hafa farið á þeirra vegum ásamt öðrum ung-
lingum og skoðað sambærilegar miðstöðvar víða um
landið. Hún skilaði að því loknu tillögum varðandi það
hvað svona staður þurfi að hafa og hvað beri að varast.
„Það var t.d. bent á að forstöðumenn megi alls ekki
vera einstrengingslegir og þeirra hugmyndir um áhuga-
mál eigi ekki að ráða starfseminni. Og það er sú hug-
myndafræði sem við erum að vinna út frá, að þeir sem
koma til með að vera hérna móti starfsemina.“
Geir segir að unglingarnir hafi líka rekist á það að
sums staðar hafi myndast klíkur sem hafi sölsað undir sig
félagsmiðstöðvarnar. „Að vita af þessu skiptir rosalegu
miklu máli. Auðvitað má ætla að sá hópur sem myndar
klíkuna þurfi sannarlega á staðnum að halda, en það er
ekki skynsamlegt að reka svona fyrir kannski 20 manns.“
Hugmyndir að innréttingu húsnæðisins koma frá nem-
endum af hönnunarbraut Iðnskólans í Hafnarfirði sem
gerðu tillögur að innréttingum eins og þeir vildu helst
hafa húsnæðið. Þar var mikil áhersla lögð á að innrétta
kaffihús og netkaffi og eru framkvæmdir við eldhús og
kaffiaðstöðu langt komnar. Ýmsar hugmyndir nemanna
er þó ekki hægt að framkvæma strax, að sögn Geirs, en
unnið verði samkvæmt hugmyndun þeirra eftir því sem
efni og aðstæður leyfi í framtíðinni.
Í Samfélagshúsinu verður salur þar sem m.a. bílskúrs-
hljómsveitir geta troðið upp og aðrir geta verið með ýms-
ar uppákomur. Auk þess er aðstaða fyrir hópavinnu og
námskeið og nú hefur ung stúlka staðið fyrir námskeiði
um hönnun og tísku álaugar, sem gengið hefur vel.
„Síðan eru hér fjölmennir hópar, t.d. Tælendinga, Fil-
ipseyinga og Pólverja, sem ganga ekkert svo auðveldlega
inn í starfsemi íslenskra klúbba og einhvers staðar vill
þetta fólk kannski hafa aðstöðu fyrir sitt eigið fé-
lagstengda menningarlíf. Við sjáum fyrir okkur að þessi
aðstaða geti nýst þessum hópum,“ segir Geir.
Gamla bókasafnið í Hafnarfirði fær nýtt og mikilvægt hlutverk sem vettvangur unga fólksins
Langþráð aðstaða
Morgunblaðið/Þorkell
Samfélagshúsið: Geir stefnir að opnun í október.
Vesturbæ | Börn í fjórða bekk Melaskóla tóku sig til í gær og framkvæmdu
gjörning þegar um 100 börn mynduðu einskonar foss á stigagangi skólans,
sem tákna átti vatnið frá upphafi til ósa. Gjörningurinn var lokapunkt-
urinn á þemadögum í skólanum, þar sem krakkarnir unnu margvísleg
verkefni sem tengjast vatni og hlutverki þess í náttúrunni.
Í gjörningnum rann „áin“ og fossaði af þriðju hæð niður á þá fyrstu undir
tónlist sem börnin höfðu sjálf samið, og túlkaði tónlistin árniðinn og foss-
drunurnar. Börnin líktu eftir ánni og fossinum með léreftsræmum og húf-
um sem þau lituðu sjálf.
Á þemadögum vatnsins fóru þau í ýmsar heimsóknir á staði sem tengjast
vatni frá ýmsum sjónarhornum, skoðuðu læki, vötn og tjarnir. Börnin skoð-
uðu sérstaklega hringrás vatnsins og fjölluðu um það á margvíslegan hátt í
máli og myndum, en mest var lagt upp úr upplifun og skapandi starfi í
tengslum við vatn, að sögn Rögnu Ólafsdóttur, skólastjóra Melaskóla.
Morgunblaðið/Jim Smart
Barnafoss í Melaskóla
FREYJA Friðbjarnardóttir var ráð-
in framkvæmdastjóri Regnboga-
barna frá 1. febrúar sl. og segist
ánægð með að vera loksins komin í
endanlegt húsnæði þótt ennþá eigi
eftir að ljúka við endurgerð og inn-
réttingar á húsnæðinu, m.a. fyr-
irlestrasal og herbergi undir hóp-
astarf, en Freyja vonast til að
húsnæðið verði að mestu tilbúið þeg-
ar Regnbogabörn fagna ársafmæli í
nóvember.
Að sögn Freyju hjálpa fyrirtæki
og einstaklingar við að fjármagna
reksturinn, auk leigunnar fyrir
neðri hæð hússins og fastrar upp-
hæðar á fjárlögum. „Það er hins
vegar erfitt að ljúka við endurgerð
hússins, því það vill enginn styrkja
framkvæmdir. Húsið var komið á
tíma og dýrt að taka það í gegn. Það
er svolítið sárt að þurfa að eyða
þessum mikla tíma og peningum í að
gera húsnæðið klárt,“ segir Freyja.
Hún var framan af eini starfs-
maður Regnbogabarna en í júní hóf
ráðgjafi störf hjá samtökunum og
hefur haft í mörgu að snúast við að
aðstoða þá sem leita til Regnboga-
barna. Að sögn Freyju eru komnir
29 skjólstæðingar sem koma að jafn-
aði í ráðgjöf og fá aðstoð og er sá
yngsti 9 ára en sá elsti orðinn sex-
tugur. Einnig er oft beðið um fyr-
irlestra um einelti og margir hafa
skrifað og hringt. Elsta konan sem
beðið hefur um aðstoð er komin yfir
sjötugt, þannig að segja má að regn-
bogabörn á öllum aldri leiti eftir að-
stoð hjá samtökunum.
„Þetta er ívið meira en við bjugg-
umst við í byrjun. Við erum í raun
ekkert farin að kynna starfsemina,
en það stendur auðvitað til. Það er
ársafmæli Regnbogabarna í nóv-
ember og þá er okkur mikið í mun
að vera búin með ákveðna áfanga í
húsinu og ætlum þá að vera með
móttöku hér og dreifa kynning-
arbæklingum í skóla.“
Morgunblaðið/Þorkell
Regnbogabörn: Freyja hefur haft í nógu að snúast undanfarna mánuði.
Regnbogabörn á öllum
aldri leita aðstoðar