Morgunblaðið - 06.10.2003, Blaðsíða 30

30 C MÁNUDAGUR 6. OKTÓBER 2003 MORGUNBLAÐIÐFasteignir
FASTEIGNAMARKAÐURINN á
Akureyri hefur tekið vel við sér
eftir sumarleyfi. Góð eftirspurn er
eftir minni íbúðum og meðalstórar
og stærri eignir hafa einnig verið
að seljast betur. Skýringin á góðri
eftirspurn liggur ekki í augum
uppi, þar sem skráðum íbúum í
bænum hefur ekki fjölgað að neinu
marki, en þeir eru nú tæplega
16.000.
Nærtækasta skýringin er hin
mikla uppbygging Akureyrar sem
skólabæjar á undanförnum árum.
Nemendur í Háskólanum á Ak-
ureyri eru nú annað þúsund og
nemendur í öðrum skólum hafa
sennilega aldrei verið fleiri. Stór
hluti þessa fólks á lögheimili ann-
ars staðar en skráir sig ekki á Ak-
ureyri.
Þegar skólafólkið er talið með
eru íbúar á Akureyri sennilega
nær því að vera 18.000. Þessi fjölg-
un skiptir því verulegu máli fyrir
eftirspurn eftir íbúðarhúsnæði í
bænum, en allir þurfa jú þak yfir
höfuðið.
Verð á íbúðarhúsnæði hefur
samt haldizt allstöðugt á Akureyri.
Það hækkaði á árunum 1999–2001,
en síðan dró úr því. Að undanförnu
hefur verðið samt verið að síga
upp á við eins og sagt er á fast-
eignamáli.
Stofnað 1963
Trésmíðaverkstæði Sveins Heið-
ars á Akureyri hefur lengi verið í
röð fremstu byggingafyrirtækja
þar í bæ. Það var stofnað af þeim
feðgum Sveini Heiðari Jónssyni og
Jóni Gíslasyni árið 1963 og hefur
starfað samfleytt síðan. Fyrirtæk-
ið er því fjörutíu ára á þessu ári.
Sjálfur tók Sveinn Heiðar við
rekstri fyrirtækisins 1986. Hjá því
starfa nú tólf manns auk átján
annarra fyrirtækja, sem vinna sem
undirverktakar og samstarfsaðilar.
Við Holtateig á Akureyri er Tré-
smíðaverkstæði Sveins Heiðars
langt komið með að bygga 27 rað-
hús. Þetta eru timburhús á steypt-
um sökkli. „Þetta eru allt raðhús á
einni hæð, um 140 ferm. að stærð
með bílskúr,“ segir Sveinn Heiðar.
„Flest eru 4ra herbergja en fimm
eru 3ja herbergja. Eftirspurn eftir
þessum húsum hefur verið mjög
góð og það má segja, að þau seljist
jafnóðum og þau klárast.“
Að sögn Sveins Heiðars tekur
mjög skamman tíma að byggja
þessi hús. „Við erum að slá met í
sumar hvað byggingarhraða snert-
ir og höfum farið ofan í einn mán-
uð með íbúðina án þess að slá af
kröfum,“ segir hann. „Auðvitað er
þetta misjafnt og fer svolítið eftir
verkefnum annars staðar. Þannig
erum við nýbúnir að ljúka við tvær
íbúðir í Grenivík. En við höfum
náð mjög góðu valdi á að byggja
þessi hús, enda búum við þar að
mikilli og langri reynslu.“
Sveinn Heiðar kveðst telja verð
á þessum raðhúsum hagstætt mið-
að við markaðinn á Akureyri nú,
en þau kosta 14,9 millj. kr. Þá eru
allir milliveggir komnir, loft frá-
gengin og íbúðin tilbúin undir
málningu, en það vantar eldhús-
innréttingu, innihurðir og gólfefni.
Fullbúin standa þessi raðhús
væntanlega í 17–18 millj. kr.
Við Arnarsíðu á Akureyri er
Sveinn Heiðar ennfremur að hefja
framkvæmdir við tvö raðhús, hvort
um sig með fjórum íbúðum eða
samtals 8 íbúðir. Fyrstu íbúðirnar
verða væntanlega tilbúnar til af-
hendingar næsta sumar.
Sveinn Heiðar segir eftir-
spurnina á Akureyri nokkuð
sveiflukennda og hún geti verið
mismunandi á milli mánaða. En
seinni hluta sumars hefur eftir-
spurn og sala verið mjög góð.
Kaupendur eru flestir Akureyring-
ar, en það er líka talsvert um fólk,
sem er að flytja til Akureyrar ann-
ars staðar að, og meira um það
núna í sumar en stundum áður.
„Íbúum Akureyrar er að fjölga
og þessi fjölgun er einkum að
þakka skólunum,“ segir Sveinn
Heiðar. „Skólafólkið kaupir eða
leigir kannski ekki mikið af íbúð-
um af þeirri stærð, sem ég er með
í sölu, heldur minni íbúðir. En
þetta hreyfir við öllum íbúðamark-
aðnum. Sjálfur veit ég þess dæmi,
að fjölskyldur hafa verið að kaupa
íbúðir fyrir sitt fólk á meðan það
er í námi og þá einkum minni íbúð-
ir.“
Nýbyggingar á Reyðarfirði
Trésmíðaverkstæði Sveins Heið-
ars hefur einnig haslað sér völl á
Reyðarfirði, þar sem fyrirtæki
hans hyggst byggja hverfi með yf-
ir sjötíu íbúðum. Nú er unnið að
því að deiliskipuleggja þetta svæði
og hanna götur og áformað að fara
á fulla ferð með framkvæmdir í
maí á næsta ári.
Það er teiknistofan arkitektur.is,
sem hannar þetta hverfi, en gert
er ráð fyrir 71 íbúð á svæðinu í
raðhúsum og parhúsum auk ein-
býlishúsa.
Húsin verða á einni hæð, 100–
120 ferm. að stærð og með eða án
bílskúrs, allt eftir því hvað mark-
aðurinn kallar á.
Þetta hverfi hlýtur að vekja at-
hygli, en það er fyrsta íbúðar-
hverfið, sem verður byggt á Reyð-
arfirði í tengslum við fyrirhugað
álver.
Sveinn Heiðar kveðst mjög
bjartsýnn á sölu þessara íbúða. „Á
næsta ári hefst þarna gífurleg
uppbygging og það verður mikil
þörf fyrir íbúðarhúsnæði,“ segir
hann.
„Þessi eftirspurn er þegar farin
að segja til sín. Það má finna fyrir
mikilli bjartsýni á öllu þessu
svæði. Það er sóknarhugur í fólki
og okkur, sem ætlum að fara að
byggja þarna, hefur verið tekið af-
ar vel og við átt gott samstarf við
alla.“
„Við erum líka að undirbúa ný-
byggingar á Egilsstöðum, en þar
er gert ráð fyrir aukinni eftirspurn
á næstu árum,“ segir Sveinn Heið-
ar að lokum. „Í fyrsta áfanga
byggjum við 30–40 íbúðir. Þetta
verða einkum raðhús á einni hæð,
100–120 ferm. að stærð og með
eða án bílskúrs.
Hvenær við byrjum þar ræðst af
því hvernig tekst til með skipulag
og gatnagerð.“
Trésmíðaverkstæði Sveins
Heiðars hefur byggt hús í 40 ár
Mikil uppbygging stendur nú yfir á Akureyri og Aust-
urlandi. Magnús Sigurðsson kynnti sér starfsemi Tré-
smíðaverkstæðis Sveins Heiðars á Akureyri, sem nú
hyggst einnig hasla sér völl svo um munar bæði á
Reyðarfirði og Egilsstöðum.
Sveinn Heiðar Jónsson og Heiðar Jónsson, framkvæmdastjóri á byggingar-
svæðinu við Arnarsíðu á Akureyri. Þar er Trésmíðaverkstæði Sveins Heiðars
að hefja framkvæmdir við tvö raðhús, hvort um sig með fjórum íbúðum eða
samtals 8 íbúðir. Fyrstu íbúðirnar verða væntanlega tilbúnar til afhendingar
næsta sumar.
Magnús Árnason er hér að klæða eitt raðhúsanna við Holtateig með
steinplötum.
Morgunblaðið/Kristján
Við Holtateig á Akureyri er Trésmíðaverkstæði Sveins Heiðars langt komið með að byggja 27 raðhús. Þetta eru timburhús á steyptum sökkli. Þau eru á einni hæð og um 140 ferm. að stærð með bílskúr.
Horft yfir fyrirhugað nýbyggingasvæði á Reyðarfirði, en Trésmiðja Sveins Heiðars áformar að byggja þar hverfi með yfir
70 íbúðum.