Morgunblaðið - 17.10.2003, Blaðsíða 41

MINNINGAR
MORGUNBLAÐIÐ FÖSTUDAGUR 17. OKTÓBER 2003 41
✝ Bjarni Jónssonfæddist á Fitjum
í Hróbergshreppi í
Steingrímsfirði 19.
ágúst 1922. Hann
andaðist 10. október
síðastliðinn. Foreldr-
ar hans voru hjónin
María Bjarnadóttir
og Jón Ottósson.
Systkini Bjarna eru
Sigurbjörg tvíbura-
systir, Björgheiður,
Guðrún, Ása, d., Sig-
ríður, d., Hulda, d.,
Pétur og Gylfi.
Hinn 9. október
1943 kvæntist Bjarni Ástu Vest-
mann, f. 4. mars 1925, d. 6. maí
1998. Börn Bjarna og Ástu eru: 1)
María Vestmann, f. 21. nóvember
1943, d. 1. febrúar 1995, maki
Einar Möller. Börn þeirra eru
Kristján, Birgir og Ragnheiður
og eru barnabörnin fjögur. Fyrir
átti María tvö börn, sem hún
missti. 2) Birgir Vestmann, f. 22.
maí 1945, d. 27. febrúar 1966.
Birgir eignaðist þrjú börn, Þór-
önnu, Sigríði og Birgi, en barna-
börnin eru ellefu og eitt barna-
barnabarn. 3) Rut Vestmann, f. 3.
febrúar 1949, d. 13. ágúst 1999,
maki Hámundur Björnsson. Börn
þeirra eru Ragna Peta, Ásta
Bjarney og Rakel, en barnabörn-
in eru átta. 4) Ingi-
bergur Vestmann, f.
11. júlí 1950, maki
Sigríður Gísladóttir.
Börn þeirra eru Sól-
veig, Birgitta,
Helga, Ríkey, Gísli
og Stefán, en barna-
börnin tólf. 5) Jón
Vestmann, f. 29. des.
1951, maki Elín
Hanna Kjartansdótt-
ir. Börn þeirra eru
Auður, Eva Lind og
Thelma, en barna-
börnin eru fimm. 6)
Bjarni Vestmann, f.
24. maí 1961, maki Rakel Árna-
dóttir Börn þeirra eru Stella,
Agnes og Andrea.
Bjarni fæddist á Fitjum í Hró-
bergshreppi og bjó þar til fimm
ára aldurs þegar foreldrar hans
fluttu til Hólmavíkur. Þar ólst
Bjarni upp fram yfir unglingsár
en flutti þá suður og settist að á
Akranesi. Lengst af bjuggu hann
og Ásta í Háholti 19. Bjarni
stundaði sjómennsku lengstan
hluta starfsævinnar, var margar
vertíðir í Hvalstöðinni og síðustu
starfsárin vann hann hjá Hafern-
inum á Akranesi.
Útför Bjarna fer fram frá
Akraneskirkju í dag og hefst at-
höfnin klukkan 12.
Í dag er borinn til grafar tengda-
faðir minn Bjarni Jónsson. Mig
langar til að minnast hans í fáeinum
orðum. Bjarni fæddist á Fitjum í
Steingrímsfirði og flutti til Hólma-
víkur fimm ára gamall með for-
eldrum sínum. Hann var í hópi tólf
systkina en níu þeirra komust á
legg. Á Hólmavík byggði faðir hans
hús sem kallað var Klifið og flestir
íbúar kenndir við það, „Bjarni á
Klifinu“. Bjarni átti sín ungdómsár
á Hólmavík og naut þar hefðbund-
innar skólagöngu og stundaði sjóinn
með föður sínum en faðir hans var
með trillu og lagði Bjarni sitt af
mörkum til heimilisins eins og al-
gengt var á þessum tíma. Ungur að
árum sleppti hann heimdraganum
og ílentist á Akranesi. Þar kynntist
hann konuefni sínu Ástu Vestmann
og giftu þau sig 9. október 1943. Ef
Ásta hefði lifað hefðu þau átt sextíu
ára brúðkaupsafmæli daginn fyrir
andlát Bjarna.
Mín kynni af tengdaföður mínum
hófust fyrir rúmum þrjátíu árum er
við Jón sonur hans vorum að draga
okkur saman. Á þeim tíma var
Bjarni hættur á sjónum og kominn í
land en fram að þeim tíma hafði
hann stundað sjóinn í áraraðir.
Bjarni var mér afskaplega þægileg-
ur og ljúfur í viðmóti og sagði aldrei
styggðaryrði við mig nema þegar
var verið að spila, þá átti hann það
til að skamma mig ef ég setti ekki
rétta spilið út. Á heimili Bjarna og
Ástu á Háholtinu var oft gestkvæmt
og voru allir velkomnir sem þangað
vildu koma og mikið var spilað og
þá aðallega kani. Jafnframt kan-
anum spilaði Bjarni mikið bridds
við þá sem það kunnu og þótti hann
nokkuð góður, þar var hann í essinu
sínu.
Bjarni og Ásta, ásamt systkinum
Bjarna, komu sér upp sumarbústað
í Þrastarskógi. Þar áttu þau hjónin
margar ánægjulegar stundir og af-
drep og höfðinglega var þar tekið á
móti gestum sem og heima fyrir á
Háholtinu. Ég átti því láni að fagna
að vinna nokkur ár með Bjarna í
Haferninum. Þar fór samviskusam-
ur maður með eindæmum, vinsæll
meðal samstarfsmanna og alltaf
léttur í lund. Bjarni var mikil til-
finningavera en bar í hljóði þau
áföll sem hann varð fyrir á lífsleið-
inni.
Ekki er hægt að minnast Bjarna
nema minnast á sönginn hans.
Hann hafði mikla rödd og hafði
ákaflega gaman af að syngja. Ef
farið var í bíltúr þá söng Bjarni, á
mannamótum þegar honum fannst
eitthvað dauflegt átti hann til að
hefja upp raust sína og syngja. Ég
velti því stundum fyrir mér hvort
unga fólkið í ættinni, sem talaði um
Ástu sem „konuna sem kyssti“,
hvort þetta sama unga fólk tali um
Bjarna sem „manninn sem söng“.
Bjarni dvaldi síðustu ár ævi sinn-
ar á Dvalarheimilinu Höfða, þar leið
honum afskaplega vel og talaði um
að ekki væri hægt að hafa það
betra, starfsfólkið væri svo gott og
maturinn eins og á flottasta hóteli.
Bjarni minn, með þessum fátæk-
legu kveðjuorðum þakka ég fyrir að
hafa kynnst þér, fengið að ferðast
með þér og Ástu, innanlands jafnt
sem utan, og verið hjá þér þegar þú
lagðir af stað í síðustu ferðina.
Hvíldu í friði.
Elín Hanna.
Elsku afi minn.
Það er svo mikið tómarúm í
hjarta mínu, því ég veit að ég á
aldrei aftur eftir að heyra rödd
þína, sjá bros þitt eða heyra hlátur
þinn. Við systurnar höfum haft þau
forréttindi að búa nálægt ykkur
ömmu, það hefur gefið okkur mikið.
Þú og amma voruð yndisleg hjón og
manni leið vel hjá ykkur í Háholti
19.
Það er tæplega ár síðan ég flutti
með fjölskyldu mína upp á Skaga
og síðan þá höfum við hist oftar. Við
spjölluðum um allt og ekkert,
stundum þögðum við bara og áttum
tíma saman. Þú talaðir yfirleitt ekk-
ert mikið en það var stutt í húm-
orinn hjá þér.
Ég hef verið heppin að þú hefur
verið viðstaddur stærstu stundir
ævi minnar, þegar stelpurnar voru
skírðar og þegar ég gifti mig í sum-
ar. Þú tókst upp á því að syngja fyr-
ir okkur nýgifta parið og það var
frábært. Við höfum verið saman
mörg jól en nú verður þú ekki hjá
okkur, það verður tómlegt án þín.
Ég var búin að ákveða það að við
ættum eftir að eiga meiri tíma sam-
an.
Ekki bjóst ég við því þegar ég
kom til þín á fimmtudaginn síðast-
liðinn að þú værir orðinn svona
veikur eins og raun ber vitni, ég
hafði verið hjá þér deginum áður og
þá varstu hress. Ég fékk að kveðja
þig áður en þú fórst, segja þér hvað
mér þykir vænt um þig. Ég veit að
þér líður vel núna því þú ert kominn
í hlýjan faðm Ástu þinnar sem tek-
ur brosandi á móti þér og segir:
jæja Bjarni minn ertu þá kominn.
Takk fyrir að hafa verið afi minn.
Ég geymi minningu þína í hjarta
mér og miðla henni til dætra minna.
Þín
Eva Lind.
Elsku afi minn.
Afskaplega er þetta allt nú skrýt-
ið hvernig lífið getur endað snögg-
lega. Við vorum nýbúin að frétta af
hverju þú varst orðinn svona veik-
burða þegar þú kvaddir þennan
heim og ég sem var á leiðinni upp á
Skaga til þín þegar mamma og
pabbi hringdu í mig og sögðu mér
að þú værir farinn. Hvað mér leið
illa því mig langaði svo að hitta þig.
En nú ertu kominn til ömmu sem
ég veit að þú ert sáttur við.
Elsku afi takk fyrir allar góðu
minningarnar sem við áttum saman,
einnig er ég svo þakklát fyrir að
hafa fengið þau forréttindi að alast
upp með þig og ömmu í næsta húsi.
Í Háholt 19 var alltaf gott að koma
og var húsið fullt af lífi og fjöri á
sumrin, þegar allir ættingjarnir
komu í heimsókn. Oftast var ég
mætt fyrst til að taka á móti gest-
unum.
Ég á erfitt með að sjá jólin fyrir
mér án þín, þar sem þú hefur eytt
þeim með okkur í mörg ár, en ég
veit þú verður með okkar á annan
hátt.
Ég sakna þín og mun ávallt minn-
ast þín.
Þín
Thelma.
Elsku Bjarni minn.
Aðeins nokkur orð til að segja
bless og minnast þeirra mörgu ára
sem við áttum samleið í lífinu, en
þau voru nokkuð mörg.
Ég minnist þess þegar þú komst
á Skagann 18 ára gamall og fórst að
skjóta þig í Ástu systur minni. Síð-
an þá hefur mér fundist sem þú
værir bróðir minn.
Fjölskyldur okkar voru mjög
nánar og dætrum mínum þótti afar
vænt um þig og fannst þú vera eins
mikill frændi þeirra og Ásta var
frænka þeirra.
Ykkur Ástu þótti gaman að
syngja og dansa og mig langaði að
tileinka ykkur kvæðið „Ég vil
dansa“ eftir Theódór Einarsson,
sem þið sunguð svo oft.
Á hörpunnar óma við hlustum í kvöld,
mín hjartkæra, draumfagra meyja,
og tunglskinið hefur sín töfrandi völd,
er tónarnir síðustu deyja.
Í hillingum sjáum við sólfagra strönd,
þar svifum við tvö ein um draumfögur
lönd,
og tunglskinið hefur sín töfrandi völd,
er tónarnir síðustu deyja.
Er nóttin oss býður sín litskreyttu ljós,
sem leiftra um himinsins veldi,
þá gef ég þér ást mína, heiður og hrós,
og hamingju á þessu kvöldi.
Við dönsum og syngjum mitt seiðandi lag,
unz sjáum við roða hinn komandi dag,
og þá áttu ást mína, heiður og hrós,
og hamingju frá þessu kveldi.
Vertu blessaður vinur.
Margrét Vestmann.
BJARNI
JÓNSSON
Útfararþjónustan ehf.
Stofnuð 1990
Rúnar Geirmundsson
Útfararstjóri
Sími 5679110, 8938638
Heimasíða okkar er
www.utfarir.is
Þar eru upplýsingar um
allt er lýtur að útför:
- Söngfólk og kórar
- Erfidrykkja
- Aðstoð við skrif
minningargreina
- Panta kross og frágang á leiði
Eiginkona mín, móðir okkar, tengdamóðir
og amma,
SIGRÍÐUR JÓHANNSDÓTTIR,
Ljósheimum 18,
sem lést á Landspítalanum við Hringbraut að
morgni laugardagsins 11. október, verður
jarðsungin frá Fossvogskirkju í dag, föstu-
daginn 17. október, kl. 13.30.
Blóm og kransar eru vinsamlegast afþakkaðir, en þeim, sem vilja minnast
hennar, er bent á skógræktarstarfið í Siglufirði — Jóhannslund, banki
1102-26-2199, kt. 510894 2199.
Henning Finnbogason,
Birgir Henningsson, Gyða Ólafsdóttir,
Ómar Henningsson, Elísabet Pétursdóttir
og barnabörn.
Þökkum öllum þeim sem sýndu okkur samúð
og hlýhug við andlát og útför elskulegrar
móður okkar, tengdamóður og ömmu,
SIGRÍÐAR ÞÓRARINSDÓTTUR,
Hvassaleiti 37,
Reykjavík.
Þórarinn B. Kjartansson,
Þorbjörg Kr. Kjartansdóttir, Jónas Gunnar Einarsson,
Kjartan J. Kjartansson, Lilja Einarsdóttir
og barnabörn.
Elskulegur eiginmaður minn, faðir, fósturfaðir,
tengdafaðir og afi,
HÖRÐUR RUNÓLFSSON,
Austurgötu 22B,
Hafnarfirði,
lést á heimili sínu miðvikudaginn 15. október.
Fyrir hönd aðstandenda,
Hafrún Lára Bjarnadóttir,
Þröstur Harðarson,
fósturbörn, tengdabörn og barnabörn.
Ástkær móðir okkar,
SIGRÍÐUR SVEINSDÓTTIR,
Hraunteigi 22,
Reykjavík,
lést þriðjudaginn 14. október.
Sveinn Óli Eggertsson,
Ingólfur Vignir Eggertsson.
Elskulegi faðir okkar, tengdafaðir, afi og
bróðir,
HRAFN E. JÓNSSON
kennari,
Engihjalla 17,
Kópavogi,
lést á Landspítalanum við Hringbraut miðviku-
daginn 15. október.
Útförin verður auglýst síðar.
Hrönn Hrafnsdóttir, Hjalti Sigurðarson,
Ólafur Hrafnsson, Guðrún Björk Guðmundsdóttir,
Friðrik Páll Jónsson, Unnur Hjaltadóttir,
barnabörn
og aðrir aðstandendur.
Elskuleg systurdóttir mín og vinkona,
KRISTÍN KIRRÝ HALLDÓRSDÓTTIR,
ættuð frá Böðmóðsstöðum
í Laugardal,
andaðist í Malmö í Svíþjóð sunnudaginn
12. október sl.
Fyrir hönd ættingja og vina,
Lilja og Ingimundur.