Morgunblaðið - 17.10.2003, Blaðsíða 23
SUÐURNES
MORGUNBLAÐIÐ FÖSTUDAGUR 17. OKTÓBER 2003 23
AKUREYRI
Reykjanesbæ | Foreldrafélög og for-
eldraráð grunnskólanna í Reykja-
nesbæ (FFGÍR) hlaut nýverið millj-
óna króna styrk frá Reykjanesbæ,
sem mun gera félaginu kleift að ráð-
ast í ýmis verkefni. Þá fékk félagið í
vor Hvatningaverðlaun Heimilis og
skóla fyrir útgáfu handbóka sem
foreldrafélög allra grunnskólanna
gáfu út. Sóley Birgisdóttir formaður
félagsins segir margt á döfinni.
FFGÍR er samstarfsvettvangur
foreldrafélaganna og foreldraráð-
anna í grunnskólum bæjarins, nokk-
urs konar regnhlífasamtök að sögn
Sóleyjar. „Markmið félagsins er að
efla samstöðu foreldra. Við fundum
einu sinni í mánuði þar sem við miðl-
um upplýsingum og reynslu af starfi
okkar. Þessi samvinna er mikill
styrkur fyrir félögin, það þarf eng-
inn að finna upp hjólið í sínu horni
og við nýtum okkur óspart reynslu
hvers annars. Auk þess eru ýmis
mál sem snerta öll félögin sem vinna
þarf að og berjast fyrir og er FFGÍR
kjörinn vettvangur til þess,“ sagði
Sóley í samtali við blaðamann.
Sóley sagði jafnframt að ekki að-
eins væri nauðsynlegt að gott sam-
starf væri á milli allra foreldrafélag-
anna, heldur einnig við alla þá aðila
sem vinna að öflugu forvarnarstarfi
líkt og FFGÍR. „Allt starf félagsins
byggist á góðri samvinnu við skóla-
yfirvöld sem gera sér ljóst að for-
eldrasamstarf hefur mikið forvarn-
argildi og leiðir til betra mannlífs í
bænum. Þá höfum við átt gott sam-
starf við ýmsa aðila í Reykjanesbæ,
svo sem Fræðsluskrifstofu, menn-
ingar-, íþrótta- og tómstundaráð,
Fjölskyldu- og félagsþjónustuna,
lögregluna, forvarnarfulltrúa og
einnig samtökin Heimili og skóla,“
sagði Sóley.
Málsvari foreldra
FFGÍR var stofnað árið 1999 og
hefur Sóley verið formaður þess í 3
ár. Þar til í haust gegndi hún því
embætti samhliða formennsku í for-
eldrafélagi Myllubakkaskóla, en þá
var borin fram sú tillaga að kjörinn
yrði oddamaður til að gegna for-
mennsku, í stað þess að skipta því
milli formanna foreldrafélaganna,
tvö ár í senn. Með því móti fengju
formenn foreldrafélaganna meira
svigrúm til að sinna störfum sínum.
Sóley var beðinn um að verða odda-
maður FFGÍR, enda búin að stýra
félaginu farsællega lengst af. Sóley
var spurð að því hver hafi verið að-
dragandinn að stofun félagins.
„FFGÍR varð til í framhaldi af
hópavinnu innan forvarnarverkefn-
isins Reykjanesbær á réttu róli
(RÁRR). Þar var starfandi grunn-
skólahópur á árunum 1997 til 1999
og Ellert Eiríksson, þáverandi bæj-
arstjóri, bar upp þá ósk við grunn-
skólahópinn að til væru samtök sem
hann gæti vísað og leitað til þegar
spurningar vöknuðu um viðhorf for-
eldra til ýmissa mála er varða
grunnskólabörn, einhvers konar
samtök sem væru málsvari foreldra.
Þannig varð FFGÍR til en við feng-
um ekki það nafn fyrr en árið 2000.“
Að sögn Sóleyjar er vetrarstarfið
komið á fullt skrið. Fyrr í þessum
mánuði stóð félagið fyrir kynningu
á handbókum foreldrafélaganna á
málþingi hjá Rannsóknarstofnun
Kennaraháskóla Íslands og síðar í
þessum mánuði verða haldin nám-
skeið fyrir alla bekkjarfulltrúa skól-
anna fjögurra. Í næsta mánuði verð-
ur svo fyrirlestur um kynhegðun
unglinga, en sú hefð hefur skapast í
starfi FFGÍR að standa fyrir tveim-
ur fyrirlestrum yfir veturinn, einn
að hausti og einn að vori. Þá er fyr-
irhugað að gera heimasíðu, hanna
merki og ýmislegt fleira. Að sögn
Sóleyjar mun styrkurinn frá
Reykjanesbæ fara í að fjármagna
ýmis verkefni, en einnig til daglegs
reksturs. „Allt starf innan foreldra-
félaganna og foreldraráðanna hefur
verið unnið í sjálfboðavinnu, þar til
við gátum fyrir tilstuðlan Reykja-
nesbæjar á réttu róli ráðið starfs-
mann í hlutastarf hjá FFGÍR, til að
létta okkur störfin. Styrkurinn mun
m.a. fara í að greiða þessum starfs-
manni laun,“ sagði Sóley.
Morgunblaðið/Svanhildur Eiríksdóttir
Margt um manninn: Sóley Birgisdóttir með yngri syninum og félögum hans sem eru að æfa sig fyrir samræmd
próf 7. bekkjar, f.v. Hafsteinn Fannar Barkarson, Hrói Ingólfsson og Kristján Stefánsson. Eldri sonurinn, Máni
Ingólfsson, nýnemi í Fjölbrautaskóla Suðurnesja, kíkir yfir axlir þeirra til að athuga hvernig gangi.
Öflugt vetrarstarf að hefjast hjá foreldrafélögum
og foreldraráðum grunnskólanna
Betra mannlíf í bænum
Sandgerði | Fulltrúi Framsóknar-
flokksins í bæjarstjórn Sandgerð-
isbæjar hefur óskað eftir áliti fé-
lagsmálaráðuneytisins á lögmæti
afgreiðslu meirihlutans á sam-
starfssamningi við Búmenn um
byggingu íbúða- og þjónustukjarna
í miðbæ Sandgerðis.
Tillaga meirihlutans um að ganga
til samninga við Búmenn var sam-
þykkt með fjórum atkvæðum full-
trúa Samfylkingar og óháðra og
Sjálfstæðisflokks gegn þremur at-
kvæðum Framsóknarflokks og
Sandgerðislistans á fundi bæjar-
stjórnar 10. september sl. Heiðar
Ásgeirsson, oddviti framsóknar-
manna, segir í bréfi til félagsmála-
ráðuneytisins að ekki sé ágreining-
ur um að ganga til samstarfs við
Búmenn heldur telji minnihlutinn
að umfang verksins sé umfram
greiðslugetu bæjarsjóðs og einnig
að það sé lagalega hæpið að Sand-
gerðisbær sé að taka á leigu at-
vinnuhúsnæði til að endurleigja.
Eins og fram hefur komið munu
Búmenn byggja húsið og eiga en
Sandgerðisbær tekur á leigu að-
stöðu fyrir bæjarskrifstofur, bóka-
safn og fleiri þætti eigin rekstrar
og einnig óráðstafað rými sem ætl-
unin er að endurleigja til þjónustu-
fyrirtækja.
Álit sérfræðings lá ekki fyrir
Heiðar segist hafa bent á það við
umræður á fundinum að samkvæmt
65. grein sveitarstjórnarlaga sé
skylt að afla álits sérfróðs aðila á
áhrif slíks á fjárhagsafkomu sveit-
arsjóðs, áður en sveitarstjórn stað-
festi samninga um framkvæmdir
sem gilda eigi til langs tíma og hafi í
för með sér verulegar skuldbind-
ingar fyrir sveitarsjóð. Ekkert slíkt
álit hafi legið fyrir við afgreiðslu
málsins.
Óskaði Heiðar eftir áliti félags-
málaráðuneytisins á því hvort ekki
hafi verið skylt að afla slíks álits áð-
ur en tillaga meirihlutans var tekin
til afgreiðslu. Ráðuneytið hefur
óskað eftir viðbrögðum bæjar-
stjórnar Sandgerðisbæjar við er-
indi Heiðars og var það tilefni til
frekari umræðna á síðasta fundi
bæjarstjórnarinnar.
Kvartar til ráðuneytis vegna afgreiðslu meirihlutans
Skylt að leita álits sérfróðra
Afmæli | Í tilefni af tíu ára
afmæli Íþróttamiðstöðvarinn-
ar í Vogum verður opið hús
þar næstkomandi laugardag.
Íbúunum er boðið í sund,
jóga, júdó, eróbikk og þrek og
blóðþrýstingur er mældur hjá
þeim sem vilja. Klukkan 14
verður boðið upp á kaffi og af-
mælisköku. Keppt verður í
körfubolta og Solla stirða úr
Latabæ lítur við um klukkan
16.30. Um kvöldið verður
sundlaugarpartý fyrir nem-
endur úr 8. - 10. bekk grunn-
skólans og unglingar úr
Grindavík koma í heimsókn.
UMHVERFISNEFND Eyjafjarð-
arsveitar útnefnir árlega snyrti-
legasta býli sveitarinnar. Að
þessu sinni kom það í hlut fjöl-
skyldnanna á Þórustöðum II og
VII. Þar búa Örlygur Þór Helga-
son og Margrét Sigfúsdóttir á
Þórustöðum II og sonur þeirra og
tengdadóttir, Helgi Örlygsson og
Vigdís Helgadóttir, á Þórustöðum
VII. Kartöflurækt er stunduð í
stórum stíl á jörðinni. Þá má
nefna að býlin eru þekkt að sér-
lega smekklegum jólaskreyt-
ingum sem vakið hafa óskipta at-
hygli sveitunganna.
Viðurkenning var veitt í hófi í
nýopnuðu Smámunasafni sem
kennt er við Sverri Hermannsson
í Sólgarði, en formaður umhverf-
isnefndar í Eyjafjarðarsveit af-
henti fólkinu áritaðan skjöld
þessu til staðfestingar.
Tilgangurinn með viðurkenn-
ingunni er að hvetja menn til um-
hugsunar um góða umgengni í
sveitinni.
Morgunblaðið/Benjamín Baldursson
Snyrtilegt: Séð heim að býlunum Þórustöðum II og VII í Eyjafjarðarsveit.
Til fyrirmyndar: Sigmundur Guðmundsson, formaður Umhverfisnefndar
Eyjafjarðarsveitar, lengst til vinstri, Jón Helgi Helgason, Vigdís Sigfús-
dóttir og Helgi Örlygsson við afhendingu viðurkenningarinnar.
Snyrtilegast á
Þórustöðum
Norðurljós | Þrjár nýjar sjón-
varpsstöðvar hafa tekið til starfa
að undanförnu, tvær á vegum
Norðurljósa, Stöð 2 plús og Stöð 3
og ein á vegum Íslenska sjón-
varpsfélagsins, SkjárTveir. Það fer
hins vegar lítið fyrir þessum nýju
stöðvum á landsbyggðinni og sam-
kvæmt upplýsingum frá starfs-
mönnum Norðurljósa og Íslenska
sjónvarpsfélagsins er ekki útlit
fyrir að breyting verði á því alveg
á næstunni. Hins vegar er unnið
að því hjá Norðurljósum að koma
Bíórásinni og Popptíví norður í
Eyjafjörð, samkvæmt upplýsingum
frá Pálma Guðmundssyni, mark-
aðsstjóra sjónvarps Norðurljósa.
Pálmi sagði stefnt að því að
Popptíví verði komin í loftið á
þessu svæði innan tveggja vikna
og Bíórásin að öllum líkindum um
áramót.
Íslenska sjónvarpsfélagið sem
stendur að SkjáEinum, hefur nú
bætt við SkjáTveimur en þar er
um að ræða stafrænt áskriftar-
sjónvarp sem býðst öllum þeim
sem hafa aðgang að Breiðbandinu.
Í dag er Breiðbandið aðeins í boði
á höfuðborgarsvæðinu og Húsavík
og samkvæmt þeim upplýsingum
sem Morgunblaðið hefur aflað sér
er lítið að gerast í Breiðbands-
málum á landsbyggðinni.
Guðbergur Davíðsson, fram-
leiðslustjóri SkjásEins, sagði að-
spurður að þegar Breiðbandið
kemur til Akureyrar komi Skjár-
Tveir örugglega líka. Hann sagði
að ef Íslenska sjónvarpsfélagið
fengi leyfi fyrir dreifingu á sínum
merkjum, SkjáEinum og Skjá-
Tveimur, með stafrænni loftdreif-
ingu sé mjög líklegt að SkjárTveir
komi mjög fljótlega til Akureyrar.
Á SkjáTveimur eru sýndar kvik-
myndir og þáttaraðir af ýmsum
toga.
Aðeins M-12 áskrifendur Norð-
urljósa eiga þess kost að sjá Stöð 2
plús en stöðin býður upp á sömu
dagskrá og Stöð 2, með þeirri und-
antekningu að allir dagskrárliðir
eru klukkutíma síðar á ferðinni. Á
Stöð 3 er grín og glens í aðal-
hlutverkum.
Sjónvarpsstöðvum fjölgar
Landsbyggðin
útundan
Starfshópur skipaður | Bæj-
arstjórn Akureyrar samþykkti ný-
lega, að tillögu atvinnumálanefndar,
að skipaður verði starfshópur sem
hafi það hlutverk að fylgja eftir þeim
tillögum og hugmyndum sem fram
hafa komið vegna vinnu við Byggða-
áætlun 2002–2005 og geta stuðlað að
eflingu byggðar á Akureyri. Stjórn-
sýslunefnd leggur til að eftirtaldir
einstaklingar verði í starfshópnum:
Bjarni Jónasson, Guðmundur Ómar
Guðmundsson, Ingi Rúnar Eðvarðs-
son, Marsbil Fjóla Snæbjarnardóttir
og Sigrún Björk Jakobsdóttir.
Áhyggjur af niðurskurði | „Boð-
aður niðurskurður er í hróplegu
ósamræmi við fyrri yfirlýsingar
ráðamanna á sviði heilbrigðismála
svo ekki sé talað um áherslur sem í
orði kveðnu eiga að heita við lýði í
byggðamálum,“ segir í ályktun frá
aðalfundi VG í Norðausturkjör-
dæmi. Þar er lýst þungum áhyggj-
um af boðuðum niðurskurði og upp-
sögnum á Fjórðungssjúkrahúsinu á
Akureyri. Þvert á móti telur fund-
urinn að nauðsynlegt sé að FSA sé
eflt sem móðurskip sérhæfðrar heil-
brigðisþjónustu til að byggja upp
menntun á sviði lækninga og heil-
briðgisþjónustu í strjálbýli. Því beri
að efla hlutverk þess og Akureyrar
sem miðstöð sjúkraflugs, sem og
varasjúkrahúss í landinu.
Konur hittast | Aglow-samtökin,
sem eru kristileg samtök kvenna,
efna til skemmtikvölds í fé-
lagsmiðstöðinni Víðilundi 22 næsta
mánudagskvöld, 20. október, kl. 20.
Dögg Harðardóttir hjúkrunarfræð-
ingur flytur hugleiðingu, þá verður
kaffihlaðborð, söngur og bæn.