Morgunblaðið - 08.10.2003, Page 1

STOFNAÐ 1913 272. TBL. 91. ÁRG. MIÐVIKUDAGUR 8. OKTÓBER 2003 PRENTSMIÐJA ÁRVAKURS HF. mbl.is
Daglegt
líf
Kynlíf, depurð og farsímafíkn
ásamt geðheilsu 23
Kjartan Sveinsson hefur átt
sama bílinn í 25 ár Bílar 8
Þúsund
kossar …
Lokakaflinn í fjölskyldu-
þríleik Bubba Fólk 46
TVÖ ungmenni frá Pókot-héraði í Kenýa
heimsóttu í gær fermingarbörn í Digra-
neskirkju í Kópavogi og ræddu þar við
börnin um fátækt og ástand mála í fátækum
löndum. Börnin fengu jafnframt að fræðast
um persónulega hagi þeirra Irene Doomo
og Madanyang Salomon, en óhætt er að
fullyrða að aðstæður íslenskra barna eru af-
ar ólíkar þeim sem jafnaldrar þeirra í Pók-
Hot búa við. Hlustuðu börnin með mikilli at-
hygli á mál þeirra Irene og Madanyang,
sem bæði eru menntuð sem kennarar og
kenna sem sjálfboðaliðar þar sem þau fá
ekki launaða vinnu sem kennarar.
Þetta er í fimmta sinn sem fermingarbörn
fræðast um fátæk lönd á þennan hátt, en
heimsóknin er á vegum Hjálparstarfs kirkj-
unnar. Hinn 4. nóvember munu ferming-
arbörnin ganga í hús og safna fyrir verk-
efnum í Afríku, en í fyrra söfnuðu þau 4,7
milljónum króna./11
Fermingarbörn fræðast um fátæk lönd
Morgunblaðið/Kristinn
Bannað að
veiða og
sleppa laxi?
KOMIÐ hefur í ljós við rannsóknir í
Noregi að næstum allir laxar sem
veiddir eru á stöng og síðan sleppt lifa
það af. Þrátt fyrir það er unnið að því í
norska landbúnaðarráðuneytinu að
banna þessar sleppingar.
Rannsóknirnar fóru fram í Altaelf-
inni 1999 og 2000. Var örsmáum út-
varpssendi komið fyrir í 44 löxum,
sem veiddir voru á stöng, og þeim síð-
an sleppt. Um haustið voru 43 þeirra á
hrygningarstöðvunum í ánni. Um
einn er ekkert vitað, hvort hann
drapst eða týndi sendinum. Kom
þetta fram á fréttavef Aftenposten.
Embættismaður í landbúnaðar-
ráðuneytinu tilkynnti á dögunum að
til stæði að banna að sleppa veiddum
laxi. Sagði hann það gert með tilliti til
dýraverndunarlaga og fullyrti að
meirihluti þingmanna teldi það ekki
siðlega meðferð á fiskinum að kvelja
hann eingöngu vegna ánægjunnar.
Norskir laxveiðimenn og eigendur
veiðiáa hrista höfuðið í forundran yfir
þessum hugmyndum.
TYRKNESKA þingið samþykkti í
gær með miklum meirihluta at-
kvæða beiðni stjórnarinnar um að
senda hermenn til friðargæslu í
Írak þrátt fyrir mikla andstöðu við
þau áform meðal almennings í
Tyrklandi og í íraska framkvæmda-
ráðinu í Bagdad.
Beiðnin var samþykkt með 358
atkvæðum gegn 183. Gert er ráð
fyrir því að tyrkneskir hermenn
verði ekki lengur en í eitt ár í Írak,
en hvorki hefur verið ákveðið
hversu margir þeir verða né til
hvaða landshluta þeir verða sendir.
Mahmud Othman, Kúrdi í íraska
framkvæmdaráðinu, sagði að það
hefði samþykkt yfirlýsingu þar sem
því væri hafnað að tyrkneskt herlið
yrði sent til Íraks. Yfirlýsingin var
þó ekki gefin út og Othman kvaðst
telja að því hefði verið frestað vegna
þrýstings frá bandarísku hernáms-
stjórninni í Írak.
Bandaríkjastjórn fagnaði ákvörð-
un tyrkneska þingsins. Hún hefur
beðið Tyrki að leggja til um 10.000
hermenn, en talið er að samninga-
viðræður tyrkneskra og banda-
rískra stjórnvalda um þátttöku
Tyrkja í friðargæslunni standi í
nokkrar vikur eða jafnvel mánuði.
Vilja komast til áhrifa í Írak
Bandaríkjastjórn hefur sam-
þykkt að veita Tyrkjum lán að and-
virði 8,5 milljarða dollara, 650 millj-
arða króna, gegn því að þeir taki
þátt í friðargæslunni. Tyrkneska
stjórnin vonar að samstarfið við
Bandaríkjamenn verði til þess að
hún geti haft áhrif á þróun mála í
Írak, að hernámsliðið láti til skarar
skríða gegn Kúrdum frá Tyrklandi,
sem eru í felum í Norður-Írak, og
komi í veg fyrir að Kúrdar geti
stofnað þar sjálfstætt ríki.
Íraskir Kúrdar eru algjörlega
andvígir því að Tyrkir taki þátt í
friðargæslunni og óttast að tyrk-
neski herinn reyni að ná fótfestu í
Norður-Írak.
Þing Tyrkja fellst á að
senda herlið til Íraks
Framkvæmdaráð Íraka sagt hafna friðargæslu tyrkneska hersins
Ankara. AFP, AP.
BASHAR al-Assad, forseti Sýrlands, sak-
aði í gær Ariel Sharon, forsætisráðherra
Ísraels, um að hafa reynt að draga Sýrlend-
inga og fleiri grannþjóðir inn í átök Ísraela
og Palestínumanna og hefja nýja styrjöld í
Mið-Austurlöndum með því að fyrirskipa
loftárásir á sýrlenskt landsvæði á sunnu-
dag.
Ariel Sharon sagði hins vegar að Ísraelar
myndu ekki hika við að ráðast á hryðju-
verkamenn hvar sem þeir væru í Mið-Aust-
urlöndum til að vernda ísraelska borgara.
„En á sama tíma grípum við hvert tækifæri
sem gefst til að stuðla að friði við grann-
þjóðirnar,“ bætti hann við.
Mikil spenna var við landamæri Ísraels
og Líbanons í gær. Ísraelsher sendi þangað
liðsauka eftir að ísraelskur hermaður beið
þar bana í skotbardaga og líbanskur dreng-
ur lét lífið þegar flugskeyti lenti á húsi í
landamæraþorpi.
Reuters
Ariel Sharon, forsætisráðherra Ísraels,
við minningarathöfn í Jerúsalem í gær.
Sagður hafa
reynt að hefja
nýtt stríð
Damaskus, Jerúsalem. AFP.

Sharon grípur/27
Sharon áskilur sér rétt
til árása utan Ísraels
MIKIL kjörsókn var í sögulegum rík-
isstjórakosningum sem fram fóru í Kaliforníu í
gær. Um 2,2 milljónir manna greiddu atkvæði
utan kjörstaðar og 15 milljónir til viðbótar
höfðu skráð sig á kjörskrá, fleiri en nokkru
sinni fyrr.
Síðustu skoðanakannanir bentu til þess að
54% kjósendanna væru hlynnt því að demó-
kratinn Gray Davis léti af embætti ríkisstjóra.
Alls 135 frambjóðendur sóttust eftir því að
taka við af honum og kvikmyndaleikarinn og
repúblikaninn Arnold Schwarzenegger var
með mest fylgi, 37%, átta prósentustigum
meira en helsti keppinauturinn, Cruz Busta-
mente vararíkisstjóri.
AP
Arnold Schwarzenegger (t.v.) með eiginkonu sinni, Maríu Shriver, og Gray Davis ríkisstjóri ásamt
konu sinni, Sharon, á kjörstað í Los Angeles til að greiða atkvæði í ríkisstjórakosningunum í gær.
Mikil kjörsókn
í Kaliforníu
Demantar í
hliðargluggum