Morgunblaðið - 17.10.2003, Blaðsíða 29
LISTIR
MORGUNBLAÐIÐ FÖSTUDAGUR 17. OKTÓBER 2003 29
ÞAÐ er ekki öfundsvert að taka við
hlutverkum af leikurum sem hafa ver-
ið verðlaunaðir fyrir frammistöðu
sína í þeim. Í þessum sporum standa
nú Katla Margrét Þorgeirsdóttir og
Halldór Gylfason á nýja sviðinu í
Borgarleikhúsinu í sýningunni
Kvetch sem var endurfrumsýnd á
miðvikudagskvöldið.
Á fimmtudaginn í næstu viku er ná-
kvæmlega ár frá frumsýningu í Vest-
urporti, en í kjölfarið hlaut sýningin
góða dóma. Hún hlaut svo fern verð-
laun á Grímuhátíðinni hinn 16. júní:
sem sýning ársins, Stefán Jónsson
fyrir leikstjórn, Edda Heiðrún fyrir
leik í aðalhlutverki og Ólafur Darri
fyrir aukahlutverk.
Það verður að teljast djarfur leikur
hjá forráðamönnum Kvetch að taka
verkið aftur til sýningar án þessara
stjörnuleikara. En þannig er mál með
vexti að í upphafi þessa árs sprengdi
Kvetch utan af sér húsnæði Vestur-
portsins og var flutt á nýja sviðið í
Borgarleikhúsinu. Þar gekk allt eins
og í sögu uns Edda Heiðrún hvarf á
vit nýrra verkefna í Þjóðleikhúsinu og
Ólafur Darri hélt til Lundúna ásamt
mörgum efnilegustu leikurum húss-
ins af yngri kynslóðinni til að leika í
Rómeó og Júlíu í Young Vic-leikhús-
inu. Það er augljóst orsakasamhengið
á milli fjarveru þessa hluta leikhóps
síðasta leikárs í húsinu og því að Lína
Langsokkur er eina verkefni Leik-
félags Reykjavíkur sem frumsýnt er
fyrir jól á þessu leikári. Á meðan fá
aðrir leikhópar fleiri tækifæri til að
nýta salarkynni Borgarleikhússins,
eins og í þessu tilfelli. Þegar tækifæri
gefst til að taka sýninguna upp aftur
hlýtur þrautalendingin að verða sú að
æfa nýja leikara í hlutverk þeirra sem
horfið hafa til annarra starfa. Það
verður sífellt algengara að brugðið sé
á þetta ráð í stærstu leikhúsunum,
eins og nokkur dæmi af síðasta leikári
og því sem nú er nýhafið sanna.
Sýningin var upphaflega hönnuð
með þrengslin í rýminu í Vesturporti
og nálægðina við áhorfendur í huga.
Þó að hún taki sig vel út á nýja sviðinu
hefur ekki alveg verið hugað nógu vel
að öllum atriðum. Oft kemur t.d. fyrir
að andlitsdrættir leikaranna eru ill-
greinanlegir vegna ónógrar lýsingar í
einræðunum og tónlistin í upphafi
sýningarinnar var svo hátt stillt að
hafa mátti sig allan við til að greina
auðveldlega allt sem leikararnir létu
sér um munn fara.
Frammistaða nýliðanna í leikhópn-
um verður hér tilefni vangaveltna um
leikara og þau hlutverk sem þeir velj-
ast í. Það er ekki að undra að Katla
Margrét og Halldór hafi tekið að sér
hlutverkin enda þau með því bita-
stæðara sem þeim hefur boðist hing-
að til. Þarna gefst þeim tækifæri til að
vaxa sem leikarar, sem þau grípa og
nýta sér eins og þeim er nokkur kost-
ur. Katla Margrét virðist búa að gíf-
urlegu öryggi og hún naut sín í hlut-
verkinu. Hún var t.d. meinfyndin í
samfarasenunni með öllum sínum út-
úrdúrum. Í atriðinu þar sem Donna
veltir fyrir sér hvernig George muni
bregðast við þeirri staðreynd að ann-
að brjóst hennar hefur verið numið
brott hélt hún á dýpri mið með góðum
árangri, en að vísu svolítið á skjön við
leikstjórnaráherslur Stefáns Jóns-
sonar í sýningunni sem heild. Þetta er
ekki í fyrsta skipti sem Halldór Gylfa-
son hleypur í skarðið þegar einhver
starfsbróðir hans forfallast, að vísu
með mjög misjöfnum árangri hingað
til. Halldór er bestur í upphafi sýning-
arinnar, kemst vel frá leiknum í heild
og bregst ekki bogalistin algjörlega
nema í undantekningatilfellum eins
og í heilabrotum Hals um mögulegt
matarboð sitt. Í raun stendur Halldór
sig betur í þessu hlutverki en nokkru
sem undirritaður rekur minni til að
hafa séð hann leika. Þetta er því gott
dæmi um að leikarar vaxi með þeim
hlutverkum sem þeim eru fengin.
Engar áberandi breytingar hafa orðið
á meðförum Margrétar Ákadóttur á
hlutverki móður Donnu, Felix Bergs-
son er enn meitlaðri og fyndnari sem
George en það gætti örlítils óöryggis í
leik Steins Ármanns í hlutverki
Franks, sem kannski er skiljanlegt
vegna breyttra aðstæðna.
Einn hængur er á málinu, sem vert
er að minnast á. Eins og kom fram í
umsögn Soffíu Auðar Birgisdóttur
sem birtist í blaðinu fyrir tæpu ári
leggur Stefán Jónsson leikstjóri
mesta áherslu á kómíkina í verkinu. Á
tiltölulega skömmum æfingatíma hef-
ur ekki gefist tækifæri til að aðlaga
sýninguna þeim leikurum sem koma
nýir að henni nema að mjög litlu leyti.
Fyrir þann mikla meirihluta áhorf-
enda sem munu sjá sýninguna í fyrsta
sinn með breyttri hlutverkaskipan er
einskis að sakna en þeir sem sjá hana
nú á nýjan leik munu óhjákvæmilega
bera leik nýliðanna saman við
frammistöðu Eddu Heiðrúnar og
Ólafs Darra. Hnitmiðaður gamanleik-
ur þeirra, einstök útgeislun og
reynsla gaf sýningunni svo aukið gildi
að nægði til að koma henni á verð-
launapall. Þó að Katla Margrét og
Halldór Gylfason standi sig framar
öllum vonum verður að draga í efa að
sama væri uppi á teningnum nú.
Hlaupið í skarðið
LEIKLIST
Leikhópurinn Á senunni
í Borgarleikhúsinu
Höfundur: Steven Berkoff. Íslensk þýð-
ing: Ólafur Haraldsson. Leikstjóri: Stefán
Jónsson. Leikarar: Felix Bergsson, Hall-
dór Gylfason, Katla Margrét Þorgeirs-
dóttir, Margrét Ákadóttir og Steinn Ár-
mann Magnússon. Leikmynd: Snorri
Freyr Hilmarsson. Leikgervi og búningar:
Ásta Hafþórsdóttir. Lýsing: Sigurður
Kaiser. Hljóðmynd: Jón Hallur Stef-
ánsson. Miðvikudagur 15. október.
KVETCH
Morgunblaðið/Árni Torfason
Katla Margrét Þorgeirsdóttir í hlutverki Donnu og Halldór Gylfason leikur
Hal í gamanleiknum Kvetch sem er nú að nýju á fjölum Borgarleikhússins.
Sveinn Haraldsson
Listasafn Reykjanesbæjar
Sýningu á verkum Stefáns Geirs
Karlssonar lýkur á sunnudag. Lista-
maðurinn verður sjálfur á staðnum
frá kl. 15 þennan dag. Opið alla daga
frá 13–17.
Sýningu lýkur
ÓPERUTÓNLEIKUM til
minningar um dr. Victor Urb-
ancic, sem vera áttu í kvöld er
frestað til laugardagskvöldsins
25. október, vegna veikinda.
Sýning á óperutvennunni Ma-
dama Butterfly og Ítölsku
stúlkunni í Alsír sem vera átti
það kvöld fellur því niður. Síð-
asta sýning á óperutvennunni
verður sunnudaginn 19. októ-
ber kl. 17.
Tónleikum
í Óperunni
frestað
Í HÖNNUNARSAFNI Íslands á
Garðatorgi í Garðabæ stendur ný yf-
ir sýning á verkum sem komust til
úrslita í nýyfirstaðinni Nýsköpunar-
keppni grunnskólanemenda. Keppn-
in var sú 12. í röðinni. Um 2.000 hug-
myndir voru sendar í keppnina og
komust 52 í úrslit.
Sýningin er opin mánudaga, mið-
vikudaga og föstudaga kl. 13-17.
Sýningin stendur til 29. október.
Ef óskað er eftir að skoða sýn-
inguna utan opnunartíma þá má hafa
samband á netfangið nkg@khi.is.
Sýning á 52
nýsköpun-
arverkum