Morgunblaðið - 17.10.2003, Blaðsíða 16
16 | FÓLKIÐ | FÖSTUDAGUR 17|10|2003 MORGUNBLAÐIÐ
„Afsakaðu íslenskuna mín, ég hef nefnilega ekki búið á Íslandi í níu ár,“ segir Reynir
þegar blaðamaður hringir í hann. Hann er staddur í framhaldsskólanum í Sandefjord
þar sem hann er á öðru ári. Hann er fæddur og uppalinn í Siglufirði en fluttist níu ára
gamall til Noregs og hefur bara komið til Íslands í heimsóknir í fáeinar vikur á ári.
Litlu munaði að hann fengi ekki að bjóða sig fram í norsku bæjarstjórnarkosning-
unum því hann hélt upp á átján ára afmælið sitt 19. ágúst, minna en mánuði áður en
kosningarnar fóru fram.
Hann hefur haft áhuga á pólitík frá því hann var 13–14 ára en fór fyrst að láta til sín
taka í fyrrahaust þegar hann skráði sig í Framfaraflokkinn, norskan hægriflokk. Þar var
hann beðinn að taka sæti á lista í sumar þar sem hann var áttundi maður á lista fyrir
kosningar. Hann segir að hinir bæjarfulltrúarnir 38 hafi tekið vel á móti þessum pilti
sem er langyngstur í stjórninni og útlendingur í þokkabót.
„Við fjölskyldan höfum alltaf talað mikið um stjórnmál við eldhúsborðið heima. Þeg-
ar ég fór að skoða flokkana og spá meira í þetta fannst mér þetta enn meira spenn-
andi. Svo þegar maður byrjar að taka þátt er ekki hægt að hætta.“
Hverju telur þú brýnast að bæta úr fyrir ungt fólk?
„Ég ætla að beita mér fyrir því að ákveðnum reglum hér í bænum verði breytt en
samkvæmt þeim mega unglingar yngri en tvítugir ekki vera á veitingahúsum. Það er
ömurlegt því þá þurfa krakkarnir alltaf að keyra til næstu bæja til að fara út eða vera
heima í partíum og drekka þar sem ekkert eftirlit er. Það er miklu betra að krakkar geti
komið saman á einhverjum stöðum þar sem passað eru upp á að allt sé í lagi.“
Blaðamaður spyr hvað honum finnist þá um íslenska skemmtistaði þar sem fólk
kemst almennt ekki inn nema það sé orðið tvítugt. „Ha, er það virkilega svoleiðis? Það
hlýtur að vera rosalega leiðinlegt að þurfa að vera tvítugur til að gera allt. Mér finnst
verða að vera einhverjir skemmtistaðir fyrir yngra fólk.“
Reynir ætlar líka að vinna að því að efla félagsaðstöðu unglinga í bænum og vill að
þeir fái sjálfir frjálsar hendur í að skipuleggja hana.
„Ég vil að krakkar fái að stjórna sér meira sjálfir, ekki að allt sé ákveðið fyrir þá. Til
dæmis vilja krakkarnir setja upp hjólabrettaaðstöðu í bænum, ég vil að stjórn-
málamennirnir hjálpi þeim að koma sér í gang en þau fái að skipuleggja hana sjálf.“
HÆTTULEGIR VEGIR
Auk þess að vera bæjarfulltrúi er Reynir formaður nemendafélagsins í skólanum
sínum annað árið í röð og varaformaður ungliðahreyfingar Framfaraflokksins í fylkinu
sínu svo hann ætti að hafa nóg fyrir stafni. Hann er ekki viss hvort betra er að vera í
Noregi eða á Íslandi.
„Íslendingar eru ánægðari með landið sitt og sjálfa sig en Norðmenn, og unga fólkið
er jákvæðara og hressara. Norðmenn væla svo mikið því þeir eiga allt of mikla pen-
inga og vita ekkert hvað þeir eiga að gera við þá. Þeir eiga 8.000 milljarða íslenskra
króna inni á bankabók sem veldur þeim miklum áhyggjum. Þeim dettur samt ekki í hug
að setja þá í sjúkrahús, skóla eða byggja almennilega vegi en núna eru þeir lélegir og
hættulegir, til dæmis er dauðaslys á þjóðveginum í hverri viku.“
Reynir stefnir á að koma til Íslands í háskóla þegar hann er búinn með mennta-
skólann eftir tvö ár. „Ætli maður fari ekki í stjórnmálafræðina og reyni að bæta ís-
lenskuna. Mig langar að koma heim. Sjáðu, ég segi líka ennþá heim þótt ég hafi ekki
búið á Íslandi í níu ár.“ | bryndis@mbl.is
Íslendingar
ánægðir með sig
Reynir Jóhannesson rétt náði að verða átján ára í ágúst áður
en hann var kjörinn í bæjarstjórn Sandefjord, 40 þúsund
manna bæjar í Suður-Noregi. Þar mun hann meðal annars
vinna að því að fá aldurstakmark inn á skemmtistaði lækkað
og efla félagsstarfsemi unglinga í bænum.
ÁTJÁN ÁRA Í BÆJARSTJÓRN Í NOREGI
Það tekur Helga Rafn Hróðmarsson, nýnema í MH, hálf-
tíma að setja upp hanakambinn en hann er hættur að
nenna því á hverjum morgni vegna versnandi veðurs.
„Hann á það til að fjúka út um allt í miklu roki,“ segir þessi
sextán ára nýnemi sem er á náttúrufræðibraut í MH. Helgi
hefur litað kambinn í öllum regnbogans litum en grænn og
fjólublár eru uppáhaldið hans. Til að setja upp kambinn
bleytir hann hárið, klínir geli í það og blæs það síðan. Þá
getur kamburinn haldist uppi í nokkra daga.
Helgi er gífurlegur aðdáandi rokkarans Marilyn Manson
en hlustar einnig á hljómsveitir eins og Cradle of Filth og
hinar norsku Dimmuborgir. Sjálfur spilar hann á trommur í
hljómsveitinni Genocide sem tók þátt í Músíktilraunum en
komst ekki í úrslit. Hann er líka mikill áhugamaður um
hryllingsmyndir og fylgist með fótbolta. | bryndis@mbl.is
Morgunblaðið/Árni Sæberg
ROKIÐ
SKEMMIR
NORÐMENN VÆLA LÍKA
SVO MIKIÐ ÞVÍ ÞEIR EIGA
ALLT OF MIKLA PENINGA
OG VITA EKKERT HVAÐ
ÞEIR EIGA AÐ GERA VIÐ ÞÁ