Morgunblaðið - 06.10.2003, Blaðsíða 6
FRÉTTIR
6 MÁNUDAGUR 6. OKTÓBER 2003 MORGUNBLAÐIÐ
Ferðir blóðbankabílsins:
Þriðjudagur 7. október Sjóvá Almennar, Kringlunni 5 klukkan 9.00-15.00
Miðvikudagur 8. október Viðskiptaháskólinn á Bifröst klukkan 9.30-16.30
www.blodbankinn.is
UNGIR foreldrar tæplega tveggja
ára stúlku, sem lést úr heilahimnu-
bólgu í maí síðastliðnum, telja að
kvartanir foreldra veikra barna séu
ekki teknar nógu alvarlega þegar
hringt er í heilbrigðisstofnanir.
Landlæknir hefur kannað umrætt
atvik og telur ástæðu til að endur-
skoða og skerpa vinnulag við með-
ferð símtala utan úr bæ til heilbrigð-
isstofnana á borð við Læknavakt og
Landspítala.
Kvörtuðu við landlækni
Foreldrar barnsins kvörtuðu við
landlækni vegna meintra mistaka við
sjúkdómsgreiningu og meðferð dótt-
ur þeirra í kjölfar dauðsfallsins. Þeir
telja viðbrögð landlæknis ófullnægj-
andi. Auk fyrrnefndrar niðurstöðu í
álitsdrögum sínum um málið telur
landlæknir að verulega spurningu
verði að setja við afgreiðslu mála í
tveimur símtölum sem foreldrarnir
áttu við Læknavaktina og bráðamót-
töku barnadeildar hinn 8. maí. Í
fyrra símtalinu hringdi móðirin á
Læknavaktina klukkan 18.35 og
kveðst hafa sagt hjúkrunarfræðingi
af líðan barnsins, þ.á m. að það hafi
verið með 40 stiga hita. Mun hjúkr-
unarfræðingur hafa sagt móðurinni
að gefa barninu stíl. Þetta símtal var
ekki hljóðritað af vangá þar sem sím-
tólið var ekki tengt við upptökutæki,
að því er segir í drögunum. Þar segir
einnig að móðirin hafi hringt aftur og
nú um kl. 20 á bráðamóttöku barna-
deildar Landspítalans og kveðst hafa
fengið sama svarið, þ.e. að hún ætti
að gefa barninu stíl og bíða og sjá til.
Missti meðvitund
Síðar um nóttina versnaði barninu
og ákváðu foreldrarnir að fara með
það á spítala. Á meðan foreldrarnir
voru að undirbúa brottförina missti
barnið skyndilega meðvitund og
hætti að anda. Þremur dögum síðar
lést barnið á gjörgæsludeild. Í at-
hugasemdum foreldranna kemur
m.a. fram krafa þeirra um að land-
læknir kveði fastar að orði varðandi
endurskoðun og skerpingu vinnu-
lags við meðferð símtala utan úr bæ
til heilbrigðisstofnana. Reynsla
þeirra bendi til þess að kvartanir for-
eldra vegna veikra barna séu ekki
teknar nægilega alvarlega og frekar
virðist viðleitni til að hvetja foreldra
til að bíða og sjá til án þess að reynt
sé að kanna forsögu málsins. Telja
foreldrarnir að í máli dóttur sinnar
hafi orðið samfelld röð mistaka sem
hafi byrjað með því að lækni, sem
skoðaði barnið að morgni 8. maí, sást
yfir hve alvarlega veikt það var orð-
ið.
Ungir foreldrar hringdu ítrekað vegna veikrar dóttur sinnar sem dó síðan úr heilahimnubólgu
Segja ekki tekið nægt mark
á foreldrum veikra barna
Landlæknir vill endurskoða meðferð
símtala til heilbrigðisstofnana
ÞÓRÐUR G. Ólafsson, yfirlæknir á
Læknavaktinni, segist ekki vita til
annars en að almennt reyni starfs-
fólkið að sinna eftir bestu getu því
fólki sem hringir í Læknavaktina.
„Hjá okkur eru reyndir hjúkr-
unarfræðingar sem svara í síma.
Þeir vinna allir í heilsugæslu og
hafa langa reynslu af símsvörun og
við reynum að gera okkar besta í að
leiðbeina fólki,“ segir Þórður.
Hann segir að vafalaust muni
Læknavaktin koma athugasemdum
sínum á framfæri við álitsdrög
landlæknis. „Við munum síðan yf-
irfara álitsgerð landlæknis þegar
þar að kemur en á meðan er lítið
meira um málið að segja.“
Ekki náðist í Jóhannes M. Gunn-
arsson lækningaforstjóra Landspít-
ala – háskólasjúkráhúss í gær.
„Reynum að
gera okkar
besta“
SERGEI B. Ivanov, varnarmálaráð-
herra Rússlands, ásamt fylgdarliði
embættismanna og fulltrúum fjöl-
miðla, átti í gær viðdvöl á Íslandi á
leið sinni vestur um haf.
Halldór Ásgrímsson, utanríkis-
ráðherra, bauð ráðherranum og
fylgdarliði til vinnuhádegisverðar í
Ráðherrabústaðnum þar sem m.a.
var rætt um samskipti og samvinnu
Rússlands og Atlantshafsbanda-
lagsins, málefni Íraks og Afganist-
an og tvíhliða samskipti Íslands og
Rússlands. Auk þess var farið með
gestina í Þjóðmenningarhúsið þar
sem handritasýning var skoðuð,
segir í fréttatilkynningu frá utan-
ríkisráðuneytinu.
Utanríkisráðherra Íslands og varnar-
málaráðherra Rússlands áttu fund
Ræddu um tvíhliða
samskipti landanna
Morgunblaðið/Árni Sæberg
Halldór Ásgrímsson og Sergei B.
Ivanov, varnarmálaráðherra Rúss-
lands, við Ráðherrabústaðinn í gær.
KEPPNI í ökuleikni á trukkum,
sem fram fór við nýtt húsnæði
vörubíladeildar Heklu við Kletta-
garða á laugardag, var æsispenn-
andi, að sögn Einars Guðmunds-
sonar, framkvæmdastjóra
Bindindisfélags ökumanna, sem
hélt keppnina.
Keppendur voru 27. Kepptu þeir
allir í einstaklingskeppni en
kepptu svo einnig í sjö liðum frá
nokkrum fyrirtækjum.
Að sögn Einars er þetta í fyrsta
skipti sem keppt er í ökuleikni á
vörubílum á Íslandi og er stefnt að
því að senda sigurvegara úr
keppninni hér heima í Evrópu-
keppnina á næsta ári.
Einar segir vörubílstjórana
flesta hafa verið atvinnumenn og
að mikil samkeppni hafi ríkt þeirra
á milli. Enda var oft mjótt á mun-
unum. Keppnin byggist á akstri í
gegnum ýmsar þrautir á sem styst-
um tíma en auk þess voru lagðar
nokkrar krossaspurningar um um-
ferðarmál fyrir keppendur.
Það var Stefán Einarsson er
starfar hjá Flytjanda sem sigraði í
einstaklingskeppninni og komst í
mark á 121 sekúndu. Íslenska
gámafélagið sigraði í liðakeppn-
inni en í henni var tekið meðaltal
allra keppenda liðsins.
Aðeins ein kona reyndi keppn-
isbrautina og gekk henni vel að
sögn Einars. Morgunblaðið/Árni Torfason
Keppt í
ökuleikni
á trukkum
HÉRAÐSDÓMUR Norðurlands
eystra hefur vísað frá sakamáli á
hendur manni þar sem ákæruvald-
inu láðist að fara fram á það í ákæru-
skjali að ákærði skyldi dæmdur til
refsingar. Ekki kemur fram í dómn-
um hvers konar brot maðurinn var
ákærður fyrir.
Við munnlegan flutning málsins
lagði fulltrúi sýslumannsins á Akur-
eyri fram þá ósk að ákæruskjalið
yrði leiðrétt og bætt yrði inn í setn-
inguna: „Þess er krafist að ákærði
verði dæmdur til refsingar.“ Vísaði
fulltrúinn m.a. til þess að um augljós
mistök eða misritun hefði verið að
ræða við útgáfu ákæruskjals.
Dómari vísaði til laga um meðferð
opinberra mála þar sem segði að
hvorki mætti dæma ákærða fyrir
aðra hegðun en þá, sem í ákæru
greindi, né aðrar kröfur á hendur
honum. Sagði dómari í niðurstöðu
sinni að með þessum lögum hefði á
margvíslegan hátt verið mælt fyrir
um breytta saksóknarhætti miðað
við það sem áður hafði gilt. Yrði að
skýra ákvæði laganna, þ.á m. um
kröfugerð, með hliðsjón af því, enda
yrði ákærandi að axla ábyrgð á því,
hvernig að saksókninni var staðið, og
þ.á.m. að ákæran væri þannig úr
garði gerð að ákærði og verjandi
hans færu ekki í grafgötur um mála-
tilbúnaðinn.
Sakamáli
vísað frá
vegna
mistaka