Morgunblaðið - 08.10.2003, Blaðsíða 41
ÍÞRÓTTIR
MORGUNBLAÐIÐ MIÐVIKUDAGUR 8. OKTÓBER 2003 41
FÓLK
ÞAÐ verða konurnar sem hefja Ís-
landsmótið í efstu deild í körfu-
knattleik að þessu sinni en í kvöld
tekur Njarðvík á móti
bikarmeistaraliði ÍS á
heimavelli. Hið unga
lið ÍR fær KR í heim-
sókn.
Fyrstu umferð 1.
deildar kvenna lýkur
á fimmtudag þar sem
Íslandsmeistaralið
Keflavíkur tekur á
móti grannaliði sínu
af Suðurnesjum,
Grindavík.
Gera má ráð fyrir því að Keflavík
verði áfram í fremstu röð en liðið
hafði mikla yfirburði í deildinni í
fyrra og tapaði aðeins 2 leikjum af
alls 20, en KR kom þar á eftir með
12 sigra. Lið ÍS kom öllum á óvart í
bikarúrslitaleiknum
gegn Keflavík í vor.
Flest liðin mæta til
leiks með erlenda leik-
menn og eiga þeir eftir
að láta mikið að sér
kveða. Ef litið er yfir
félagaskipti sumarsins
má sjá að fáir leik-
menn hafa fært sig um
set og má ætla að
Keflavík, KR, Grinda-
vík, ÍS og Njarðvík verði í barátt-
unni um fjögur efstu sætin og far-
seðil í úrslitakeppnina en að ÍR rói
lífróður um að halda sæti sínu.
Konurnar ríða á vaðið í
Njarðvík og Seljaskóla
Bandaríkjamaðurinn Chris
Woods hefur leikið vel frá því að
hann kom til liðsins og hinn hávaxni
landsliðsmiðherji, Baldur Ólafsson,
verður að láta meira að sér kveða
ætli liðið sér að landa titlum. Mikil
reynsla býr í KR-liðinu og að auki er
mikil breidd í leikmannahóp liðsins.
Herbert Arnarson er meiddur á hné
og óvíst hvenær hann verður klár í
slaginn en það mun mikið mæða á
þeim Arnari Kárasyni, Ingvaldi
Magna Hafsteinssyni, Steinari Kal-
dal og Skarphéðni Ingasyni.
Snæfell
Snæfell frá Stykkishólmi endaði í
9. sæti á síðustu leiktíð en í sumar
hefur liðið sankað að sér góðum leik-
mönnum og er til alls líklegt – verði
allir lykilmenn liðsins heilir.
Landsliðsframherjinn Sigurður
Þorvaldsson er kominn frá ÍR, Haf-
þór Gunnarsson frá Skallagrími auk
þess sem samið var við Bandaríkja-
mennina Corey Dickerson og Dond-
rell Whitmore. Dickerson og Whit-
more lofa góðu og með Hlyn
Bæringsson og Lýð Vignisson inn-
anborðs getur Snæfell unnið hvaða
lið sem er en breiddin í leikmanna-
hópi liðsins er ekki eins mikil og t.d.
hjá KR og Keflavík. Bárður Eyþórs-
son er þjálfari Snæfells en liðið lék
til úrslita í Doritos-bikarkeppninni á
síðustu leiktíð.
Tindastóll
Kristinn Friðriksson er leikmaður
og þjálfari Tindastóls líkt og í fyrra
en undir hans stjórn kom liðið veru-
lega á óvart í úrslitakeppninni og sló
þar út lið Hauka. Á Sauðárkróki er
ávallt mikið um breytingar á leik-
mannahópi liðsins frá ári til árs en
Bandaríkjamaðurinn Clifton Cook
verður í aðalhlutverki á ný en hann
var einn skemmtilegasti bakvörður
landsins á síðustu leiktíð. Auk hans
eru Bandaríkjamennirnir Adrian
„Spanky“ Parks og Charlton Brown
í liði Tindastóls. Liðið hefur ekki lát-
ið mikið á sér bera í haustleikjum og
er því óskrifað blað að mestu en
heimavöllur liðsins „Síkið“ á Sauð-
árkróki reynist mörgum erfiður þar
sem „skagfirska sveiflan“ ræður oft
ríkjum. Einn efnilegasti leikmaður
landsins, Axel Kárason, er í herbúð-
um Tindastóls og mun mæða meira á
honum í ár en undanfarin misseri.
Hamar
Pétur Ingvarsson hefur gert góða
hluti á undanförnum misserum með
lið Hamars en róðurinn verður ef-
laust erfiður að þessu sinni. For-
ráðamenn liðsins hafa ekki valið
þann kostinn að fá til liðsins leik-
menn úr öðrum liðum og því verða
heimamenn í aðalhluverki ásamt
Bandaríkjamönnunum Chris Dade
og Fahim Nelson. Dade lék með liði
Hamars árið 2000–2001, en hann var
í herbúðum Hauka árið 1999. Hamar
endaði í áttunda sæti
Intersportdeildarinnar
en tapaði þar fyrir
Grindavík en róðurinn
verður eflaust erfiður
hjá Lárusi Jónssyni og
félögum hans. En bar-
átta Lárusar er engu
lík og mættu margir
taka hann sér til fyrir-
myndar.
Breiðablik
Jón Arnar Ingvars-
son er í sama hlutverki
og í fyrra í liði Breiða-
bliks, sem leikmaður og
þjálfari. Liðið náði sér
aldrei á flug í fyrra og endaði í 10.
sæti deildarinnar með 7 sigurleiki og
15 tapleiki. Liðið hefur misst Ísak
Einarsson til náms til Danmerkur,
Bragi Magnússon er í liði Stjörnunn-
ar, en Bandaríkjamaðurinn Kyrem
Massey mun leysa hinn „hárprúða“
Kenneth Tate af hólmi. Pálmi Sig-
urgeirsson hefur vaxið mikið undan-
farin ár sem leikmaður Breiðabliks
og í vetur mun mæða mikið á honum
og Mirko Virijevic. Liðinu gekk ekki
sem skyldi á Reykjanesmótinu en
þess ber að geta að Massey kom ekki
til landsins fyrr en í síðustu viku.
ÍR
Lið ÍR hefur gengið í gegnum
miklar breytingar í sumar og hafa
þeir Sigurður Þorvaldsson, Hregg-
viður Magnússon og Pavel Ermol-
inskij horfið á braut. Eggert Garð-
arsson þjálfari liðsins á mikið verk
fyrir höndum og að auki þurfti liðið
að fá til sín Bandaríkjamanninn
Reginald Jessie á „elleftu stundu“
en leikmaðurinn sem búið var að
semja við fyrr í sumar gat ekki stað-
ið við skuldbindingar sínar gagnvart
félaginu. ÍR endaði í 7. sæti deild-
arinnar á síðustu leiktíð og má búast
við því að liðið verði á sama róli að
þessu sinni. Eiríkur Önundarson
verður að leika vel ásamt þeim Kevin
Grandberg og Jessie ætli liðið sér að
komast í úrslitakeppn-
ina. Í ÍR eru margir
áhugaverðir leikmenn
og má þar nefna Ómar
Sævarsson, Fannar
Helgason og Ólaf Sig-
urðsson.
KFÍ
Ísfirðingar mun
setja skemmtilegan
svip á Intersportdeild-
ina í ár en liðið sigraði í
1. deild sl. vor. Fá lið
skarta eins litríku
stuðningsmannaliði,
„Ísfólkinu“, og menn
þar á bæ gera hlutina
af krafti. Ísfirðingar fóru í keppnis-
og æfingaferð til Englands og hafa
slípað lið sitt til á öðrum vettvangi en
vanalega. Hrafn Kristjánsson er
þjálfari liðsins og hefur liðið breytt
um áherslur undir hans stjórn þar
sem hraðinn og þriggja stiga skotin
ráða ferðinni. Bandaríkjamaðurinn
Jeb Ivey þykir hafa staðið sig vel
með liðinu en hann er leikstjórnandi,
en Adam Spanich er „nýlentur“ á
Ísafirði en hann leysir Anton Collins
af hólmi sem sagt var upp á dög-
unum. Baldur Jónasson og Pétur
Sigurðsson verða helstu skyttur liðs-
ins en líkt og hjá öðrum liðum af
landsbyggðinni er skortur á breidd í
leikmannahópi liðsins. Heimavöllur
Ísfirðinga á eftir að verða þeim
happadrjúgur en erfið ferðalög í úti-
leiki eiga eftir að verða liðinu
„þröskuldur“.
Þór Þorlákshöfn
Þór er í hópi þeirra bestu í fyrsta
sinn í sögu félagsins. Lítið hefur far-
ið fyrir liðinu í haustleikjunum og
eru lærisveinar William Dreher
óskrifað blað að mestu. Dreher lék
með Þór og þjálfaði liðið keppnis-
tímabilið 1998–2000, en á þeim tíma
var liðið ávallt í efstu sætum 1. deild-
ar en náði ekki að toppa á réttum
tíma í úrslitakeppninni. Leon Bri-
sport og Raymond Robins eru í liði
Þórs en þeir koma frá Bandaríkj-
unum líkt og þjálfarinn Dreher. Það
ríkir samt sem áður mikil eftirvænt-
ing í Þorlákshöfn þar sem vel hefur
verið staðið að málum undanfarin ár
og er stuðningur við liðið mikill í
bænum. Grannaslagir Þórs og Ham-
ars verða eflaust „hápunktar“ tíma-
bilsins en Þórsarar þurfa að hafa
mikið fyrir því að halda sæti sínu í
deildinni.
Morgunblaðið/Kristinn
Fyrirliðinn Guðjón Skúlason fær tækifæri til þess að verja Ís-
landsmeistaratitilinn í hlutverki þjálfara hjá Keflavík. Morgunblaðið/Golli
Darrel Lewis verður lykilmaður í liði Grindvíkinga líkt og á síð-
ustu leiktíð. Hér skorar hann í leik gegn Valsmönnum.
Aðalfundur
Aðalfundur Knattspyrnufélagsins Hauka verður
haldinn þriðjudaginn 14. október 2003 kl. 20 á
Ásvöllum.
Dagskrá aðalfundarins samkvæmt lögum
félagsins.
Aðalstjórn.
Keflavík............410
Grindavík.........378
KR .....................346
Njarðvík ...........314
Haukar .............299
Snæfell .............235
Tindastóll.........228
Breiðablik ........138
ÍR ......................131
Hamar ..............129
KFÍ....................127
Þór Þ...................69
Spáin
Keflavík............105
ÍS .........................84
Grindavík ...........60
KR .......................54
Njarðvík .............48
ÍR.........................27
Spáin
RAY Lewington, knattspyrnustjóri
Watford, staðfesti í gær að hann
reiknaði ekki með því að Heiðar
Helguson léki með liðinu á ný fyrr
en um miðjan desember. Heiðar
meiddist á hné á æfingu hjá Wat-
ford fyrir mánuði. Lewington sagði
að þetta kallaði mjög á að hann
fengi annan sóknarmann að láni en
liðinu hefur gengið illa það sem af
er tímabilinu og það situr í fallsæti
1. deildarinnar.
„Heiðar er síðasti leikmaðurinn
sem ég hefði viljað missa. Án hans
vantar okkur allan styrk í skalla-
boltunum. Hann er frábær í loftinu
og við söknum hans mjög. Hann er
einn besti leikmaður okkar,“ sagði
Lewington.
„Söknum
Heiðars“
BJARKI Sigurðsson, handknatt-
leiksmaður úr Víkingi, gekkst undir
aðgerð á hné í gær en liðþófi í vinstra
hné hans rifnaði í bikarleiknum á
móti Stjörnunni í síðustu viku.
Bjarki verður frá æfingum og
keppni næstu fjórar vikurnar í það
minnsta.
1. DEILDARLIÐ Þórs í körfu-
knattleik ætlar ekki að gera samning
við Bandaríkjamanninn Anton Coll-
ins. Leikmaðurinn mætti á tvær æf-
ingar hjá Akureyrarliðinu og lék
einn æfingaleik með því en náði ekki
að heilla norðanmenn. Þessi sami
Collins var til reynslu hjá KFÍ áður
en hann fór til Þórs en var ekki boð-
inn samningur.
JESPER Klaus Tollefsen, dansk-
ur knattspyrnuþjálfari, hefur lýst yf-
ir áhuga á að þjálfa íslenskt félagslið.
Tollefsen, sem lokið hefur efsta stigi
í þjálfaramenntun hjá danska knatt-
spyrnusambandinu, hefur þjálfað FC
Århus í dönsku 1. deildinni og þá var
hann áður unglingaþjálfari og síðan
aðstoðarþjálfari hjá AGF þar sem
hann þjálfaði Allan Borgvardt og
Tommy Nielsen, Danina sem slógu í
gegn með FH-ingum í sumar.
BRYAN Robson, fyrrverandi fyr-
irliði Manchester United og enska
landsliðsins, var í gær ráðinn lands-
liðsþjálfari Nígeríu til sex mánaða.
Robson tekur við starfinu í janúar
þegar Afríkukeppnin hefst í Túnis
og framhaldið ræðst af genginu þar.
Robson hefur verið atvinnulaus síð-
an honum var sagt upp hjá Middles-
brough fyrir tveimur árum.
JANICA Kostelic, heimsbikar- og
ólympíumeistari í alpagreinum á
skíðum, gekkst fyrir skömmu undir
fjórðu aðgerðina hné og hún getur
því ekki byrjað tímabilið sem hefst
25. þessa mánaðar. Kostelic reiknar
ekki með að keppa fyrr en í desem-
ber sem þýðir að hún kemur til með
að missa af 11 fyrstu mótunum í
heimsbikarkeppninni.
JOHN Hartson, framherji Celtic
og velska landsliðsins, hefur verið
útnefndur knattspyrnumaður ársins
í Wales. Þessi 28 ára gamli harðjaxl
hefur átt stóran þátt í góðu gengi
Wales í undankeppni EM og þá lék
hann vel með Celtic sem komst í úr-
slit UEFA-bikarsins í vor.