Morgunblaðið - 08.10.2003, Blaðsíða 15
ERLENT
MORGUNBLAÐIÐ MIÐVIKUDAGUR 8. OKTÓBER 2003 15
Haust- og vetrarlitirnir 2003 DRAUMKENND FERGURÐwww.helenarubinstein.com
Kynning í dag og á morgun fimmtudag.
Sérfræðingur frá Helena Rubinstein verður hjá okkur
og kynnir það allra nýjasta.
FLAME, nýju haust- og vetrarlitirnir eru eldfimir og ögrandi.
Endilega komdu og fáðu nýjar hugmyndir varðandi förðun.
Glæsilegir kaupaukar og afsláttur af völdum kremum.
Strandgötu 32, sími 555 2615 Hamraborg 14a, sími 564 2011
„VIÐ erum að sökkva.“ Þetta var
það síðasta, sem heyrðist frá Græn-
landsfarinu „Hans Hedtoft“ 30. jan-
úar 1959 klukkan 17.41. Það hvarf
síðan í djúpið fyrir sunnan Hvarf á
Grænlandi með 95 manns um borð.
Nú ætlar hópur manna í Danmörku
að hefja leit að skipinu og ef það
finnst er fyrirhugað að kanna það úr
dvergkafbát.
Örlög „Hans Hedtoft“ eru eitt
kunnasta sjóslys í danskri sögu og
minnir um mest á „Titanic“-slysið
1912. Bæði áttu skipin að þola óblíð
faðmlögin við ísinn en bæði urðu
þau að lúta í lægra haldi. Ólíkt því
sem var með „Titanic“, var enginn
til frásagnar um síðustu stundirnar
um borð í „Hans Hedtoft“. Með því
fórust allir um borð, 55 farþegar og
40 manna áhöfn. Þegar þýski tog-
arinn „Johannes Krüss“ kom á slys-
staðinn var þar ekkert að finna.
„Hans Hedtoft“ fórst í jómfrúar-
ferð sinni frá Julianehåb, nú Qaqor-
toq, til Danmerkur en margir gam-
alreyndir skipstjórar Konunglegu
dönsku Grænlandsverslunarinnar
höfðu varað alvarlega við ferðinni á
þessum tíma. Árið áður hafði Græn-
landsfarið „Umanak“ verið hætt
komið á þessum sömu slóðum. Johs.
Kjærbøl, þáverandi Grænlands-
málaráðherra, lét þær viðvaranir þó
sem vind um eyru þjóta en „Hans
Hedtoft“ var honum mikið hjartans
mál. Átti skipið að spara ríkinu mik-
inn kostnað við fraktflutninga einka-
fyrirtækja.
Eftir slysið slapp Kjærbøl naum-
lega við að vera dreginn fyrir rík-
isrétt.
Vill komast að sannleikanum
Thomas de Richelieu, 34 ára gam-
all ráðunautur í upplýsingatækni
hjá Novo Nordisk, er nú að skipu-
leggja leit að „Hans Hedtoft“ næsta
sumar en hann á sitt eigið kafara-
fyrirtæki og stjórnaði í fyrra köfun
niður að öðru frægu skipi, „Flying
Enterprise“. Ef leitin ber árangur á
að senda dvergkafbát niður að
„Hans Hedtoft“ 2005. Talið er að
skipið kunni að vera á um tveggja
km dýpi.
Segist Thomas de Richelieu vera
bjartsýnn á að geta safnað saman
þeim 20 til 30 milljónum ísl. kr., sem
þarf til að kosta leitina, en að henni
munu vinna 15 menn. Ætlar danska
sjónvarpið að gera þátt um hana.
„Við vonumst til að geta sagt all-
an sannleikann um þennan harmleik
en á því hefur ekki verið mikill
áhugi hingað til. Málið var of við-
kvæmt fyrir stjórnmálamennina,“
segir Thomas de Richelieu.
(Heimild: Berlingske Tidende)
Leitað að
„Hans Hedtoft“
næsta sumar
Eitt kunnasta sjóslys í danskri sögu
og pólitískt hitamál á sínum tíma
ANTOINE Yates, sem hélt bæði
tígrisdýr og krókódíl í íbúðinni
sinni á Manhattan í New York,
sagði í fyrradag, að hann hefði
langað til að sýna fram á, að dýr
og menn gætu búið undir sama
þaki.
Tígrisdýrið var fjarlægt úr
íbúðinni um liðna helgi þegar
sérsveitarmenn réðust til atlögu
og náðu að svæfa 200 kíló-
gramma þunga skepnuna með
deyfibyssu. Grunsemdir vöknuðu
um að skaðræðisskepnur kynni
að vera að finna í íbúð Yates í
New York-borg þegar hann leit-
aði til læknis vegna sára sem
hann kvaðst hafa hlotið þegar
hundur beit hann. Þótti lækn-
unum sýnt að þar hefðu engir
venjulegir kjölturakkar verið á
ferð. Lögreglu var gert viðvart
og beitti hún m.a. fjarstýrðri
myndavél til að fylgjast með
hreyfingum tígrisdýrsins. Lög-
reglumenn og sérfræðingar réð-
ust síðan inn í íbúð Yates eftir að
tígrisdýrið hans hafði verið svæft
úr öruggri fjarlægð. Var það
gert með deyfiskoti sem sérsveit-
armaður skaut í gegnum
gluggann eftir að hafa sigið ofan
af þakinu niður eftir húshliðinni.
Fannst þar inni réttnefndur dýra-
garður.
Tígrisdýrið er tæplega tveggja
ára en Yates tók það í fóstur er
það var sex mánaða gamalt. Það
át um 12 kíló af kjöti á hverjum
degi þannig að ljóst er að dýra-
haldið hefur kostað sitt.
„Ég vildi bara, að við værum
vinir og ég kom alltaf fram við
þau af fullri virðingu, ekki eins
og þau væru kjöltudýr,“ sagði
Yates við fréttamenn og bætti
síðan við, að tígrisdýrið hefði
verið sér eins og bróðir. Þrátt
fyrir það slæmdi „bróðirinn“ til
hans loppunni og renndi klónum
niður eftir öðrum fætinum svo
nam við bein.
„Það er allt í lagi með fótinn,
hann grær,“ sagði Yates þegar
hann staulaðist handjárnaður út
af lögreglustöð í New York. „Það
er aftur verra með hjartasárin.“
Í viðtölum sagði Yates einnig
að dýrahaldið hefði verið sér
köllun. „Ég er að reyna að skapa
Edensgarð. Heiminum veitir ekki
af einum slíkum,“ sagði hann
grafalvarlegur. Virðist sem Yates
hafi ákveðið að koma sér upp
eigin dýragarði á heimili sínu eft-
ir að honum hafði verið neitað
um vinnu í dýragarði í Bronx-
hverfi í New York.
Krókódílnum, sem er tæplega
tveggja metra langur, hefur nú
verið sleppt á friðuðu svæði í In-
diana-ríki og tígrisdýrið komið í
fyrirmyndardýragarð í Ohio. An-
toine Yates verður hins vegar
ákærður fyrir illa meðferð á
skepnum.
„Vildi
bara að
við vær-
um vinir“
New York. AP.
AP
Antoine Yates í handjárnum og umkringdur fréttamönnum.
’ Ég er að reyna aðskapa Edensgarð.
Heiminum veitir ekki
af einum slíkum. ‘
ATVINNA mbl.is
ÍBÚAR sveitanna í nágrenni
Antwerpen í Belgíu eru ánægðari
með lífið en aðrir íbúar Evrópu.
Þetta kemur fram í nýrri rann-
sókn, sem gerð hefur verið í níu
Evrópuríkjum, en meira en 11
þúsund manns voru spurðir að
því hversu ánægðir þeir væru
með þau lífsskilyrði sem þeir búa
við.
Rannsóknin, sem var kostuð af
lyfjafyrirtækinu Pfizer, náði til
bæði þeirra sem búa í stórborg-
um og hinna, sem búa í dreifðari
byggðum. Var m.a. spurt um
þætti eins og umhverfismál, ör-
yggi í samfélaginu, samheldni
fólks í heimabyggð viðkomandi
og heilsugæslu.
Fram kom að fólk sem býr í
sveitum Frakklands er gjarnan
mjög ánægt með lífið. Hvað stór-
borgir varðar voru 68% íbúa
Dyflinnar á Írlandi ánægð með
lífið og trónir borgin á toppnum
yfir höfuðborgir í Evrópu; raun-
ar er Írland besta landið í Evr-
ópu þegar á heildina er litið.
Að meðaltali var 61% íbúa í
Evrópu, hvort sem þeir bjuggu í
borgum eða dreifðari byggðum,
ánægt með lífið. Vekur athygli að
Norðmenn eru vansælir – eru að
minnsta kosti undir Evrópumeð-
altalinu – í samanburði við flesta
aðra þrátt fyrir allt ríkidæmið,
en landsframleiðsla er hærri í
Noregi en annars staðar í þeim
löndum sem rannsóknin tók til.
Best að búa í útjaðri Antwerpen
London. AP.