Morgunblaðið - 06.10.2003, Blaðsíða 32

KVIKMYNDIR
32 MÁNUDAGUR 6. OKTÓBER 2003 MORGUNBLAÐIÐ
Stóra svið
Nýja svið
LÍNA LANGSOKKUR e. Astrid Lindgren
Lau 11/10 kl 14 - UPPSELT, Su 12/10 kl 14 - UPPSELT
Lau 18/10 kl 14 - UPPSELT, Su 19/10 kl 14 - UPPSELT
Lau 25/10 kl 14 - UPPSELT,
Lau 25/10 kl 17 - AUKASÝNING
Su 26/10 kl 14- UPPSELT
Lau 1/11 kl 14
Su 2/11 kl 14 - UPPSELT
Lau 8/11 kl 14
Su 9/11 kl 14 - UPPSELT
Lau 15/11 kl 14
Su 16/11 kl 14 - UPPSELT
Lau 22/11 kl 14
Su 23/11 kl 14
ÖFUGU MEGIN UPPÍ e. Derek Benfield
Fö 10/10 kl 20
Fö 17/10 kl 20
Fö 24/10 kl 20
Miðasala: 568 8000
Nýr opnunartími: Mánudaga og þriðjudaga: 10:00 - 18:00
miðviku-, fimmtu- og föstudaga: 10:00 - 20:00
laugardaga og sunnudaga: 12:00 - 20:00
BORGARLEIKHÚSIÐ ER FJÖLSKYLDUVÆNT LEIKHÚS
Börn 12 ára og yngri fá frítt í leikhúsið í fylgd með forráðamönnum
Gildir ekki á barnasýningar og sýningar með hækkuðu miðaverði.
ÍSLENSKI DANSFLOKKURINN SÝNIR:
THE MATCH eftir Lonneke Van Leth -
heimsfrumsýning
SYMBIOSIS eftir Itzik Galili
PARTY eftir Guðmund Helgason
FRUMSÝNING Fi 9/10 kl 20 - hvít kort
2. sýn su 12/10 kl 20 - gul kort
3. sýn lau 18/10 kl 20 - rauð kort
4. sýn fi 30/10 kl 20 - græn kort
5. sýn su 2/11 kl 20 - blá kort
PÚNTILA OG MATTI e. Bertolt Brecht
Lau 11/10 kl 20, Su 19/10 kl 20,
Su 26/10 kl 20
Ath. Aðeins þessar sýningar
KVETCH e. Steven Berkoff
Mi 15/10 kl 20, Lau 18/10 kl 20, Fö 24/10 kl 20
Ath: Aðeins örfáar sýningar
www.borgarleikhus.is midasala@borgarleikhus.is
Meira (en) leikhús!
MÁNUDAGINN 20/10 - KL. 20 UPPSELT
ÞRIÐJUDAGINN 21/10 - KL. 20 UPPSELT
MIÐVIKUDAGINN 22/10 - KL. 19 AUKASÝNING
FIMMTUDAGINN 23/10 - KL. 19 UPPSELT
MÁNUDAGINN 27/10 - KL. 19 UPPSELT
ÞRIÐJUDAGINN 28/10 - KL. 19 LAUS SÆTI
MIÐVIKUDAGINN 29/10 - KL. 19 LAUS SÆTI
ATHUGIÐ SÝNINGUM FER FÆKKANDI!
erling
Fim 9.10. kl. 20 UPPSELT
Fös 10.10. kl. 20 UPPSELT
Fim 16.10. kl. 20.30 ÖRFÁ SÆTI LAUS
Fös 24.10. kl. 20 LAUS SÆTI
Fös 31.10. kl. 20 LAUS SÆTI
Miðasala í síma 552 3000
Miðasala opin 15-18 virka daga
loftkastalinn@simnet.is
Einnig sýnt í Freyvangi
eftir Kristínu Ómarsdóttur
sýn. fös. 10. okt
sýn. fös. 17. okt
sýn. fös. 24. okt
Sýningar hefjast klukkan 20.
ATH: takmarkaður sýningarfjöldi
Miðasala í 555 2222 eða á theater@vortex.is
Mink
leikhús
ANDRÚMSLOFT sjöunda ára-
tugarins svífur yfir vötnum í þessari
gráglettnu rómantísku gamanmynd,
þar sem turtildúfurnar í aðalhlut-
verkunum brýna klærnar og beita
öllum brögðum til að sigra hjarta
hins. Karlhetjan í þessu stríði er
hinn rómaði piparsveinn Catcher
Block (Ewan McGregor), eftirsóttur
greinahöfundur sem trúir ekki á
hjónaband en er þó aldrei svo þétt
bókaður í ástalífinu að ekki megi
bæta kvenfólki þar inn. Hinn aðilinn
er Barbara Novac (Renée Zellweg-
er), snotur smábæjarstúlka á hraðri
uppleið í stórborginni New York,
sem slær óvænt í gegn með bók sinni
Niður með ástina. Bókin sú er leið-
beiningapési fyrir nútímakonur, þar
sem ástin er lýst ógild og hjónaband
sömuleiðis. Hvers vegna ekki bara
að njóta tilhugalífsins, og einbeita
sér að því að ná starfsframa og njóta
velgengni, ekki ósvipað því sem svo
margir karlmenn gera, ráðleggur
höfundurinn kynsystrum sínum, og
kemur í kjölfarið af stað hálfgerðri
byltingu, þar sem konur gefa frat í
eiginmenn sína í stórum stíl. Þegar
þessi kvenréttindavakning fer að
hafa þau áhrif á piparsveinslíf Catch-
ers Blocks, að kærustur hans fá
sjálfstæðiskast og segja honum allar
upp, ákveður hann að gera eitthvað í
málinu. Af hverju ekki að villa á sér
heimildir, reyna að sigra hjarta
Barböru Novac og afsanna þannig
kenningu hennar? En þegar á hólm-
inn er komið reynist ekki svo auðvelt
að snúa á Barböru Novac.
Þessi ærslafulla gamanmynd gef-
ur góð fyrirheit í upphafi, með lifandi
stíl sínum og byrjuninni að því sem
virðist ætla að verða frumlegur og
skemmtilegur söguþráður. Í útliti og
frásögn er kvikmyndin nokkurs kon-
ar skopstæling og endursköpun á
rómantískum gamanmyndum sjö-
unda áratugarins frá Hollywood sem
öttu saman ákveðnum staðalmynd-
um kvenna og karla, en táknmyndir
þeirrar samsetningar eru stjörnurn-
ar Doris Day og Rock Hudson. Stíll
þessarar gamanmyndategundar er
útfærður af mikilli nákvæmni í Nið-
ur með ástina, í sviðsetningum, lita-
meðferð og tónlist svo dæmi séu
nefnd. Þá taka leikararnir upp tals-
máta og látæði í anda kynhlutverka
umrædds tíma, með skemmtilegum
árangri. Fer Ewan McGregor þar á
kostum sem hinn sjálfumglaði og
sjarmerandi Catcher Block. Gallinn
við þessa gamanmynd er hins vegar
sá að eftir að söguaðstæðum hefur
verið stillt upp í nokkuð hraðri yf-
irferð er hugmyndaauðgin uppurin
og fer umgjörðin brátt að skyggja á
innihaldið í því sem á eftir fylgir. Í
stað þess að koma með eitthvað nýtt
inn í þá að mörgu leyti gamaldags
rómantísku gamanmynd sem Niður
með ástina skopstælir dettur hún á
endanum niður í endurtekningu á
henni. Það má þó alveg hafa gaman
af ærslaganginum, og útlitslega er
myndin vel heppnuð.
Að snara piparsveininn
Ástin kemur þeim Catch og
Barböru að óvörum.
KVIKMYNDIR
Smárabíó
Down With Love / Niður með ástina

Leikstjórn: Jeff Cronenweth. Handrit: Eve
Ahlert og Dennis Drake. Aðalhlutverk:
Renée Zellweger, Ewan McGregor, Sarh
Paulson, David Hyde Pierce. Lengd: 96
mín. Bandaríkin. Twentieth Century Fox,
2003.
Heiða Jóhannsdóttir
Í MIÐJUM hópi yfirborðs-
kenndra og innihaldsrýrra fram-
haldsmynda sumarsins lýstur niður
tilfinningaríkri mynd um leyniþráð-
inn milli manns og hests, og margt
fleira sem óvenjulegt má teljast í
bandarískum afþreyingarmyndum.
Ekki síst vel unnar leikmyndir og
búninga og hrífandi tilþrif þriggja
afburðaleikara, en öll þessi undir-
stöðuatriði laða fram kynngimagnað
afturhvarf til liðinna tíma, genginnar
þekkingar og mannlífs.
Mafn myndarinnar er dregið af
sögufrægum veðhlaupahesti sem var
orðin goðsögn í lifanda lífi á þriðja og
fjórða áratugnum. Afrek hans
dreifðu huga almennings frá erfiðum
tímum kreppunnar miklu, og veitti
ekki af. Seabiscuit hefst á dapurlegu
atriði þegar Charles Howard (Jeff
Bridges) missir son sinn í bílslysi.
Howard hefur byggt upp veldi á bíla-
sölu en fær nú skömm á fyrirbrigð-
inu og heldur til Tijuana í Mexíkó
þar sem menn geta stytt sér stundir
við flesta þá iðju sem bannfærð er
norðan landamæranna. Howard fær
áhuga á veðhlaupum og kynnist lyk-
ilmönnunum í sögunni af Seabiscuit,
einfaranum og tamningamanninum
Tom Smith (Chris Cooper) og knap-
anum Red Pollard (Tobey Maguire).
Þeir eru hálfgildings utangarðs-
menn, líkt og kjarni sögunnar, gæð-
ingurinn Seabiscuit, sem hlotið hefur
afleita tamningu, er smávaxinn af
veðhlaupahesti að vera og það á að
fara að slá hann af þegar þremenn-
ingarnir bjarga gripnum frá byssu-
kúlunni.
Framhaldið er viðburðarík, sigur-
sæl en ekki áfallalaus saga hestsins
og knapans sem rísa upp úr duftinu í
átrúnaðargoð tugmilljóna Banda-
ríkjamanna. Sem fyrr segir er mynd-
in sögð af smekkvísi og nákvæmni til
smæstu smáatriða og kvikmynda-
takan, einkum á veðhlaupabrautun-
um, á hug manns óskiptan, engu lík-
ara en áhorfandinn sé að fylgjast
með Rocky á hestbaki. Það skyggir
nánast ekkert á heillandi mynd ann-
að en fyrirferðarmikil frásögn sögu-
mannsins, en hlutverk hans dregur
tilfinnanlega úr dramatík framvind-
unnar og markar persónunum bás.
Engu að síður sýna þeir stórleik
höfðingjarnir Bridges, sem túlkar
harm, gleði og bjartsýni heiðarlegs
kaupsýslumanns með stórt hjarta,
eins og hann gerir manna best, og
Cooper, sem er óaðfinnanlegur sem
fámált og hægfara náttúrubarn sem
býr í þögninni yfir ótakmörkuðum
skilningi á eðli og lundarfari hesta.
Maguire er nánast óþekkjanlegur úr
Köngurlóarmanninum, þroskaður og
heilsteyptur í vandasömu hlutverki.
Ekki má gleyma enn einum snill-
ingnum; William H. Macy, sem kem-
ur með lífsnauðsynlegan hressleika
inn í annars lítið gamansamt and-
rúmsloft myndarinnar sem Tick-
Tock McGlaughlin, málhress og víg-
reifur fréttamaður á öldum ljósvak-
ans. Þá er gaman að sjá gamla góða
Ed Lauter bregða fyrir og Elizabeth
Banks er trúverðug í annars sviplitlu
hlutverki seinni konu Howards. Og
hestarnir, maður lifandi!
Sæbjörn Valdimarsson
Hófatak og hestamenn
Það er líkt og áhorfandinn sé að
fylgjast með Rocky á hestbaki.
KVIKMYNDIR
Laugarásbíó, Regnboginn
Seabiscuit


½
Leikstjóri: Gary Ross. Handrit: Gary
Ross, byggt á bók Lauru Hillenbrand.
Kvikmyndatökustjóri: John Schwartz-
man. Tónlist: Randy Newman. Aðalleik-
endur: Tobey Maguire, Jeff Bridges, Chris
Cooper, Elizabeth Banks, Gary Stevens,
William H. Macy, Ed Lauter. 135 mínútur.
Universal Pictures. Bandaríkin 2003.
DANIR gera það ekki endasleppt
við grágamankrimma-færibandið.
Þeir eru frjóir á þessu sviði sem
mörgum öðrum og hráslagalegt um-
hverfi undirheima Kaupmannahafn-
ar virðist þeim óþrjótandi gnægta-
brunnur. Í Ráninu á Rembrandt
blandar nýliðinn Jannik Johansen
saman kaldhæðni og alvöru og tekst
dável upp. Hann veltir líka fyrir sér
hvernig ósköp venjulegir smábófar
bregðast við þegar þeir lenda í
kringumstæðum sem þeir ráða ekki
við og þar rís myndin hæst.
Feðgarnir Mick (Lars Brygman)
og Tom (Jacob Cedergren) eru báð-
ir glæpamenn, hættulitlir að vísu, í
borginni við sundið. Afbrotafíknin
virðist ganga í erfðir því „ættarhöfð-
inginn“, faðir Micks, er einnig lít-
ilsigldur brotamaður og þeirra ófyr-
irleitnastur. Mick sér gróðavon hvað
helst í brotajárni, sá eðalmálmur
sviptir hann reyndar frelsinu í
myndarbyrjun. Hann er annars í
lukkulegri sambúð með fyrrverandi
klámmyndaleikkonu sem er komin
af rúmstokknum á menntabrautina.
Feðgarnir dúsa fyrir tilviljun á
sama tíma á bak við lás og slá, fá
frelsið á svipuðum tíma og haga ör-
lögin því svo að þeir verða aðal-
mennirnir í smáþjófnaði sem breyt-
ist í alvarlegasta listaverkaþjófnað í
sögu landsins. Mick, sem ber ekki
mikið skynbragð á göfugar listir, á
að ræna ákveðnu málverki á lista-
safni, tekur í ógáti verkið við hliðina
á því – sem reynist eina Rem-
brandt-málverkið í Danmörku og
ómetanlegt til fjár. Sem fyrr segir
fjallar Ránið á Rembrandt mikið til
um afleiðingar verknaðarins, feðg-
arnir og lagsmenn þeirra tveir
minna á hornsíli í hákarlageri,
ákvarðanir þeirra eru barnalega
varfærnislegar og ómarkvissar og
dæmdar til að enda með ósköpum. Í
þessum kafla kemur í ljós fimi hand-
ritshöfundarins Anders Thomas
Jensen, sem fléttar saman fávíslegri
gróðavon, örvæntingu, heimskupör-
um og agnarlítilli skynsemisglóru
persónanna. Leiðir málið þokkalega
til lykta eftir allar hremmingarnar
og kryddar lokakaflann í anda mál-
tækisins „Sá hlær best sem síðast
hlær“. Örlög eins bófans eru þó full-
komlega óráðin.
Myndin nýtur einnig góðs af út-
geislun og trúverðugleika Lars
Brygmans, sem heldur krimmasög-
unni saman þegar mest á reynir.
Aðrir leikarar eru upp og ofan,
einkum ofan. Kjarnakonunni Papr-
iku Steen (Okay) bregður fyrir í
skondnu aukahlutverki sem hún af-
greiðir á hárfínum nótum.
Sæbjörn Valdimarsson
Brota-
járn og
gersemar
KVIKMYNDIR
Regnboginn –
Kvikmyndahátíð Eddu
Rembrandt-ránið (Rembrandt )
Leikstjóri: Jannik Johansen. Handrit:
Jannik Johanen og Anders Thomas Jen-
sen. Kvikmyndatökustjóri: Eric Kress.
Tónlist: Antony Genn. Aðalleikendur:
Nikolai Coster-Waldau, Nicolas Bro, Lars
Brygmann, Jacob Cedergren, Ole Ernst,
Paprika Steen. 109 mínútur. Egmont
Films. Danmörk 2003.