Morgunblaðið - 13.10.2003, Blaðsíða 2
ÞÝSKALAND – ÍSLAND
2 B MÁNUDAGUR 13. OKTÓBER 2003 MORGUNBLAÐIÐ
Vonin var í Glasgow, þar semvið fréttum að Litháar væru
betri en Skotar og nær því að
skora. Síðan koma
fréttirnar um að
Skotar væru búnir
að skora og
draumur okkar úti.
Ég er mjög stoltur af íslenska
landsliðinu, sem hefur verið að
leika mjög vel í undanförnum
leikjum. Strákarnir hafa sýnt og
sannað að við getum staðið okkur
vel í keppni eins og Evrópu-
keppni landsliða og heimsmeist-
arakeppninni. Við höfum styrk til
að vera í baráttu á meðal þeirra
bestu. Ég hef fulla trú á að þessi
hópur haldi saman undir stjórn
tveggja góðra þjálfara, sem Ás-
geir og Logi eru. Undir þeirra
stjórn hefur landsliðið stigið
skref fram á við og vonandi verða
skrefin stærri í næstu keppni,
sem verður undankeppni fyrir
heimsmeistaramótið hér í Þýska-
landi 2006.“
Þýðir ekki að
horfa um öxl
Þau voru dýr sex stigin sem ís-
lenska landsliðið tapaði í leikj-
unum tveimur gegn Skotum.
„Jú, en það er þó þannig í
knattspyrnunni að það þýðir ekk-
ert að horfa til baka. Við horfum
fram á við og ég sé ekki annað en
sýnin sé björt. Við höfum séð
miklar framfarir hjá landsliðinu í
undanförnum fimm landsleikjum,
þremur sigurleikjum, einu jafn-
tefli og þessum leik. Leikmenn
hafa staðið sig vel og þeir hafa
leikið leikkerfi, sem hentar þeim
vel. Baráttan hefur verið góð og
andrúmsloftið í kringum landslið-
ið er frábært. Það eru því nokkur
vonbrigði að draumurinn um
Evrópukeppnina í Portúgal er
úti,“ sagði Eggert.
Eggert Magnússon,
formaður KSÍ
Vonbrigði
en fram-
tíðin er
mjög björt
„ÞAÐ eru vonbrigði að við
fáum ekki tækifæri til að leika
aukaleiki um rétt til að taka
þátt í Evrópukeppninni í
Portúgal. Það voru einnig mik-
il vonbrigði hér á vellinum,
þegar löglegt mark var dæmt
af okkur og upp úr því ná Þjóð-
verjar að skora sitt annað
mark. Ég sá ekkert óeðlilegt
við markið sem Hermann
skoraði, en dómarinn hlýtur að
hafa séð eitthvað athugavert,
sem aðrir sáu ekki, hvorki
áhorfendur né leikmenn inni á
vellinum. Þetta gerist eins og
hendi var veifað og þá var leik-
urinn nánast búinn,“ sagði
Eggert Magnússon, formaður
Knattspyrnusambands Ís-
lands, sem var ekki yfir sig
ánægður eftir leikinn.
Sigmundur Ó.
Steinarsson
skrifar
frá Hamborg
„ÉG er að sjálfsögðu óhress með að haf
a misst af þessum leik, sem er
stærsti leikur sem Ísland hefur spilað í
knattspyrnu. Ég kom hingað til
Hamborgar mjög spenntur og tilbúinn
í slaginn, en síðan voru meiðslin
verri en haldið var. Því miður og ég mi
ssti af þessum draumaleik knatt-
spyrnumannsins,“ sagði Pétur Hafliði
Marteinsson, sem var í hlutverki
áhorfandans í Hamborg.
Pétur sagði að leikmennirnir sem kom
u inn í liðið frá leiknum við Þjóð-
verja í Reykjavík hefðu staðið sig vel o
g leikur liðsins hefði verið við-
unandi í Hamborg. „Við veittum Þjóðv
erjum harða keppni lengi vel, eða
þar til dómarinn tók til sinna ráða og d
æmdi af okkur löglegt mark er við
jöfnuðum, 1:1. Þjóðverjarnir fara þá st
rax upp og skora sitt annað mark.
Það var rothögg fyrir okkur. Síðan kom
u fréttirnar frá Glasgow um að
Skotar hefðu unnið Litháa. Þannig er k
nattspyrnan – bros og tár,“ sagði
Pétur.
Eiður sagði er hann var inntur eft-ir því hvaða lærdóm íslenska
liðið gæti dregið af þessari keppni að
leikirnir gegn Skot-
um væri það sem
gerði íslenska liðinu
erfitt fyrir. „Riðill-
inn tapaðist ekki hér
í Hamborg, báðir leikirnir gegn
Skotum hafa mikið að segja og eitt
stig úr þeim leikjum hefði gefið okk-
ur annað sætið. En ég held að við
getum lært af því að heimaleikirnir
eru gríðarlega mikilvægir og að auki
eigum við að líta betur á heildar-
myndina þegar við förum af stað í
svona undankeppni. Að skipuleggja
okkur á þann hátt að við séum meira
meðvitaðir um að eitt stig er gulls
ígildi gegn vissum liðum en í öðrum
leikjum þurfum við að ná í þrjú stig.“
Eiður bætti því að vissulega væri
auðvelt að vera vitur eftir á, en það
hefði verið raunsætt að líta á málið
þannig að gegn Þjóðverjum væri
ekki hægt að búast við að ná mörg-
um stigum, „Gegn Skotlandi á Laug-
ardalsvelli verðum við að vinna til
þess að ná árangri í svona keppni.
Skotarnir voru með næststerkasta
liðið í riðlinum samkvæmt FIFA-
listanum og það eru slík lið sem við
verðum að vinna á heimavelli til þess
að ná árangri.“
Fengum ekki skell
Eiður vitnaði síðan í gengi ís-
lenska landsliðsins seinni hluta riðla-
keppninnar og taldi árangur liðsins
hafa verið með ágætum og 3:0-tap
gegn Þjóðverjum á útivelli hefði ekki
gefið rétta mynd af leiknum – að
hans mati var leikurinn ekki skellur.
„Ég get ekki annað en verið svekkt-
ur út í þennan ágæta mann sem
dæmdi leikinn, þann rússneska.
Hann rænir af okkur jöfnunarmarki,
algjörlega. Og síðustu 25 mínúturnar
í fyrri hálfleik lékum við 11 gegn 12
mönnum að mínu mati. Ég var alveg
að tapa mér á þessum kafla, en mér
fannst dómarinn standa sig illa.“
Í fyrri hálfleik fékk Eiður Smári
gult spjald eftir að hafa spyrnt
knettinum í markið eftir að dómari
leiksins hafði gefið til kynna að um
rangstöðu væri að ræða. Eiður sagði
að í slíkum tilvikum væru sóknar-
menn ekki með hugann við dómar-
ann – það kæmist bara eitt að –
skora mark. „Við fengum löðrung í
upphafi leiks, eftir 20 sekúndur, en
Árni [Gautur Arason] varði vel og í
kjölfarið náðum við aðeins betri tök-
um á okkar leik. Allt þar til að við
gleymdum Michael Ballack eitt
augnablik, hann þarf ekki mikið
pláss né tíma til að afgreiða slík
færi.“
Ekkert firmalið
Fyrirliðinn benti á að það væru
ekki mörg lið sem færu með sigur af
hólmi á heimavelli Þjóðverja og
minnti menn á að liðið hefði verið í
öðru sæti á síðustu heimsmeistara-
keppni. „Þetta var Þýskaland sem
við áttum í höggi við. Það er ekkert
auðvelt að leika við þessar aðstæður,
50 þúsund áhorfendur vel með á nót-
unum, Þjóðverjar eru ekkert firma-
lið.“ Um endasprett íslenska liðsins í
riðlinum sagði Eiður að margt mætti
læra af þeim leikjum. „Ef við hugs-
um til baka getum við sagt að gegn
Þjóðverjum á Íslandi hefðum við vel
getað farið með sigur af hólmi. Það
er alltaf þetta litla sem vantar upp á.
Það er margt jákvætt sem við getum
tekið með okkur úr þessari keppni.“
Eiður Smári sagði á fundi með
fréttamönnum á Laugardalsvelli
hinn 6. september sl. að íslenska liðið
þyrfti að hafa ofurtrú á eigin getu til
þess að ná lengra. Fyrirliðinn er enn
á þeirri skoðun. „Fyrst og fremst
þurfum við að hafa meiri trú á okkur
sem einstaklingum sem skipa lið.
Það er náttúrlega sá þáttur sem
fleytir manni hvað mest áfram. Að
hafa trú á eigin getu. Það gerist í
leiknum hér í Hamborg að menn
fóru að leika betur eftir að þeir fundu
að við gátum leikið boltanum okkar á
milli. Það var gaman að því að spila á
þeim kafla, við fengum fínar skyndi-
sóknir og virkum hættulegir.“
Framherjinn sagðist ekki hafa vit-
að af gangi mála í Skotlandi og var að
sjálfsögðu ósáttur við að Skotar
skyldu leggja Litháa að velli. „Við
vissum það allan tímann að við gát-
um aðeins einbeitt okkur að þessum
leik, hér í Hamborg. Við náðum því
miður ekki að halda markinu hreinu
fyrsta hálftímann, eins og lagt var
upp með. En á köflum held ég að við
höfum náð að leika fínan fótbolta,“
segir Eiður Smári og bendir á að ís-
lenska liðið hefði verið með yfirhönd-
ina á þeim tíma er Hermann skoraði
„jöfnunarmarkið“.
Fengum góðan stuðning
Eiður var ánægður með framlag
íslensku stuðningsmannanna á
leiknum þrátt fyrir að hróp þeirra og
söngvar hefðu ekki yfirgnæft þýsku
stuðningsmennina. „Það er eitthvað
sem við getum verið stoltir af, ís-
lensku áhorfendunum. Ég heyrði af
og til í þeim og þeir geta verið stoltir
af sínu framlagi. Líkt og við leik-
menn íslenska liðsins. Slíkur stuðn-
ingur er oft á tíðum vanmetinn og
vonandi heldur þessi þróun áfram.
Það hefur verið fínt samband á milli
okkar leikmanna og stuðningsmanna
liðsins eftir að gengi liðsins fór að
vera betra. Það eru meiri tengsl á
milli stúkunnar og leikmannanna
inni á vellinum. Við vonumst til þess
að geta tekið eitt skref upp á við í
næstu keppni.“
Að venju var hart lagt að Eiði
Smára í leiknum og fékk hann lítið
svigrúm til þess að athafna sig. Að-
stæður sem ættu að vera íslenska
liðinu ljósar frá upphafi þar sem Eið-
ur Smári er skæðasti sóknarmaður
liðsins. Fyrirliðinn játti því að hann
hefði oft leikið betur. „Það var ekk-
ert auðvelt að spila hérna. Þjóðverj-
arnir voru samt sem áður ekki mikið
að spá í einstaka leikmenn í okkar
liði. Þeir voru með hugann við hvað
þeir ættu að gera gegn okkur. Þegar
þeir misstu boltann voru þeir með
góðar gætur á mér, ég viðurkenni
það að ég lék ekki minn besta leik.
En það komu upp nokkur atriði í
leiknum þar sem við áttum ágætis
upphlaup. Indriði Sigurðsson fékk
fínt færi í fyrri hálfleik en fyrsta
snertingin við boltann hefði mátt
heppnast betur hjá honum. Þá hefði
hann verið einn gegn markverðinum.
En það er alltaf hægt að tína til ein-
hverja hluti úr hverjum leik sem
máttu fara öðruvísi en það þýðir ekk-
ert að velta því fyrir sér. Við göngum
stoltir af velli, og vitum hvað þarf að
gera til þess að ná árangri,“ sagði
Eiður Smári.
„Tökum vonandi skref upp á við í næstu keppni,“ segir
EIÐUR Smári Guðjohnsen, fyrirliði íslenska landsliðsins í knatt-
spyrnu, var með svartan poka á öxlinni þegar hann ræddi við fjöl-
miðla eftir leikinn gegn Þjóðverjum í Hamborg. Kannski var það
merki um „lærdómspoka“ sem hann og félagar hans í íslenska
landsliðinu höfðu með sér úr þeim átta leikjum liðsins í und-
ankeppni EM. Aldrei áður hefur íslenska landsliðið verið í þeirri
stöðu að eiga möguleika á efsta sæti í riðlakeppni stórmóts. Eiður
Smári var markahæstur allra í 5. riðli með 5 mörk og eflaust hafa
leikmenn liðsins leitt hugann að þeim möguleikum sem voru fyrir
hendi, en liðið náði ekki að nýta. Ef Eiður hefði skorað gegn Oliver
Kahn á Laugardalsvelli, hvað hefði þá gerst í framhaldinu? Ef það
hefði verið dæmt víti á Laugardalsvelli gegn Þjóðverjum? Ef ís-
lenska liðið hefði náð stigum gegn Skotum í tveimur viðureignum?
En því miður tókst það ekki.
Sigurður Elvar
Þórólfsson
skrifar
frá Hamborg
Morgunblaðið/Einar Falur
Eiður Smári Guðjohnsen og Rúnar Kristinsson mótmæla er
Eiður fékk gula spjaldið hjá Ivanov dómara. Héldu þeir því fram
að Eiður hefði ekki heyrt í flautunni vegna hávaða áhorfenda.
„Annað markið var
rothögg fyrir okkur“
„Þurfum að líta
betur á heildar-
myndina“