Morgunblaðið - 04.10.2003, Blaðsíða 4
BÖRN
4 C LAUGARDAGUR 4. OKTÓBER 2003 MORGUNBLAÐIÐ
Gerður, 10 ára, sendi okkur þessa þraut og spyr: Hvað heitir stelpan á
myndinni? Það má ef til vill fylgja með að stelpan heitir tveimur nöfnum.
Hvað heitir stelpan?
Í VETUR verða skákmót í Hús-
dýragarðinum einu sinni í mánuði
eða alls átta sinnum. Krakkar
sem taka þátt í mótunum safna
sér stigum yfir veturinn og 20
krakkar fá svo að taka þátt í loka-
mótinu sem verður í vor. Sig-
urvegarinn á lokamótinu hlýtur að
launum ferð fyrir tvo í Tívolí í
Kaupmannahöfn.
Fyrsta mótið var síðasta
sunnudag og 65 krakkar tóku
þátt. Keppt er í fjórum flokkum.
Sigurvegari stelpna í 1.-3. bekk
var Hrund Hauksdóttir en í 4.-6.
bekk sigraði Júlía Guðmunds-
dóttir. Kristján Daði og Dagur
Andri Friðgeirsson voru efstir
yngri strákanna en Tryggvi Þór
varð hlutskarpastur eldri drengja.
Börn að tafli
ÞÆR Kristín (8 ára) og Guðrún (10
ára) voru rétt að hefja skákviðureign
þegar Barnablaðið náði tali af þeim.
Kristín er í Melaskóla og hefur heil-
mikinn áhuga á skák. „Pabbi kenndi
mér að tefla og ég hef teflt mikið,“
segir Kristín. Guðrún er í Hvassaleit-
isskóla og finnst mjög gaman að tefla.
„Mamma og pabbi kenndu mér að
tefla. Ég hef tekið þátt í risastóru
skákmóti,“ segir Guðrún.
Barnablaðið þurfti að kveðja stelp-
urnar þar sem skákin þeirra var að
hefjast en þær voru greinilega til-
búnar í harða keppni.
Hressar skákstelpur
Morgunblaðið/Kristinn
ÞÓRIR, Kristófer, Kjartan og Óttar eru allir 10 ára
og ganga í Lindaskóla. Þeir fréttu af skákmótinu í
skólanum og ákváðu að freista þess að næla sér í
ferð í Tívolí. Þeim finnst öllum mjög gaman að
tefla og fá skákkennslu í skólanum einu sinni í
viku.
Sprækir skákstrákar
Morgunblaðið/Kristinn
Svar: Stelpan heitir Kristín Mjöll.
ÍSLENDINGAR eru
mikil ljóðaþjóð og Ís-
land er eina landið í
heiminum sem býr að
svona mörgum reglum
um ljóð. Það þykir mik-
il kúnst að koma saman
hefðbundnu ljóði með
tilheyrandi stuðlum,
höfuðstöfum, rími og
fleiru. Steinn Steinarr
er eitt af þekktustu
skáldum Íslands en
hann lifði frá árinu
1908 til ársins 1958.
Hann orti meðal ann-
ars þetta skemmtilega
ljóð:
Að sigra heiminn
Að sigra heiminn er eins og
að spila á spil
með spekingslegum svip og
taka í nefið.
(Og allt með glöðu geði
er gjarna sett að veði.)
Og þótt þú tapir það gerir
ekkert til,
því það var nefnilega vit-
laust gefið.
Ef þú lumar á ljóði sem þú vilt
birta í Barnablaðinu máttu
endilega senda okkur það.
Það þarf ekkert endilega að
ríma.
Ljóðaþjóð