Morgunblaðið - 06.10.2003, Blaðsíða 2

FRÉTTIR
2 MÁNUDAGUR 6. OKTÓBER 2003 MORGUNBLAÐIÐ
ÁRÁSIR FORDÆMDAR
Ísraelar gerðu í gær loftárásir á
búðir í Sýrlandi sem þeir segja að
herskáar hreyfingar Palestínu-
manna hafi notað til að þjálfa
hryðjuverkamenn. Daginn áður
hafði liðsmaður einnar af hreyfing-
unum sprengt sig í loft upp í veit-
ingahúsi í Ísrael og orðið nítján öðr-
um að bana, m.a. fjórum börnum.
Öryggisráð Sameinuðu þjóðanna
ræddi loftárásir Ísraela að beiðni
Sýrlendinga og leiðtogar arabaríkja
fordæmdu þær, vöruðu við því að
þær gætu leitt til „holskeflu ofbeld-
is“ í Mið-Austurlöndum.
Íhuga kynjakvóta
Það er nú til athugunar hjá Kenn-
araháskólanum að taka upp kynja-
kvóta, en karlmenn eru mun færri í
kennaranámi í skólanum en konur.
Þá kemur einnig til greina að setja
aldurskvóta að sögn Ólafs Proppé,
rektors skólans.
Mistök við meðferð?
Foreldrar tæplega tveggja ára
stúlku, sem lést úr heilahimnubólgu
í maí síðastliðnum, telja að kvartanir
foreldra veikra barna séu ekki tekn-
ar nógu alvarlega þegar hringt er í
heilbrigðisstofnanir. Landlæknir
hefur kannað umrætt atvik og telur
ástæðu til að endurskoða og skerpa
vinnulag við meðferð símtala utan úr
bæ til heilbrigðisstofnana. Foreldrar
barnsins kvörtuðu við landlækni
vegna meintra mistaka við sjúk-
dómsgreiningu og meðferð dóttur
þeirra í kjölfar dauðsfallsins.
Stærsta kókaínmálið á árinu
Lögreglan á Keflavíkurflugvelli
hefur upplýst sitt stærsta kókaínmál
á árinu með því að leggja hald á allt
að 400 grömm af kókaíni sem tveir
Íslendingar ætluðu að smygla til
landsins síðdegis á föstudag. Götu-
virði fíkniefnanna er allt að 15 millj-
ónir króna.
Cook gagnrýnir Blair
Robin Cook, fyrrverandi utanrík-
isráðherra Bretlands, fullyrðir að
Tony Blair forsætisráðherra hafi vit-
að fyrir stríðið í Írak að her Sadd-
ams Husseins gæti ekki beitt ger-
eyðingarvopnum með 45 mínútna
fyrirvara eins og breska stjórnin
hélt fram. Blair hafi viðurkennt að
hættan af meintum gereyðingar-
vopnum Íraka væri lítil.
Y f i r l i t
Í dag
Sigmund 8 Bréf 28
Vesturland 11 Dagbók 30/31
Erlent 12/13 Þjónusta 31
Daglegt líf 14/15 Kirkjustarf 31
Listir 14/16 Leikhús 30
Umræðan 18 Fólk 32/37
Hestar 19 Bíó 34/37
Forystugrein 20 Ljósvakar 38
Minningar 22/26 Veður 39
* * *
STÖÐUGT fleiri nýrnaígræðslur
hérlendis eru úr lifandi gjöfum.
Frá 1993 til 2002 voru fram-
kvæmdar 57 nýrnaígræðslur og þar
af 37 úr lifandi gjöfum eða 65%. Til
samanburðar var þetta hlutfall
17,6% á árunum 1970 til 1980 og
41% tímabilið 1981 til 1990.
Þetta kom fram í erindi sem Páll
Ásmundsson lyflæknir flutti á ráð-
stefnu fagdeildar gjörgæsluhjúkr-
unarfræðinga og fagdeildar svæf-
ingahjúkrunarfræðinga um líffæra-
flutninga á Íslandi. Í máli hans
kom jafnframt fram að þetta hlut-
fall væri miklu hærra á Íslandi en
hjá nágrannaþjóðunum og benti
hann meðal annars á að innan við
50% nýrnaígræðslna í Noregi eru
úr lifandi gjöfum.
Undanfarin ár hafa um 3 til 5
sjúklingar farið árlega til útlanda,
einkum á Ríkisspítalann í Kaup-
mannahöfn, vegna nýrnaígræðslu,
en níu manns hafa verið á biðlista
eftir nýrum árlega. Páll segir að Ís-
lendingar séu mjög jákvæðir gagn-
vart því að gefa nýru en í flestum
tilfellum séu gjafarnir ættingjar,
makar eða vinir. Þetta sé ekki síður
ánægjulegt vegna þess að lifun
nýrnagræðlinga úr lifandi gjöfum
sé mun meiri en úr látnum gjöfum
eða rúmlega 98% eftir fimm ár
samanborið við tæplega 65% úr
látnum gjöfum.
„Ef nýra úr lifandi gjafa fæst er
það því mun betri kostur heldur en
ef það kemur úr látnum gjafa er-
lendis frá,“ segir Páll.
Ígræðslur hefjast hér
á landi innan skamms
Fyrsta nýrnaígræðsla í Íslending
fór fram 1970 og voru þær um 40
fyrstu 20 árin eða um tvær að með-
altali á ári. Frá 1970 til 2002 hafa
verið gerðar 128 nýrnaígræðslur,
60 úr látnum gjöfum og 68 (53%) úr
lifandi gjöfum. Til þessa hafa
nýrnaígræðslur í íslenska sjúklinga
verið framkvæmdar á erlendum
sjúkrahúsum en stefnt er að því að
hefja þær hérlendis innan skamms.
Þær gætu orðið 5 til 7 árlega og
kemur Jóhann Jónsson, ígræðslu-
skurðlæknir í Bandaríkjunum,
tvisvar til þrisvar til landsins á ári
og framkvæmir 2-3 aðgerðir í
hverri ferð.
Fleiri Íslendingar
gefa nýrun sín
128 nýrna-
ígræðslur frá
árinu 1970
Á LAUGARDAGINN voru 24
flugvélar mættar í hópflugi á veg-
um Flugmálafélags Íslands á
Höfðabrekkuflugvöll í Mýrdal.
Vélarnar voru margskonar að
gerð og sýndu flugmenn þeirra
listir sínar í blíðskaparveðri.
Þetta var síðasta hópflug sumars-
ins og jafnframt það næst fjöl-
mennasta, en hópurinn fer nokkr-
um sinnum á ári í svona ferðir.
Heimamönnum og nærsveita-
mönnum úr Mýrdalnum var boðið
að koma og skoða og fylgjast
með. Reynir Ragnarsson og Jó-
hann Einarsson flugmenn í Vík
fylgdu síðan flugflotanum heim á
leið á flugvél sinni TF-FAR og
sýndu þeim jafnframt Mýrdalinn
úr lofti og skýrðu frá staðháttum
í talstöðinni. Að sögn Gunnars
Þorsteinssonar eins af forsvars-
mönnum flugdagsins heppnaðist
dagurinn afar vel.
Morgunblaðið/ Jónas Erlendsson
Flugdagur á Höfðabrekkuflugvelli
Fagradal. Morgunblaðið.
HÉRAÐSDÓMUR Norðurlands
eystra hefur dæmt þrjá menn á aldr-
inum 20 til 32 ára í þriggja, fimm og
tíu mánaða fangelsi fyrir innbrot,
þjófnaði, líkamsárás og fíkniefnabrot
árið 2001 og 2003. Ákærðu játuðu
brot sín en þeir eiga allir að baki
sakaferil vegna ýmissa brota. Þeir
sem hlutu þriggja og fimm mánaða
fangelsi fengu skilorðsbundna dóma
en sá sem þyngstan dóminn hlaut
fékk ekki skilorð. Ákærðu voru auk
þess dæmdir til að greiða á þriðja
hundrað þúsund króna í skaðabætur
auk alls sakarkostnaðar.
Ólafur Ólafsson héraðsdómari
dæmdi málið.
3 til 10 mán-
aða fangelsi
fyrir innbrot
HÉRAÐSDÓMUR Norðurlands
eystra hefur dæmt tvítuga konu í 7
mánaða skilorðsbundið fangelsi fyrir
að brjótast inn í gistiheimili í Ljósa-
vatnshreppi fyrir réttu ári ásamt ann-
arri konu og láta greipar sópa. Voru
munir og áfengi sem stolið var metin
á mörg hundruð þúsund krónur.
Hluta af þýfinu var komið til skila.
Ákærða játaði sakargiftir. Hún á að
baki sakaferil og hefur tvívegis verið
dæmd í skilorðsbundið fangelsi fyrir
líkamsárásir sem hún framdi þegar
hún var 16 og 17 ára. Einnig kemur
fram í dómnum, að konan hafi nýver-
ið tekið á sínum málum og hafið
stranga áfengis- og vímuefnameð-
ferð.
Ólafur Ólafsson héraðsdómari
kvað upp dóminn. Verjandi ákærðu
var Anna Guðný Júlíusdóttir. Málið
sótti Guðjón Jóel Björnsson sýslu-
mannsfulltrúi.
Sjö mánaða
fangelsi
fyrir innbrot
FLUGVÉL Lufthansa á leið frá
Frankfurt í Þýskalandi til Toronto í
Kanada var snúið hingað til lands
vegna farþega á áttræðisaldri sem
kvartaði undan verk fyrir hjarta.
Vélin lenti í Keflavík rétt fyrir átta í
gærkvöldi og var sjúklingurinn, sem
er Kanadamaður, fluttur með
sjúkrabíl á hjartadeild Landspítala –
háskólasjúkrahúss. Ekki fengust
upplýsingar um líðan mannsins í
gærkvöldi.
Flugvél með
hjartveikan
farþega
snúið við
SKAFTÁRHLAUP hófst á hádegi á
laugardag að því er talið er og náði
hámarki við Sveinstind síðdegis í
gær. Rennsli við Sveinstind, sem er
um 17 km frá jökulrönd Skaftárjök-
uls, var rúmlega 161 rúmmetrar á
sekúndu klukkan 16 en lækkaði í
156 rúmmetra á sekúndu klukkan
17.30. Ekki er vitað úr hvorum katl-
inum hlaupið er, en talið er að
hlaupið sé minniháttar. Sverrir Ó.
Elefsen hjá Orkustofnun sagði við
Morgunblaðið í gær að undanfarin
ár hefði rennsli í stærri hlaupum
verið 800–1.000 rúmmetrar á sek-
úndu.
Morgunblaðið/Jónas Erlendsson
Skaftá hljóp síðast í byrjun september og þá var þessi mynd tekin.
Minniháttar hlaup í Skaftá
♦ ♦ ♦
♦ ♦ ♦