Morgunblaðið - 10.10.2003, Blaðsíða 2

2 | FÓLKIÐ | FÖSTUDAGUR 10|10|2003 MORGUNBLAÐIÐ
Íslenskar stelpur: „Eru stelpur á Íslandi ekki óðar í út-
lendinga?“ Skrapp til Brussel í síðustu viku þar sem ég
fékk þessa spurningu margoft frá ungum evrópskum
karlmönnum. Skil ekki hvernig þetta hefur prentast svo
kyrfilega í hausinn á þeim því margir virðast virkilega trúa
þessu í fullri alvöru. Er það Flugleiðum að
þakka, Sopranos eða hafa þeir allir lesið
þessa blessuðu grein í Playboy um árið?
Tæplega þrítugur Belgi, sem hyggur á Ís-
landsferð, vildi í fúlustu alvöru fá ráð um
hvernig best væri að gefa til kynna að hann
væri útlendingur þegar hann kæmi inn á ís-
lenskan bar… ég skoðaði stúdentamenn-
inguna í háskólabæjum í kringum Brussel
og það er nú meira sukklífið, bjórdrykkja til
sex á hverjum einasta morgni…
Buffy the Vampire Slayer: Var að fá mér
spólu með minni ástkæru Buffy á víd-
eóleigu í borginni um daginn þegar veittist
að mér bláókunnug kona við afgreiðslu-
borðið. Hún gerði grín að mér fyrir að leigja Buffy og sagði að ég ætti að fara í Há-
skólann eins og hún, þar fyndi ég kannski aðeins þroskaðra efni en vampýru-
banann Buffy. Ég var orðlaus…
Eftir að hafa gerst Buffyfíkill hefur fátt annað afþreyingarefni komist að nema
kannski þættirnir um Angel sem eru systurþættir Buffyþáttanna og fjalla líka um
vampýrur. Vandamálin eru mikil og stór í heimi Buffyar og birtast jafnan í formi
vampýra.
Ég held að aðdráttarafl þáttanna felist í því að horfa á Buffy leysa vandamálin
með því að stinga þau í hjartað en þá leysast þau upp og verða að dufti. Ef mað-
ur gæti nú leyst sín vandamál þannig…
Listasafn Reykjavíkur: Fylgdist með flutningi á verkinu Riddarar hringborðs-
ins – með veskið að vopni sem 8 ungar leikkonur hyggjast frumsýna um helgina
og varð mjög hrifin. Verkið fjallar um stríð og konur sem stjórna heiminum en best er að hafa séð nasistamyndina
Conspiracy með Kenneth Branagh og Colin Firth áður en farið er á sýninguna…
Stupid White Men: Í hvert sinn sem Michael Moore er nefndur á nafn brýst út rifrildi í kringum mig. Bókin hans
stytti mér stundirnar á leiðinni heim í flugvélinni og vel það. Ég get reyndar
skilið hvers vegna þeir sem eru mótfallnir skoðunum Moore elska að hata
manninn því hann sparar ekki stóru orðin. Samkvæmt því sem hann segir er
George Bush Bandaríkjaforseti fyllibytta, þjófur, líklega glæpamaður og
væluskjóða sem kann hvorki að lesa né skrifa. Í bókinni kemur líka fram
hvers vegna Moore telur bókaverði hættulegustu hryðjuverkamenn í heim-
inum…
Jenny Colgan: Hún er breskur uppistandari og stelpubókahöfundur sem
skrifar bækur í anda Bridget Jones. Hennar söguhetjur eru bara yngri og
fyndnari, til dæmis í sögunum Talking to Addisson og Working Wonders
sem einmitt var byrjað á í blessaðri flugvélinni… |bryndis@mbl.is
FRÁ FYRSTU HENDI
Þroskað efni
FÓLKIÐ Pétur Blöndal pebl@mbl.is| Ívar Páll Jónsson ivarpall@mbl.is| Inga Rún Sigurðardóttir ingarun@mbl.is | Bryndís Sveinsdóttir bryndis@mbl.is|
Árni Þórarinsson ath@mbl.is | Árni Matthíasson arnim@mbl.is
Hann klæðir sig. Það er kalt úti. Komið frost. Hann fer í buxur og
skyrtu. Svo fer hann inná bað. Hann burstar tennurnar vandlega með
sápu. Rammt sápubragðið brennir góminn. Það er í lagi. Hann á þetta
skilið. Hann lætur kalda vatnið renna. Þegar það er orðið nógu ískalt
þvær hann sér um hendurnar. Síðan lætur hann renna á sokkana sína.
Hann vindur sokkana og fer í þá blauta. Svo fer hann í skóna. Kaldur
hrollur hríslast niður bakið á honum.
Hann klippir út myndir úr Morgunblaðinu. Það er morgunmaturinn
hans. Hann borðar Idi Amin, tvö einbýlishús úr Fasteignablaðinu og
eina Cheerios-auglýsingu. Betra verður það ekki.
Keðj
usag
an
Fyrsti hluti | eftir Jón Gnarr
Kristinn Ingvarsson tók forsíðumyndina af frænkunum Sigrúnu Svan-
hvíti Kristinsdóttur og Laufeyju Helgadóttur. Ömmur þeirra eru systur.
Sigrún Svanhvít er tólf ára, í sjöunda bekk í Öldutúnsskóla. Hún er að
æfa söng hjá Siggu Beinteins og á mörg önnur áhugamál, eins og dans
og að fara á hestbak. Laufey er fjórtán ára og er í níunda bekk í Hlíða-
skóla. Hún er að æfa fjallahjólreiðar hjá Hjólreiðafélagi Reykjavíkur og
er ekki búin að velja framhaldsskóla.
FORSÍÐAN
…að Quentin Tarantino og
Uma Thurman hefðu fengið
hugmyndina að nýjustu
mynd leikstjórans, Kill Bill,
fyrir tíu árum, í hanastéls-
boði á meðan tökur stóðu
yfir á Pulp Fiction.
…að risastór rotta hefði tekið
sér búsetu á heimili Ozzy
Osbourne. Ozzy segist hafa
fengið son sinn Jack til að
skjóta á kvikindið með lit-
boltabyssu, án árangurs.
„Þessi rotta er jafnstór og
hundurinn okkar, Mini. Hún
hefur flutt inn til okkar. Hún
var í mynd í alla nótt, gang-
andi fram og til baka í garð-
inum og upp í stól. Ég trúi
þessu ekki,“ segir Ozzy.
Við vissum ekki fyrir viku…
…Sjónhverfingamaðurinn Dav-
id Blaine teygir úr sér að
morgni 32. dags í glerklefa,
sem hangir í krana í mið-
borg Lundúna. Blaine verður
44 daga í einangrun og
neytir aðeins vatns. Fyrir
neðan er fulltrúi Amnesty
með hettu yfir sér í rimla-
klefa með áletruninni: „Ekki
fá allir fangar svona mikla
athygli.“
…að David Schwimmer, sem
leikur Ross í Vinum, væri
nörd eins og persónan sem
hann leikur í þáttunum. „Ég
les National Geographic og
hef ósvikinn áhuga á stein-
gervingafræði.“
…Kínversk stúlka situr hjá
gríðarstóru listaverki Ant-
ony Gormley sem fyllir vöru-
hús í Sjanghaí og nefnist
Akrar Asíu. Það stendur
saman af 192 þúsund fígúr-
um úr leir, sem voru unnar
undir leiðsögn Gormleys af
yfir 300 manns á öllum
aldri. Rúmlega 100 tonn af
leir fóru í verkið.
…að söngvari Limp Bizkit,
Fred Durst, og leikkonan
Halle Berry væru „aðeins
góðir vinir“. Berry tilkynnti í
síðustu viku að hún væri
skilin að skiptum við eig-
inmann sinn, söngvarann
Eric Benet.