Morgunblaðið - 04.10.2003, Blaðsíða 2
BÖRN
2 C LAUGARDAGUR 4. OKTÓBER 2003 MORGUNBLAÐIÐ
KARATE er sjálfsvarnaríþrótt og bardagalist.
Íþróttin á rætur sínar að rekja til Japan en það
er ekki vitað með vissu hvernig karate varð til.
Orðið karate þýðir tóm hönd og vísar til þess
að í karate er barist án vopna.
Í karate er mikið lagt upp úr aga. Á æfingum
er þögn og iðkendur æfa sig án truflunar frá
öðrum. Nemendur hrópa ekki yfir salinn ef þá
vantar aðstoð heldur bíða eftir að kennarinn
komi eða spyrja eftir tímann.
Þegar keppt er í karate er annað hvort keppt
í Kata eða Kumite. Kata er bardagi við ósýni-
lega andstæðinga þar sem keppandinn sýnir
ákveðnar hreyfingar sem þurfa að vera í réttri
röð og á réttum hraða.
Kumite þýðir bardagi og þá keppa tveir ein-
staklingar. Hins vegar meiða keppendur aldrei
hvor annnan heldur sýna einungis fram á
hvernig þeir gætu meitt hvor annan. Þess
vegna eru slys frekar óalgeng í karate.
Morgunblaðið/Jim Smart
Frá karateæfingu hjá Karatedeild Breiðabliks.
Um karate
HELGA Þóra og Frosti æfa karate með ka-
ratedeild Breiðabliks. Þau æfa bæði þrisvar í
viku og finnst það mjög skemmtilegt. Frosti
er með rauða beltið en Helga Þóra með það
appelsínugula.
Frosti segir að það þurfi að taka hvert og
eitt belti í áföngum og að það taki um það bil
ár að fá nýtt belti. „Maður byrjar með hvíta
beltið, fær svo það gula, svo appelsínugula og
svo rauða.“
En hvað er eiginlega gert á karateæfing-
um?
„Við byrjum yfirleitt á að hoppa og teygja.
Svo hvílum við og förum svo í meiri kraft. Kýl-
um, spörkum og hoppum. Stundum förum við
í kata og ef við erum dugleg endum við á ein-
hverjum leik,“ segir Frosti.
Mikill agi í karate
Eru einhverjar sérstakar reglur í karate?
„Já, það er bannað tala nema maður rétti
upp hönd og við eigum að vera snyrtileg. Við
eigum helst ekki að yfirgefa salinn meðan á
æfingu stendur, til dæmis ekki fara á klósett-
ið,“ segir Helga Þóra.
„Svo eigum við að sýna virðingu við salinn,
fánann, kennarann og andstæðinginn. Ég held
að það sé hvergi eins mikill agi og í karete,“
bætir Frosti við.
Keppið þið í karate?
„Já, við keppum í kata. Við megum ekki
taka þátt í bardaga fyrr en við erum 13 eða 14
ára,“ segir Helga Þóra og bætir við að það sé
skemmtilegt að keppa en stundum sé biðin dá-
lítið löng þegar það eru margir keppendur.
„Í kata eru ímyndaðir andstæðingar. Þetta
var búið til af mönnum í eldgamladaga og það
eru margar ólíkar gerðir,“ segir Frosti.
Frosti og Helga Þóra eru sammála um að
stundum séu æfingarnar erfiðar en að þetta sé
samt ótrúlega skemmtilegt. Þau eru bæði í
öðrum félagsstörfum og þurfa því að skipu-
leggja tíma sinn vel.
Karatebörn í Breiðabliki
Morgunblaðið/Jim Smart
Helga Þóra og Frosti á karateæfingu.
TEIKNAÐU strik frá punkti númer 1 að punkti númer 75. Þá verður teikn-
ingin skiljanlegri en hún er núna. Að því loknu geturðu litað myndina.
Hvað vantar sjóræningjana?
GERÐUR, 10 ára, sendi okkur þessa skemmtilegu mynd. Svo virðist sem nýr
dagur sé að rísa og sólin að fikra sig upp á himininn.
Nýr dagur rís
ÞAÐ eru til margar skemmtilegar leiðir til að teikna allt sem þú getur ímyndað þér. Hér er ein sniðug aðferð til að
teikna kisu á auðveldan hátt. Að lokum geturðu litað hana eins og þér finnst fallegast.
Teiknaðu kisu Ívar, 7 ára strákur frá Akureyri, sendiokkur þessa litríku mynd. Það er þó
alls óvíst hvert myndefnið er en lista-
menn eru þekktir fyrir að leika sér
með liti.
Litrík mynd
HÚS Dursley-fjölskyldunnar,
hinnar leiðinlegu fóstur-
fjölskyldu Harrys Potters,
er til sölu. Þetta mun þó
ekki vera eiginlegt hús fjöl-
skyldunnar heldur húsið
sem var notað þegar
kvikmyndinar um Harry
Potter voru teknar.
Húsið er ósköp venju-
legt hús í Bracknell í
Englandi en eigandinn
telur sig geta selt það
fyrir um 30 milljónir ís-
lenskra króna.
Þið sem hafið séð
Harry Potter-myndirnar
munið eflaust að húsið
kom ekki oft fyrir og
þann stutta tíma sem
Harry var þar var hann
yfirleitt læstur inni í her-
bergi eða í kompu undir
stiganum.
Hús Durs-
ley-fjöl-
skyldunnar
til sölu