Morgunblaðið - 15.10.2003, Blaðsíða 8
8 B MIÐVIKUDAGUR 15. OKTÓBER 2003 MORGUNBLAÐIÐ
bílar
ÍRIS Kristjánsdóttir, sóknarprestur
við Hjallakirkju í Kópavogi, hefur end-
urvakið áhuga sinn á að þeysast um
á mótorhjóli og ætlar að láta gamlan
draum rætast með því að fá sér
kraftmikið mótorhjól fyrir næsta
sumar. Hún kláraði nýlega mótor-
hjólaprófið, er búin að kaupa leður-
dressið og leitar nú að draumahjólinu.
„Ég er að láta draum rætast sem
ég hef gengið með í maganum lengi.
Þegar ég var rétt undir tvítugu, ung
stúlka í Keflavík, kviknaði dellan, sér-
staklega eftir að vinkona mín keypti
sér skellinöðru og við þeystum á
hjólinu um bæinn og þótti stórkost-
legt,“ segir Íris.
Áhuginn vaknaði á ný í fyrrasum-
ar þegar Íris fór ásamt öðrum prest-
um í Reykjavíkurprófastsdæmi
eystra á námskeið í Danmörku. „Síð-
ustu dagana tókum við fjögur okkur
til og fórum til Þýskalands, þar sem
einn sökkti sér niður í bækur á bóka-
safni en við hin þrjú leigðum okkur
mótorhjól og það var rosalega gam-
an. Þá endurvaknaði þessi áhugi og
ég ákvað þá að taka prófið í sumar
og fá mér hjól næsta sumar.“
Nú er prófið að baki en Íris á eftir
að láta síðari helminginn rætast; að
kaupa hjól. „Ég var á racer-hjóli í
fyrra og fannst það rosalega gaman,
en það er ekkert fyrir íslenskar að-
stæður. Hvað er gaman að eiga gott
racer-hjól hérna þegar maður má
löglega séð ekki fara yfir hundraðið?
Þannig að ég er að spá í fá mér týpu
á milli chopper- og racer-hjóla. Ég
ætla þó ekki að fá mér kraftminna
hjól er 600 til 700 kúbika, ég vil
ekki kraftminna þótt ég sé ekkert að
tala um að ég ætli að fara að göslast
hérna á 170 km hraða út um allar
trissur. Þetta er bara spurning um
kraftinn og viðbragðið, hvernig mað-
ur tekur af stað og fer upp brekkur,
þetta skiptir allt máli,“ segir Íris.
Áhugamál sem kemur prestskapnum
ekkert við
Að sögn gekk Írisi vel á verklega
prófinu en fannst skriflega prófið erf-
itt og féll þá reyndar í fyrsta skipti á
ævinni á prófi. „Það var skelfilegt og
ég tók það mjög nærri mér, en síðan
komst maður í gegnum þetta. Verk-
lega prófið var hins vegar ekkert
mál, þótt ég væri óstyrk vegna
spurninga um mótorinn og slíkt, því
ég hef lítið vit á því. Ég lagði þó
áherslu á að læra það til að kunna
eitthvað fyrir mér, enda nauðsynlegt
að geta lagað einföldustu hluti sem
bila, t.d. á ferðalögum.“
Íris segir þetta áhugamál ekkert
koma sínum prestskap við, það sé
bara hún sem persóna sem er að
láta gamlan draum rætast. „Þetta
verður áhugamál. Ég held að sókn-
arbörnunum verði alveg sama, eða
ég vona það, vegna þess að ég ætla
ekkert að fara að flíka þessu eða
blanda saman við prestskapinn. Ég
er ekkert að þessu til að vera töff í
augum einhverra eða svolítið heimsk
í augum annarra. Ég er bara að
þessu fyrir sjálfa mig og ætla ekkert
að fara að mæta í messu með hjólið
fyrir utan.“
Að sögn Írisar líst þó fjölskyldu
hennar rétt mátulega á að hún kaupi
sér hjól og telja það mikið hættuspil.
Hún segist hins vegar staðráðin í að
láta drauminn rætast. „Ég er á þeirri
skoðun að eigi maður sér draum
sem maður sér einhvern möguleika á
að láta rætast eigi maður að gera
það, ef maður hefur mögulega ráð á
því.“
Séra Íris Kristjánsdóttir nýbúin að taka mótorhjólapróf Morgunblaðið/Árni Sæberg
Íris ætlar að láta drauminn um kraftmikið mótorhjól rætast.
Ætlar að láta
gamlan draum rætast
Sími 567 6744 • Bíldshöfða 14 • 110 Reykjavík
höggdeyfar eru orginal
hlutir frá USA og E.E.S.
Aisin kúplings-
sett eru orginal
hlutir frá Japan
varahlutir í miklu úrvali