Morgunblaðið - 08.10.2003, Blaðsíða 21
SUÐURNES
MORGUNBLAÐIÐ MIÐVIKUDAGUR 8. OKTÓBER 2003 21
Umhverfisþing 2003
Umhverfisráðherra boðar til Umhverfisþings í þriðja
sinn dagana 14. og 15. október nk. á Nordica Hótel
í Reykjavík og er þingið opið almenningi.
Í ár verða náttúruverndarmál efst á baugi á
Umhverfisþingi og verður fjallað ítarlega um drög að
náttúruverndaráætlun, sem umhverfisráðherra leggur
fyrir Alþingi á haustþingi í formi
þingsályktunartillögu.
Þingið skiptist í þrjá hluta:
Náttúruverndaráætlun og alþjóðlegir straumar.
Náttúruvernd og önnur landnýting.
Framkvæmd náttúruverndar.
Skráning, sem er þátttakendum að kostnaðarlausu, fer
fram dagana 7.-10. október á vef ráðuneytisins
www.umhverfisraduneyti.is, þar sem einnig er að finna
nánari upplýsingar um dagskrá þingsins og drög að
náttúruverndaráætlun. Einnig er hægt að skrá þátttöku
og fá nánari upplýsingar í umhverfisráðuneytinu
í síma 545 8600.
Umhverfisráðuneytinu,
6. október 2003.
Njarðvík | Hugmyndir hafa verið reifaðar
við Ásatrúarfélagið að reisa hof í Víkinga-
heimum á Njarðvíkurfitjum, í víkingaþorp-
inu sem fyrirhugað er að koma upp í
tengslum við Naust víkingaskipsins Íslend-
ings. Hilmar Örn Hilmarsson allsherjargoði
segir verkefnið spennandi en fleiri staðir
komi til greina.
Hilmar Örn segir að Ásatrúarfélagið hafi
lengi haft áhuga á að koma sér upp hofi til
að blóta goðin. Til umræðu sé ákveðin lóð á
góðum stað í Reykjavík en einnig hafi tvö
önnur sveitarfélög sýnt þessu verkefni
áhuga og einstaklingar á fjórða staðnum.
Tekur Hilmar Örn fram að umræðan sé á
byrjunarstigi innan félagsins og engar hafi
ákvarðanir verið teknar um staðsetningu
hofsins.
Hann segir þó sérstaklega spurður um
Víkingaheima í Fitjum að áhugavert sé að
tengja hofið slíku verkefni þar sem verður
lifandi sögukennsla fyrir ferðamenn og
skólanemendur. Ef þetta verkefni verði
unnið af krafti, eins og útlit sé fyrir, verði
það heillandi.
Ásatrúarmenn eiga félagsheimili í
Reykjavík. Þar hafa farið fram blót en einn-
ig utanhúss, ekki síst á Þingvöllum.
Gert er ráð fyrir að rústir fornra hofa
verði hafðar til hliðsjónar við byggingu hofs
Ásatrúarfélagsins. Hilmar Örn segir mik-
ilvægt að húsið verði fallegt og að vandað
verði til verka. Telur hann að það þurfi að
rúma á annað hundrað manns auk þess sem
mikill fjöldi geti rúmast í hofhring í kring-
um það.
Fitjar
koma til
greina
Morgunblaðið/Jóra
Ásatrúarmenn þurfa ekki lengur að blóta
goðin utanhúss eftir að þeir byggja hof.
Reykjanesbæ | Hugmyndir eru uppi um að
byggja við félagsheimilið Stapann í Njarðvík til
að koma þar upp tónlistarmiðstöð þar sem Tón-
lista rskóli Reykjanesbæjar og Poppminjasafn
Íslands hefðu aðstöðu. Bæjarstjórn Reykjanes-
bæjar kaus í gærkvöldi nefnd til að undirbúa tón-
listarmiðstöð í bænum.
Á undanförnum árum hefur verið áhugi á því í
bæjarstjórn Reykjanesbæjar að byggja yfir Tón-
listarskóla Reykjanesbæjar. Á stefnuskrá meiri-
hluta sjálfstæðismanna er að vinna að því að
koma upp listamiðstöð þar sem aðstaða yrði fyrir
Poppminjasafn Íslands auk kennslu og tónleika-
aðstöðu fyrir tónlistarskólann og jafnvel fleiri
þætti. Til umræðu hefur verið hugmynd um að
nýta núverandi húsnæði félagsheimilisins Stap-
ans í þessum tilgangi en þá þyrfti að endurbyggja
húsið að hluta og byggja við það.
Árni Sigfússon bæjarstjóri segir áhugavert að
athuga möguleika á því að tengja Stapann slíkri
listamiðstöð. Þá yrðu þrír þættir undir slíkum
rekstri, núverandi starfsemi Stapans, tónlistar-
skóli og tónleikaaðstaða og tónlistarminjasafn.
„Við viljum skoða hvaða möguleikar felast í nú-
verandi byggingu og tengibyggingum hennar.
Það væri mjög freistandi að fara í slíka fram-
kvæmd ef hún kostaði minna en að byggja nýtt
tónlistarhús því meiri möguleikar verða í rekstri
slíks húss vegna samnýtingar og fleiri rekstr-
arþátta,“ segir Árni.
Hann tekur fram að það sé verkefni nefnd-
arinnar sem kjörin var í gærkvöldi að fara yfir
allar hugmyndir sem uppi eru.
Hugmyndir uppi um að byggja
tónlistarmiðstöð við Stapann
Guðmundur Reynisson, versl-unarmaður í Keflavík, dó ekkiráðalaus þegar dóttir hans létþau orð falla fyrir tveimur ár-
um að hana vantaði einhverjar myndir í
nýja húsið sitt. Hann hugsaði með sér:
„Ég hlýt að geta gert eitthvað“ og úr
varð verkið Kona, sem jafnframt varð til
þess að Guðmundur tók á ný til við að
mála eftir rúmlega 20 ára hlé. Hann
heldur nú sýna fyrstu einkasýningu í
verslun sinni, Persónu við Hafnargötu,
og segir viðbrögðin góð.
Myndlistarhæfileikarnir eru að öllum
líkindum Guðmundi í blóð bornir því
hálfbróðir hans, Jóhann G. Jóhannsson
tónlistarmaður, hefur um áratugabil
unnið við myndsköpun samhliða tón-
smíðunum. „Ég var nú eitthvað að gutla í
þessu hér á árum áður, gaf myndirnar
mínar vinum og kunningjum en seldi
einnig nokkrar,“ sagði Guðmundur í
samtali við blaðamann og bendir á tvær
af þessum gömlu sem hann ákvað að
hafa með til gamans á sýningunni. Önn-
ur er af Jóhanni Helgasyni tónlistar-
manni en hin af óræðum karlmanns-
andlitum.
Blaðamaður spyr Guðmund hvort dóttir
hans sé fyrirmyndin í verkinu Kona.
„Nei, ekki meðvitað, en það má vel vera að
þetta sé hún.“ Og þannig vinnur Guðmundur
með verk sín. „Ég byrja gjarnan og sé hvað
verður úr því, síðan dreg ég fram það sem
ég sé,“ sagði Guðmundur. Allar myndirnar á
sýningunni eru málaðar með túpuvatnslitum
og Guðmundur segir að hann noti gjarnan
túpuna sjálfa til að draga línurnar. Mörg
verkanna hafa aldrei verið snert með pensli.
Hann segist gjarnan fikta við þetta þegar
eiginkonan er að heiman og friður ríki á
heimilinu. Þessi fyrsta einkasýning Guð-
mundar hófst á ljósanótt og er hvergi nærri
lokið. Guðmundur sagði að andrúmsloftið í
kringum ljósanótt hafi verið slíkt að hann
hafi látið til leiðast og ákveðið að vera með.
„Ég hafði nú aldrei hugsað mér að sýna
þessi verk mín en svo hreifst ég með stemn-
ingunni við undirbúning ljósanætur,“ sagði
Guðmundur, sem sannarlega slær tvær
flugur í einu höggi, selur málverk og fatn-
að undir sama þaki.
Guðmundur Reynisson selur fatnað og eigin myndlist undir sama þaki
„Dóttur mína
vantaði myndir
á veggina“
Morgunblaðið/Svanhildur Eiríksdóttir
Guðmundur Reynisson: „Ég hlýt að geta gert eitthvað.“
Suðurnesjum | „Þetta er áhugaverð-
ur hluti af sálgæslunni, maður er sí-
fellt að vinna með skyld mál,“ segir
Björn Sveinn Björnsson, sóknar-
prestur í Útskálaprestakalli, sem tek-
ið hefur að sér það verkefni að vera
trúnaðarráðgjafi á vegum Verkalýðs-
og sjómannafélags Keflavíkur.
Björn Sveinn
segir að á undan-
förnum árum hafi
umræðan um líð-
an fólks í vinnu og
áhrif þess á einka-
lífið komið meira
upp á yfirborðið.
Nefnir hann sem
dæmi einelti og
ýmsa áreitni á
vinnustað og al-
menna vanlíðan í
vinnu. Einnig áhrif atvinnuleysis og
áfalla vegna atvinnumissis.
„Verkalýðs- og sjómannafélag
Keflavíkur vill bjóða félagsfólki sínu
að leita aðstoðar hjá fagmanni vegna
málefna af þessum toga sem upp
kunna að koma. Líta má á þetta sem
starfstengda sálgæslu enda á fólki að
líða vel í vinnunni. Mér finnst þetta
virðingarvert framtak hjá félaginu,“
segir séra Björn og segist aðspurður
ekki vita annað en þetta sé nýjung í
starfi stéttarfélaga.
Björn verður með fasta viðtalstíma
á skrifstofu VSFK einu sinni í viku, á
fimmtudögum frá klukkan 12 til 14.
Fólki á að
líða vel í
vinnunni
Björn Sveinn
Björnsson
Keflavík | Gestir fengu að koma í kennslustundir og fylgjast með starfi
Fjölbrautaskóla Suðurnesja síðastliðinn laugardag. Opið hús í skólanum
var fjölsótt og tókst vel, að sögn stjórnenda.
Fjölbrautaskólinn býður árlega foreldrum nemenda, grunnskólanem-
endum og öðru áhugafólki að koma í heimsókn til að kynna sér starfsemi
skólans. Margir þáðu heimboð skólans að þessu sinni.
Kennslustofur voru hafðar opnar svo gestir gætu fylgst með kennslu.
Var töluvert um að fólk nýtti sér það, að sögn Kristjáns Ásmundssonar að-
stoðarskólameistara. Kennslustundirnar voru þó styttri en venjulega til
þess að hægt væri að njóta menningar og skemmtunar sem fram fór í
löngum frímínútum á göngum skólans. Þá var dagskrá á sal skólans og þar
söng skólakórinn.
Ljósmynd/Jóhannes Kr. Kristjánsson
Fólk á ýmsum aldri var viðstatt tölvukennslu í Fjölbrautaskólanum.
Fólk á ýmsum aldri í
kennslustundum