Morgunblaðið - 17.10.2003, Blaðsíða 21
HÖFUÐBORGARSVÆÐIÐ
MORGUNBLAÐIÐ FÖSTUDAGUR 17. OKTÓBER 2003 21
Garðabæ | Kópavogsbær stefnir á
að fara í framkvæmdir við nýja
vatnsveitu í Vatnsendakrikum í
Heiðmörk, í landi Kópavogs, og
hefur boðið Garðabæ að stofna
með sér byggðasamlag um vatns-
veituna. Garðabær hefur ekki tekið
afstöðu til tilboðsins.
Framkvæmdir við vatnsveituna
munu hefjast um eða rétt eftir ára-
mót, hvort sem Kópavogur stendur
að þeim einn eða með Garðabæ, og
stefnt er að því að þeim muni ljúka
á næsta ári, segir Þórarinn Hjalta-
son, bæjarverkfræðingur Kópa-
vogs.
Fjallað var um málið í bæjarráði
Garðabæjar á þriðjudag þar sem
bæjarverkfræðingi Garðabæjar
var falið að gera úttekt á þessari
leið, segir Erling Ásgeirsson, for-
maður bæjarráðs Garðabæjar.
Hann segir að viðræður milli
Garðabæjar, Kópavogs og Hafnar-
fjarðar hafi átt sér stað í einhvern
tíma, en nú hafi Kópavogur og
Hafnarfjörður ákveðið að fara mis-
munandi leiðir.
Garðabær hefur enn enga
ákvörðun tekið um viðbótarvatns-
öflun, en vatnsveita bæjarins ná-
lægt Vífilstaðavatni annar varla
vatnsþörf bæjarins á álagstímum.
Erling segir ljóst að niðurstaða
þurfi að fást í þetta mál sem fyrst,
enda Kópavogsbær að fara af stað
með framkvæmdir fljótlega.
Fyrirhuguð
vatnsveita í
Vatnsendakrik-
um gæti hæg-
lega séð báðum
bæjarfélögunum
fyrir því kalda
vatni sem þau
þurfa til lengri
framtíðar, segir
Þórarinn. Í dag
kaupir Kópa-
vogsbær allt vatn af Reykjavíkur-
borg en gæti sparað talsvert með
því að fara út í þessar framkvæmd-
ir. Reiknað er með að kostnaður
við framkvæmdirnar verði rúmar
400 milljónir fyrir Kópavogsbæ ef
Garðabær tekur ekki þátt í sam-
starfinu, en kostnaður yrði samtals
á milli 500 og 600 milljónir ef bæði
bæjarfélögin standa að því.
Þarf ekki mat á
umhverfisáhrifum
„Það var send fyrirspurn til
Skipulagsstofnunar um hvort
þyrfti að fara með framkvæmdirn-
ar í mat á umhverfisáhrifum. Nið-
urstaðan var sú að rask yrði ekki
umtalsvert þannig að það þarf ekki
að fara í mat á umhverfisáhrifum,“
segir Þórarinn. Ástæður þess eru
meðal annars hversu vel mann-
virkið muni falla inn í hraunið, það
verður lítið og stendur ekki upp úr
nánasta umhverfi.
Vilja samstarf
um vatnsveitu
Erling
Ásgeirsson
Drykkjarfontur | Bæjaryfirvöld á
Seltjarnarnesi hafa nú reist
drykkjarfont við Suðurströnd, en
hann er sömu
gerðar og sá
sem settur var
upp við bor-
holuhús Hita-
veitunnar í
fyrra. Font-
inum er ætlað
að slökkva
þorsta göngu-
og hjólreiða-
manna sem fara um stígana á Sel-
tjarnarnesi. Samkvæmt fréttum á
heimasíðu Seltjarnarnesbæjar
verður ekki látið staðar numið við
þennan áfanga.
Tilnefning | Vefur Reykjavík-
urborgar, www.reykjavik.is, hefur
verið tilnefndur til margmiðl-
unarverðlauna Sameinuðu þjóðanna
í flokknum opinber stjórnsýsla.
Sameinuðu þjóðirnar ákváðu að efna
til samkeppni og veita verðlaun á
sviði margmiðlunar, svonefnd World
Summit Award.
Tilgangurinn með verðlaununum
er að örva þjóðir heims til að nýta
sér upplýsingatæknina í auknum
mæli til að byggja upp betri heim og
efla framþróun á sviði menningar-,
félags- og stjórnmála, en einnig
hvetja þjóðir til að nota upplýsinga-
tæknina til að deila með sér þekk-
ingu og brúa bilið milli fátækra og
ríkra heimsálfa og þjóða.
Grafarvogi | Bandarískur atvinnumaður í
frisbí-golfi er staddur hér á landi þessa dagana
og sýnir íslenskum spilurum hvernig hann fer
að. Bill Boyd er einn af 20 þúsund bandarísk-
um atvinnumönnum í frisbí-golfi, eða „folfi“.
Íþróttin er að ryðja sér til rúms hér á landi, en
reglunum í henni svipar mjög til reglnanna í
golfi, nema menn reyna að koma frisbídiskum
en ekki golfkúlum í „holurnar“.
„Þetta er alþjóðleg íþrótt, mér finnst frá-
bært að spila þetta á Íslandi,“ segir Boyd þar
sem hann er staddur á fimmtu holunni á frisbí-
golfvellinum við Gufunesbæ í Grafarvogi.
„Þetta er í rauninni frábær íþrótt, hún er
ókeypis, þú ert að hreyfa þig úti og ólíkt golfi
þarft þú ekki að bíða eftir einhverjum tíma til
að leggja af stað. Svo er bara gaman að henda
diskunum, þetta er óskaplega skemmtilegt, ég
hef unun af því að spila.“
Hálfur Íslendingur
Boyd er af íslenskum ættum og er meðal
annars staddur hér á landi til að komast aðeins
að upprunanum, auk þess að prófa að spila
frisbí-golf hér á landi. „Ég er hálfur Íslend-
ingur svo mér finnst frábært að koma hingað
til Íslands til að spila.“ Boyd segist hrifinn af
vellinum í Grafarvoginum, en segir að eins og
víðar á Íslandi vanti svolítið af trjám. „Yfirleitt
er mikið af trjám á völlunum, það gerir þá erf-
iðari. Ef diskurinn festist uppi í tré reynir
maður bara að hrista það svo diskurinn detti
niður.“
„Þetta er að verða mjög útbreidd íþrótt í
Bandaríkjunum, það eru yfir 1.200 vellir
dreifðir um Bandaríkin. Mjög margir spila
þetta, ætli það séu ekki vel yfir 50 þúsund
manns sem spila í Bandaríkjunum einum.“
Boyd segir að í dag séu um 20 þúsund spilarar
í Bandaríkjunum sem spili í svokallaðri at-
vinnumannadeild. Hann viðurkennir þó að
fæstir af þeim hafi sína einu atvinnu af því að
spila, og segir að sá besti fái um 60 þúsund
dollara (um 4,5 milljónir króna) í verðlaunafé á
ári, en sé einnig með auglýsingasamninga.
„Við spilum upp á peninga en það eru ekki
miklir peningar í þessari íþrótt. Ég er ekkert á
því að hætta í dagvinnunni minni á næstunni.“
Reglurnar svipaðar og í golfi
Reglurnar í frisbí-golfi eru mjög svipaðar og
reglurnar í golfi, segir Boyd. Spilað er á braut-
um með upphafspunkt og markmiðið að koma
diskunum í holu við enda brautarinnar í sem
fæstum köstum, en brautirnar eru yfirleitt frá
75 metrum og upp í 200 metra. Þegar frisbí-
golf er spilað eru spilarar oftast með 12 til 15
diska í pokanum. Það eru dræverar, pútterar
og allt þar á milli. Það eru til diskar sem
sveigja til hægri, aðrir sem sveigja til vinstri.
„Hver hola hefur par, eins og í golfi, en þær
eru allar par þrjú. En sumar eru svo langar að
þær ættu kanski að vera par 5, en maður er
bara þeim mun glaðari ef manni tekst að fara
hana á pari,“ segir Boyd.
Fyrir áhugasama má benda á að Bill Boyd
verður á frisbí-golfvellinum við Gufunesbæ í
Grafarvogi á laugardaginn milli 10 og 14, tilbú-
inn til að kenna áhugasömum leyndarmál
bandarísku atvinnumannadeildarinnar.
„Þetta er óskaplega skemmtilegt“
Bandarískur atvinnumaður í
frisbí-golfi spilar hér á landi
Morgunblaðið/Sverrir
Bill Boyd: Mættu vera fleiri tré á vellinum en aðstaðan annars góð hér.
Hörð keppni: Árni Leósson lét Boyd ekki
valta yfir sig og „púttar“ hér í níundu holuna.