Morgunblaðið - 05.10.2003, Qupperneq 11

MORGUNBLAÐIÐ SUNNUDAGUR 5. OKTÓBER 2003 B 11
ferðalög
Heimagisting á besta stað í bænum. Býður alla Íslendinga velkomna.
Geymið auglýsinguna.
www.gistinglavilla16.com
sími 004532975530 • gsm 004528488905
Kaupmannahöfn - La Villa
hreinsiklútar
fjarlægja andlits- og augnfarða á augabragði
Í hreinsiklútunum er andlitsvatn og kamilla, sem hefur róandi
og nærandi áhrif á húðina og viðheldur réttu rakastigi hennar.
Fást í apótekum og stórmörkuðum.
Dr. Fisher hreinsiklútarnir
eru ofnæmisprófaðir
og henta öllum húðgerðum.
Gjald fyrir golf hefur hækkað mik-
ið undanfarin tvö ár og þar með verð á
þessum hótelpökkum svo við
ákváðum að breyta til.“
Golf á haustin í Flórída
Sigurður segir að hópurinn hafi
fram til þessa kosið að vera á eigin
vegum og út af fyrir sig og því pantað
ferðirnar á Netinu og það hafi ávallt
gengið upp eins og best verði á kosið.
„Ferðaskrifstofurnar hér heima
skipuleggja golfferðir vor og haust og
þá er séð fyrir öllu sem er mjög þægi-
legt fyrir þá sem það kjósa.“ Þegar
hann er spurður hvar best sé að spila
golf á haustin ef hann miðar við þá
staði sem hann hefur sjálfur sótt þá
segist hann ekki frá því að það sé á
Flórída. Þar sé veðrið frábært á þess-
um árstíma og verðlag nokkuð gott,
sérstaklega núna þegar gengi dollar-
ans er hagstætt.
„Haustin eru ekki háannatími í
ferðamennsku á Flórída og því er
hægt að fá hagstæð kjör bæði á golfi,
gistingu og bílaleigubíl. Flugið er hins
vegar mun dýrara en til Evrópu og
tekur lengri tíma. Ekki er hægt að
vera án bílaleigubíla og setja margir
fyrir sig vegalengdirnar sem geta
verið verulegar á okkar mælikvarða
og þar af leiðandi er meira fyrir hlut-
unum haft.“ Sigurð-
ur segir að þó að
hópurinn ferðist
saman til útlanda
þá spili hann saman
í hverri viku hér
heima yfir sumarið.
„Flest erum við í
Golfklúbbnum Oddi
og spilum á velli
okkar í Urriða-
vatnsdal í Heið-
mörkinni, sem er án
efa fallegasta golf-
vallarstæðið á höf-
uðborgarsvæðinu,“
bætir hann við. „Við
höfum lengi haft
það fyrir sið að spila
saman á miðvikudögum.“
Þegar Sigurður er inntur eftir því í
lokin hvað sé svona grípandi við að
spila golf segir hann þetta vera af-
skaplega skemmtilega íþrótt og að
mörg hafi þau í þessum hóp stundað
einhverjar íþróttir á árum áður og
golfið hafi bara verið eðlilegt fram-
hald. „Svo er þessi félagsskapur sér-
staklega skemmtilegur sem skiptir
nú mestu máli.“
Golfhótelið sem hópurinn gisti á nú fyrir skömmu þegar
hann var að spila golf á Costa Brava á Spáni.

Nokkrar slóðir sem reynst
hafa vel við skipulagningu golf-
ferðanna:
Golfvöllurinn og hótelið á
Costa Brava
www.golfcostabrava.com/
golf_ing.htm
Golfvellir í nágrenni hótelsins á
Costa Brava
www.golfgirona.com/
www.pgacatalunya.com
Golfvellir og hótel í Portúgal:
www.algarvegolf.net/
www.vilagale.pt
www.vilamoura.dompedro.pt/
offers.html
Skemmtilegir golfvellir í Suð-
ur-Englandi
www.bramshaw.co.uk
ÞEIR sem sækja Hveragerði heim í
vetur geta farið á vegum Upplýs-
ingamiðstöðvar Suðurlands í skipu-
lagðar gönguferðir um bæinn og
einnig í lengri ferðir.
Að sögn Davíðs Samúelssonar,
forstöðumanns Upplýsingamið-
stöðvarinnar, sem hefur aðsetur í
Hveragerði, stendur fólki til boða að
panta gönguferðir með leiðsögn í all-
an vetur. „Lagt verður af stað frá
Upplýsingamiðstöðinni í gönguferð-
ina um Hveragerði. Gönguferðin
hefst á heimsókn á nýtt tjaldsvæði
Hvergerðinga við Reykjamörk. Það-
an er haldið áleiðis að Heilsustofnun
Náttúrulækningafélags Íslands og
því næst gengið meðfram Reykja-
fjalli þar sem blasir við mikil nátt-
úrufegurð. Þá verður Garðyrkjuskóli
Íslands heimsóttur en þar er einnig
hægt að fá leiðsögn um húsið sér-
staklega hjá starfsmönnum skólans
ef áhugi er fyrir hendi.“
Davíð segir að óvæntar uppákom-
ur verði í gönguferðunum sem ekki
sé hægt að skýra frá nánar eins og
gefur að skilja og síðan verða hvera-
svæðunum gerð góð skil. Þegar
heimsókn í Garðyrkjuskólann lýkur
verður gengið upp með Varmá að
gamalli ullarþvottastöð og rafstöð.
Farið verður upp með gistiheimilinu
Frosti og Funa og niður Laufskóga.
Gönguferðinni lýkur síðan í Ferða-
eldhúsinu Kjöt og kúnst en þar gefst
gestum kostur á að skoða hvernig
jarðhiti er nýttur við matargerðina.
Þar geta gestir einnig keypt léttar
veitingar eins og kaffi og meðlæti
eða súpu og salat svo dæmi séu tekin.
Gönguferð í Reykjadal
Þá er einnig boðið upp á gönguferð
sem er aðeins lengri. Þá er farið upp í
Reykjadal og gengið upp með
Reykjadalsá. Innst í dalnum er hylur
sem hægt er að baða sig í. Þá má
snæða nesti í skála sem er í eigu
Orkuveitu Reykjavíkur. Davíð segir
að Reykjadalur sé einstaklega fal-
legur og leiðin þægileg, gengið er
síðan niður Grænsdal til baka eða
fyrir Ölkelduháls.
Boðið upp á gönguferðir
um Hveragerði í vetur
Gera má ráð fyrir að gönguferðin um Hveragerði taki tvær til þrjár klukkustundir.

Upplýsingamiðstöð ferðamála
Breiðumörk 2
810 Hveragerði
Sími:. 483-4601
Fax: 483-4604
Netfang: tourinfo@hveragerdi.is
Vefslóð: www.sudurland.net/info
GÖNGUFERÐIR
ÁSPÁNI OG Í NOREGI
Ferðaskrifstofan ÍT-ferðir hefur þegar
skipulagt gönguferðir næsta sumars. Í
júní á næsta ári verður boðið upp á
gönguferð í Pýreneafjöllunum í
Aragon þar sem m.a. verður gengið
yfir til Frakklands. Hægt er að fara í
flúðasiglingu í lok göngu og eyða viku í
Tossa de Mar eftir gönguna. Einnig
verður boðið upp á göngu í Aragon út
frá Torla um þjóðgarðinn Ordesa.
Þá er búið að skipuleggja tveggja
vikna göngu á Playa de Aro. Gengið
verður á milli bæja á Costa Brava
ströndinni.
Seinni hluta júnímánaðar verður svo
boðið upp á trússferð um Lysefjord í
Noregi. Flogið verður beint til Stav-
anger 23.júní 2004.
Fjörður og Víknaslóðir
ÍT-ferðir munu einnig bjóða upp á
nokkrar gönguferðir innanlands á
næsta ári. Meðal ferða verður boðið
upp á trússferð í Fjörður með heima-
mönnum. Þá verða á boðstólum ferðir
um Víknaslóðir í fylgd heimamanna.
Trússferð um Snæfjallaströnd,
Grunnuvík og Jökulfirði er á dagskrá
einnig.
Gengið í nágrenni
höfuðborgarinnar
Göngugarpar ÍT-ferða hittast alla
sunnudagsmorgna kl. 11.00 og ganga
saman í tvo til þrjá klukkutíma. Í dag,
5. október, verður gengið á Skálafell
og þann 12. október á Úlfarsfell og 19.
október upp með Fossánni í Hvalfirði.
Þann 26. október verður genginn
hringur í Vífilsstaðahlíðinni.
Ef veður er of slæmt fyrir fjallgöngu
verða valdar aðrar leiðir.
Mæting er við Vetnisstöðina við Vest-
urlandsveg nema 26. október, þá er
hist við Hafnarfjarðarkirkjugarð. Öllum
er boðið að taka þátt í þessum göngu-
ferðum í nágrenni höfuðborgarinnar
sér að kostnaðarlausu.
NÝTT LÚXUSHÓTEL
ÁTENERIFE
Á suðurhluta eyjunnar Tenerife á Kan-
aríeyjum er verið að taka í notkun nýtt
fimm stjörnu hótel Abama Hotel og
Resort. Meðal annars er þar boðið upp
á 27 holu golfvöll, tennisklúbb, heilsu-
ræktarstöð og nokkra veitingastaði.
Sjá nánar á www.abamahotel-
resort.com
ÍBÚÐIR TIL LEIGU Á SPÁNI
Fyrirtækið Costa de la Luz er með um
180 íbúðir á sínum snærum í Andalús-
íu á Spáni sem þaðleigir út ferða-
manna. Íbúðirnar eru til dæmis í
Sevilla, Cádiz og Jerez.

Frekari upplýsingar um leigu-
íbúðir í Andalúsíu eru á
www.feriehus-costaluz.com
Tölvupóstfang: post@feriehus-
costaluz.com
Morgunblaðið/Kristinn

ÍT-ferðir
Engjavegur 6
104 Reykjavík
Sími: 588 9900
Fax: 588 9901
Nánari upplýsingar um göngu-
ferðir á vegum ÍT-ferða eru á
slóðinniwww.itferdir.is
FASTEIGNIR mbl.is