Morgunblaðið - 12.10.2003, Blaðsíða 42
42 SUNNUDAGUR 12. OKTÓBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
STRÆTISVAGNASKÝLI neðar-
lega við Smiðjuveg hefur verið rif-
ið og langar mig að minnast þess
með nokkrum orðum. Við þetta
skýli voru bundnar góðar vonir, en
það var aldrei notað, við það
stoppaði aldrei strætisvagn. Skýlið
hafði aðeins staðið þarna í rúm tvö
ár, hvers átti það að gjalda? Fólk
sem býr við Smiðjuveg eða sækir
þangað vinnu og þjónustu hefði
áreiðanlega notað skýlið ef þangað
hefði komið vagn, en hann kom
aldrei.
Í 35 ár hefi ég búið við Smiðju-
veg, sem reyndar hét áður Ný-
býlavegur, og öll þessi ár þráð
eðlilegar strætisvagnasamgöngur.
En þetta hefur verið samfelld
sorgarsaga og sífellt orðið dap-
urlegri. Ég veit ekki hvað veldur,
en e.t.v. er ómaksins vert að segja
hana í stórum dráttum.
Árum saman voru Blesugrófar-
vagn og Rafstöðvarvagn einu
vagnar sem fólk á þessum slóðum
gat notað og seinna Breiðholts-
vagn nr. 11. Undir lok áttunda
áratugarins hófst uppbygging við
Skemmuveg og Smiðjuveg og þá
álitu allir að við hlytum að komast
í samband við strætisvagna Kópa-
vogs. Um 1980 hófst strætisvagna-
akstur hingað inneftir og gekk þá
vagn niður Smiðjuveg og eftir
rauðri götu og upp Skemmuveg.
Stoppustaðir voru nokkrir m.a. við
Skeifuhúsið og máttum við þokka-
lega við una. Nokkrum árum
seinna kom upp miðstöð stræti-
vagna Reykjavíkur í Mjóddinni og
var þá einsýnt að Kópavogsvagnar
yrðu að aka þar um. Þá var reist
gamalt skýli neðarlega við Smiðju-
veg og Kópavogsvagn fór að ganga
niður Smiðjuveg eftir Reykjanes-
braut og í Mjódd. Fyrst var hægt
að nota skiptimiða úr Kópavogs-
vagni í Reykjavíkurvagn og voru
það mikil þægindi. Seinna var það
afnumið og þess jafnframt gætt að
Kópavogsvagn væri aldrei á sama
tíma í Mjódd og Reykjavíkurvagn-
arnir voru á leið í bæinn. Þá var
um tvennt að velja að bíða í
Mjóddinni í vagninum og aka í
gegnum nýju hverfin í Kópavogi á
skiptistöðina hjá brúnum og bíða
þar aftur og skipta um vagn til að
komast í miðbæ Reykjavíkur. Allt
þetta ferðalag tók óratíma og var
því skásta úrræði fyrir fólk að fara
úr í Mjódd bíða þar og taka þaðan
vagn í bæinn og greiða fargjald að
nýju.
Fyrir röskum tveimur árum
voru strætisvagnar Reykjavíkur,
Kópavogs og fleiri bæjarfélaga
sameinaðir og gerðum við sem hér
búum og vinnum þá ráð fyrir að
strætisvagnamálin kæmust í við-
unandi horf. Sendur var til al-
mennings stór uppdráttur af ferð-
um vagnanna. Mikil urðu vonbrigði
okkar þegar í ljós kom að ferðir
um þetta mikla athafnahverfi voru
alveg lagðar niður nema um kvöld
og helgar þegar alstaðar er lokað
nema í einum næturklúbbi! Ferðir
þessar um kvöld og helgar eru
mjög furðulegar þar sem aðeins er
stoppað við gatnamót Skemmu-
vegs og Smiðjuvegs og ekið gegn-
um rauða götu viðstöðulaust!
Ég hringdi þegar í miðstöð
strætisvagna og spurðist fyrir.
Mér var vísað fram og aftur og all-
ir sem ég talaði við virtust furðu
lostnir og vissu ekkert hvernig á
þessu stóð! Niðurstaðan sem ég
fékk af þessum samtölum var sú
að eftir ár yrði kerfið tekið til end-
urskoðunar og þá yrði þetta kann-
að betur.
Nokkrum dögum seinna var
gamla, græna skýlið rifið og undir-
staðan ein skilin eftir. En mikil var
gleði mín daginn eftir þegar gerð
var ný undirstaða við hlið þeirrar
fyrri og reist nýtt og nýmóðins
skýli. Nú hélt ég að menn hefðu
áttað sig á mistökunum og ferðir
hæfust að nýju. Skýlið stóð þarna
svo fallegt með auglýsingum um
að þangað kæmi vagn bráðlega og
á jöfnum fresti komu nýjar auglýs-
ingar í skýlið en aldrei neinn vagn!
Það er þetta skýli sem svo miklar
vonir voru bundnar við sem fjar-
lægt var fyrir nokkrum dögum og
ég er að minnast núna. Gaman
væri að vita hvers vegna skýlið var
sett þarna niður og hvers vegna
alltaf var skipt um auglýsingar á
því og iðulega stóð þar að bráðlega
kæmi vagninn. Var verið að gera
grín að okkur?
Ég beini um leið eftirfarandi
spurningu til forráðamanna Strætó
bs.: Hvernig stendur á því að eng-
ar ferðir eru í eitt stærsta þjón-
ustu- og verslunarhverfi Kópavogs
nema á klukkutíma fresti um kvöld
og helgar þegar enginn sem þar
vinnur eða býr hefur not af þeim?
STEINUNN BJARMAN,
Smiðjuvegi 15, Kópavogi.
Eftirmæli eftir
horfið strætis-
vagnaskýli
Frá Steinunni Bjarman
GAGNASAFN
MORGUNBLAÐSINS
mbl.is