Morgunblaðið - 05.10.2003, Blaðsíða 7

MORGUNBLAÐIÐ SUNNUDAGUR 5. OKTÓBER 2003 C 7
V
araformaður Félags fast-
eignasala er Ólafur B. Blöndal.
Hann hefur verið stjórnar-
meðlimur í félaginu í þrjú ár.
Fljótlega eftir að hann mætti til
leiks byrjaði hann að skipuleggja
og stjórna námskeiðum fyrir starfsfólk á fast-
eignasölum – og hefur því nokkuð látið hendur
standa fram úr ermum þennan tíma.
„Það hefur alltaf verið mér kappsmál í mörg
ár að reyna að koma því að hjá stjórnar-
mönnum í félaginu að nauðsynlegt sé að koma
á námskeiðum fyrir starfsfólk á fasteignasöl-
um,“ segir Ólafur og þá aðra starfsmenn en þá
sem hafa menntun sem tengjast starfinu, það
er að segja, lögfræðinga, viðskiptafræðinga og
löggilta fasteignasala.
Ekkert sem heitir „um það bil“
„Það hefur því miður verið þannig í gegnum
tíðina,“ heldur Ólafur áfram, „að rekstraraðilar
fasteignasala hafa ekki gætt nægilega að því að
hugsa um að þjálfa og mennta sitt starfsfólk í
því sem það er að fást við. Það hefur verið alltof
algengt að sjá nýjum starfsmönnum, með enga
reynslu og enga skólun, flaggað sem sérfræð-
ingum, jafnvel daginn eftir að þeir hefja störf
og er það vægast sagt mjög óábyrgt. Þetta hef-
ur því miður að hluta til komið til af því að yfir-
völd hafa ekki séð þessari stétt fyrir menntun í
annarri mynd en löggildingarnámi, viðskipta-
eða lögfræði. Það að engrar undirstöðumennt-
unar sé krafist er slæmt, svo ekki sé talað um
óflekkað mannorð og hreint sakavottorð, en
það ætti að vera lágmarkskrafa.
Það er nú einu sinni þannig að það er mikið í
húfi; starfið er gríðarlega ábyrgðarmikið og
það flókið að það leyfir hvorki handvömm né
vankunnáttu. Það er ekkert sem heitir „um það
bil“. Hlutirnir þurfa að vera nákvæmir – og í
lagi.
Ég held að ég megi segja að þarna skilji á
milli feigs og ófeigs í starfi. Ef fólk ætlar að
starfa við þetta til framtíðar, ætti það að sjá
sóma sinn í að sækja þau námskeið sem í boði
eru.
Til samanburðar má nefna að í Bandaríkj-
unum fær enginn að starfa við sölu fasteigna
nema hafa til þess leyfi sem fæst eftir ákveðna
skólagöngu – og þannig er það einnig víða í
Evrópu.“
Félag fasteignasala hefur staðið fyrir nám-
skeiðum fyrir starfsfólk á fasteignasölum síð-
astliðin þrjú ár, síðast í mars í ár og sóttu það
um sjötíu manns.
„Á því námskeiði var tvennt sem við tókum
fyrir,“ segir Ólafur. „Það var farið ofan í saum-
ana á húsbréfakerfin annars vegar og nýju
fasteignalögunum frá 2002 um fasteignakaup
hins vegar. Námskeiði stóð í þrjár vikur og
kennt var á kvöldin, tvö kvöld í viku.
Nú stefnum við að sjálfstæðu framhaldi með
námskeiði sem haldið verður í nóvember næst-
komandi. Efnistökin þar verða Fjöleigna-
húsalögin, þinglýsingar, fasteignakaup, skjala-
gerð og skattamál. Við reiknum með því að sá
hópur sem sótti námskeiðið í mars mæti á
þetta námskeið – sem og þeir aðrir sem vilja fá
skólun í þessum málum sérstaklega. Kennt
verður sem fyrr í húsakynnum Háskóla Ís-
lands og það er stefnt að því að þjappa nám-
skeiðinu meira saman en síðasta námskeiði,
þótt það sé jafnlangt, til þess að auðvelda
landsbyggðafólki að sækja það. Þessi námskeið
skipta ekki síst máli fyrir það að þeir sem ljúka
þeim hljóta viðurkenningarskjal og geta sýnt
fram á að þeir viti sitthvað um það sem þeir
starfa við.“
Fyrir fleiri en þá sem
starfa við fasteignasölu
Hafið þið fengið viðbrögð frá starfsfólki sem
sótt hefur námskeiðin?
„Já, það hefur verið gríðarlega mikil ánægja
með þau og ég hvet alla sem starfa við fast-
eignasölu til þess að sækja námskeiðið í nóv-
ember. Einnig er það opið fleiri aðilum og á
námskeiðin til okkar hefur komið starfsfólk frá
bönkum, lífeyrissjóðum og öðrum stofnunum
sem stunda lánasýslu. Námskeiðin standa öll-
um opin sem á einn eða annan hátt tengjast
fasteignaviðskiptum. Ég vil líka eindregið
hvetja rekstraraðila í fasteignaviðskiptum til
þess að styðja sitt fólk, því það eru hagsmunir
hvers fasteignasala að hafa hæft, vel menntað
starfsfólk.“
Morgunblaðið/Kristinn
Ólafur B. Blöndal, formaður Félags fasteignasala.
Starfið leyfir
hvorki handvömm
né vankunnáttu
Ólafur B. Blöndal, varaformaður Félags fasteignasala, hefur stjórnað
og skipulagt námskeiðahald á vegum félagsins og segir það hags-
muni hvers fasteignasala að hafa hæft, vel menntað starfsfólk.
VIÐ Laufásveg 7
er Þrúðvangur
þar sem Einar
Benediktsson,
skáld og fast-
eignasali með
meiru, bjó. Þrúð-
vangur er nafn á
ríki Ása-Þórs
samkvæmt
Snorra-Eddu.
Húsið var reist
árið 1918 af
Margréti
Zoëga, ekkju
Einars Zoëga.
Hún bjó þar
ásamt tengda-
syni sínum til
1927.
Þrúðvangur
EITT af þeim húsum sem Einar Benediktsson
bjó í um skeið var Höfði við Borgartún. Einar
bjó þar skamma hríð og nefndi húsið Héðins-
höfða eftir samnefndu býli í Suður-Þingeyjar-
sýslu þar sem hann hafði alist upp.
Höfði var byggður af frönskum konsúl,
Brillouin að nafni, sem hingað var sendur til
að gæta að hagsmunum og heilsu franskra
sjómanna. Húsið var keypt tilhöggvið frá
Noregi og reist 1909.
Höfði var með stærstu einbýlishúsum í
Reykjavík á sinni tíð – en Brillouin átti ekki
skap við Íslendinga, lenti í útistöðum við
ýmsa aðila og hypjaði sig burtu af landinu í
upphafi fyrri heimsstyrjaldarinnar – enda
voru þá fiskveiðar Frakka að leggjast af.
Næsti húsbóndi í Höfða var Einar Benediktsson en hann bjó þar skamma hríð.
Árið 1919 ákvað bæjarstjórn Reykjavíkur að taka Höfða leigunámi fyrir Pál Einarsson, sem
var að taka við störfum sem dómari í nýstofnuðum hæstarétti, vegna þess að hann var húsnæð-
islaus með stóra fjölskyldu.
Höfði
Morgunblaðið/Sverrir