Morgunblaðið - 08.10.2003, Blaðsíða 37
FRÉTTIR
MORGUNBLAÐIÐ MIÐVIKUDAGUR 8. OKTÓBER 2003 37
VINNINGSHAFI í Touran-lands-
leik Heklu, Ingvar Steinar Vil-
bergsson, 18 ára, hefur fengið af-
henta sjö miða á síðari landsleik
Íslands og Þýskalands sem fram fer
í Hamborg laugardaginn 11. októ-
ber nk.
Öllum sem reynsluóku Volks-
wagen Touran-fjölskyldubifreið hjá
Heklu í sumar gafst kostur á að
leggja nafn sitt í pott og var nafn
vinningshafans dregið út í síðasta
mánuði. Innifalið í vinningnum eru
farmiðar til og frá Hamborg, hót-
elgisting og miðar á landsleikinn
fyrir samtals sjö manns.
Ljósmynd/Haraldur Jónasson
Marinó Björnsson, sölustjóri þýskra bíla, afhendir Ingvari Steinari vinn-
inginn. Með þeim á myndinni er Geir Valur Ágústsson, framkvæmdastjóri
bílasviðs Heklu, ásamt heppnum Hamborgarförum.
Vann ferð til Þýskalands á
landsleikinn við Þjóðverja
Eyjabúð í Reykjavík
Í frétt um verslunina Eyjabúð,
sem rekin hefur verið í Vestmanna-
eyjum í 50 ár, er talað um að versl-
unin hafi verið flutt til Reykjavíkur
eftir gos og aftur til Eyja eftir gos.
Verslunin selur vörur fyrir útgerð og
byggingariðnaðinn.
Til áréttingar skal þess getið að
eigendur verslunarinnar tóku á leigu
verslunarhúsnæði hjá Verðandi í
Reykjavík um fimm mánaða skeið
eftir að gosið hófst. Matvöruverslun
sem hét Eyjabúð var hins vegar rek-
in í Reykjavík á þessum sama tíma
og þar versluðu margir Vestmanna-
eyingar. Sú búð starfaði um áratuga-
skeið en hætti rekstri í kringum árið
1981.
Undirskrift féll niður
Þau leiðu mistök urðu að nöfn
Ingibergs, Særúnar og Sigurðar,
barna Ólafar Pálínu Sigurðardóttur,
féllu niður í undirskrift minningar-
greinar þeirra og fjölskyldna þeirra
um móður sína föstudaginn 3. októ-
ber síðastliðinn. Beðist er velvirðing-
ar á þessum mistökum.
LEIÐRÉTT
LÖGREGLAN í Reykjavík lýsir eft-
ir vitnum að slysi þegar kona varð
fyrir bíl í Lækjargötu við Banka-
stræti um kl. 3.57 aðfaranótt sunnu-
dagins 5. október sl. Talað er um
rauða leigubifreið 7 manna. Var
henni ekið á brott af vettvangi, en
mögulegt er að viðkomandi ökumað-
ur hafi ekki orðið var við óhappið.
Þeir sem hugsanlega hafa orðið vitni
að þessu eru beðnir um að hafa sam-
band við lögregluna í Reykjavík.
Einnig er sá sem hefur verið þarna á
ferðinni á bifreið sem svarar þessari
lýsingu beðinn um að hafa samband.
Vitni óskast
HEILT slysalaust ár náðist nýlega
hjá starfsmönnum Íslenska járn-
blendifélagsins. Það er í fyrsta sinni í
sögu félagsins og af því tilefni var
fáni dreginn að húni laugardaginn
27. september sl. Miðað er við slys
sem leiða til fjarveru frá vinnu. Áður
hafði tekist að ná tæplega 200 dögum
án slyss með fjarveru. Þetta kemur
fram í fréttatilkynningu.
Árangurinn má fyrst og fremst
rekja til skipulagðrar vinnu starfs-
manna félagsins. Hún er fólgin í ým-
iss konar fyrirbyggjandi starfi. Þar
má nefna fræðslustarfsemi, upplýs-
ingar til starfsmanna á hverjum
tíma, bætta umgengni og merkingar
á vinnustaðnum. Jafnframt er lögð
rík áhersla á skráningu og grann-
skoðun allra óhappa, næstum-því-
slysa og hættulegra aðstæðna. Í
kjölfar grannskoðunar er unnið að
skipulögðum úrbótum á aðstæðum
sem gætu leitt til slyss.
Þessum árangri hefur þegar verið
fagnað með eftirminnilegum hætti
hjá félaginu á Grundartanga.
Framkvæmdastjórn Járnblendi-
félagsins er að vonum ákaflega
ánægð með þennan glæsta árangur
starfsmanna sinna og hvetur þá til að
halda áfram á sömu braut, segir í
fréttatilkynningu.
Slysalaust ár
hjá Járnblendi-
félaginu
MORGUNBLAÐINU hefur borist
eftirfarandi yfirlýsing frá Sambandi
ungra framsóknarmanna:
„Samband ungra framsóknar-
manna hvetur menntamálaráðherra
til að endurskoða lög um skattlagn-
ingu á brennanlegum geisladiskum.
Rökin fyrir skattlagningunni sem
voru notuð á sínum tíma eru ekki
lengur til staðar af tveimur megin-
ástæðum. Sú staðreynd að plötufyr-
irtæki setja lás á geisladiska gerir
það að verkum að ekki er hægt að
spila þá í tölvum og ógerlegt að
brenna ólögleg eintök af þeim. Einn-
ig hafa heimasíðurnar tonlist.is og
tonlist.com hvatt neytendur til þess
að brenna keypta tónlist á geisla-
diska til varðveislu en það leiðir til
þess að neytandinn borgar tvöfaldan
skatt af vörunni. Í ljósi þessa telur
Samband ungra framsóknarmanna
að verið sé að brjóta á rétti neytenda
og vonast til þess að brugðist verði
skjótt við.“
Hafna skatt-
lagningu á
geisladiskum
OPNAÐUR hefur verið nýr vefur
um sjávarútveg á vegum Framsókn-
arflokksins á slóðinni: http://
www.xb.is/sjavarutvegur.
Markmið vefjarins er að vera lif-
andi og fjölbreytilegur vettvangur
skoðanaskipta miðjumanna um sjáv-
arútvegsmál. Miðjumenn eru hvattir
til að senda inn pistla á vefinn og
haldið verður utan um skrif þing-
manna Framsóknarflokksins um
málaflokkinn. Skýrslur um þróun
mála í sjávarútvegi og sjávarbyggð-
um verða á boðstólum ásamt frétta-
flutningi af pólitískri umræðu um
sjávarútvegsmál. Vefstjóri er Eygló
Harðardóttir.
Nýr vefur um
sjávarútveg
Aðalfundur MS félags Íslands
verður haldinn laugardaginn 11.
október kl. 11 á Hótel Loftleiðum
(Þingsalur 1). Venjuleg aðalfund-
arstörf og önnur mál.
Námskeið í notkun Excel í fjár-
málum verður hjá Stjórnendaskóla
Háskóla Reykjavíkur mánudagin
13., miðvikudaginn 15. og fimmtu-
daginn 16. október kl. 15–19. Farið
er yfir lykilþætti sem hægt er að
nýta sér við vinnslu tölulegra gagna.
Skoðuð eru fjármálaföll og texta- og
leitarföll. Þátttakendum verður
kennt að beita ýmsum hagnýtum
tækjum, til dæmis filter, sort, goal-
seek o.fl. Einnig er fjallað um mögu-
leika Pivot taflna. Þá munu þátttak-
endur hanna einfalt rekstrarlíkan.
Leiðbeinandi er Kristján M. Braga-
son viðskiptafræðingur. Nánari upp-
lýsingar og skráning er að finna á
heimasíðu Stjórnendaskólans:
www.stjornendaskoli.is.
Á NÆSTUNNI
KOMIN er út á vegum Íslandsdeild-
ar Amnesty International handbók
um mannréttindafræðslu, Fyrstu
skrefin, í íslenskri þýðingu Erlends
Lárussonar. Handbókin er ætluð
kennurum, leiðbeinendum og öðrum
sem vinna með ungu fólki og vilja
kynna mannréttindi í kennslu-og
fræðslustarfi sínu.
Handbókin er ætluð til fræðslu um
undirstöðuatriði þar sem kynnt eru
sérstök verkefni sem miðuð eru við
aldur bæði yngri og eldri barna.
Nálgun efnisins er meira á hagnýt-
um en fræðilegum nótum.
Bókinni er bæði ætlað að veita að-
stoð við fræðslu um mannréttindi og
fræðslu í þágu mannréttinda. Verk-
efnin sem kynnt eru eiga að færa
nemendum færni, þekkingu og við-
horf sem þau þurfa á að halda til að
skilja að mannréttindi eru mikilvæg
og þau beri að virða og verja.
Handbókin er hugsuð sem tæki
fyrir kennara og leiðbeinendur sem
nýtist þeim vel í starfi. Með útgáfu
bókarinnar er Íslandsdeild Amnesty
International að bregðast við brýnni
þörf fyrir hagnýtt efni við kennslu
mannréttinda. Bókin hentar vel við
kennslu í lífsleikniáföngum og að
auki nýtist hún vel sem viðbótarefni í
ýmsu öðru námi og einnig þegar
unnið er með vandamál á borð við
einelti.
Handbókin er rúmlega 200 blað-
síður í A4-broti. Bókin skiptist í sex
kafla sem bera yfirskriftirnar:
Fyrstu skrefin, Verkfærin, Yngri
börnin, Eldri börnin, Mannréttinda-
sáttmálar og Næstu skref.
Bókin hefur nú þegar verið þýdd á
fjölmörg tungumál og er notuð víða
um heim af kennurum, bæði sem
kenna mannréttindi og öðrum sem
samþætta mannréttindafræðslu öðr-
um námsgreinum. Handbókinni hef-
ur alls staðar verið tekið mjög vel,
sérstaklega vegna þess hversu hag-
nýt hún er.
Íslandsdeild Amnesty
International
Handbók um
mannréttinda-
fræðslu
NEMENDAFÉLAG Fjölbrauta-
skóla Suðurlands og Landsbankinn
innsigluðu samning um samstarf sín
á milli um stuðning bankans við fé-
lagið.
Með undirskrift samningsins er
verið að endurnýja fyrri samning en
Friðgeir M Baldursson svæðisstjóri
Landsbankans sagði bankann hafa
átt mjög gott og ánægjulegt samstarf
við nemendur FSU. Bankinn hefur
um árabil verið helsti bakhjarl fé-
lagsins með þjónustu sinni, styrkveit-
ingum, tölvukaupalánum og fleiru.
Morgunblaðið/Sigurður Jónsson
Frá undirritun samstarfssamnings Landsbankans og Nemendafélagsins.
Endurnýja samstarfssamning
Selfossi. Morgunblaðið.
FEGRUNARNEFND Blönduóss
veitti fyrir skömmu viðurkenningar
fyrir snyrtilegar lóðir í bæjarfélag-
inu fyrir árið 2003. Viðurkenningar
fengu að þessu sinni hjónin Ragnar
Ingi Tómasson og Anna Steinunn
Guðmundsdóttir, Húnabraut 16, fyr-
ir skipulagðan og vel hirtan garð.
Nefndin veitti einnig ábúendunum
Holta Líndal og Kristínu Jónsdóttur
á bóndabýlinu Holtastöðum í Langa-
dal viðurkenningu fyrir vel hirta og
snyrtilega bújörð og fallegan og vel
hirtan heimilisgarð.
Þórdís Björnsdóttur, varafor-
maður skipulags- og byggingar-
nefndar, afhenti viðurkenningarnar
í upphafi bæjarstjórnarfundar og að
lokinni afhendingu voru veitingar í
boði Blönduósbæjar.
Morgunblaðið/Jón Sigurðsson
Kristín Jónsdóttir (lengst til vinstr),
Anna Steinunn Guðmundsdóttir og
Ragnar Ingi Tómasson fengu við-
urkenningu. Á myndina vantar
Holta Líndal.
Viðurkenning-
ar fyrir snyrti-
legar lóðir
Blönduósi. Morgunblaðið.
SAMBAND sunnlenskra kvenna
var stofnað í Þjórsártúni hinn 30.
september árið 1928. Í tilefni af 75
ára afmæli sambandsins komu um
250 konur saman í Hestheimum í
Rangárvallasýslu þriðjudaginn 30.
september sl. Sambandið sam-
anstendur af 28 kvenfélögum í Ár-
nes- og Rangárvallasýslum. Í
ávarpi Þórunnar Drífu Oddsdóttur,
formanns SSK, kom fram að und-
irbúningsnefndin hefði kannski bú-
ist við að um 60 konur myndu mæta
á samkomuna þetta kvöld, engan
hefði órað fyrir að undirtektir við
afmælishátíðinni yrðu svona stór-
kostlegar að 250 konur hvaðanæva
af félagssvæðinu kæmu hér saman
og gerðu sér glaðan dag. Hún sagði
jafnframt að við stofnun SSK hefði
verið aðalmarkmiðið að efla
fræðslu kvenna og aðstoða þá sem
minna máttu sín. Í dag er enn sama
hugsjón í heiðri höfð, menningar-
og líknarstörf væru aðalsmerki
kvennahreyfingarinnar hér sem
annars staðar.
Í Hestheimum tóku þau Gísli
Sveinsson og Ásta Begga Ólafs-
dóttir á móti þessum stóra hóp í
mat og aðrar góðgjörðir á eftir
ásamt starfsfólki sínu. Sögðu þau
að þetta væri einn stærsti hópur
sem hefði komið til þeirra í einu
lagi. Ýmislegt var til gamans gert
um kvöldið, m.a. sunginn fjölda-
söngur og þau Gísli og Ásta Begga
komu fram með ýmis skemmti-
atriði.
Um 250 konur gerðu sér glaðan dag í tilefni af stórafmæli
Samband
sunnlenskra
kvenna 75 ára
Hellu. Morgunblaðið.
Morgunblaðið/Óli Már
Þær eru m.a. í stjórn SSK og undirbúningsnefnd fyrir afmælishátíðina. Frá
vinstri: Magðalena K. Jónsdóttir, Hlín Magnúsdóttir, Þórunn Drífa Odds-
dóttir, Sigrún Símonardóttir og Bergljót Þorsteinsdóttir.
LÖGREGLAN á Hvolsvelli lýsir eft-
ir ökumanni hvítrar vörubifreiðar
sem ók um Rangárvallasýslu síðdeg-
is þriðjudaginn 7. október. Óhapp
varð við svokallaða Hárlaugsstaða-
brekku klukkan 16.10 þegar vöru-
bíllinn mætti jeppa en þá féll spýta af
palli vörubílsins og fór af miklu afli á
jeppann. Talsverðar skemmdir hlut-
ust af og vill lögreglan að vörubíl-
stjórinn hafi samband.
Lýst eftir
vörubílstjóra