Morgunblaðið - 17.10.2003, Blaðsíða 24

AUSTURLAND
24 FÖSTUDAGUR 17. OKTÓBER 2003 MORGUNBLAÐIÐ
Alltaf á laugardögum
Smáauglýsing
á aðeins 500 kr.*
Áskrifendum Morgunblaðsins býðst smáauglýsing fyrir aðeins 500 kr.*
Almennt verð er 1.689 kr.
Pantanafrestur er til kl. 12.00 á föstudögum.
*5 línur; tilboðið gildir til 31. desember 2003.
Hafðu samband! Auglýsingadeild Morgunblaðsins,
sími 569 1111 eða augl@mbl.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
O
R
21
22
0
0
9/
20
03
HANN er vígalegur með tommustokkinn sinn,
þessi bormaður við Kárahnjúkavirkjun. Hann
heitir Þorgrímur Gunnar Eiríksson, starfar hjá
Arnarfelli og á sinn þátt í gerð hjáveituganga
Jöklu sem nú eru nánast tilbúin. Á eflaust eftir að
bora sig inn víðar með tíð og tíma.
  
Morgunblaðið/Sigurður Aðalsteinsson
Víða snúast borarnir
í Austfirðingafjórðungi
Neskaupstað | Það er létt yfir
mannfólkinu á góðviðrisdögum
eins og hafa verið á Austurlandi
nokkra undanfarna daga. Veðrið
virðist líka létta geð málleysingj-
anna, í það minnsta var ekki ann-
að að sjá þegar Bylgja Magn-
úsdóttir og páfagaukurinn Gúrú
urðu á vegi fréttaritara Morg-
unblaðsins í Neskaupstað nú á
dögunum.
Gúrú sem sat á öxl Bylgju naut
greinilega lífsins og kjáði við
fóstru sína í góða veðrinu.
  
Morgunblaðið/Ágúst Blöndal
Þau Bylgja Magnúsdóttir og páfa-
gaukurinn Gúru mynnast á götum
Neskaupstaðar.
Góða veðrið
léttir lífið
Fljótsdal | Nú er hafinn undirbúningur að bygg-
ingu stöðvarhúss Kárahnjúkavirkjunar við Teigs-
bjarg í Fljótsdal. Fosskraft, sem samanstendur af
fyrirtækjunum Íslenskum aðalverktökum, Ístak,
Hochtief og Phil & Sön, er að undirbúa fyrsta þátt
verksins, þriggja kílómetra löng göng inn í Teigs-
bjarg. Innst í þeim göngum verður sprengd hvelf-
ing og stöðvarhúsið byggt þar inni. Um eitt hundr-
að manns verða við vinnu að verkefninu í vetur á
vegum Fosskraft.
Í morgun kom leiguskip Samskipa, Westerland,
í höfn á Reyðarfirði með ýmsar vélar og tæki sem
flutt verða inn að Teigsbjargi í dag og næstu daga
vegna framkvæmdanna. Jafnframt kom með skip-
inu krani sem verið hefur í Reykjavík en fær nú
nýtt hlutverk á hafnarbakkanum á Reyðarfirði. Sá
getur híft allt að 300 tonna þyngd og á fjölmörg
þungbær verkefni sem tengjast virkjunar- og stór-
iðjuframkvæmdum fyrir höndum.
Fosskraft að byrja á
göngum inn í Teigsbjarg
Störf |Samkvæmt upplýsingum frá
Svæðisvinnumiðlun Austurlands
eru nú 278 störf í boði á Austur-
landi. Eru flest þeirra hefðbundin
karlastörf. Vel á annað hundrað
störf eru í boði hjá Impregilo S.p.A.
við Kárahnjúka, en flest þeirra gera
ráð fyrir vinnuvélaréttindum. 112
manns eru nú á atvinnuleysisskrá á
Austurlandi, 36 karlar og 76 konur.
  
Fáskrúðsfjarðargöng |Vel gengur
við vinnu Fáskrúðsfjarðarganga. Í
dag var búið að bora um 500 metra
Fáskrúðsfjarðarmegin og 700
metra Reyðarfjarðarmegin.
Göngin eiga að verða 5,9 km
löng og 7,6 m breið í gólfhæð.
Göngin munu stytta vegalengdina
milli Reyðarfjarðar og Fáskrúðs-
fjarðar úr 50 km í 19 km. Um 70
manns vinna að jafnaði við göngin
og er áætlað að komast í gegn
næsta haust og að frágangur
ganganna taki u.þ.b. ár til við-
bótar. Verkið hófst í apríl sl.
  
LOKIÐ er við að bora og
sprengja tvenn hjáveitugöng
fyrir Jöklu í stíflustæðinu við
Fremri-Kárahnjúk. Önnur
göngin eru 752 metrar að
lengd, en hin 835 metrar. Á
heimasíðu Kárahnjúkavirkj-
unar kemur fram að 3–4
metra þykkar bergfyllur séu
þó hafðar í öðrum enda beggja
ganga til að koma í veg fyrir
gegnumtrekk. Nú er unnið að
því að steypa upp inntaksmann-
virki við hjáveitugöngin og sam-
kvæmt upplýsingum frá
Impregilo S.p.A. er reiknað með
Jöklu verðu hleypt í önnur hjá-
veitugöngin, T2, í áföngum.
Byrjað verður að veita ánni í
göngin um mánaðarmótin nóv-
ember desember en ljúka á til-
færslunni í desemberbyrjun.
Göngunum verður svo lokað með
stálhlerum þegar stíflan er kom-
in upp. Hæðarmunur á vatns-
borði Jöklu nú og T2 göngunum
er 10 metrar.
Af öðrum göngum virkjunar-
innar er það að frétta að í að-
göngum 1 við Teigsbjarg er búið
að bora 974 metra af 1.258, í að-
göngum 2 við Axará 207 metra
af 1.472 og í aðgöngum 3 við
Glúmsstaðadal er ekki byrjað að
bora, en þau göng eiga að verða
770 metra löng.
Lokið við að bora
hjáveitugöng fyrir Jöklu
Morgunblaðið/Sigurður Aðalsteinsson
Nú er lokið við að sprengja hjáveitugöng fyrir Jöklu. Ánni verður brátt veitt í þau og byrjað að und-
irbúa stíflustæðið.
Leikhús |Leikhópurinn Vera á Fá-
skrúðsfirði æfir nú sex einþáttunga
undir stjórn Snorra Emilssonar frá
Seyðisfirði. Unga kynslóðin er í að-
alhlutverki sýningarinnar, því átján
unglingar fara með öll hlutverk.
Höfundar einþáttunganna eru Ólaf-
ur Haukur Símonarson, Finn
Methliu, Elsa Busk og Anna Jórunn
Stefánsdóttir, Jóhannes Geir Ein-
arsson, Guðmundur Bragi Krist-
jánsson og Guðjón Sigvaldason.
Frumsýna á verkin innan skamms.
  
Músík |Nemendum við Tónlistar-
skólann á Seyðisfirði fjölgar stöðugt
og eru nú rúmlega 70 talsins. Þeir
eru á öllum aldursstigum, eða frá
fimm ára og upp í áttrætt. Kennarar
við skólann eru sem fyrr Muff Word-
en og Maria Gaskell, en skólastjóri
er Einar Bragi Bragason.
  
Vinabæjasamband |Bæjarráð
Fjarðabyggðar samþykkti í vik-
unni að taka upp formlegt vina-
bæjasamband við Akranes. Er til-
gangurinn að efla samskipti
bæjarbúa beggja bæja, sér-
staklega á sviði atvinnumála,
æskulýðsstarfs og íþrótta-, menn-
ingar- og menntamála.