Morgunblaðið - 12.10.2003, Blaðsíða 4
FRÉTTIR
4 SUNNUDAGUR 12. OKTÓBER 2003 MORGUNBLAÐIÐ
VÍSITALA neysluverðs í október er
229,0 stig og hækkaði um 0,46% frá
fyrra mánuði, samkvæmt upplýsing-
um frá Hagstofu Íslands. Vísitala
neysluverðs án húsnæðis er 223,7
stig, 0,45% hærri en í september.
Í frétt Hagstofunnar segir að síð-
astliðna tólf mánuði hafi vísitala
neysluverðs hækkað um 2,2% en vísi-
tala neysluverðs án húsnæðis um
0,6%. Þetta þýðir að verðbólga mælist
nú 2,2%
Birgir Ísleifur Gunnarsson, for-
maður bankaráðs Seðlabanka Ís-
lands, segir að hækkunin núna sé að-
eins meiri en bæði Seðlabankinn og
markaðsaðilar hafi verið búnir að spá
fyrir um, en valdi Seðlabankanum þó
engum áhyggjum. „Neysluverðsvísi-
talan er 2,2% á tólf mánaða grundvelli
sem er töluvert undir verðbólgu-
markmiði okkar sem er 2,5%. Við
sjáum að verð á matvælum hækkar
um 1,3% en þar vegur sennilega árs-
tíðarbundin hækkun á ávöxtum
þungt. Svo hækkar verð á fatnaði og
skóm vegna útsöluloka. Svo má nefna
húsnæðisþáttinn í vísitölunni en þar
er að mestu leyti um viðhalds- og við-
gerðarkostnað að ræða,“ sagði Birgir
Ísleifur í samtali við Morgunblaðið.Í
frétt Hagstofunnar kemur fram að
vísitala neysluverðs hafi hækkað um
1,1% sl. þrjá mánuði sem jafngildi
4,5% hækkun á ári.
Aðspurður segir Birgir Ísleifur að
ekki sé hægt að lesa það út úr töl-
unum að verðbólgan sé komin af stað.
Um það hvort að bankinn hyggist
hækka vexti á næstunni til að spyrna
við fótum gegn hugsanlega aukinni
verðbólgu, kveðst hann ekkert geta
sagt heldur.
Verð á matvælum hækkaði um
1,3% eins og áður sagði, og hafði
0,17% áhrif á vísitöluna í október, og
verð á fatnaði og skóm hækkaði um
4,6% og hafði 0,25% áhrif til hækk-
unar vísitölunnar. Verð á bensíni og
olíu lækkaði um 3,3%, sem þýðir
0,13% áhrif á vísitöluna.
Spá hækkun vaxta
Í Morgunkorni greiningardeildar
Íslandsbanka segir að hækkun vísi-
tölunnar í október sé nokkuð umfram
spár markaðsaðila sem lágu á bilinu
0,2% til 0,3%.
„Spáskekkjan í október skýrist
einkum af óvæntri verðhækkun á
matvælum sem olli um 0,2% hækkun
vísitölunnar. Verð á fatnaði og skóm
hækkaði hins vegar í takti við vænt-
ingar og verð á bensíni og olíu lækk-
aði. Þá varð hófleg hækkun á íbúðar-
húsnæði eins og spáð hafði verið fyrir
um,“ segir í Morgunkorninu.
Þá segir að hækkunin í október sé
fyrsta vísitöluhækkunin í nokkurn
tíma sem ekki má rekja að mestu leyti
til árstíðarsveiflna í tengslum við upp-
haf eða lok útsala eða hækkunar á
húsnæðisverði, sem sé athyglisvert.
„Þá rennir hækkunin í október stoð-
um undir þá skoðun Greiningar ÍSB
að Seðlabankinn hækki stýrivexti
sína á fyrsta ársfjórðungi næsta árs,
en stýrivextir bankans eru nú 5,3%.“
Vaxandi verðbólga?
Greiningardeild Landsbankans
spyr hvort hækkun vísitölunnar tvo
mánuði í röð sé ávísun á vaxandi verð-
bólgu. „Vísitalan hefur nú hækkað
töluvert mikið tvo mánuði í röð og því
mætti spyrja hvort þetta sé til vitnis
um vaxandi verðbólgu nú þegar hjól
efnahagslífsins eru farin að snúast á
nýjan leik,“ segir í Markaðsyfirliti
Landsbankans.
Greiningardeild Kaupþings Búnað-
arbanka tekur í svipaðan streng og
Landsbanki og Íslandsbanki. Það
sem vekur þó sérstaka athygli Kaup-
þings Búnaðarbanka er húsnæðis-
þátturinn: „Athygli vekur hins vegar
að húsnæðisverð stóð nánast í stað
milli mánaða og er þetta í takt við spá
greiningardeildar,“ segir í Hálffimm-
fréttum, og þar kemur fram að þetta
megi að einhverju leyti rekja til að
hægt hafi á lækkun ávöxtunarkröfu
húsbréfa.
Síðar segir þar: „Af síðustu tveim-
ur verðbólgumælingum mætti draga
þá ályktun að verðbólguþrýstingur í
hagkerfinu sé að aukast en það sem
var sérstakt við verðbólgumælinguna
að þessu sinni er að það var ekki hús-
næðisverð eða árstíðabundnir þættir
vegna útsöluloka sem fóðruðu verð-
bólguna. Það gæti því nálgast vaxta-
hækkun Seðlabanka.“
Vísitala neysluverðs upp um 0,46%
Seðlabankastjóri segir hækkunina ekki valda áhyggjum
$
%)##*%)##"
UMFERÐ var hleypt yfir nýju
brýrnar á mótum Reykjanes-
brautar og Stekkjarbakka í
Breiðholti í gær. Að sögn Magn-
úsar Einarssonar, deildarstjóra
hjá Vegagerðinni, eru verktak-
arnir á undan áætlun með verkið.
„Þetta er einn áfangi af mörg-
um en engu að síður stærsti
áfanginn. Þeir sem þurfa að kom-
ast í Grænastekk og inn á
Stekkjarbakkann verða að keyra
inn á Álfabakkann og Breiðholts-
brautina. Það á eftir að tengja
gatnamótin að hluta. Eins verður
ekki opnað strax á Smiðjuveg-
inn,“ segir Magnús. „Við erum í
raun að leggja af ljósagatnamótin
og í staðinn verður umferð um
brýrnar.“
Áætlað er að gatnamótin verði
fullbúin 1. nóvember en allur
frágangur mun klárast á næsta
ári.
Morgunblaðið/Sverrir
Umferð um nýjar brýr við Stekkjarbakka
HEILBRIGÐISRÁÐHERRA,
Jón Kristjánsson, segir það
hafa legið fyrir að áformaðar
framkvæmdir vegna hjúkrun-
arrýma aldraðra nái því miður
ekki að anna eftirspurn eftir
slíkum rýmum. Töluvert átak
hafi verið gert í þessum málum
og nú síðast hafi t.d. verið sam-
þykkt á fjáraukalögum að verja
500 milljónum öldrunarmála,
málum miði því í rétta átt en
enn sé þó langt í land í þessum
efnum enda sé aldurssamsetn-
ing þjóðarinnar að breytast og
öldruðum að fjölga.
Öldruðum verði gert kleift
að búa sem lengst heima
Jón leggur hins vegar
áherslu á að menn verði einnig
að skoða þessi mál í víðara sam-
hengi og líta til þess að bæta úr-
ræði í heimahjúkrun og dag-
vistun fyrir aldraða enda standi
vilji manna til þess að gera
öldruðum kleift að vera sem
mest sjálfbjarga og búa sem
lengst heima sér en ekki inni á
stofnunum þó að það verði
vissulega alltaf hlutskipti
ákveðins hóps aldraðra. En það
þurfi að vinna á öllum þessum
þremur sviðum, þ.e. að bjóða
hjúkrunarrými, veita heima-
hjúkrun og bjóða upp á dval-
arþjónustu fyrir aldraða.
Ráðherra segir að sam-
kvæmt heilbrigðisáætlun sé
stefnt að því að biðtími eftir
hjúkrunarrými verði ekki
lengri en þrír mánuðir en ljóst
sé að það markmið náist ekki
bráð.
Jón tekur fram að stigin hafi
verið veruleg skref til þess að
draga úr vandanum þó að hann
sé enn töluverður og þá ekki
síst á höfuðborgarsvæðinu.
Áfram verði unnið að því leysa
vandann en þar vilji menn einn-
ig skoða möguleikana á aukinni
heimahjúkrun og aukinni dag-
vistun fyrir aldraða.
Miðar
hægt í
rétta átt
Hjúkrunar-
rými aldraðra
ADRIENNE Clarkson, landstjóri
Kanada, sem hér er í opinberri
heimsókn, og Halldór Ásgrímsson,
utanríkisráðherra og starfandi for-
sætisráðherra, ræddu saman í Ráð-
herrabústaðnum við Tjarnargötu í
gær.
Clarkson hélt síðan til Nesjavalla
og Þingvalla og snæddi hádeg-
isverð á Þingvöllum í boði Halldórs
en síðdegis skoðaði hún m.a. hand-
ritasýningu í Þjóðmenningarhúsinu
og tók þátt í hringborðsumræðum
um orkumálefni. Var hugmyndin að
aka Clarkson og fylgdarliði með
vetnisknúnum strætisvagni á Nord-
ica hótelið í lok fundarins.
Til Akureyrar í dag
Í dag heldur Clarkson og föru-
neyti til Akureyrar og þiggur
kvöldverð í boði Kristjáns Þórs Júl-
íussonar, bæjarstjóra á Akureyri. Á
morgun heimsækir landstjórinn
Stofnun Vilhjálms Stefánssonar,
Útgerðarfélag Akureyringa og
Samherja.
Opinber heimsókn landstjóra
Kanada stendur fram í miðja vik-
una.
Morgunblaðið/Sverrir
Halldór og Clarkson heilsast í upphafi fundarins í Ráðherrabústaðnum.
Fjölbreytt dag-
skrá hjá landstjór-
anum um helgina