Morgunblaðið - 04.10.2003, Blaðsíða 28

ÁRBORGARSVÆÐIÐ
28 LAUGARDAGUR 4. OKTÓBER 2003 MORGUNBLAÐIÐ
Selfossi | „Fólk fer í kór af því að
því finnst gaman að syngja. Hjá
okkur eru æfingar tvö kvöld í viku
sem eru vel þess virði og gefa
manni útrás ásamt því að maður
lærir auðvitað mikið. Maður hrein-
lega losar streituna og söngurinn
gefur góða slökun þó svo maður
þurfi að reyna verulega á sig á æf-
ingum. Áhyggjurnar hverfa og öll
hugsun verður skýrari,“ segir
Ingibjörg Stefánsdóttir leik-
skólastjóri og formaður Samkórs
Selfoss en kórinn fagnar á þessu
ári 30 ára afmæli. Kórinn var
stofnaður 24. september 1973 á
„Kaupfélagsloftinu“ í núverandi
ráðhúsi Árborgar þar sem nú er
fundarsalur bæjarstjórnarinnar.
Frá stofnun hefur kórinn verið
einn af hornsteinum menningar-
lífsins á Selfossi.
Árið í
hátíðarbúningi
Fyrsti formaður kórsins var
Guðmundur Axelsson sem nú er
látinn og fyrsti stjórnandinn var
Jónas Ingimundarson. Ingibjörg
segir að allt þetta starfsár verði í
hátíðarbúningi í tilefni afmælisinis.
Kórinn byrjaði afmælishaldið með
því að bjóða til sín gestum á af-
mælisdaginn 24. september. Af-
mælistónleikar verða 18. október í
Selfosskirkju þar sem einnig munu
koma fram kórar sem fyrrverandi
stjórnendur kórsins starfa með
núna. Björgvin Þ. Valdimarsson
kemur með Skagfirsku söngsveit-
ina og Jón Kristinn Cortes mætir
með Karlakórinn Þresti. Þá verður
Karlakór Hreppamanna einnig á
tónleikunum en núverandi stjórn-
andi Samkórsins, Edit Molnár,
stjórnar honum. Auk þess kemur
Bergþór Pálson einsöngvari fram
á tónleikunum. Þetta kvöld verður
síðan afmælishóf í Þingborg með
borðhaldi og dansleik.
„Svo kemur auðvitað okkar ár-
vissa jólavaka 22. desember í af-
mælisbúningi sem og vorferðalagið
okkar næsta vor,“ segir Ingibjörg
formaður sem er ein af 45 kór-
félögum.
„Það er auðvitað félagsskap-
urinn sem dregur mann að kór-
starfinu. Þar sem er söngur þar er
gaman og stjórnendurnir okkar
hafa allir verið metnaðarfullir og
látið okkur glíma við erfið verk-
efni. Það má alveg segja að það sé
eins og að fara í jóga að fara á æf-
ingu, öll þreyta hverfur og maður
endurnýjast bókstaflega,“ segir
Ingibjörg þegar hún lýsir því
hvaða áhrif það hefur að gefa sig á
vald söngnum á söngæfingum og
hver mesta upplifunin er í kring-
um þetta tómstundastarf.
Stórt hljóðfæri
„Kór er stórt hljóðfæri og þegar
búið er að stilla alla saman, frá
fjórum röddum upp í átta, þá er
það stærsta upplifunin að finna
samhljóminn og það hvernig
stjórnandinn spilar á þetta hljóð-
færi. En til þess að þetta virki
þurfa allir að vera vel vakandi og
einbeittir. Mér finnst það hrein-
lega meiriháttar upplifun að finna
45 manneskjur standa saman sem
einn maður. Maður sækir í þessa
upplifun sem er mjög gefandi. Svo
kynnist maður mörgum tegundum
tónlistar í þessu starfi.
Lagavalið er fjölbreytt og mað-
ur verður aldrei leiður á þessu og
ekki þó maður sé alltaf að syngja
sama lagið, það er samt aldrei eins
og það var síðast þegar maður
söng það,“ segir Ingibjörg en hún
og systkini hennar eru mikið í tón-
listinni, bróðir hennar Jóhann er
trompetleikari og tónlistarkennari
og syngur í Kammerkór Suður-
lands, Soffía systir hennar syngur
í Óperukórnum og er söngkennari
og Margrét syngur í Samkórnum
eins og Ingibjörg en þau systkinin
hafa komið fram sem kvartett.
„Ég hef mjög gaman af söng og
syng talsvert mikið og hef alltaf
gert það, bæði í vinahópi og svo
með börnunum hér á leikskólanum
Álfheimum. Það er alveg yndislegt
að fá að njóta þess að syngja bæði
ein og með öðrum og gaman að
upplifa sönginn með börnunum,“
segir Ingibjörg Stefánsdóttir for-
maður Samkórs Selfoss og leik-
skólastjóri á Selfossi.
Söngurinn gefur slökun
og áhyggjurnar hverfa
Morgunblaðið/Sigurður Jónsson
Söngelskur leikskólastjóri: Ingibjörg Stefánsdóttir í söngstund á sal í leik-
skólanum Álfheimum. Þar njóta börn og starfsfólk þess að syngja saman.
Ingibjörg Stefánsdóttir er formaður
Samkórs Selfoss sem er 30 ára
Hveragerði | Nú er í gangi sérstök
tilraun á vegum Garðyrkjuskólans
með ræktun á fjórum afbrigðum
af nýju salati, „Bataviasalat“, sem
ekki hefur verið ræktað hér á
landi áður. Umsjónarmaður verk-
efnisins er Garðar Árnason, verk-
efnisstjóri skólans. Bataviasalat
(Lactuca sativa var. capitata) er af
ýmsum talið ein gerð jöklasalats,
en af öðrum sem sérstakur flokk-
ur innan höfuðsalats, mitt á milli
smjörsalats („venjulegs höfuðsal-
ats“) og jöklasalats. Bataviasalat
er tilkomið við æxlun á milli jökla-
salats og smjörsalats. Blöð plantn-
anna líkjast blöðum jöklasalats að
útliti og gerð, en eru þykkari,
bylgjóttari og með dýpri skerð-
ingar en blöð smjörsalats. Plönt-
urnar mynda lausvafna hausa, t.d.
lausari í sér en bæði hjá smjör- og
jöklasalati. Völ er á afbrigðum
með meira eða minna rauðleit eða
brúnrauðleit blöð. Plönturnar eru
af ýmsum sagðar standast betur
ýmsa sjúkdómsvalda en bæði
smjör- og jöklasalat. Í Evrópu er
bataviasalat t.d. nokkuð ræktað í
Frakklandi og áhugi er fyrir því
víðar. Samkvæmt sænskum til-
raunum hentar bataviasalat vel til
haustræktunar bæði utandyra og í
gróðurhúsum og hefur gefist mun
betur en jöklasalat. Þá hefur bat-
aviasalatið reynst fljótsprottnara
en jöklasalat.
Morgunblaðið/Margret Ísaksdóttir
Ræktun: Fjögur mismunandi af-
brigði með mismunandi blaðlögun
af batavisasalati eru nú ræktuð í
Garðyrkjuskólanum í Hveragerði.
Tilraun með nýjar
káltegundir
Hveragerði | Körfuknattleiksdeild Hamars
gaf á dögunum öllum 9 ára krökkum í
Hveragerði áritaðan körfubolta. Ástæða
þessa er að stjórn deildarinnar hefur lengi
átt þennan draum til að kynna deildina og
nú var ákveðið að láta drauminn rætast.
Að sögn Péturs Ingvarssonar aðalþjálfara
var ákveðið að velja þennan aldur vegna
þess að þessir krakkar eru elstir í yngsta
aldursflokknum í minnibolta. Þau eru lík-
leg til að vera móttækileg fyrir körfunni
og þetta er góður aldur til að hefja körfu-
knattleiksæfingar. Það voru hinir erlendu
leikmenn Hamars þeir Chris Dade og Fah-
eem Nelson sem afhentu og árituðu bolt-
ana ásamt Pétri.
Morgunblaðið/Margret Ísaksdóttir
Allir níu ára krakkar fengu körfubolta
Eyrarbakka | Miðvikudaginn
1. októ ber var ágæt sam-
koma í Rauða húsinu á Eyr-
arbakka. Upphafsmenn þess-
arar kvöldsamkomu eru Ingi
Þór veitingamaður og
áhugafólk um mannlíf á Eyr-
arbakka. Hugmyndin með
Bakkakvöldum er að fá íbúa
þorpsins til að koma saman,
spjalla og kynnast, í stað þess
að kúra hver í sínu sjón-
varpshorni. Fyrsta kvöldið
heppnaðist ákaflega vel og
var fullt út úr dyrum. Fyr-
irhugað er að Bakkakvöld
verði framvegis fyrsta mið-
vikudag hvers mánaðar.
Í dag laugardag verður
haldið hér fyrsta íbúaþingið
á vegum Árborgar og því
var vel til fallið að bera
saman hugmyndir og
áhugasvið.
Morgunblaðið/Óskar Magnússon
Í Rauða húsinu: Ingi Þór kynnir tilgang Bakkakvöldsins.
Bakkakvöld og íbúaþing
Selfossi | Bæjarráð Árborgar hefur samþykkt að nýta for-
kaupsrétt skv. fyrirliggjandi kaupsamningi, dags. 2. júlí 2003,
á spildu úr jörðinni Eyði-Sandvík, Árborg. Eigendur Eyði-
Sandvíkur höfðu gert kaupsamning við Ræktunarsamband
Flóa og Skeiða um landspilduna. Kaupverð var 14 milljónir.
Fyrr á árinu samþykkti bæjarstjórn að nýta forkaupsrétt að
annarri landspildu, í kringum flugvöllinn, en um hana höfðu
landeigendur gert kaupsamning við Fossmenn ehf. á Selfossi
sem hugðust skipuleggja þar íbúðabyggð. Það land kostaði 60
milljónir. Bæjarstjórn Árborgar hefur því varið 74 millj. kr. til
að nýta forkaupsrétt að landi sem einkaaðilar hugðust kaupa.
74 milljónir til forkaups-
réttar á landi við Selfoss